脆味批

營業中

休息中

中學的時候很愛這家！充滿回憶的一家店！現在分店越來越少了！他們的套餐超級划算 人均100都不用！最愛他們的墨西哥辣肉醬焗飯真的挺辣 小時候不能吃辣但就是愛吃 每次吃到辣椒都快流眼淚 不要小看那個雞翅！那是檸檬蜜糖烤雞翅！酸酸甜甜超級好吃！披薩也選了墨西哥辣肉醬哈哈我實在太愛了 香得迷糊還有蟹柳湯！叫一個餐就送到家門口沒有配送費！p.s.他們的炸雞很好吃的雖然今次沒有叫他們的優點就是飽肚 便宜 跟外賣準時

今次嗌咗個未試過嘅櫻之花 ,上枱好夠熱 面頭好多芝士(啲芝士多到滿瀉好足料😭勁良心 好滾動呀媽咪)同埋仲有三文魚、魷魚仔、蟹柳咬落去真係好軟熟🥹 個邊係脆嘅 ,食到最後個邊都仲好脆 ,芝士同千島醬最夾!! cp值嚟講絕對抵食過pizza Hut ,質素仲要唔差佢有好多隻味 ,星期1-5外賣大批先$98 ,而家出面閒閒哋一個大批無$160-$180都搞唔掂 ,仲有$47意粉/焗飯套餐配多個小食同湯 ,豐儉由人🤣 題外話:炸雞都唔差㗎😋 好味過K記🤪

唔想煮飯，又想邪惡到底！就黎左食chubby’s pizza 🍕🍗有好多餐其實都好抵食～唔洗下下食大型連鎖店🤣今次叫左炸雞配薯角，薯角快餐廳都冇！好鍾意食！🥰🥰炸雞，皮脆肉嫩，咬開塊皮，都仲有勁多肉汁滴出黎🤤🤤跟餐可以叫埋是日退湯或者其他罐裝汽水/紙包飲品👍🏻另外再叫左個乜都有嘅餐～一次過滿足晒所有願望！👍🏻👍🏻包括有是日pizza：夏威夷風情pizza🍕炸雞一件，薯角，洋蔥圈🤤🤤唔洗心思思揀食咩好，又唔洗另加其他小食然後又太多食唔哂🤭

繼之前幫襯左佢嘅王牌套餐之後，決定試吓幫襯佢原個大批pizza，今次叫咗個千島夏威夷。電話落單嗰陣職員話15分鐘後就有，本身小弟都半信半疑，估唔到咁快就已經整好，效率100分個薄餅食落去口感鬆軟，加上上面感覺新鮮嘅配料，簡直是絕配餐廳名稱：脆味批 Chubby's Pizza餐廳地址：荃灣荃灣中心二期高層15座商場27B號舖#高性價比抵食之選#安東尼日記 #安東尼美食日記 #美食博客#香港 #香港美食 #香港美食之旅 #香港好去處 #新界 #新界美食 #新界美食之旅 #新界好去處#荃灣 #荃灣美食 #荃灣美食之旅 #荃灣好去處

有時返學時間見到啲學生走入去間薄餅店食嘢，佢哋同老婆入去試吓啲學生成日都嗌嘅套餐。望到門口個餐牌，見到一個套餐$50有找，包含一個主食，一個湯或者嘢飲，再加多一塊薄餅或者一隻炸雞，一個字「抵」小弟叫咗一個肉醬意粉、一件薄餅、一個餐湯，加埋老婆賞賜嘅雞髀，咁就一餐。意粉分量足夠味道一般，賣相比較失包括薄餅食落口感中上，略嫌配料比較少餐湯方面同市面上嘅分別不大成個套餐最大嘅驚喜，係隻炸雞髀，唔知係咪啱啱整好食落口好香脆可口餐廳名稱：脆味批 Chubby's Pizza餐廳地址：荃灣荃灣中心二期高層15座商場27B號舖

