船皇 (厚福街) (已結業)

因為疫情關係 幾個月都冇得去旅行喺尖沙咀行街見到呢間泰國船麵即刻坐低食碗船麵止下癮當去左泰國😅員工十分友善船麵幾好食 湯底香濃 仲可以加錢轉和牛不得不讚佢哋個龍眼冰 健康得來又完全消除近排嘅悶熱

正呀去吾到泰國都食到正宗船麵我覺得個湯底同泰國街邊啲船麵湯底好似我飲埋個湯都吾會覺好口渴麵底有四款揀亦有三個辣度佢特定時段會有細碗船麵提供 咁就可以同朋友share之餘仲可以試晒佢啲吾同配料牛腩炆得入味鬆軟牛肉片同牛丸都係正常一定會約埋朋友再去食👍🏻👍🏻👍🏻

座位舒適，衛生意識好好，讚。餐牌：唔講咁多，即刻講食物。船皇撈麵麵底揀咗油麵，配料包括：牛腩、牛肉、牛肉丸、雞絲、雞翼、豬肉、豬肉丸、豬潤。另外有香脆炸豬皮。豬肉及牛肉丸彈牙，並有牛肉、牛腩、豬肉富有口感。而撈麵既醬汁，調味剛好，唔會過鹹，可口惹味。船皇湯麵麵底揀咗金邊粉，另+$5升級至重量級和牛湯麵，和牛質感香軟。湯底香濃，加上多款配料熬製，適合濃湯友。配料炸豬皮，酥脆可口，不覺有豬皮腥味。泰國串燒有辣汁、沙嗲醬、泰式燒烤醬三款醬汁供配搭。雞肉配沙嗲醬屬穩陣之選，沙嗲醬有點微辣，惹味可口。泰式燒烤醬加豬頸肉則一般。秘醬通菜加咗魚露之後更好味，秘醬略嫌太少，整體味道還好。泰式凍奶茶奶茶用冰碗盛載，好有特色，令溫度可以長期保持冰涼，亦唔會有融冰影響味道嘅問題，保持奶茶適中甜度。下次要嗌中辣👻幾滿足，會再黎食🤤

好耐都冇出去行街，今日去咗尖沙咀shopping , shopping 前梗係要食返啲嘢先有力買嘢🤣🤣🤣去咗尖沙咀最多嘢食嘅厚福街覓食，都有一段時間冇食過船麵，所以就入咗呢間試一試睇吓好唔好食先！呢度有湯麵同撈麵兩款俾你揀👇🏻仲有尖沙咀分店限定嘅串燒👇🏻小食同飲品也有不少選擇😍面類有四款，分別蛋麵，米粉，金邊粉同河粉加$1 就可以升級和牛，不過留意只限湯麵🍜豬肉，豬肉丸，豬潤湯金邊粉船麵湯底濃郁，豬肉半肥瘦岩岩好，口感一流，豬肉丸好彈牙，有好多塊豬潤，足料，抵食！船皇湯河粉，加$1 升級左和牛，和牛肉質好嫩滑，入口即溶，牛腩又夠林身，又好入味，豬皮香脆，河粉好特別，係濶身大塊嘅👍🏻泰妹雞翼，炸得香脆可口又唔油膩，配特色香辣醬食增加層次感燒蘆筍，蘆筍新鮮美味，燒得剛剛好😋後記：今日留意到呢度有泰國人黎食，證明呢間小店應該幾正宗👍🏻👍🏻👍🏻

同朋友做完尖突然間想食泰國嘢，酸酸辣辣好開胃，走咗入食街咁岩見到依間叫船皇幾特別，裝修尚算特別幾有泰國特色。點左兩個船皇湯麵加底貪佢唔使諗（$66）強烈建議大家加辣，其實之前都食過船皇，佢嘅湯底酸酸辣辣好開胃好正，係有種魔力吸引你再嚟食多次👍🏻非常適合夏天。而且佢都好足料，不同肉類都喺晒度，真心滿足。之後叫咗個秘醬通菜（$14）因為太好食嘅關係，好食到唔記得影相，佢嗰醬又係以酸味為主，非常吸引舌頭。最後覺得佢啲烹調調味好吸引所以忍唔住叫多咗三串辣味魷魚鬚（$42）燒得好香口，濃濃的魷魚香籠罩着口腔，而且佢個沙嗲醬酸酸辣辣都好吸引，令人流晒口水呀！雖然啲食物係有佢嘅魔力有佢吸引之處，但係依度又唔提供水，又冇牙籤，呢兩點真係認真要改善啦，不過整體來講主要都係想泥食嘢所以食物質素OK就得啦，而且佢價錢亦都幾抵。

