腸粉皇

營業中

休息中

請不要再把台灣一元找續俾啲客喇！（雖然台灣一元硬幣同香港一元硬幣好似，會令一般唔係點睇找續嘅人好似我咁唔會留意）。我唔知你哋或者係咪都收錯咗其他客嘅台灣一元，又咁「唔覺意地」找左俾我，但係呢個唔小心會唔會太過巧合呢？我買$34野，俾咗一張$50你，阿姐你找回一張「港幣」$10 ，兩個「港幣」兩蚊，兩個「台幣」$1 （冇錯，係兩個都係台灣一元呀！ ），唔通你店內找俾人嗰啲一蚊全部都係一樣係找俾我嗰啲？一句到尾，無論啲嘢好唔好食，我只係鍾意幫襯啲良心食店。無下次了，兩個台灣硬幣都留低咗你嘅指紋，留作警惕吧！

腸粉魚蛋😎$14冇乜幾可嚟到灣仔😆今日要去考試😁之前喺呢頭返工☺️每次經過都會食😇腸粉多醬又抵食😆而且混醬混得唔錯👍加埋入味嘅魚蛋🙂成個套餐都係$14😄食完真係滿足晒🥰腸粉皇 (灣仔)灣仔灣仔道177-179號保和大廈地下D舖

很多時坐車都會經過這裡，覺得平平無奇，又不會突意去吃。今天原本打算在克街坐車過九龍，想吃點東西，剛巧望見有小食店，又醒起男友說内街的店比轉角位的好吃，便來一試！在我前面有兩人，都不是等太久。叫了四條腸粉 + 兩粒粉果，放在一起。因為第一次來，所以我什麼醬也要(多豉油少辣)，醬汁真的很均勻，賣相都靚仔🤭🤭 不知甜醬是否自己調，又不會像坊間的過甜又太杰，所以我通常都不吃甜醬；但這個就不同了👍👍 撈在一起吃真的很滋味頗有街頭風味😂🤣 粉果都不錯，皮煙韌饀料沒有腥味，和醬汁一起吃都不覺太咸🤤🤤🤤🙆‍♀ 下次來灣仔吃小食一定首選這間「腸粉皇」🙆‍♀

之前有試過隔壁那家腸粉，味道不錯，這次又在附近，就嘗試了一下這家名為腸粉皇的，有朋友覺得這家更好吃，不過我覺得味道區別不大，都挺好，就是只能站在街邊享用，略顯狼狽

今日要返教會，教會前就黎食啲小食先出來，今日好想食這個腸粉燒賣，見好多人讚這間小食店正，所以就一試地方在灣仔，位置都方便，是地度香港小食風味，但因為疫情，所以都係在一邊慢慢品嚐（腸粉燒賣）$7腸粉加$5燒賣點了所有醬料，當然混醬是最出色的熱辣辣上碟，可選外賣或即食；腸粉好彈牙、香滑份量都唔少，好味也推薦；而燒賣都可以，但粉多了點，比較喜歡腸粉口感食完就放在店外的垃圾桶，碟也有位置擺放好，記得要有手尾呀

街邊小食之回憶！以前經過灣仔呢頭，得閒嘅時候會幫襯呢間腸粉皇，企喺街邊食港式小食特別有感覺，佢出名腸粉熱辣辣又滑溜。因為好快到食晚飯時間，今次我冇叫腸粉，我食一串魚肉燒賣，好正啊！魚肉燒賣$8- $8五粒燒賣其實唔算好平，我覺得魚肉、麵粉比例當中，麵粉較多，口感軟左少少，唔夠彈牙。豉油調味唔錯，甜甜哋唔會死鹹，食完都唔會太口渴。喺疫情中食街邊小食都比較麻煩，食下食下，五粒燒賣好快就食完，好似唔係好夠喉。

Fatbrown 點解咁肥呢就係因為成日食正餐之前仲食埋啲立雜野，腸粉亦都係其中一個最愛話說Fatbrown 上網如果見到有啲鋪頭有好嘅腸粉都會特登去試㗎見到灣仔呢間腸粉王好似好有人氣咁，經過灣仔特登去食咗碟腸粉腸粉王隔離其實係另外一間賣小食嘅鋪頭，買嘅嘢其實都差唔多，不過計人氣好似隔離間鋪頭多啲人唔緊要啦一場黎到都係要試吓個腸粉<腸粉$10>$10一大碗腸粉真係幾抵食，呀姐問我要唔要辣，我話唔要阿姐就將將咁多種醬撈落個腸粉到，腸粉尚算幾滑嘅，但係係咪好特別呢又唔算係，叫做抵食咁啦

