舞茶道 (已結業)

同幾個FD食完飯一人一杯奶茶!我果個係台式奶滑珍珠奶茶!同其他珍珠奶茶唔同!!呢個好重奶味!估計應該落左好多花奶!唔似係用奶粉溝!!由於本身比較喜歡多奶少茶,所以覺得好好飲,好特別!!仲要只係10蚊,唔算貴~但D珍珠就麻麻地喇,冇咩味!!SIZE係唔大唔細!!而另外個FD叫左仙草奶茶!!少糖既!!佢果杯做既特價10蚊已經係大杯!!佢果杯都係好重奶味,不過唔同既係冇我果杯咁甜!!D仙草就冇咩特別~總之真係唔錯,值得再試一試!!…Read More

行過腦場, 見又有台灣茶店, 由於最近開得太多了, 本來沒有太大興趣的, 但見有一些小吃及炸雞的香吁, 不防一試, 嘩嘩嘩! 估不到有大驚喜!飲品不多講了, 不過不失, 尚算正常, 但比較甜, 一定要叫小甜, 除非你比較喜歡飲糖水.....,小吃有比較大路的鹽酥雞, 雞軟骨等..我沒有太大興趣試, 再看下去, 有比較少見炸冬菇, 炸四季豆...立即買來一試...嘩! 不得了....囋囋囋! 是台灣的"豪大大"炸雞排的鹽酥味道喔!炸冬菇, 冬菇醃了數分鐘, 再上炸粉炸, 炸粉是鹽酥雞的鹽酥炸粉, 香口到不得了, 台味十足 !炸四季豆, 很像上海菜的干偏四季豆, 但沒有肉未, 四季豆不會炸的太乾身, 加上椒鹽 , 十分可口, 很有驚喜! (我本在香港沒有吃過)沒想到這樣的小吃店, 比起很多主打台菜的吃店更有台味! 下次一定要encore...!PS: 一定要提醒大家, 炸冬菇因為要即醃, 起碼要醃7-8數分鐘之後再去炸, 所以要等15分鐘以上, 之前店員沒有講, 呆等了20分 鐘 ! >_<…Read More

食完蝦子撈，女友表示喉嚨有點乾，想起黃金商場附近有間舞茶道，遂提議去買杯仙草奶茶解渴。兩個月前，曾在台灣瑞芳幫襯過舞茶道 Tea & Cafe，喜歡它的濃郁茶底，印象甚至比當地大受歡迎的 50 嵐和歇腳亭更為深刻。香港的舞茶道跟台灣的沒任何關係，反而是內地企業東莞舞茶道飲料有限公司 Teabucks 的分支，兩者的中文名稱竟然完全一樣，實在非常巧合。天雨關係，我們來到的時候，店外沒有其他客人，要了一杯細的仙草奶茶 ($10)，不一會就拿到手了。吩咐了少甜少冰，輕啜一口，茶味濃厚彰顯，仙草質感軟滑，輕輕咀嚼後就可以把它吞下，水準總算令人滿意。正想將手上的茶交給女友，她卻突然耍手拒絕，原來她始終覺得台式奶茶太甜了，倒不如入七仔買支道字牌烏龍茶更好．．．結果，我響劉森記飲完支可樂，轉頭又來多杯仙草奶茶，這晚真是肥死了！相關連結：東莞舞茶道飲料有限公司 (Teabucks) http://www.wuchadao.com台灣舞茶道 (Tea & Cafe) http://www.sadou.com.tw…Read More

每次去深水埗一定會去買杯飲, 好飲過仙X岩及仙X林, 價錢又抵!男友至愛北海道黑磚奶茶, 好香北海道奶味, 黑磚甜甜滑滑好有咬感, 有別於港式奶茶, 本人較愛飲台式奶茶!柑桔蜂蜜, 飲得出真材實料用蜂蜜沖唔係加糖水, 不過用多咗蜂蜜見意少甜. 都唔錯!我買咗杯蜂蜜綠茶俾朋友仔, 但原來佢一向都唔飲蜂蜜綠茶, 見我買咗就飲吓啦, 飲咗後佢問我係邊度買? 佢話都好飲!最欣賞呢間啲飲品全人手調及真正用茶泡! 不過就真係較甜, 似足台灣口味, 香港人買一定要講少甜, 就完美!…Read More