今日同呀仔去完朋友屋企玩水，玩完實在太攰，爸爸就提議今晚叫外賣，諗左陣就決定試下Chubby's Pizza。一家3口叫左2個焗飯，1個pizza同雞翼，叫多啲食唔曬可以留宵夜。香草烤雞焗飯：飯夠多汁，雞夠淋，我仔食得好開心香辣海鮮焗飯：味道吾夠辣，但入面海鮮足料。千島海鮮pizza:爸爸偷食，所以無影相，普通批size比相像中細，仲要吾比加芝心邊，搞到我仔無得食pizza邊，好失望。甜酸雞翼：食落竟然有小小辣，搞到我仔無得食

無得出街食dinner 唯有係屋企食得邪惡d😈係脆味批嗌外賣就可以一次過滿足兩個願望啦😜有pizza 同炸雞fyi 我係熊貓嗌外賣自取嘅$204.8 有12 吋pizza +8件炸雞情迷辣肉腸12吋 pizza 見到甘多芝士到心心眼呀😍😍好可惜返到屋企到淋左小小 不過個邊係脆嘅真係好足料一食入口好有芝士同番茄醬味 亦都有好多辣肉腸鐘意食肉同carbs 嘅人岩灑🙊炸雞好大舊炸雞 大過kxc 仲有入面係好juicy 好有肉汁嘅好可能係香港最好食嘅炸雞😻鐘意食佢嘅脾多過胸 因為脾好似脆d haha~70 pp (dessert)味道：4/5環境：非堂食性價比：4/5回頭：⭕️

可能這間店做外賣更好，外賣自取可一不可再。話說今日六點幾收工，打算外賣自取，食個快飯。入店點餐嘅時候，啱啱點左一個，外賣電話入，個店員stop左我點餐，入左外賣餐先，變相打尖。之後點餐後，店員冇通知大概幾耐可以領取。平時都是食開呢間店，都係預計二十分鐘可以取餐，就去附近超市逛逛。結果而二十五分鐘，去取餐時候，被告知未整好，我就繼續去逛逛。再過左十幾分鐘後，還係被通知未得。最後要四十五分鐘先可以拎到外賣自取，真係快餐變慢餐。如果唔想等，建議用電話訂餐預先更好，服務態度也較到店面點餐為佳。

一直都有在這間薄餅店叫外賣，今日又想吃就打去叫叫了一個星期一至五套餐，來到食物仲好熱喎，叫了一個千島海鮮厚薄餅，堅厚一定飽，但今次叫的餸就平時少咗吞拿魚醬不多，芝士好彩都多好香拉絲，其他海鮮都少所以只講普通，但以二人份來講真的吃不完，最後留了二件明天再吃。意粉飯都沒有要，反而加十二元的豬肋骨，豬肋骨依然好食好香但薯角得四舊太少，而且又淋身。二件炸雞的皮好脆肉又好食，也是我每次叫這間原因飲品二罐可樂都夠凍，下次會寧願叫回肉薄餅會多料點。但一百七十一元真的好抵食而味又不錯。

放工經過，聞到好香pizza味所以入左去叫左個千島pizza加焗飯再加個湯既餐係cashier俾錢之前佢會問你坐邊但其實枱無枱號，買之前又未坐低，我點答你建議佢地主動按當時情況分配客人坐邊張枱咁等左10分鐘左右就一次過黎哂d野食個千島pizza好鬆脆，出面其他連鎖暫時食唔到呢種感覺焗飯係菠菜魚柳焗飯，忌廉汁好多，夠哂撈飯個湯係火腿忌廉湯，感覺上同焗飯個汁係同類只係開稀左，但我一樣咁鍾意三樣樣食食完對於一個人黎講都幾飽

今日晏就食左香草焗雞飯😍😍好濃郁嘅芝士加上好嫰嘅雞肉簡直絕配👍🏻👍🏻個餐簡直又平又抵食 又有小食 又有餐湯 好飽肚😋😋只系$42 街坊價 勁正呀，之後一定要繼續幫襯 實在太好味😍

