自家製韓國刀削麵 (駱克道)

營業中

休息中

今次試咗間主打創意麵食嘅小店，真係有驚喜！首先個**鯷魚湯刀削麵**好出色，湯底用鯷魚熬製，鮮味濃郁得嚟唔會太鹹，仲有啲蒜香吊味，刀削麵厚薄適中，掛湯力一流，食完成個口都仲回味緊個魚鮮味！ 夏天必試**豆汁冷麵**，凍冰冰超開胃！麵質彈牙，配埋秘製豆汁醬，甜甜哋又有豆香，加埋青瓜絲同芝麻，清爽得嚟層次豐富，食完成個人涼浸浸，正！ 餃子方面，**韓式泡菜餃**同**菜肉餃**雙拼好抵食。泡菜餃辣辣哋好過癮，入面仲有粉絲增加口感；菜肉餃就傳統得嚟夠juicy，皮薄餡多，點埋醋同辣油仲正！ 整體來講，呢間店將傳統同新派fusion得好平衡，每樣食物都有心思，價錢又合理，絕對會再encore！

李家集團旗下嘅「自家製韓國刀削麵」,係全港第一間自家製韓國刀削麵，主打現場即削嘅刀削麵，麵身厚薄不一、口感煙韌有咬口，食得出功夫👍🍜 鯷魚刀削麵一上枱已經聞到陣陣鯷魚香～湯底好鮮味，唔會腥，飲落去有層次感，唔係死鹹果種！鯷魚湯好少見，唔覺唔覺就飲晒成碗湯～🦪 花蛤刀削麵湯底明顯係用花蛤熬煮過，帶少少甜味，仲有唔少花蛤肉，唔係得個名。配埋煙韌嘅刀削麵，啖啖海鮮味，食完成個人都refresh晒～🥘 五花肉泡菜煎餅煎餅份量好，有多時作前菜太大份，而家大概4件，啱啱好。煎餅厚薄適中，外層脆卜卜，入面泡菜夠惹味，酸辣醒胃；五花肉煎得香口唔油膩，咬落去仲有少少肉汁麵條有誠意、湯底鮮味、煎餅夠惹味～價錢合理，CP值唔錯

係鵝頸橋行過少少有間韓國菜嘅店鋪，主打刀削麵，見平時少食韓國嘅面食，加上價錢唔貴，一於去試下。我地每人叫左一碗刀削麵，再加一客煎餅，味道唔錯!😍😍花蛤刀削麵有成10幾20隻花蛤，🐚🐚仲要每隻都係有蜆肉，唔係得堆殼。湯底清甜中帶有鮮味，應該係用左啲海鮮去熬制，總之一個字：鮮! 加上紫菜﹑鮮冬菇﹑蛋絲🍳🍳作配菜，非常豐富。而刀削麵Q彈有咬口，同我地平時食嘅港式粉面唔同，更有飽足感!😋😋牛骨湯刀削麵湯底熬到雪白，應該係用左唔少牛骨熬制，朋友邊食邊飲湯底，話唔咸之餘仲似足媽媽煲嘅湯，真係要連湯底都飲埋🤗🤗🤗。佢嘅牛腱亦好淋好入味，唔錯!海鮮韭菜煎餅呢個海鮮煎餅雖然唔係好大塊，但2個人share係啱啱好。😚😚煎得香脆，甚至係有少少脆邊，餡料方面就有魷魚鬚﹑韭菜。香脆得嚟唔會咸，真係令人一口接一口。😋之前見其他食評話食物唔夠味，我真係要為鋪頭平反，雖然味道嘅嘢好個人，但絕對唔係無味，只係唔係食開嗰啲大咸大甜嘅味道，而係一種温馨且細水長流嘅家的味道，係平凡中難得一見嘅鮮味!🤩🤩

同朋友喺灣仔搵地方食晚飯，試咗呢間主打韓國冷麵嘅舖頭。地方唔算大，坐位安排得比較密，但都乾淨整齊，翻枱快。辣拌冷麵麵質煙韌彈牙，撈醬汁之後酸酸辣辣，辣味唔會太勁，開胃，蔬菜新鮮，份量正常。夏天食特別爽。仲有好幾去牛展，冇乜調味但撈埋醬汁係好唔錯。蜆仔湯麵湯底清清哋，有啲蜆味但唔會太濃，唔會覺得飲完口渴，適合鍾意淡口味嘅人。蜆仔無沙，朋友話算乾淨，麵係滑身嗰種。海鮮韭菜煎餅比較薄身，邊位煎得香脆，有韭菜味，唔會太油。但海鮮料唔多，主要都係食韭菜同粉漿口感。兩個人食分嚟試下都覺得好味😋。以灣仔區嚟講算平，味道唔差，唔係重口味嗰種，都幾唔錯👍🏻

