腸粉皇后

營業中

休息中

呢間腸粉皇后喺太安樓開咗唔算好耐但我最近平日夜晚經過，見得一個人排，咁我又想買宵夜，所以就幫襯本身見到佢賣嘅食物都幾吸引，因為佢有好多食物係太安樓其他舖頭都冇嘅我一共買咗三樣嘢，包括海底椰菊花膏飲品、蜜糖粟米，同埋雙皮奶飲品正常佢粟米有兩款，一款係椒鹽，另一款係蜜糖兩款都有張好大嘅相喺佢舖頭門面我怕辣，所以叫咗蜜糖粟米（冇影到相），但就有啲失望因為佢蜜糖粟米個樣同張相係完全唔同幅相會好似有啲調味料痴咗喺粟米上面咁但收到見到油，蜜糖味亦超級超級淡但令到我食得最嬲嘅，就係雙皮奶千祈唔好試佢個雙皮奶一個雙皮奶收$30咁貴，但根本唔係雙皮奶首先連皮都冇另外個質感同平時嘅雙皮奶唔同食落似係用魚膠粉，有啲似牛奶味嘅啫喱同平時加蛋白嘅雙皮奶或者燉奶完全唔同口感成碗嘢食咗幾啖就頂唔順掉咗因為佢連一個好味嘅牛奶味啫喱都唔係

腸粉皇后 地址: 西灣河筲箕灣道57-87號太安樓地下A34A號舖=====================太安樓一向是小食同平民美食天堂 ，去開附近都會過來行一圈，睇下有無新野。$35細/$60 大盒滷水拼盤，細盒有3樣餸過過口癮，大盒有6樣，雞蛋、豬手、雞翼，腎、豬耳同豬脷！滷再好耐，個滷水包好入味！$22一樣是揀3樣野食，有齊了魚蛋燒賣腸粉，好強醬 甜醬豉油辣醬，好抵食，食完先走。仲有涼茶同糖水港式小食，幾時食都咁好食，童年回憶返曬來腸粉我臨走時叫多份，買返去憶屋企人食！

西灣河太安樓出名係掃街天堂..想食滑脫脫既腸粉..當然一定係揀腸粉皇后😍佢哋自家工場製作,除咗腸粉之外,佢哋嘅甜品,同埋滷水小食都非常出色😋⭐️經典三合一(腸粉,燒賣,魚蛋)✨招牌腸粉,食落口滑脫脫,魚蛋彈牙可口,燒賣煙煙靭靭,加埋豉油,甜醬,花生醬,簡直係人間美食🤫⭐️滷水小食拼盤(豬耳,金錢肚,雞翼,豬腸)不得不讚呢個滷水拼盤非常出色,佢炆得非常之入味,咬落去仲系軟林林,嗰陣滷水味會令人有種好開胃嘅🤤⭐️海底椰雪梨菊花膏🍐✨菊花味非常濃郁,味道清清甜甜,海底椰亦都有美顏既功效,絕對啱晒我哋呢啲咁貪靚嘅女士們飲😍

買到一肚氣！之前已經喺西筲群組見到話呢間食店做生意手法唔老實㗎啦陰啲陰啲主食要加錢又唔寫明隔咗一排見冇乜人講諗住應該改善咗幫襯下啦問我要堂食定外賣去得太安樓9成外賣㗎啦本身我個小食就22蚊，佢收我23蚊我問佢乜唔係22蚊咩，佢話外賣盒要1蚊咁我就加1蚊啦跟住畀我 係冇袋㗎喎！我問佢 乜外賣冇袋㗎咩？跟住佢指住個menu，原來又要加一蚊恕我孤陋寡聞，我就真係未見過外賣盒又要加錢，袋又要加錢仲要事前唔講！陰啲陰啲！唔會再幫襯！！！又唔係特別好食

黎到西灣河一定要去太安樓食香港本地小食🤤🤤 行過見到有唔少人排隊，就決定試下呢間腸粉皇后😬😬.Food Ordered:混醬腸粉 ($12)咖哩細份 (三款) ($30)海底椰雪梨菊花膏 (小)($25).Kuku推薦:混醬腸粉真心推介！$12滿滿一碟仲有超多醬，cp值爆登🌟🌟🌟咖哩我地揀咗牛栢葉、蘿蔔同豬皮，份量足夠，但唔夠入味，如果有更濃咖喱味更加分！唔想飲肥仔水，海底椰雪梨菊花膏都係唔錯嘅選擇~ 清清甜甜咁，啱啱熱辣辣嘅夏天！#hungrykuuu_hongkong #hungrykuuu_saiwanho #西灣河美食 #香港小食 #香港好去處 #香港美食 #hkfood #hkgoodwest #相機食先 #食好西

