至尊重慶雞煲 (創興廣場)

營業中

休息中

每次一想食雞煲，第一時間一定係諗起至尊重慶雞煲，咁多年都係同一班朋友仔嚟呢度打雞煲邊爐，呢度任食最開心，野食又好味😋又唔駛就住點野食👍🏻今次一家三口一齊黎食，連我囡都話正💯其實都試過唔同地方嘅雞煲，至尊重慶雞煲係我食過最好食嘅任食雞煲，之前睇過薑檸樂條片，原來可以免費加雞一次，真係好抵食！如果想食得再盡慶啲，可以喺lunch time時段去，就可以無限時任食❤️記住跟住佢餐紙上嘅雞煲3步曲咁食，食完一round雞唔好加湯住，跟住落花膠、水魷魚同牛柏葉，煮一陣先再加湯打邊爐，就會好入味！任食雞煲最爽嘅地方就係任食之餘，仲可以任飲，同埋任食甜品雪糕🫶🏻😍價錢又唔貴真係好抵食！至尊雞煲絕對係我食過性價比最高嘅任食雞煲～

兩個人都唔知食乜嘢，今次就去咗重慶雞煲食任食火鍋加雞煲啦，環境 夠曬大，地方都ok嘅，食物質素方面都係正常，因為性價比高， 任食火鍋可以透過智能電話app自助落單， 食得最多嘅都係牛肉！！！！！yummy yummy yummy!!!! 仲有好多唔同種類嘅食物，食到我地2個停唔到口啊！！ 飲品方面佢都好多選擇，一般可樂，橙汁，汽水，茶類都應有儘有， 飲飽食醉之後仲有甜品任食， 食得最多嘅就係雪米 糍，有芝麻味香芋糯米雲呢拿味任君選擇㖭

這個冬天不太冷. 冬天真係好想打下邊爐 知道呢一間喺旺角任食嘅火鍋店cp值高 仲要唔使加一👍㊗️等我約下屋企人喺新正頭期間嚟啦 好特別呀呢度地方裝修寬敞 💕我哋揀咗個bb辣嘅至尊重慶雞煲 真係好嫩滑 好入味 分量唔會太 多夠曬兩個人食 😋食埋啲開胃涼菜 木耳青瓜雞腳 之後我加湯就可以打邊爐啦 其他打邊爐配料方面有現成刨嘅 😋雪花肥牛肩胛肉眼黑毛豬梅花🍜好新鮮啖啖肉呀嗰個煲湯底夠曬熱之後就自助點菜啦🙍選擇有大概30零款 我哋就點咗 響鈴 墨魚仔 芝士腸 豆腐 烏頭 等等嘢飲都係任飲非常之多選擇🍻🍺我就鍾意嗰個Bear tap 一路打邊爐一路飲啤酒真係好爽呀 🍾🍚邊度坐得好舒服大量嘅卡位啱曬一班人嚟慶祝打邊爐ice cream 🍨🍦有薄荷味 伯爵味 豆腐味 嘅雪糕成人晚餐唔使200蚊真係覺得好超值

🔺 至尊重慶雞煲 (創興廣場) (旺角)🔻一開波先黎一個半隻雞煲，份量十分，舊舊雞都啖啖肉，雞煲醬勁惹味，愈食會愈濃味，我揀阻小辣，唔會辣到食唔到。另外+$20/位 仲可以任食埋個雞煲，超抵食！🔻任食火鍋配料方面有成2-3x 款，推介鵝腸、牛柏葉、炸枝竹，另外我叫呢個係B 餐，有肩胛肉眼、雪花肥牛、黑毛豬梅花、廣島蠔可以任食～🔻飲品方面就有多款罐裝，紙包同樽裝飲品，飲酒既話仲有生啤asahi任斟，總有一款岩你飲😊🔻最後仲有多款雪糕任揀任食😍

