臨家麵館

最近見到臨家麵館新開張，位置方便，環境乾淨企理，於是忍唔住試咗三次。整體嚟講，質素算係穩定，唔算驚喜，但都有啲值得推介嘅選擇。首先講下我最欣賞嘅紅燒台灣牛腩麵。牛腩炆得夠腍但唔會散，入口有牛味又唔會太重，份量亦相當足夠，唔會食到一半就冇晒肉。我每次都揀台灣扁麵，麵質煙韌得嚟唔會太硬，吸湯力好，配合濃郁嘅湯底，整體味道相當平衡。湯底係偏重口味，但唔會死鹹，飲落仲有少少回甘，係成碗麵嘅靈魂所在。至於滷肉飯，就比較普通。唔係唔好食，只係冇咩特色，唔太似台灣街頭嗰種滷肉飯，反而有啲似屋企自己煮嘅版本，醬汁唔算特別香濃，飯亦冇吸晒汁。食落去唔會失望，但亦唔會令人記得。佢哋主打嘅酸湯海鮮麵，我就覺得比較失色。湯底味道有啲奇怪，唔係我預期中嗰種酸辣開胃，反而有啲偏酸又唔夠鮮，飲落去唔太舒服。海鮮方面冇乜問題，蝦同八爪魚都算新鮮，但米線就太腍，冇咬口，食落去有啲似浸過頭。整體嚟講，呢碗麵唔太合我口味，未必會再叫。…查看更多

一入到去坐左喺近廚房及回收餐碟既位置，見到有第二張檯吉左所以調左位，但因為角落位比較暗，加上隔離檯好近有人呻緊鼻水，之後見到有其他位吉左而又未點野食，所以再調左位。無耐就聽到職員講‘呢個人調左3次檯，由x號又調去x號，調左3次’，佢呢個說話最粉重覆左2次，其實唔俾調既可以直接講，唔駛俾說話人聽，同埋唔該搞清楚，係有原因先調的，感覺真係好差，如果唔係約左人，我會轉餐廳唔會留喺到。兩碗麵餐牌無寫係辣，但食落係有啲辣，雖然寫住台灣餐廳，但唔似係台灣，麵食一般，崩沙腩唔知皮定筋似橡筋硬到唔知想點。不過埋單時收銀職員同另一女職員都有禮貌。…查看更多

美孚開了一間新的麵店，剛開都好爆！因為美孚都冇呢類型的台灣麵店終于今天全家人出曬街，得我一個就去試下新店啦紅酸湯崩沙腩麫是$70碗呢間麵店最貴的一款諗住對自己好些就試食呢碗啦圖片裏好多肉，啖啖肉！但我碗就一般我呢碗驟眼睇唔差，拎起嚟全部都係邊和皮肉真係好小塊😂😂$70食牛腩想食到肉好似尋寶甘得之不易，成碗都係皮😂😂😂湯底不過不失，又唔算好好味或好差！甘的食物對應價錢，CP値超低我只可以講，唔會再食…查看更多

$61碗 臺灣牛肉麵 4大舊牛腩 又淋身又入味 湯底9成似臺灣 麵又多 女仔可以兩個人食一碗 再叫個小食 掂哂!今日全日黑雨 1830開餐 全場只有一張擡係吉 美中不足係 拎水要自己行出去斟 但有檸檬水揀 正 嫌矛服務嘅可以唔去性價比非常高 🤟…查看更多

見美孚新開，喺二期平台，不過地鐵站口行上去都方便，試吓個麵如何，下午去見到無下午茶餐，不過見到佢一個麵跟杯嘢飲，點咗個蚵仔台灣扁麵+凍檸茶。57蚊有埋嘢飲就是但啦，點知一上枱好大碗，午餐都還好，下午茶真係撐到飽，味道比想像中好，帶少少辣味，我唔食辣嘅都接受到，蚵仔好多隻，食極都有，碗麵仲有啲配菜，嘢食同嘢飲整體可以。店舖裝修就新裝修無得彈，冷氣屬於殮房級，怕凍最好帶件褸去。員工無乜特別好與唔好招呼，係入門口時男職員帶位，跟住自己QR code落單，埋單去櫃面，感覺可以再食。…查看更多