脆味批 (已結業)

之前有朋友介紹尼間，禁岩有機會試下啦😆我地叫左一個3-4人餐（一個大批+一份主食同小食），再加兩份小食。▫️千島熱情餡料同千島醬覺得有啲少，仲有切批切得唔好，需要自己再切幾刀。揀左厚批，但都鬆軟既。下次揀薄批可能會好啲。▫️香草烤雞焗飯成個焗飯味道偏淡，醬汁同雞肉都無味😆▫️炸雞炸皮薄既但唔脆，好冧好油😌不過雞都juicy既▫️脆薯王有啲油。美中不足係無俾茄汁。▫️吉列炸蝦卷算係今次最好食既炸物啦😆不過蝦細隻咗啲。 👐🏻有朋友話薄批幾好食既，可能會俾多次機會啦🤔撇除呢樣嘢，真係唔會再食囉😌一分錢 一分貨😆食尼間既話，對食物要求就唔可以高啦。送餐速度快👍🏿我地大概6:15落單，客服話要等60-90分鐘。不過未到7點就送到啦。仲有係備餐具方面要改善下拉，4人餐只提供3份餐具（其中一個用手食嗎？🌝）

前幾天在家工作中, 又快到食晏未有心水又唔想煮, 就想起佢, 之前在親戚家中食過幾好食, 所以今次叫外賣, 接單員工態度親切並介紹多種抵食優惠組合, 而且講明需時45分鐘送到, 外賣員到來也準時, 而且好有禮貌。我叫了兩個普通批、兩種雞件共8件(炸及烤), 合共$288, 開盒仲係熱辣辣, 薄餅餡料豐富👍, 雞件也大大件👍, 炸雞好脆, 蜜汁檸檬烤雞好野味👍, 家人二話不說就清晒😂😂, 遲D可以聚會時再叫大批(可加芝心)😂😂😂👍。

今日中午即興去朋友屋企食飯，咁朋友就住牛頭角，因為中午要做嘢，所以問到今晚食咩嘅時候，個個都話今晚先算啦，咁我哋約咗七點鐘喺朋友屋企等，上到佢屋企同佢個bb玩咗一陣但係阿嫂仲未返屋企，去到七點半我哋再問食咩，還是出去食飯嘅同時,有人撳門鐘阿嫂呢個時候返咗嚟，仲要買埋嘢食，左手一袋右手又一大袋，搞到我哋好唔好意思咁我哋打開膠袋，原來係一個pizza，兩盒炸雞，同埋有兩個飯，同埋湯我哋望下個公司logo嘅時候，原來我哋大家都未食過最鍾意食洋蔥圈同炸雞，可能啱啱炸，加上間嘢喺樓下，所以非常香脆可口，炸雞都好好味，不過唔知點解有少少似KFC

外賣叫左環遊世界，松露醬雞柳炒意粉，原味炸雞同埋韓式炸雞，整體來講都ok。環遊世界好足料，勁多芝士，比起大型連鎖pizza足料好多，口味相對淡1 d，不過都好好味松露醬雞柳炒意粉幾香松露同蒜蓉味，不過個意粉就冇味😂好似冇落鹽...原味炸雞同埋韓式炸雞D炸粉算薄，幾香脆，不過雞肉都係偏淡，冇乜味。兩款炸雞食唔出有分別，只係韓式炸雞比多左個韓式辣醬🤣整體都ok, 價錢抵

叫外賣成2個鐘先到，中途打去問剩係話送緊，送貨員又無禮貌，問野又唔答人，問你點解遲，淨係識ererer，d野食送到黎仲要凍哂，又淋哂，垃圾！接受到食難食嘅野就order呢間la！

今晚收工後同友人去咗定安街搵食，之前食開某間泰國餐館，今日行過路口嘅時候比一間Pizza店嘅香味吸引左，於是乎就決定一試啦！鋪頭位置唔多大概有10個位，不過人客亦都唔多，大概只有兩至四人，相反應該好多人叫外賣，見到好幾位車手不斷出出入入提取外賣。一坐低睇過個Menu，就揀咗個二人餐，二人餐有一個六吋嘅Pizza，味道可以自己揀，另外有四個小食可以揀兩樣！我哋就揀咗一個肉醬意粉，同埋一個小食拼盤，仲有兩個湯或汽水添。我哋將個Pizza加大左都只係加$20，超級抵呀！由六吋升級到去九吋， Pizza我哋揀咗啖啖肉，啖啖肉意思即係有牛、豬，同埋雞，真係啖啖，pizza皮又唔會似食麵包，幾好！招牌肉醬意粉，香濃嘅肉醬加意粉真係無懈可擊！最愛就係食肉醬意粉而小食拼盤有四樣嘢，炸春卷，炸咖喱角，炸洋蔥，炸雞翼，每款都有四件，超級抵食！亦都係啱啱乍起熱辣辣，唔會粉多個餡，仲幾好味添！埋單都只係$136咋超抵食呀！

