臺坊 (香江大廈)

營業中

休息中

今晚同朋友黎灣仔食飯，想食台灣野，就試下呢間。呢度位置好近地鐵站，好方便。店舖牆上放左好多台式食物相。同朋友睇完餐牌，決定要手撕雞肉燥拌麵、炸豆腐肉燥飯、珍珠奶綠同小麥胚芽奶茶。手撕雞肉燥拌麵，手撕雞幾嫩滑，份量都算多，肉燥味道都唔錯，加埋配料醃菜同滷蛋，中和肉既香濃感覺，將所有野連麵一齊撈埋食，好食😋炸豆腐肉燥飯，炸豆腐外脆內軟，好香口🤤，搭配肉燥同滷蛋，好有台灣風味。珍珠奶綠，珍珠甜而不膩，而且夠彈牙，奶綠味道惹味，加埋黑糖珍珠，成杯感覺甜度岩岩好。小麥胚芽奶茶，呢杯朋友叫既，但我都飲左啖😁多左小麥胚芽增加成杯奶茶口感，好飲😋

一講台灣牛肉麵，好多餐廳都賣差唔多1百蚊，但呢度只需65蚊，仲要大大碗，我同媽咪分黎食，加埋杯野飲，當午餐都夠飽。呢度牛肉麵有兩款，分別係紅燒和香辣。落單時問店員得悉香辣有得揀少辣，所以只能食5小辣既我都揀左香辣牛肉麵。牛腩夠軟夠入味，仲要有成3大舊。湯底濃郁但不油，飲左幾啖都唔覺口渴，少辣辣度同5小辣差不多。牛筋好滑，有d咬口，配埋紅白蘿蔔，好豐富。麵可揀幼麵或加$6轉刀削麵，我就揀左幼麵。份量真成好鬼多，夾左一大“住”，都仲有咁多係個碗度。最重要係麵既味道不差，滑身得黎，仲有d麥香，就算食得慢，浸得耐都唔會一夾就斷。呢杯香芋珍珠奶綠既珍珠有黑糖味，口感夠Q彈，無死實實。香芋味道自然，少甜甜度同一般屋仔奶差不多，對我黎講岩岩好。珍珠份量有接近2份之3杯，飲完好滿足係灣仔站A出口行天橋過黎唔洗5分鐘，好方便。全部野食都好似幾有台灣特色。

呢日黎駱克道睇廁所裝修，順便食個下午茶，hea一下。行過見呢間小店絡繹不絕，不斷有客進出，睇下menu見價錢不高，自己又好耐無食台灣野，於是入左去食少少野當下午茶。Menu主要係台式麵飯、小食和飲品。呢杯係水蜜桃梳打跟餐只需$12，提供成罐玉泉梳打水比我自己沖，夠凍又夠氣，好爽。水蜜桃糖漿好夠水蜜桃味，沖哂成罐玉泉加埋冰，都夠味，仲要無死甜，味道夠自然。蒜香岩漿煙肉蛋餅有成4大件，$45價錢好合理。個餅皮煎到好爽脆，夠酥香。餡料好豐富同足料，每啖都有蛋同煙肉，配埋餅皮上少許既蒜蓉同Cheese，味道有層次得黎，不會過重，真係有d台灣夜巿既感覺。店舖不大，大概可容納20人，但裝修企理簡約，食得幾舒服。

一早食過尖沙咀臺坊了😳呢到比我印象都係大件夾抵食，肉燥係我最愛，不論係配飯定係麵都正！原來灣仔都有分店，揀好嘢食就可以自己去收銀嗰度落單！因為好肚餓，所以要食飯🫣配我最愛嘅鹽酥雞，冇諗過佢咁大兜，有四件大大件鹽酥雞，外層脆內裏嫩，肉燥有少少甜味，食落香口上面仲有啲酸菜粒，令成個飯有更多層次。另外我都好鍾意佢哋嘅辣椒油🫣每次食佢哋肉燥飯都會加少少辣椒油，更加好食！嘢飲方面，揀咗黑糖仙草凍🤭有得少甜，所以味道啱啱好，黑糖味道香濃，整體感覺都好好。