呢段時間喱左係屋企咁耐，我諗都係時候要出去搵下野食啦，係尖沙咀遊左個圈都諗唔到食乜，就走入厚福街睇下，點知就比呢間簡簡單單既舖面吸引左我，見到個有幾碗細細碗就覺得好特別，岩哂好細食既我，第一次食呢個船麵原來又真係咁鬼好食，仲有我最愛既炸豬皮🤤之前係泰國食過好好味既炸豬皮後，就一直念念不忘，係呢度終於比我食返嗰種味道同口感啦，3碗仔一啖就食完既麵🤣下次要食大碗先得呀🍵😋因為真係太好味啦🤭🤭

係尖沙咀行街就去左厚福街搵食啦搵左呢間泰式船麵既鋪頭船皇 Tiew Ruea Tor Charm星期日六點幾唔算多人好快就可以入去食嘢坐位間隔都幾舒服唔會太窄佢牆身用左橙色做主題有D東南亞風幾襯佢尼間鋪頭幾得意佢張餐牌貼係牆上面大大張好清楚幾醒目你見其實佢都幾多choices俾我地揀不過我唔想揀所以就直接叫左船皇湯麵食🌐雞絲雞翼湯河 $48佢個湯底真係唔錯又有魚湯味幾濃郁加埋其他配料Jeng!!!同埋米粉索晒啲湯汁，夠味啊！不過要快啲食咪佢太lum就唔掂啦🌐船皇湯麵(加$1 升級和牛船皇湯麵) $59唔洗諗野既人揀佢就得乜嘢料都有牛腩、牛肉、牛肉丸、雞絲、雞翼、豬肉、豬肉丸、豬潤麵底有四款揀我揀左蛋麵因為比較有咬口彈牙🌐泰國水果冰 $18好正啦熱辣辣既天氣飲翻杯水果冰透心涼啊

經朋友介紹，來到厚福街，由街頭走到街尾都是餐廳，中西泰日韓應有盡有，最後選擇了平民價錢的船皇泰國餐廳。裝修不錯，大家疫情關係單向座，隔板貼滿餐牌，我們二人光顧，點了船皇湯麵和船皇撈麵，還有泰妹雞翼和菠蘿串燒。船皇湯麵都很足料，有和牛、牛丸、雞翼、雞絲、豬肉、豬肉丸和豬潤，我覺得湯底不錯！至於撈麵，比較重口味。另外雞翼和菠蘿沒有特別，如果你們去試，可以試試其他串燒。飲品方面，有熱柚子蜜糖茶和泰仔奶茶。奶茶略甜，但賣相十足，加分！

好掛住泰國呀，相信好多香港人都一樣喺疫情下已經被困香港就嚟半年！邊度都去唔到知道船皇都有啲名氣，同價錢好平，今日就同朋友去尖沙咀算係望梅止渴舖頭係偏長形，格式比較似香港傳統麵食鋪頭，廚房同收錢最近門口位置入面座位都算好多，可以坐廿幾個客餐牌都幾多選擇，唔錯本身朋友想試撈麵，諗住叫個細撈麵，但細麵只有午市11am-2pm先有，咁唯有下次再食天氣好熱，胃口都唔係特別好所以我地叫咗一碗船皇湯金邊粉share，再另叫啲小食咁大碗咁多肉食都只係$58，好平餸有雞翼、雞絲、豬肉丸、豬腩肉、牛腩、牛肉片同牛丸，仲有一大舊炸豬皮咁啱呢晚豬膶買晒無得食湯底睇落都幾濃，食落反而係清清地，自然嘅咸，加少少酸辣醬汁好好味食緊先睇到呢個優惠，下次要食埋和牛飲品佢用咗金屬嘅碗嚟裝，好冰凍我嘅菠蘿冰就偏健康，無另外落糖朋友嘅凍柚子檸檬梳打就有汽，更加清新小食炸春卷（$22）做得好好外皮好薄同香脆，入面隻蝦好甜😍牛舌（3串$48）都幾厚，味道唔錯都算易咬呢個價錢同份量，質素又唔錯，真係超抵食如果喺炎熱天氣下店內冷氣風扇開大啲就更好😂