晚上準備回家，經過這裡發現飲品四一送一，時值炎夏，不妨一試。我選了熱情果茶，男友選了黑磚奶茶。兩杯才十元，便宜得很。不過人太多了，等了好久才有。兩杯都叮囑少糖，不過甜度好像都不低。而熱情果茶味道尚算正常，不過男友的黑磚奶茶就只有奶味，讓人受不了。而所謂的黑磚，就是類似jelly或涼粉的物品，沒有特別。看來下次要喝，都是選一間有信心的才喝吧。…Read More

琴日同左d fan去左呢頭買野,行過見開左間台式茶店就買來試下,點知d小二好似發緊夢,十問九唔應,又唔出單比人,又比錯飲管人,又比少左一杯野比人.....做咩...叫左杯長城紅茶,茶味一般,不過唔算貴,$12有杯茶飲,都飲得過o既.…Read More

冲繩黑磚奶茶加珍珠$10 + $2佢個廣告好似好有來頭，話好多度都有分店，但係佢又開喺唔係咁多人流嘅位奶茶好甜，冇茶香，珍珠好甜:(，唔夠煙韌佢勝在個黑磚有啲吸引力，有黑糖香:)，有咬口酸梅冰茶加黑磚$10 (七折，原價$14)淨係得個甜字:(，一啲酸梅味都冇，係啲黑磚有咬口，先吸引啲咁解好彩佢有七折，如果唔係仲肉痛…Read More

想給店東一個機會改善我對此店的印象，誰知更令我失望。當天的舞冰系列七折故就點了舞冰一號，這是紅豆仙草芋頭刨冰，點了後收銀員想收我正價經我提醒才記得打七折。在等待的期間一直留意著其服務，看樣子似是新人所以手腳有點慢不打緊，但竟然反問客人有否拿了發票就很有問題了，有人更沒拿到發票…之後又有人點了舞冰系列，結果給我聽到又收了正價，我都已經提醒了一次還收錯…等到我的刨冰出爐以為是另一個客人而不是我的，明明就只有兩個人點了我還要等了好久…說回刨冰，配料只是剛好合格，紅豆過份甜，芋頭用最外層導致軟硬不一，仙草跟街市買到的差不多。冰底問題就大了，大如嬰兒手掌的有冰三塊，如嬰兒手心的冰塊也有四五塊，家裡的冰都沒那麼大，黑糖漿看似倒了很多，然而只是溝水做成，冰塊開始溶化後其味跟喝水差不多，結果吃到一半就丟了。…Read More

最近台灣茶店開到七彩不過唔係間間都好飲我飲過有啲飲兩啖隨手掉落垃圾桶既都有舞茶道係水準暫時我最滿意既一間呢間店一星期唔知5日定7日, 每日有不同系列既茶做7折所以兩次飲過唔同款因為貪佢當日個類有7折芋香奶茶 - 芋香夠香, 奶茶夠滑 ~~ 正沖繩黑磚奶茶 - d 黑色啫哩狀既野, 正到爆, 微甜又有淡淡咖啡味 - 個人極力推介個人十分推薦既台式茶店…Read More

本人十分喜歡台式飲食, 飲盡食盡台式飲食店, 最近到深水埗黃金買野, 行到身水身汗, 出來之后就到一間叫做舞茶道的台式飲品買左杯冬瓜茶, 十分解渴, 又好清熱氣喎, 真係沒得頂!! 跟住再入去黃金行一陣, 出來又叫左杯蜂蜜綠茶加珍珠, 有些飲品店係加糖漿, 但原來佢地係用全蜂蜜去整, 好有蜜糖味. 同台灣本地的蜂蜜綠茶沒分別, 珍珠的質素亦與一般好不同, 口感很好, 好味指數爆晒燈!…Read More