又貴又難食態度又差，離晒大譜我哋遠處喺度睇緊嘅時候，個疑似老闆娘已經招手叫我哋過去買。第一次幫襯唔知道啲嘢喺邊度寫，就諗住直接過去叫。原來套餐係響另一張枱嗰度有紙寫，過到去個老闆嚟嫌我哋講到一嚿嚿先話俾我哋知嗰邊有紙寫，態度極差，呼呼喝喝我地tick左2個4餸40蚊撈麵套餐同一杯30蚊大菊花膏。其中一個撈麵套餐加咗腸粉，佢就問我地係咪喱啲餸，咁我地就話係，佢收左我地150蚊。原來佢地當腸粉係另一個套餐，大佬我地寫响同一張紙，點會係兩個餐？疑似老闆娘由我哋點餐嘅時候一路態度都好差，我哋企喺度食嘅時候都聽到佢會喝其他客人，喝完人哋問幾多粒魚蛋，調個轉頭又唔記得咗。食物嚟講正常，用料都係一般。廚師腸應該放左好耐，變晒色。招牌混醬腸粉真係唔知點解可以成為招牌。有圖有真相。

太安樓又有新舖頭開張了😗好似係唯一一間專賣混醬腸粉！？經過好多人幫襯，所以買咗試下🤓腸粉 燒賣 魚蛋 $22好抵食！我見舖頭話食物係自家工場製作，腸粉滑，燒賣魚蛋食落都係比較靚嘅貨色，燒賣煙韌，魚蛋彈牙，加埋混醬好食😋咖哩三寶 $30我揀咗豬皮，魚蛋，齋，標準配咖哩嘅食物，個辣汁幾惹味😬海底椰雪梨菊花膏 $30五花茶 $20強推佢哋嘅嘢飲，涼茶我見係舖頭自己煲嘅，同涼茶舖嘅一樣好飲。海底椰雪梨菊花膏好特別，張涼茶雪成膏狀，再加入鮮奶，飲落少甜配方，味道清涼🥤

太安樓好多野食，去一次邊到食得晒！今次去腸粉皇后先，勁驚喜😽😽🌈炸燒賣 $15/8粒出乎意料地好食！表面灑上椒鹽，外脆內軟，好惹味～呢個價錢經濟又實惠，有咁多粒性價比超高！✨炸墨魚餅 $15/4塊回感飽滿多汁，炸漿唔厚😍配上椒鹽好香口，食完一舊又想食多舊😛✨泰式豬頸肉撈面 $40送自選涼茶油膩感岩岩好，唔好覺得滯。豬頸肉好煙韌有咬口，沾上泰式醬，好夠味，食落好過癮。揀咗羅漢果茶，好清甜😇✨鹽焗手撕雞腸粉 $40送自選涼茶 手撕雞份量勁多，好足料，諗緊有冇半隻雞😂😂腸粉好滑，秘制混醬超夾。飲啖五花茶，大大枝超抵飲，又爽又解渴。🌸養顏三寶 $30雪蓮子被稱為植物燕窩，唔係咁簡單！潤肺止咳，仲富含膠質，飲完皮膚漲卜卜！。同桃膠一齊煮糖水，perfect 甜品😚

小店有好多唔同港式地道小食選擇，腸粉 撈麵 咖喱拼盤 滷水拼盤 飲品 同 甜品。撈面唔辣 ❤ 印尼撈麵 可以自選8款食材，我地叫左魚蛋 雞蛋 鵪鶉蛋 蘿蔔 牛舌 水魷 牛肉 雞翼，晚飯做主食黎講，好滿足，好豐富!咖哩三寶 大 ❤ 可以自選5款食材，我地叫左燒賣 蘿蔔 魚蛋 牛百葉 水魷。店主特製既咖喱汁，辣得黎咸香十足，好惹味，如果有豌飯，送飯一流!!好邪惡~ 滷味拼盤大 ❤ 可以自選6款食材，我地叫左蘿蔔 牛舌 豬手 雞翼 火雞腎 雞腳，款款食材都好好好入味，仲有小小香辣味。腍嫩牛舌 爽口火雞腎 清甜多汁無渣既蘿蔔，款款都炆得好入味、夠哂軟腍、滷水味真係越食越開胃。手撕雞撈腸粉 ❤ 大大份絕對抵食，自家工場製做既腸粉，入口柔嫩有彈性，口感夠哂滑dodo，滿滿甜醬 麻醬 豉油 同 芝麻，再加埋啖啖肉既芝麻醬手撕雞，雞肉肉質嫩，鹹香十足，撈埋一齊好好味!