由九龍塘趕入荃灣中心，皆因約咗舊同事F聚舊，呢度佢地頭食咩佢話事。店內格局略勝快餐店，乾淨企理坐位祇有24個，未夠1點尚有7成吉位，有幾個等外賣嘅人，F未到坐低睇吓有咩食。午餐時段有幾款選擇，主菜 +炸雞1件/薄餅 + 湯/汽水。突然間好多學生湧進來，好快滿坐，遲啲都無位。唔想食意粉揀飯，揀夏威夷豬柳焗飯，唔知咩味，試吓無防。雖然店仔細細，坐滿人都唔覺迫夾，坐玻璃窗旁仍有悠閒感。粟米湯濃稠適中，湯面有些香草點綴，欣賞佢唔馬虎，讚！味道唔錯。炸雞膇外皮脆脆，粉漿唔厚啱哂我，口感嫩滑有肉汁，好味。夏威夷豬柳焗飯豬柳很腍，食味多酸少甜，不是我杯茶。除咗是日午餐，原來仲有是日套餐，F揀咗開心套餐，有炸雞、薄餅、炸洋蔥圈、炸薯角、湯/汽水又幾吸引喎。薄餅漲卜卜樣子可愛，面頭鋪滿料和芝士，睇見都流口水，F話OK好食呀。試咗一件炸薯角，外脆內軟又惹味，正！唔怪之得係F至愛啦。

今日(25-6-2017 Sun)天氣熱,我同老公都耍抹屋,橫豎要食晏,又唔想爸爸天氣咁熱,自己都要對住火爐煮o野俾自己食,於是叫pizza,好彩留住啲宣傳單張,咁就唔使叫Pizza Hut.研究完後,決定要$168.00o既2-3人餐,我揀o左:4. 飲品同蒜蓉包中,我揀o左一個是日餐湯~蘑菇忌廉湯同兩支鴻福堂飲品蘑菇忌廉湯由我同老公share飲,杰度同鹹度都適中.味道:3分1. 五十五十(即任何兩款薄餅組合而成),厚批,跟餐加$9.00要o左茄醬底o既新鮮齋同千島醬底o既星級夏威夷.新鮮齋有青椒,蘑菇,粟米,菠蘿,番茄同加倍芝士;而星級夏威夷有菠蘿,香華腸,蜜桃,火腿同洋蔥.味道:3分我先食新鮮齋,料好足,材料新鮮,批o既口感軟棉棉,茄醬同芝士味薄o左啲.星級夏威夷,材料唔係好多,每件都只有一片香華腸,呢個因有蜜桃o既甜,就比新鮮齋好啲,不過千島醬味道都係薄弱.味道:3分2. 法式田螺焗薯蓉六粒田螺好似焗燶o左,薯蓉亦太乾,奶好似落唔夠,失望.味道:1分3. 香草烤雞螺絲粉雞肉又大件又彈牙,冇雪味,螺絲粉同樣彈牙,味道亦唔太鹹,份量又多.味道:3分服務:打電話去荃灣呢間分店幾次都唔

五點幾落order，要求八點到，過曬八點都唔見人，打去問話八點二先岩岩送出，明明落order話八點到但過曬時先出車。都算啦，諗住送出左都快會到，但等多半個鐘都係無，又唔係有節日都過曬時，打去趨就話天雨關係，又話唔熟路，多多藉口。以後唔會再幫襯e間野。

有時口痕想食Pizza🍕，屋企附近的脆味批是不錯的選擇，原名芝脆雞，中學時代午餐可以和同學食下pizza炸雞對當時的我已覺得是美好的一天，學生時期就是這麽簡單☺ 計下計下原來店舖已屹立六年多，我諗主要的原因是抵食又好食吧😋無論套餐或者下午茶都是平價之選，我就叫左是日套餐$36，學生光顧仲平2蚊💁，包三樣食品分別是焗飯/意粉，炸雞/薯皇/比薩，飲品/餐湯！算是幾多選擇😌選擇左白汁海鮮焗飯，白汁不太濃郁但夠多汁， 這樣反而更好，有時會因為太油膩食到一半就食不落， 我今次完全可以食哂成個飯😁 而且有芝士焗在飯面，飯夠熱用匙羹杯起有少少的拉絲效果海鮮好豐富，每啖飯都有不同的海鮮，在小店有這樣的質素算是不錯炸雞是皇牌並非沒有原因，今次給的正是我最愛的雞脾，雞脾很大隻，外皮炸得很脆，肉嫩多汁，真是比得上不少炸雞店🐔