自家廚房 (非門市)

營業中

休息中

一向鍾意食菇，中西整法都鍾意。上星期六有事去開觀塘，食晏時分，行過間新開張的西餐廳，八卦望望個餐牌，有「黑松露意大利飯」，決定一試。我個「黑松露意大利飯」松露味濃，菇新鮮，飯有嚼勁，飯面重有芝士，有高級西餐廳FEEL，但包埋湯同飲品都只係6,70蚊……個餐湯真係要講講……係菜湯，但唔係杰達達個隻茶記紅湯，而係好清的椰菜雜菇湯。我估菇應該炒過，好香，湯好清。記得上次飲「清」o既餐湯，係酒店食晚餐，估唔到觀塘食lunch竟然飲到！我朋友個香煎魚柳蒜香炒意粉可能食完個菇，覺得個魚鹹少少，但其中一個朋友就話剛剛好。我比較喜歡個意粉，因為我鍾意食彈牙意粉，加上少少辣，勁開胃。重有全日早餐因為鍾意食早餐，鍾意周圍試all day breakfast。但因為要試黑松露飯，試唔到呢間的 all day breakfast。朋友叫呢個，佢話係用靚腸，而我見佢用蛋汁點多士，好似幾正咁……見到早餐有黑松露炒蛋，覺得呢間的確可以食多次，下次試完再講。 繼續閱讀

朋友今天專程買咗兩個外賣到官塘給我和同事食, 但剛有交通意外大塞車, 以為食物都變壞不能食, 想不到半個鐘多的塞車時間, 當中的豬扒意粉仍熱喎, 可能是用錫紙焗盒能保溫, 雖然豬扒有些硬, 但個茄汁味道真的岩岩好, 整盒食晒啦......另外的土魷肉餅加蒸魚就真的得番暖字, 又沒有微波爐盒可以丁熱, 再加上因車程將蒸汁都倒了, 所以賣相不好, 同事唯有照食(因已過晒午飯時段沒得選擇) 哈, 他說味都好好呀...... 繼續閱讀