肥仔今日去咗一間餐廳主打韓國刀削麵，價錢唔算太高而且份量都多同埋好食！自家製刀削麵超彈牙，好好食，性價比好高！🍜花蛤刀削麵蛤蜊湯麵，湯底鮮美，蛤蜊新鮮彈牙，麵條彈性十足，搭配青瓜增添清新口感，口味平衡得宜。另一道 🥟大豬肉餃餃子外皮薄而軟嫩，內餡豐富，肉香四溢，蒸得恰到好處，配上醬料更添風味。🍜豆汁冷麵冷豆腐湯清淡養生，口感細滑，適合中和油膩。用料新鮮，份量充足，總結，物有所值，因為環境舒適，適合家庭或朋友聚餐，唯一小建議是菜單可多些選擇。整體體驗愉快，值得再次光顧！

今次我去咗位於銅鑼灣一間自家製韓國刀削麵店，真係好似行入咗韓國小店咁，無論係水樽定係餐枱，都有種濃厚嘅韓國風情🇰🇷我試咗佢哋嘅牛骨湯刀削麵，湯底超濃郁，牛骨嘅味道好鮮甜，刀削麵口感Q彈，吸咗湯汁之後更加好味🍜 😋之後試咗佢哋嘅雞髀刀削麵，雞髀係原隻上，啖啖肉質嫩滑，味道唔油膩，搭配上同樣滑溜嘅刀削麵，真係一流，湯入邊仲有好腍嘅薯仔，索左湯汁好好味😆再嚟就係大豬肉餃子，皮薄餡多，咬一口就有汁流出嚟，配埋醬油或者辣醬都正🥟 而且佢哋仲有泡菜任加，隨時可以加幾多，令到整個餐點更加有層次感🥬整體嚟講，呢間店真係非常值得一試，無論係味道定係氛圍都令我感受到韓國文化❤️ 下次再來銅鑼灣，肯定會再光顧！🎉

喺灣仔經過，比個刀削麵招牌吸引住，仲要係香港首家韓式刀削麵，門口勁多韓國人等位，期待值爆燈！ .🌟花蛤刀削麵 呢碗刀削麵真心推介！麵條粗厚彈牙，口感似粗拉麵咁，咬勁十足。花蛤湯頭鮮甜濃郁，海味爆棚。花蛤肉飽滿鮮嫩，一啲腥味同沙都冇，加啲辣粉更加有層次。份量夠晒多，食完超滿足！ .🌟牛骨湯刀削麵 湯頭濃郁乳白，牛骨香氣撲鼻，但一啲都唔油膩。刀削麵厚實有嚼勁，索晒湯汁之後超入味，加埋紫菜蛋絲，顏色靚之餘，仲好有韓式風味。 .🌟雙拼餃子 餃子皮似水晶皮，偏厚有咬口，豬肉餃餡料新鮮，肉味濃郁，加埋蔬菜同粉絲，更有韓式風味，而且可以中和飽膩感。泡菜餃微辣，泡菜口感爽脆，開胃又好食！

🌟自家製韓國刀削麵 | 銅鑼灣必試韓式美食 🥢🍜 鯷魚湯刀削麵 $58湯底帶有濃郁的鯷魚味，配料有：菇、蛋絲、紫菜、蒽同韓國節瓜.ᐟ‪.ᐟ麵條幾有咬口，而且份量超多◝☆🍜 花蛤刀削麵 $78超鮮甜嘅湯底 ，仲有超多花蛤⸝⸝‪⸝♡ 個人覺得依款湯底更為驚艷.ᐟ‪.ᐟ推介𖤐 ̖́-‬🥟 雙併餃子 $582隻豬肉餃子 & 2隻泡菜餃子.ᐟ‪.ᐟ餃子超大( ºﾛº) 餡料飽滿，兩款餃子都有韓式粉絲，所以超飽肚◝☆ 泡菜餃偏辣.ᐟ泡菜係可以Refill的.ᐟ‪.ᐟ

The food is reasonably priced and big portioned. This review is about the poor service of the woman server with brown hair of Chinese ethnicity. We were there on 30.06 at around 6:45pm. The woman server only allowed us to have two dishes of kimchi (despite us being a table of three). We had to ask the male server to give us another dish of kimchi and he did so. After he did, the woman server kept on glaring at us the entire time, making the experience very unenjoyable. As a customer, my advice t