天氣凍咗，想食雞煲火鍋暖下胃，醒起之前食過嘅雞煲好惹味，仲有卡位坐得舒服。 🍗我哋先試下微辣，原來都唔能夠睇少，可能因應咗重慶傳統口味， 比其他餐廳嘅微辣更加辣同有後勁。🤣之後，食走辣配料唔多，有少許洋蔥等，未夠香口。 雞肉唔算啖啖肉。 🍲食完雞煲已經非常飽， 加上火鍋配料選擇唔多，只係點咗升級專區嘅肩胛肉眼、雪花肥牛、黑毛豬梅肉同廣島蠔，正常發揮，廣島蠔雪藏到未溶晒冰。平時食火鍋最常叫嘅冬菇、金菇質素還好，但係響鈴唔夠脆口。 自助區有涼拌小菜，包括涼拌雲耳、麻辣拍青瓜同泡椒雞腳，仲有自家製放落火鍋嘅水餃。 🍹飲品 除咗大眾化嘅罐裝紙包飲品，仲有啤酒同埋自家斟Someby 蘋果酒。 🍨雪糕同雪條種類幾多，有2 款本地牌子大板牛乳同Cocoberry嘅雪糕，仲第一次見到Cocoberry嘅水果味雪條。呢間餐廳主攻雞煲，好鍾意食雞煲又愛辣就輕易回本，不過對火鍋配料就降低期望。

上星期六，2023年1月28日，係食評度见到呢间有二百几人话好的店舖，就去试食咗佢的鸡煲火锅无限时午市放题，一点多入坐但要四点半前离坐，仲每人加20蚊，有所謂广岛蚝同埋好啲嘅牛肉。首先就上咗一个重庆鸡煲小辣，不过一食就知道中伙，好明显係啲雪鸡，味道就比较偏鹹，我哋4个人应该就唔够1隻鸡嘅份量，好彩冇每人加20蚊鸡煲饮食，否则感觉仲伏。跟住，只系加啲清水入个鸡煲度做火锅汤底，简直连大排档都不如，佢唔会同你另外换煲或提供任何嘅汤底选择。所謂加錢比较好啲嘅牛肉、广島蚝，就系雪到成旧冰咁攞嚟俾你。其他火锅配料選擇又少，又唔好食，连其他火锅店最常見嘅水饺、云吞……都冇。最值得一提又难忘嘅就係啲所謂花胶，根本上就係好似擦子胶咁，滚成半个钟头都咬唔入，都唔知係啲乜嘢胶。又冇甜品，只有一、二款本地牌嘅雪糕。总括……係去错地方，相比起其他位於创兴中心另二間火锅店，根本上係唔值咁嘅价钱，以后都唔会再去。

好多年無食至尊重慶雞煲，尋晚同朋友聚會又揀返黎食佢。無人食辣所以要唔辣嘅雞煲，兩個人份量雞都幾好多，一貫咁惹味。調味料幾乎唔需要用，因為個雞煲已經好濃味。我地點嘅係B餐，有肩胛肉眼呢個係肩胛肉眼，好薄身好通透呀吓。脆肉鯇都ok好味，份量多。肥牛真係好肥，我搞唔掂，無食到。脂肪含量極高，鐘意食肥牛嘅人應該ok ke。由於掛住同Fd食野吹水影左好少野。但我覺得係度同朋友吹水火鍋真心係ok ke，因為飲品好多款，瘋狂食雞煲飲野吹水真爽。因為可以食2.5小時，唔駛太趕住交檯，我見我夠鐘交檯都無人趕我走，因為出面無人排隊，咁都幾好，無咁大壓力。最後我反而食好多菜，好少肉，因為太濃味啦個雞煲，煮菜反而好食好多，佢d菜都好新鮮爽脆，百令蚊個人任食算係咁，都唔好要求太高。