買了一杯珍珠奶茶，一杯蜂蜜綠茶。最基本的兩種台式茶，兩杯都超難喝。男友的珍珠奶茶全杯奶味，terrible！我的蜂蜜綠茶，蜂蜜竟是苦的，impossible！結果兩杯都喝不完，扔了。夜晚買一送一，不過限一半特定飲品。雖然$10兩杯，$5一杯，很便宜，但太難喝，我寧願付貴些喝好的，才不要虐待自己！…Read More

認識這間店不是在任何食評網而是在討論區，而且是一致盛讚，心想質素一定不錯，再看openrice還未有劣評就試試看。此店的位置不算太好，顧客很少都不用排隊。點了南台灣冬瓜茶，等不到一分鐘就有了，拿上手……沒冰？再喝一啖……很淡，如果以某白色罐冬瓜茶的濃度為10單位，這杯只有4以下，再看杯身貼紙有兩張，不會是之前有人點了不要然後給我吧？從相片看到下面的貼紙序號為03上面則是331，時間下面是15:4x上面是16:37，恐怕這假設沒錯。雖然我對這沒所謂，但省了一杯飲品卻壞了名聲一點也不值得。另外我看到有vip卡，收銀員卻沒有給我和另外的西裝客，但我就聽到她對著光顧的女學生說什麼有八折，我想應該是vip卡吧。雖然學生再光顧的機會大很多，總不能厚此薄彼不給我和西裝客吧？就算我轉身就會扔了卡，挑顧客的行為始終會記憶猶新。不過其冬瓜茶在我吃完合益泰的腸粉，吃完晚飯，相隔五六小時也能間中回味起來，難道冬瓜茶也能回甘？P.S.不同系列的飲品於不同日子會有七折…Read More

上星期係一間日本野食晚飯, 食完之後本想去ok買雪糕食, 點知冇wor咁見佢側邊個間野賣台式飲品, 但就鬼咁多人(約9點幾10點)問一問男友要唔要試下, 我地係門口見到好多choice, 最後男友點了<仙草奶茶>我自己就好穩陣咁要左個<峰蜜綠茶> (想試下佢個茶底ma)2杯野正價係$10 -500cc, 唔知係咪做promotion, 買一送一呀~ 講返呢2杯野先.. 其實本小姐大大話話都飲過好多間, 貢x, come x, happy x ...飲o來飲去都飲唔到台灣個隻茶同奶茶味 >.<但呢間Teabucks (好難記佢個名) 真係好好好好接近台灣既味~~~仙草原來係d好似jelly既條條, 比珍珠口感更好同冇咁飽我個杯綠茶就勁啦, 堅係有蜜糖呀!!!! 唔係個d 溝出o來ga, 飲完之後好舒服! 上次太好飲飲晒冇影相!不過今晚應該會去買多次, 因為我係住ssp 既, kakkaap.s. 記得唔好咁晏去買, 我個晚買個時差唔多咩都比人買晒! …Read More