食咗好多間腸粉，最正都係腸粉皇，腸粉煙韌，醬汁又夠，所以每逢經過灣仔，都會買嚟食😋當然除咗腸粉之外，燒賣同埋其他小食一樣正，係早餐最佳選擇，真係大排長龍都抵👍🏻

同男朋友喺灣仔行街行到肚餓 佢推介呢間小食店😌 話係佢細細個就開始食 於是就去試一試🤨·嚟到呢度 腸粉係必食嘅😍 另外再叫咗燒賣✌🏻 我哋選擇咗「堂食」😆 唔講你都唔知 呢度唔止做外賣生意咖🧐 你仲可以選擇「堂食」(即係用膠碟盛起 再企喺附近食) 呢個食法好地道 簡直係港味十足👍🏻 ·而腸粉燒賣上面淋咗滿滿嘅豉油、甜醬、麻醬、芝麻 令人未食都已經流曬口水喇🤤 小食店老闆仲話 如果覺得唔夠 可以自己再加添醬汁 人情味UP🔥·✨妹豬仔👧🏻💬: 真係冇介紹錯👍🏻小食店嘅嘢食好味之餘 又充滿港味同人情味🥰 實在係掃街必食推介😎

較早前都食過唔小地方既腸粉，當中有好食，好難食，今日一早黎到灣仔，我就諗起你啦？腸粉皇腸粉皇位於灣仔道，離地鐵站大約7分鐘而腸粉皇雖然叫腸粉皇，但當中都有不少野食，如三文治餐，栥飯餐，糯米雞餐，仲有今次我想食既點心餐（腸粉配豆漿）一到門口就已經見到好多人排隊，鋪頭細細間，但總會係咁多人腸粉 - $10無睇錯，10蚊應該係有4條腸粉，腸粉熱辣辣，皮薄，而且食落好滑身唔會太乾身，食落好有口感，彈牙十足，而食腸粉一定要超多醬先叫好食～買既時候一定要同姐姐講聲要多醬呀（唔該），而落醬既姐姐都絕對唔會慳住比，腸粉配合埋甜醬，麻醬，豉油，真係配合得天衣無縫（邊個諗出離嫁？識得混醬咁食）不過最重要係呢度keep到水準，咁多年都保持到～而愈簡單嘅野從來愈難做得好，唔好睇佢簡簡單單，香港既傳統早餐看你們了👍🏻

Bypass this little shop on the bus, and decided to come here over a weekend when I was still feeling sick...Always fond of these street style Cheung fun on top of a piece of paper on a plate... reminds me so much of my memories in kindergarten and elementary school! Less and less of this kind of store, especially close to city Center! Yum yum I’ll come again when I need a street foood fix!

因為系灣仔附近考試，路過呢間見到好多人排隊就諗住去試下啦，本身想叫粉果黎食但見到前面D人大部分都系叫魚蛋燒賣，加上見到魚蛋同燒賣好似更加吸引，就叫左個10蚊既雙拼魚蛋燒賣，老板問我想要咖哩，沙爹。我好似從來都未食過沙爹味於是就試下呢個啦！沙爹醬系真接淋系上面，雖然D油系真系幾多真系見到都怕怕，但又無可否認真系幾好味，味道好濃郁。而D魚蛋系冇浸系咖哩入面，所以系白色既魚蛋，原諒我一直未食過白色既魚蛋

由讀書嘅時候日日當早餐咁食 有時行開附近又行過黎食下腸粉燒賣 今日天氣涼涼地食返啲熱野個人都暖啲呢間腸粉皇由朝早到夜晚咩時間都咁好生意，個老闆又好nice 落嘅醬汁一啲都唔會嗇色 比勁多醬落去 而啲腸粉好滑溜得黎又唔粉 有少少米香其實認為好食過深水埗某小店 呢間小店除左腸粉做得出色之外 燒賣粉果都係招牌小食 好多人經過都會買完係隔離空位企著食，呢食法其實好有港式風味係港島區黎講真係平民價錢，食到米芝蓮五星嘅質素！！

寒意突襲，少不免想吃熱騰騰的街邊熱食，我就最愛腸粉這東西。灣仔區必推介的腸粉一定是腸粉皇，不過腸粉皇逢星期日都休息，所以要吃就要星期一至六來。下班後，朋友說她在腸粉皇吃腸粉，她問我來不來吃一碟，我說我當然吃。很幸運地我吃到腸粉，在8時的時候店員阿姨說只剩下2碟腸粉可賣，剛好我跟排在我後面的食客一人一碟。除了辣醬，我甚麼醬都要，同時要很多很多的醬汁。熱呼呼的腸粉有著滑溜溜的口感，細嫩度不得了，加上麻醬，豉油，甜醬三重滋味的醬汁發揮淋漓盡致，完美滲透在腸粉中，非常入味，果然在冰冷的時候吃到腸粉皇的腸粉是種幸福。

之前叫一份腸粉加燒賣外賣，可以漏左燒賣；同佢買兩串燒賣，佢就永遠比腸粉燒賣。今日叫一串燒賣(八蚊)兩隻粉果(九蚊)因為上次佢比左兩隻爛粉果，今次望下，佢又係比爛既，我話唔要。阿姐即刻黑面話未熱。ok，轉牛肉。牛肉八蚊兩粒，佢一隻粉果一粒牛肉照收九蚊。腸粉好唔好食見仁見智，幫襯隔離果間起碼唔駛比佢搵笨。