今日得10度🥶放左工同屋企人去食雞煲 上到去6點左右 已經有10幾枱食緊 好彩呢到好大 有好多枱而且店員都幾多 因為去到6點30個時已經八成滿 好誇張完全無諗到 有啲一大班12 13人上黎 下次想上黎食都係book位會穩陣啲雞煲我哋嗌左小辣🔥黎到都算多雞同埋都幾滑如果覺得鹹及或者辣嘅話 可以加少少清湯 每台都放咗一半喺枱面 方便客人自己加💛除咗雞煲之外 出邊仲放咗啲餃子同埋啲前菜，鳳爪、雲兒、拍青瓜等仲有好多嘢飲可以比你簡 除咗仲有啲解膩嘅水果茶、王老吉 當然唔少得有可樂、雪碧、忌廉啦另外仲有好多唔同款式嘅啤酒 總有一款啱你飲😙呢度係用QR code落單👍🏻嗌咗啲丸、牛肉同菜類 每樣都唔錯。最緊要啲牛肉唔肥 咁就食得幾條都唔怕😆食完雞煲同打邊爐梗係要食返啲凍野啦 咁先係一個完美嘅晚餐 佢嘅雪糕有超級多選擇 多到眼花撩亂 完全唔知揀邊款好😂最後我都食咗三四杯先走人🤣

Chongqing Chicken casserole + hotpot all you can eat@MK旺角重慶雞煲火鍋任食My families and I went to a restaurant called "Supreme Restaurant" （至尊重慶雞煲）located in 16/F, Chong Hing Square, 593-601 Nathan Road, Mong Kok旺角彌敦道593-601號創興廣場16樓We chose Set B dinner buffet set which costs HKD$198 per adult for hotpot all you can eat within 150 mins..All customers can enjoy 4 different flavours of chicken casseroles on an unlimited basis by addes HKD$20Supreme Chongqing Chicken casserole-至尊重慶雞煲(回味無窮).Pepper pig s

好耐都冇出街 #打邊爐啦 可以周圍食嘢呀 新年期間 有啲打邊爐就暖笠笠啦 好耐都冇食過呢種任食嘅 #火鍋放題 真係物超所值 飲品種類多 雪糕任食 #任飲 肉類都有好多款揀 一次過食曬想食嘅嘢 呢度位置寬敞有卡位 坐低之後呢好快就上咗個 #至尊重慶雞煲 啦 啲雞肉好濃味 好嫩滑 加咗佢個汁醬真係好惹味 今次有少少辣 食完雞煲之後加咗湯就開始打邊爐啦 先嚟嘅梗係肩胛肉眼 同埋雪花肥牛啦 啖啖肉 放落湯度煮滾十秒 秒就食得 加埋 蒜蓉豉油 嘅醬料 好味道 如果唔落食原味一樣好味 呢個B餐係任食肥牛同埋廣島蠔嘅 廣島蠔 濃味濃郁 可以食個夠本 其他肉類丸類蔬菜都好足夠我最鍾意嘅係海膽丸 爆漿啦 腸仔呀魚蛋等等 脆玩骨腩 都好鮮甜邊打邊爐邊飲住啤酒呀可樂凍飲 都幾爽呀 冬天打邊爐暖笠笠 之後可以encall返幾杯牛奶公司雪糕 作為一個甜蜜蜜嘅總結 呢度上菜速度快精準 座位都寬落寬闊 同朋友一大班嚟gathering啱曬

講真，好耐無食過任食雞煲。因為質素麻麻，只係但求填飽個肚。不過今日食完有啲改觀，可以再食喎！叫咗小辣嘅重慶雞煲。雞件大細適中，完全係一口size上菜嘅時候洋蔥已經炆到好淋，即刻可以食，呢點好值得讚記得第一round食完雞唔好加湯住呀～～～跟住佢放花膠水，魷魚，牛柏葉乾炒真係超級正有冇朋友都同我一樣好鍾意濃味食花膠彈牙爽口，放落湯就會煲到太淋，咁樣食係最滋味！牛柏葉好掛汁，超正點少得濃味牛叫左B餐，可以另點肩胛肉眼，雪花肥牛黑毛豬梅花肉同埋廣島蠔雪花肥牛，顏色有光澤，唔係平時雪到瘀瘀黑黑咁。食落油脂味香，口質軟滑。肩胛肉眼幾有驚喜。牛味比雪花肥牛重，肉質厚實，但唔韌脆骨腩，必點爽口彈牙，鮮甜，無腥味飲品種類好多竟然有龜苓膏仲有鴻福堂飲品食咗咁邪惡嘅雞煲，飲番啲養生，清熱嘢，自我安慰下先

個QR cord落單一次野吃都無送過黎，次次都係要叫Staff過黎入去拎牛肉薄過紙就基本，連丸類同其他食物都係垃圾下欄level，仲要未提八點幾已經有野話賣曬冇豉油冇配料乜都無，大佬啊 蒜頭都無你不如執左佢啦兩個鐘吃得三轉野，全場等等等，如果你中意比兩舊幾飲汽水我推薦呢間如果唔係同場任何一間都好過佢，你唔信睇下其他差評，已經唔係一般個隻差，係直頭垃圾希望你地入去吃之前睇到唔好中伏啦。..............................