之前已經食過 不過再食都係覺得好好食6點幾呢d時間冇咩人食有前菜泡菜 另外都要加一雞髀刀削麵 ($78)好大隻雞髀 d肉都嫩滑另外有d冬菇蛋絲配埋煙韌嘅刀削麵 勁好食！炸醬麵 ($78)味道幾正宗 D麵勁掛醬個醬又唔會太咸 同個麵好夾都有d肉係入面 唔會好寡👍🏻大豬肉餃子 ($58)有4粒大大隻 勁飽滿有肉有菜有d冬粉配個豉油嘅物體 吊起個味2個人share 一人2隻好飽！呢個真係回頭率極高！

点了手工辣拌手擀面，还有菜包肉，和泡菜五花肉饼，味道都很好吃，店里的泡菜真的很宝藏很好吃，还可以免费续加，老板娘也很可爱，人很友善！安利！下次还会再来，饺子很大一个，面也很大一碗！

間舖明明有好多空枱，但店員要求我坐喺已經有食客嘅枱隔離 。兩張枱距離好近，食完飯要側身好艱難先出到去（拎住大褸、環保袋同手袋）。.食到一半，另一對食客入嚟，店員竟然安排佢哋坐喺我嗰張四人枱，搞到我剩低半碗麵要拎住手袋食埋佢。但明明嗰時間舖仲有一大半係空枱，呢個安排我覺得好差 。.呢間野我食過兩次，第一次嚟嘅時候人流更少，所以冇發生今次嘅問題，但其實嗰次已經覺得店員做野有啲急 ，就係我食緊最後一啖麵筷子都未放低嘅時候，店員就過嚟收走隻碗 。（呢一點我見到其他人都有留言過）.味道方面，我第一次叫咗辣拌刀削麵，汁嘅味道唔差但偏鹹，食完要飲好多水漱口。不過啲面好爽口，所以都覺得幾好食；今次我叫咗炸醬麵（$78），啲麵好腍，得好少翠玉瓜同肉，實在唔值呢個價錢 。雖然根本冇任何service（店員態度麻麻、水自己斟、QR code落單、自己行出收銀俾錢），但都要收加一服務費，即係要俾86蚊食一碗冇咩料嘅麵 。.總括而言，呢次用餐體驗真係失望，唔會再有下次，希望店家可以認真考慮下點樣改善服務質素。

面質係ok嘅，面好食嘅但啲湯真係搞唔掂🥲🥲雞髀湯個味同上海麵差唔多唔好食呀😿😿😿都幾失望😂😂唔覺有咩韓國嘅味道？？🥲🥲豆乳湯完全冇味搞唔掂🤡🤡🤡好耐冇食過咁唔好食嘅韓國菜🤡🤡🤡

印象中記得李家係好初期黎香港的韓國餐廳，以前D oppa餐廳無咁花巧，而李家令我最不能忘記的一定係炸雞，果陣真係會因為韓戲煲上腦，走黎炸雞配啤酒架！李家集團旗下餐廳「自家製韓國刀削麵」近年開左，又比大家多個choice! 一直都想黎試，今日終於sell到朋友陪我黎！呢個月都仲天寒地凍，食返個熱湯暖下胃好似仲有feel！先黎辣海鮮湯麵 ($128) ，價錢就真係唔平，勝在料都算多，都叫無咁唔順氣，味道就辣辣地，預期中一樣無乜太大驚喜；餐廳供應的刀削麵都係自家製，好多人推薦的花蛤刀削麵（$78），呢個我覺得反而有特式好多，花蛤好多，個湯又清甜，價錢都算合理，而係呢度最有feel一定係比你從個玻璃窗到望到oppa廚整野比你食，哈哈。講完好處就要講下壞處，呢到D店員就真係無乜禮貌，好似好催住你食同走咁，而且座位唔好坐，打橫一排過，同隔離唔識D食客好似圖書館一樣坐，只能快食快走，所以光顧一次試過就已足夠。

#自家制韓國刀削面 😋😋😋this place is branch brand from lee ka chicken.the place full of people as many ig kol advertising a lot. so i decide to give it a try.1. clams noodle.the soups broth is super sweet full of clam taste. but the clam is already cooked for too long. they extracted the freshness into soup but the clam is chewy and tasteless. just like the 湯渣。 the clam shells are moslty broken. many shell and sand at the bottom of the bowl. so annoying.noodle is chewy, soup is good. but topping is bad.2