脆味批~~~~~🍕🎉節日點少得食PIZZA呢??🎉不過PIZZA HUT實在太多人啦.....所以阿魚選擇左另一間~~~~🎉其實脆味批既選擇都唔少架!!!!🎉而阿魚就選擇左佢地既新口味!!!!🎉芝士海盜皇，呢個係脆味批新推出的口味!!!!! 🎉批面會有：忌廉芝士球、洋蔥、車厘茄、蟹柳、菠蘿、蝦、魷魚、蜆仔🎉都幾足料架！！！🎉因為阿魚係叫左大批同芝心，所以就分別加左20同28元🎉至於個批，因為係自取就99元🎉合共係：$99+$20+$28＝147元🎉都幾抵食!!!不過外賣到家的時候已經冷掉了，而批的邊因為厚厚地，都唔太脆口🎉芝士都唔算太多....🎉不過忌廉芝士球就真係有濃厚既芝士味，好似食緊一個由芝士粉整出黎既球咁!!!🎉幾乎每一塊PIZZA都會有一個球係上面~~~~岩晒芝士迷!!!!🎉🐟📝：6.5/10🎅🏻🍽🐟📝📌脆味批🎅🏻

係朋友屋企玩card game, dinner 就嗌左呢間外賣。按住佢個外賣單張，嗌左個6-8人餐，落好晒order, 講清楚埋地址，個店員都有重覆多次個地，店員仲話9個字左右送到，確認好冇問題先收線既。點知6:40 打完個電話落單，到8點外賣都仲未到，結果我個朋友就打去問下，點知個店員好由其甘答送緊，等下啦。如事者，一等再等，等到8點半，覺得唔對路，又再打多次電話，講埋比佢知幾點落左order, 依家仲未到，個店員就話出左車，應該差唔多到。結果等到9點外賣先送到黎，大家都肚餓到呆晒。湯同埋食物黎到都仲夠熱，味道ok。但其實呢個餐，我地嗌左既係一個意粉，同一個飯，點知佢黎左兩個都係飯，不過好彩個飯唔差。因為等外賣既時間實在太耐，可能真係好多order 要做，但係甘既問題，所以下次都唔敢再幫襯了。

仲要價錢好海鮮囉反而啲大型嘅Pizza店就越做越差呢啲細細地嘅pizza店，做Pizza又用心，又好味，唔會硬到好似石頭咁，比一萬個讚都唔夠，希望繼續咁好，唔好慢慢好似啲連鎖pizza店咁⋯我食過唔止一次喇，其實所有Pizza款都咁好味，不過我個人就最鍾意千島pizza🤣嘢飲嘅話，可以唔叫轉揀佢嘅忌廉湯，好正！個海鮮飯好多海鮮係入面，好抵食， 但啲汁唔係好夠，飯可能有啲趕，所以我就攞啲忌廉湯撈埋一齊食，超級正。

本來諗住星期六開開心心嗌pizza點知搞到大家都好掃興訂嗰時18:42佢話預計送到嚟19:42我地充滿期望咁等到19:42見佢20:00都未到就開始心急打去問佢送到未佢問完我電話號碼之後叫我等等等等吓cut咗我線，火都嚟埋我即刻再打去 Chubby's Pizza🔥之後第二個人聽咗我又再問佢點解咁耐都未送到佢話出咗車等多十分鐘好我等囉遲咗大半粒鐘終於來到點知打開發現漏咗三個餐湯😈😈😈😈我即刻叫住個送外賣仔我哋話漏咗三個湯佢話喺入邊㗎啦你睇多次我哋話好,等一等點知打開曬啲嘢都發現冇跟住一開門發現佢已經走左我好嬲咁即刻打咗去Chubby's Pizza同佢講漏咗三個湯佢話一個鐘之內送來之後我哋就一路食一路等一打開盒洋蔥圈聞到好大浸油益味一食落去就知大鑊唔脆之餘仲要凍冰冰嘅個未能食之餘仲好似食緊一舊麵粉咁簡直係我畢生食過最難食嘅洋蔥圈之後打開個pizza個pizza底超硬個焗飯尚算正常係咸咗少少最後個湯呢嚟埋個湯超漿好似漿糊咁總之就超級失望一文不值下次免費我都唔要🙅🙅🙅

晚上在附近打完機見肚餓打算穩野食 一直以來都知有呢間鋪頭既存在 只不過一直都未吸引到我去食 直至今日唸住抱住未試過而又想食Pizza既心情去進行第一次既嘗試 一入到去其實整體都Ok 直至落單我叫左個二人餐 因為我冇留意到入面內容 唔知原來係四選二 以為淨系飯同小食要選擇邊款 之後我就講左我要既飯同小食 到買完坐係個位到等 我唸起碼等左四個字先黎左一個飯 之後又等好耐先黎左個小食 到最後個pizza真係等得好耐好耐先黎 等到個人都冇心情食 個Pizza我簡左個厚批 因為等得耐的關係我對呢間野已經冇乜期望 然後再食個Pizza 個心只係不自然咁講左一聲唉 料係足的 個批唔同出面的pizza 咬落個底係脆的 而我都唔係幾鍾意 小食拼盤d油多到好似唔洗錢咁成pat係個碟到 個咖喱雞焗飯就Ok 到食到七七八八 我問個職員請問我既炸雞幾時黎 其中一個職員就話快嫁啦7分鐘啦 另一個收銀職員就話 呢個套餐係四選二 我簡左飯同小食所以冇炸雞 係果刻我個心情已經盡失 不過冇得怪個收銀員冇提醒我 只能怪自己冇留心睇餐牌 整體黎講真係中等水平 食物質素麻麻 而且等到人都癲 真係吸引唔到我下次再食.曉杰