去開灣仔，辦完文件，又到午餐時間，突然想食台灣野，行左一陣，經過見到臺坊，睇落都幾吸引，就試試看吧！我大約2點到，都幾多人，幸好等了5分鐘就有位了臺坊的坐位也算闊落，坐得舒服，看完餐牌，決定點鹽酥雞肉燥飯，加杯水蜜桃梳打鹽酥雞肉燥飯 $63台灣風味的便當盒上餐, 鹽酥雞好香口，有5塊，大大件，炸得好鬆脆，入面好多肉汁，外脆內軟，剛做好熱辣辣，好好味，仲要有半隻鹵蛋，夠入味! 肉燥超多，有肉味得黎又唔會話好肥膩 ，上面仲加左菜譜，更有口感，送飯一流，食完成個飯仲有肉燥剩，份量好足，夠哂飽，性質比高😀 水蜜桃梳打 (跟餐 +$12)單售原價 $26臺坊嘅飲品係有得跟餐，好似珍珠奶茶等嘅台式飲品加$8就有，唔似某些台灣店要特地叫一杯嘢飲，今次就叫左杯水蜜桃梳打，跟餐都係加$12。有罐梳打水，冰同水蜜桃汁就另上，好冰凍好正。性價比高，食物質素唔錯，下次再試試招牌紅燒牛肉麵同珍珠奶茶😍😋 

臺坊 📍灣仔駱克道137-147號香江大廈地下A號舖呢間台灣麵食店～牛肉麵好出名今日來一試究竟🤭👍🏻香辣牛肉湯麵🍜$65轉刀削麵+$6 。刀削麵麵質彈牙～入口軟熟👍🏻。牛肉佢比左牛坑腩位置我🥹♥️炆得超入味～筋肉分明～口感好有層次牛肉濃湯🍲。湯底超正～非常濃香～我飲哂成碗禁仔材料好足～。牛腩、牛筋各有2條、配埋紅、白蘿蔔食完超滿足～另外～必試佢地自家辣醬睇到花椒、八角材料加左辣醬落牛肉麵更惹味～珍珠奶綠+$8 我叫左少甜～淡淡綠色味～珍珠煙靭～埋單$80都唔使～好味抵食之選

This restaurant has been open for a while and mainly focus on Taiwanese food. Today, I decided to try this Taiwanese restaurant.I ordered the Shredded Chicken with minced pork, which is really torn to pieces and is easy to eat. The chicken taste is quite nice. The dried meat is more fragrant, and it can be top-notch when eaten with white rice.I also ordered Chrysanthemum Tea, which is quite good to drink in a cool day with the the above meal. Although the seat too many, most of the people are wa

平時放工返屋企都會經過呢間臺坊，今日終於有時間過黎坐低食個下午茶啦😌😌臺坊食物選擇都幾多，有滷肉飯、拌麵、冷麵同特色小食，我個下午茶就食得light啲揀個蛋餅同珍珠奶茶啦🥰🥰🥰🌟芝士肉鬆蛋餅 ($45)所有蛋餅都係即叫即整，製作需時大概7至10分鐘，餅皮好煙韌，配上邪惡既芝士拉絲同肉鬆，趁熱食就最正😋😋🌟珍珠奶茶 ($21)飲品方面梗係飲珍珠奶茶啦🧋，跟餐價$8就試到超值，黑糖珍珠口感煙韌，呢個下午茶大滿足呀💯