最初，台式茶飲店只有輕鬆飲和happy lemon，但隨著這兩家店大受歡迎，就引起了一窩蜂700ml茶飲店的開設。當然，有更多競爭才會有進步。可惜，不少茶店都是敷衍了事，真的有用心做的卻是少之又少。所在這個暑假中，我就嘗試到不同的茶飲店，發掘出比較好的幾間，介紹給大家。而行程中的第一站的當然是我居住的深水步。以深水步為例，短短地鐵站口的兩條街道就已經有三間茶飲店。新天地是最受歡迎的一家，初開業的時候，我還覺得是不錯的，頗有茶香味珍珠也很ｑ。只是人怕出名豬怕肥，當顧客多了，就開始重質不重量，甜味假而且珍珠軟膩膩的。現在即使減價促銷，我也不會再買。幸而，在這充斥濫竽充數的茶飲店的市場，尚有用心經營的舞茶道。（不是在賣廣告的！）算是半個熟客的我飲過不少類型的茶，以下是我的小小推介：１）抹茶紅豆冰沙($15)如果有飲開starbucks 的greentea frapa. 就一定會喜歡這個。本身抹茶沙冰已經好飲，再配上紅豆和鮮cream，絕對會透心涼。而且相比起starbuck，呢度d冰磨得更碎更滑，價錢也更便宜，是我的必飲之選。２）冰鎮冬瓜茶 （$12)冬瓜茶不像涼茶，但就有回甘的味道，甜味自然。但可能比較寒涼，買杯小size的會好！３）冰鎮冬瓜茶（$12)絕對有綠茶香味，無左平時果種人工的感覺，不過要少甜/少蜂蜜。就如上一篇食評的食家所講，他們之所以能夠保持每一杯飲品的質素, 秘訣就是親自試飲。調茶的人會在最後落杯比客人之前同一個小杯子倒一點先自行小嘗。看似不衛生的舉動（應該在暗角比較好，不要被客人誤會），卻隱藏著最基本對客人對食物的尊重。在經濟學中，大規模生產的初期的確有經濟利益，但一過份生產卻會有弊處。希望舞茶道能在大規模生產的同時，依然能保持質素，不要步上別家失敗的後塵。…Read More

現在700ml的茶飲店開得快如7仔一般真的用心做, 又有質素的少之又少貢茶, 日出茶太及葵涌廣場的那一間是眾多之中較好但如果是一個飲開中國茶(尤其是濃茶) 的人來說, 上術三間還是有一點距離叫走甜, 還是覺得只是一般ok有茶味然而, 舞茶道的茶濃程度, 是要叫3分糖才能較易入口我已經是這裡的常客, 目標是成為vip(50個印) 買茶有8折(全中國港澳適用)我常飲的有 (全是個人喜愛, 不是其他味道不好)1) 冬瓜茶 - 如果有飲開台灣的大罐心茶道 (統一)的人, 一定會喜歡這個. 而且叫走糖的話, 甜度比罐裝的還低2) 烏龍茶 - 走糖後, 茶味濃, 跟自己平常沖的一樣, 應該只有台灣的茶裹王 紅色包裝的特濃版可比較 (我在台灣常飲, 香港好像只有吉之島間中的台灣食品節有賣)3) 烏龍奶茶 - 上面的茶, 加上如茶餐廳一般的滑奶, 如果有飲過翠華的奶茶, 這個就是烏龍茶版4) 抹茶奶綠 - 茶餐廳一般的滑奶, 濃濃的抹茶味, 不叫三分糖, 會很苦(中過招一次)!!!5)烏龍+青茶/綠茶 - 不叫三分糖, 會很苦(也是中過招)6)薑母茶 (熱)- 薑辣, 正這店子經常有試飲派, 最怕你不試, 最好給feedback以陣子剛開業的時候, 老板常在店子中較少人流的時間訓話全部員工, 又教他們工作可見老板真的是用心經營而且他們之所以能夠保持每一杯飲品的質素, 秘訣就是--親自試飲:)他們每一次(如買同一口味多杯) or 不同口味各杯, 調茶的人都會在最後落杯比客人之前同一個小杯子倒一點先自行小嘗, 合格後才會出爐而且他們也有咖啡出售, 每一次都是即磨, 雖然我沒有飲過 (因為我已經中了咖啡因毒)不過其他客人的咖啡真的很香, 而且在你落單時店員會很清楚表明因為是即磨而所作需時, 客人有權選擇買或不買其實, 我有點擔心...d staff一日試飲咁多....會不會出事....變肥/因為對奶過敏而肚痛/中咖啡因毒不過, 好的店子, 就是值得一推怕不合口味的可先小試牛刀買杯小size的愛飲茶的人不可錯過!!…Read More