雞煲旺角大把我呢平時就食開呢一間，至尊雞煲！ 簡直係抵食！ 性價比高，上嘢食超快環境夠大舒服，就算坐齊人都唔會好大油煙一坐低就叫佢上雞煲揀咗中辣D雞夠晒入味除咗肉係要用紙仔畫之外，其他都係可以用QR code自己網上order我呢個係set b 入邊有豬，肩胛牛同埋牛肩胛有自選小食部另外仲有調味料部，但係其實佢本身啲嘢食都好夠味，所以我個人覺得唔需要用另外鍾意佢哋有個好大嘅雪條櫃，有勁多雪糕雪條可以選擇另外仲有個好大嘅飲品櫃，有酒精飲品都可以選擇買單兩個人都唔使$400抵到爆

呢排天氣勁凍🥶又係時候要食雞煲打邊爐啦! 係旺角搵到間性價比高既任食雞煲兼打邊爐既餐廳，午市仲要係無限時任食! 所以呢個假日我地就去左食lunch，呢度既雞煲有幾款，我地揀左暖身驅寒既米酒雞煲，有少許藥膳，補身補血正!! 雞煲一來到，勁香!! 見到除左有大大件既雞肉外，仲有大量木耳、枝竹、藥材同紫洋蔥! .一來到煮熱後，先飲啖湯先! 超正!! 勁鍾意飲! 我同媽子都飲左兩碗，再食下嫩滑既雞肉，真係最好食既任食雞煲🥹 重點: 睇過薑檸樂條片仲可以免費加雞一次!!.由於本身有湯，我地食哂大部份既雞後就直接打邊爐，用手機scan barcode就可以落單啦! 見到餐紙上有雞煲三步曲，首先當然要食靚雞啦! 咁打邊爐就美國雪花肥牛就必須要架啦!🤣 好味就不在話下，第二步就係要放花膠、水魷魚同牛柏葉! 我地即刻點花膠、水魷魚同牛柏葉然後放入去煮，花膠好滋潤，水魷魚好爽! 牛柏葉吸收哂湯汁，一食落去爆汁超正!! .然後再倒湯，繼續點左其他，有廣島蠔、肩胛肉、黑豚肉、海膽丸、油麥菜、豬頸肉、響鈴、魚皮等等，特別鍾意D食物唔點醬油都食到藥膳湯汁味! 食物多選擇，呢度都有任飲架，仲要生啤任飲!! 除左有幾

2023.01.14做完體能去食任食雞煲最好不過🐓呢間Lunch time 只需一個價錢就可以無限時任食♾️ 而且只要睇過薑檸樂條片仲可以免費加雞一次🤩等侯雞煲送上時可以先用電話掃QR CODE選擇火鍋食材🍲再去調製自選既醬汁區同提取前菜、飲品先開開胃😙而今次揀左bb辣既至尊重慶雞煲🐓辣味同醬汁都調教得好好👍🏻而且雞肉好嫩滑入味😋可以稱得上暫時食過最好味既雞煲😬食完D雞之後我就跟住餐紙上既食雞三步曲🎼既第二步加入其中推介既滋潤補身花膠😛好彈口呀！而食雞第三煲就係加入湯水加入唔同新鮮火鍋食材打邊爐🍲我今次就點左牛肉、豬肉、羊肉、生蠔、蟹柳、蒜汁花枝丸、響鈴、土豆片、蓮藕片、油麥菜😎最後當然少不了甜品環節！大量唔同口味雪糕🍦同雪米滋任揀！