一直都知道臺坊呢間餐廳嘅存在，但因為舖頭店面面積比較細，午膳時間多數爆滿，所以一直都未有機會去食。早排因為夜晚要踢波，所以要早啲食晚飯。咁啱前幾日見到同事喺臺坊外賣自取，賣相幾吸引，於是今日特地去餐廳食飯。臺坊嘅套餐係會全日供應，而好似珍珠奶茶等嘅台式飲品加八蚊就有。相比特地叫一杯嘢飲，呢個配搭相當廉宜。今次叫咗個鹽酥雞肉燥飯，再加珍珠奶綠。首先鹽酥雞炸得非常鬆脆，但炸皮唔會硬，凍左都唔會覺得摻口。肉燥比起市面上其他食店唔會太鹹，比較適合香港人口味。肉燥當中亦都加咗少少菜脯，為肉燥增添口感。珍珠奶綠方面，珍珠有咬口之餘唔會太韌，唔會出現咬到咀軟嘅情況，甜度亦啱啱好。奶茶茶底茶味足，即使冰塊溶哂，嘢飲仍然好有味。今次食飯經驗唔錯，有機會要試下其他菜式。

臺坊其實係尖沙咀都有間分店，之前食過一次好好食😋所以今次經過灣仔又見到，就好自然入咗去食haha坐位比尖沙咀多好多，而且闊落好多👍🏼坐得舒服餐牌同尖沙咀似乎一樣!!我記得佢嘅紅燒牛肉麵好食，所以今次類似咁叫🤣紅燒牛肉麵 $65性價比高😱果然係招牌菜!!有紅蘿蔔白蘿蔔，仲有勁多牛腩牛根😍全部牛都好淋，牛根食完個嘴有黐住㗎!有collagen👍🏼里個分量真係無得輸!!湯底好濃好香，麵質亦都高質，係真正嘅麵條👍🏼跟餐加$8要咗杯珍珠奶茶🧋同樣地令我無失望😆珍珠好煙煙韌韌!!唔會淋唒一pat!茶底竟然係我至愛嘅伯爵茶😍半糖令件事無咁甜，好balance!鹽酥雞肉燥拌麵 $63鹽酥雞好香口，有4舊！入面好juicy!外脆內軟，唔會好多炸粉😋仲要有溏心蛋半隻，超好食好入味!肉燥超多，拌唒成個麵仲有肉燥剩🤣跟餐加$12 香芋珍珠奶茶高質咼！入面有咬得至嘅香芋絲，略略覺得半糖都有小小甜！但好好飲！香芋控必叫啦👍🏼👍🏼

好耐無食台灣牛肉麵！咁啱過開嚟呢邊，知道臺坊有「招牌牛肉麵」就去咗食啦😸🍜紅燒牛肉麵 $65麵量多，又足料，一碗份量已飽！細食的話，一碗麵可夠2人分。而正常食量的話，order一碗麵加一款小食，2人分都會夠飽肚～紅燒牛肉，3條大大嚿牛腩條，唔韌唔嚡，炆煮得好軟好腍！肥瘦比例又啱啱好！ 牛筋，直情係炆煮成jelly狀，一放入口即溶化，勁軟滑腍！紅蘿蔔、白蘿蔔，亦炆煮得好入味！湯底口味似港式車仔麵的濃香版腩汁，肉味重，岩晒平時鐘意加腩汁的J妹～重點！店員建議試吓佢哋自家製麻辣油，J加咗2匙到湯底，好正！🤤 麻辣油，八角味香，完美令湯底昇華！水蜜桃梳打 (跟餐 +$12)單售原價 $26_______________臺坊 (香江大廈) (灣仔)灣仔駱克道137-147號香江大廈地下A號舖_______________

呢間店嘅野食款式唔會攪太多花臣，反而專注做經典台灣野食，包括肉燥飯類、牛肉麵、拌麵湯麵同台式蛋餅等等。嗌左個招牌紅燒牛肉麵（轉刀削麵）～幾推介要試下佢地嘅刀削麵，粗身煙韌有口感，我覺得超級滿意😍牛肉麵有齊牛腩牛筋、白蘿蔔紅蘿蔔，好足料👍啲牛腩牛筋炆到好冧，連平時唔食牛筋嘅我，都被吸引，好好食丫，同埋啲料又好索湯入味🤤野飲跟餐有優惠，我嗌左個幾養身嘅熱菊花杞子茶～成個餐total $79, 係抵架～～仲以為過左最旺嘅lunch hour會少人啲，點知係keep住坐滿。等我下次就岩tea time黎試埋啲小食！！