今年應該都冇得去旅行，所以留喺香港消費都特登搵啲唔同國家嘅嘢食。係附近商場行完，黎左厚福街，好多舖頭都要等位，被呢間專食船麵嘅專門店吸引左！好似幾抵食咁！叫左一個撈麵一個湯麵再加一啲串燒。船皇湯麵🍜加一蚊升級左做和牛🐮可以揀唔同麵底。我地要左河粉，配料有牛腩，牛肉丸，雞絲，雞翼，豬肉，豬肉丸，豬潤，超級多配料啊！一上菜已經聞到碗麵好香，飲下啖湯先，超級香濃！佢條河粉超大篇唔係幼身個種！吸收埋湯底啲味道真係好正！加咗一蚊嘅和牛，雖然唔知來自邊度，但都好好食，肉質好嫩！食到最後我差唔多飲晒啲湯底🤣🤣🤣雞絲雞翼撈麵，我揀咗蛋麵，撈麵汁都唔錯嘅，甜甜地，幾開胃！但係同個湯麵對比就真係比下去！十分推薦湯麵超好食😋至於串燒方面，叫咗魷魚鬚，牛舌，豬頸肉，有三種醬汁可以揀，泰式辣汁，沙嗲醬，泰式燒烤醬。三個之中我覺得燒魷魚係最好食嘅，我哋揀咗泰式燒烤醬，我最鍾意呢個醬汁，甜甜地好好味！另外牛舌配左泰式辣汁，辣汁唔算好辣，係好惹味既！豬頸肉就得一條，不過好鍾意佢個油脂香味😛最後仲叫左青檸梳打，飲品唔算特別但係特別之處在於佢用一個泰式碗裝住，個碗超級冰涼好得意！見到下午茶時間都好抵仲有小食送，回頭率極高

疫情關係我同朋友嘅工作量度大減，收入大減。所以呢排我哋都搵啲價錢相對親民嘅小店幫襯下。今日就去咗尖沙咀厚福街“船皇“食泰式車仔麵。我哋叫咗一碗 船皇撈麵(大碗)$58，大大碗已經有齊曬所有嘢例如雞翼，肉丸，牛腩，豬潤等等 。 而家天氣咁熱食碗麵 個份量就啱啱好唔會好滯 。另外餐廳係所有嘢嘅價錢都係 十零廿蚊左右。兩個人就可以叫一碗麵兩份食加啲串燒小食就剛剛好。我哋仲喺咗一份泰妹雞翼$22，一堆串燒一個通菜同兩杯嘢飲， 泰式青檸梳打給泰式龍眼冰嘢飲個器皿好特別， 增添咗泰國風味，埋單都係一百蚊鬆啲，但係已經食得好滿足。呢度雖然係泰菜，但係普遍食物都唔算辣 ， 而且位置仲喺尖沙咀厚福街十分方便 ，性價比嚟講，普羅大眾一定啱食。

之前食過銅鑼灣分店見到店內有文宣，又幾好食，所以決定幫襯多次～不過今次係去尖沙咀分店！我哋當日係 #五一黃金周 去嘅，但成條厚福街每一間黃店都要排隊，唯獨是呢一間一個人都冇🥺所以我邊食邊懷疑自己有無幫襯錯🙈整體來講，價錢同質素都合理，幾適合想快快手食個飯嚟食✨.tried the causeway bay branch previously and thought it was pretty good 😆 decided to try the tst branch! overall, the meat quality is average but their beef bone soup is pretty good 👍 their spicy sauce is nice as well if you into spicy 😋 decent quality at a fair price! definitely come check this place out!.《船皇湯麵》$58 😋😋《牛腩牛肉片牛丸湯麵》$52 😋😋呢度嘅肉質就不過不失啦，主要都係食佢個湯底～湯底都真係做得幾出色