位於西灣河太安樓地下的港式街頭小食店，太安樓大部分的小店都是以外賣形式經營，營業至深夜，很受街坊食客歡迎。這家港式街頭小食店企理整潔，燈光光猛。主打招牌腸粉、各式小食、咖喱、滷味，還有甜品及涼茶飲品。小食：腸粉+燒賣兩款經典的港式街頭小食，腸粉及燒賣放在一起，燒賣也混上腸粉的醬汁；腸粉滑溜，淋上甜醬、芝麻醬及豉油，灑上芝麻，混醬是整份腸粉的精華所在。主食：粉果、海蜇、豬耳撈麵撈麵已預先煮好，放在外賣盒內較乾身，食用時要自行拌勻一下，配合其他配料，滷水豬耳入味，海蜇爽口，粉果餡料飽滿。飲品：夏枯草菊花茶吃完濃味又熱氣的食物，選擇一些健康、清熱的涼茶。一樽裝的涼茶，加了糖不會太苦澀，較易入口。

附近做野，諗住tea食d小食就記得太安好多小食店，行經有間新開小食就試下。。。腸粉+燒賣腸粉(0分) ：唔滑，普通工場貨，皮厚無質感。醬汁(0分) ：水一樣咁稀，唔係間間做到！麻。甜。豉 (0=0=0) 即係無味。燒賣+辣油(0分) ： 辣油唔辣唔香=無。燒賣無辣油已經係垃圾，蒸過隆加蒸籠水加持下原來係咁難食。服務(0分) : 個人感受，有興趣可挑戰。。。。。。。。。。。。環境(? 分) : 企街感受，正常表現絕對唔抵食，比龍津更垃圾

嗰日嗌腸粉+燒賣（17蚊），但收錢嗰陣收20蚊，咁咪問下「唔係17蚊咩」，點知個店員黑哂面咁拍咗塊加價牌幾下。因為嗰塊牌喺嗰啲2/3拼套餐上面，我唔知原來係餐牌所有嘢食都要加錢。唔係話介意嗰3蚊，而係咁樣問一句使唔使黑哂面。後尾發現原來個金毛店員對全世界態度都係咁。咁啲嘢食幾好食都冇用，更何況只係正常質素。食個小食都要受氣😅 明白冇人中意返工，唔需要笑到四萬咁口，但最起碼就唔係黑哂面咁對客啦 好趕客

在太安街吃了一圈觉得得来点实在的，路过看到人站着围住食，就想来试试。既然名字叫肠粉皇后，当然要吃招牌的肠粉啦。因为这边的小店基本cash only，所以我是先向店员确认可以八达通才点的，叫的是招牌混酱肠粉，12元有4条，挺便宜的。我不要辣，红色的盘子垫上薄纸，一段段的粉嫩润滑肠粉上淋上甜酱、甜酱油、芝麻酱，红、黑、土、白相得益彰，也非常好吃，一口一个很快就吃完了😂店员特地拿出一个小机子给我刷八达通，第一次见其实太安街也有很多其他店有肠粉啦，吃吃是可以的。基本不怎么排队，都在隔壁排姊妹美食呢

是日經過太安樓，發現新開左間腸粉皇后，當然要試一試Mix the rice roll $12混醬腸粉Shao Mai $12燒賣腸粉爽滑，加上豉油、甜醬、辣醬等醬料，味道絕配，燒賣彈牙，加上價錢便宜，整體不過不失，可以一試。

今日去西灣河做練習，嚟到西灣河就一定要去太安樓搵食啦! 一於買啲外賣回家慢慢嘆。嘩! 咁多人圍住食，一定有好嘢! 小店真係唔簡單，有好多選擇，除了主打腸粉外，仲有多款小食、撈麵、咖喱拼盤、滷水拼盤、飲品和甜品。要了一份細滷味拼盤($35)，在十三款食品中揀了牛舌、金錢肚、蘿蔔和雞蛋，四款都好入味，還有少少香辣。牛舌腍嫩；金錢肚爽滑；大大件蘿蔔清甜多汁又無渣；雞蛋鹹香，四款都好味。手撕雞撈腸粉 ($28) 是推介之選! 大大份，真係抵食又好食，腸粉柔嫩有彈性，口感佳，沾滿甜醬、麻醬、豉油和芝麻，是最佳的拍檔，喜歡！手撕雞啖啖肉，肉質嫩，味道鹹香，撈埋一齊食更好食。糖水都有唔少選擇，見養顏三寶優惠價($30)，一定要試試啦! 邊三寶? 就係桃膠、雪蓮子和雪燕，用料十足。三寶都滑嘟嘟，加埋椰汁，味道香甜美味，滋潤養顏，食完一定靚靚。