之前食過尖沙咀店，知道灣仔又有一間，經過開就嚟食一食簡簡單單叫咗一個香辣牛肉麵+ 小麥胚芽奶茶牛肉麵比想像中辣， 係我想要嘅味道我自己其實係又想食牛肉又想食牛筋，不過佢冇牛筋腩呢個選擇 ，但黎到有驚喜，因為裏面都有啲牛筋喺度，而且牛肉成條、夠淋麵底冇我想像中咁淋，有少少咬口，有台灣麵嘅感覺 我好鍾意啲麵夠完整，唔會散收收夾得起成條食有紅蘿蔔同白蘿蔔做配菜夠曬入味飲品揀咗小麥胚芽奶茶走甜，真係走咗甜唔錯唔錯因為坐低個位對正個廚房，睇落個廚房都算乾淨整齊門口有得自助外賣點餐，下次經過可以買個外賣返屋企食保持一貫水準， 下次經過再嚟食過

喺灣仔附近橋下見到一間台式野，有位就入去試吓，叫左一個鹽酥雞肉燥撈麵大概5分鐘左右食物就來到，係用一個字兜載着；我一路等面嘅時候，都聽到有啲廚房既炸油聲音，相信佢即刻整嘅所以熱辣辣鹽酥雞炸得好脆，好香大大粒，再配埋肉燥，唔會話太乾，味道啱啱好；撈面既面質適中，係圓柱形嘅另外我嗌咗一杯杯牙珍珠奶茶，奶茶嘅味幾好，唔會太甜唔會太漏；珍珠有口感，再加埋啲杯牙，覺得都幾好味除咗撈麵，呢度都有傳統嘅牛肉麵、飯，小食 例如蛋餅，下次可以再試

今日去咗灣仔處理啲文件，整完嘢都係食晏嘅時候，喺A1出口附近原來都好多食肆，而且仲好多人排隊添，今日就選擇左食一間台灣餐廳。臺坊，餐廳門口好多人等外賣，入面都坐到滿晒人。不過等咗一陣已經有位。望吓個餐牌都好多選擇，我點嗰個鹽酥雞肉燥飯。餐廳上菜嘅速度都好快，鹽酥雞有六至七粒，每粒size都算大。雞件炸到好酥脆，入口有少少鹽香，好香口惹味，雞肉仲係好嫩滑多汁。肉燥飯好有台灣口味，肉粒香甜，用嚟撈飯真係好開胃紅燒牛肉麵$65，職員一放低碗麵，我已經聞到好香嘅牛肉味，仲要熱辣辣，仲見到好大件嘅蘿蔔同埋紅蘿蔔感到好健康，蘿蔔非常甜仲要吸晒啲牛肉嘅精華，非常林身，容易入口，又冇渣，不得不提嘅當然係牛肉，仲有兩件牛筋，非常爽口，而牛肉又唔會鞋口，脂肪同肉質嘅比例平均，汶到非常林，有濃郁嘅牛肉味道，台灣面嘅軟硬度啱晒我口味，仲要非常彈牙食完之後仲飲埋個牛肉嘅湯底，食到舔舔脷, 大大碗，非常足料，仲加埋蔥花，真係色香味俱全小麥胚芽奶茶，荼味香濃，奶味香滑，非常濃郁嘅奶味，底部有小麥胚芽，仲有少量珍珠，有咬口食落去又煙煙韌韌，建議先搖勻再飲用味道，又健康又好味，最重要係咁炎熱嘅天氣飲番一杯凍冰冰嘅飲料，