尖沙咀厚福街出名多美食，自從受到疫情影響，少咗好多遊客，"搵食"都易過人! 呢啲時勢當然要幫襯下良心商戶～今次搵嚟呢間食泰式菜嘅小餐廳，第一次試，幾滿意係度嘅用餐體驗先讚後彈啦，抵讚之處：一去到啲餐具（筷子同匙羹）已經放好咗係杯水度！餐牌全部都貼晒係板／牆上，清晰容易睇之餘，又唔使怕人人都用手掂過揭過唔衛生！麵嘅種類、辣度都任君選擇，不過有啲怕揀咗小辣對我嚟講都太辣，見到枱面有提供辣椒粉，可以自己落嚟調味最好不過！我同朋友都揀咗湯麵同升級優惠，我嘅叫"和牛船皇湯麵"，佢嘅叫"重量級牛船皇湯麵" ～ 啲和牛片切到好薄，而且份量都唔少下，果然同一般牛肉好唔同呀！ 我個嗰除咗牛肉片，仲有雞翼同好多丸子，非常豐富！啲河粉同普通港式食開嗰啲都唔太一樣，厚啲大塊啲，好似張被咁，哈！我朋友就話覺得嗰金邊粉可能配撈麵會夾啲好食啲@@menu寫住尖沙嘴分店限定嘅串燒，咁一場嚟到一定要食下啦 ～我哋揀咗泰式燒烤醬，好惹味。 特別鍾意佢個串燒沙嗲雞肉，燒得好靚，啲雞肉又靚仲有就係，d 串燒全部都係等我哋食完個碗麵先上，時間啱啱好，唔怕放到凍晒，又唔怕食食下味道比較濃嘅麵食串燒遮晒啲味。 我嘅泰式水果冰同朋友

好耐都冇食過泰國嘢，今日同朋友去尖沙咀食飯，就去咗依間小店。因為疫情嘅關係，座位同座位之間都有隔板，感覺上都幾衛生同令人放心。我同朋友兩個人，就試咗一個船皇拉麵同埋船皇撈麵。-朋友嗌既拉麵加$5升級到重量級和牛，即係成碗都係和牛😍湯底十分濃郁，蛋麵沾上美味嘅湯汁，又真係幾好食喎！升級後，全部配菜都轉哂做和牛，如果想食多幾樣餸，就可以加$1，升級做和牛船皇湯麵，雖然和牛冇咁多，但就有返本來嘅咁多種配菜。和牛味道好好，配上湯汁，非常惹味！如果和牛上碟嗰陣冇咁熟，口感一定更好。-船皇撈麵入邊有勁多配料，包括牛腩、牛肉片、牛肉丸、豬肉、豬肉丸、雞絲、豬皮、雞翼。牛腩煮得好入味。豬皮脆卜卜，好香口。撈麵加上芫荽、蒜蓉等等，滿足晒鍾意食濃味食物嘅我，麵底再加上其他相對比較淡味嘅食材，配搭好match，好好食呀。豬肉用上腩肉，牛肉就係肥牛，食落多一分豐腴！-泰式炸蝦卷，啫係蛹蝦脆卜卜熱辣辣嘅外皮，加上夾口嘅蝦肉，點埋酸酸辣辣嘅泰式辣醬，-飲品就點左泰式凍奶茶同泰式龍眼冰我哋都未試過用呢啲碗嚟飲嘢，感覺都幾特別喎，夠哂泰式風情😂奶茶唔會過甜，口感香滑；龍眼冰用咗新鮮龍眼肉，唔錯。

一碗湯麵一碗撈面，辣醬可以另上。凍飲用銀碗送上，好有風味，但碗身好凍。泰式菠蘿冰有兩片新鮮菠蘿喺入面。泰仔熱奶茶眼見顏色比港式奶茶更橙一點，更有期待，係泰國風味奶茶ge味道。泰式炸蝦巻外面脆卜卜，入面隻蝦爽口。