肯德基家鄉雞 (KFC) (已結業)

對上食過呢間分店幾次,佢既家鄉都好似擺好耐或是翻炸咁,絕對比唔上灣仔既兩間分店咁香脆,咁新鮮...希望佢始終會改善下啦!

係香港仔做完野隻腳好似唔係自己咁, 所以走入kfc嘆下午茶兼坐坐休息下先.叫左個雞扒+格格薯塊+中汽水.只售$15我仲叫個cashier俾少少gravy我點塊雞扒, 點知佢用個薯容杯仔盛d gravy俾我. 真係唔該!!!嘻嘻

來KFC 都係只食佢0既密糖鬆餅..但今日又一次令我失望,對上果次黎食已經唔掂,出面又唔脆.又少密糖,今j日想比多次機會..點知又失望,差左好多又唔夠熱,大班d英式鬆餅仲好食過佢又平過佢,唔會再去。

因為有coupon, 同屋企人黎依到開餐.有件辣既雞胸肉, 好鞋, 所以大部分既肉都冇食過.另外又嗌左瑞士雞翼, 佢d汁分開上既.但隻汁好似麥記既將軍漢堡醬, 我就唔鍾意食喇.不過佢個磨菇飯幾好食.老實講, 依家d KFC 既雞都冇乜慾望去食係鍾意佢個鬆餅下面的評分是雞的

見好耐冇食雞記又有coupon所以自己一個去左食, 但最失敗就係叫左2件唔辣既雞, 塊炸皮淋晒的, 雞脾還好, 但雞胸又乾又鞋好難食, 一d味都冇.下次點都要叫辣既雞><

叫左個雞扒包既早餐，加三蚊轉左柚子蜜，又加三蚊加多個蜜糖鬆餅，加下加下個早餐變左20.5，好貴!!個雞扒包塊雞扒唔會炸到乾哂，咬落去有肉又冇皮，同埋唔會好多油漏哂出黎。加少少沙律醬同半溶既芝士，幾好食。件蜜糖鬆餅就撻凍左，都唔差既，不過始終熱d會好食d。杯柚子蜜都幾好，幾甜左d，不過有得轉食d飲好過飲汽水，我又唔飲咖啡奶茶，有多d選擇丫嘛。不過加三蚊先得果細細杯就貴左d囉。

星期日我,肥安娜同王小虎無聊在家,當然又係我做外賣妹的時間了,今次選了雞記,本來想要$68的餐,但已無供應,惟有要$88那個餐,選左蘑菇飯同沙律,另加3個葡撻.我有d不小心,忘了check清楚個店員有無執錯野,卒之蘑菇飯變左雙拼飯,葡撻變左蛋白撻,唉! d雞只有翼同胸,我本身唔太鍾意雞胸,不過無計,'鞋'都要照食,都唔鬼知港府幾時先肯俾美國雞入口,再係咁真係無炸雞食啦! 至於個沙律同飯都算幾好味,而個撻都唔錯.話時話,兩三個人食呢個餐,實在係食唔晒,不過單獨叫每人一份餐又貴,始終覺得唔太抵食。

星期六入去買了一個$88餐外買，我同Sales講要雞上脾，點知佢話已經好耐冇得賣雞上脾了，只得雞胸同雞全翼。諗過算吧，只好照要，點知回家打開，嘩Ｄ雞全翼全部瘀黑色，Ｄ皮全部淋的，食落口冇味，有都只是雪味。嘗過鬼都怕，以後都不會再買KFC了。

昨天在金滿樓嘆完茶,去左圖書館搵肥安娜,本來我只想攞報紙返屋企,點知佢話想買野,都好,咁我地twins就去左超市,睇下有乜材料買返去,晚上煮餐住家飯俾王小虎(肥安娜個honey)同長頸鹿食先.行左一陣超市,但完全茫無頭緒,於是肥安娜提議去雞記(即肯德基)食個tea,然後再行過.行到counter見到好幾款tea set,我地都鍾意食葡撻,於是叫了兩份餐,都係跟葡撻,汽水,同樣都係$15,我那份係脆脆雞柳,而佢那份係香辣炸雞.脆脆雞柳其實係旋風雞卷內的夾住那條雞柳,ok啦,點甜辣醬(呢隻醬要問counter攞)會好味d,而辣雞係肥安娜食的,無問佢好唔好味.d葡撻唔知係咪趕住出爐,個面焗得唔夠燶,撻底又唔夠圓,同好味有d距離,不過未致於難食,唔知其他分店d葡撻會唔會好味d?此外,呢度一多人時都幾嘈,好應聲,隔離左右講乜都好易聽到,我地要好大聲先可以傾到偈,隻耳仔都'溫溫'地唔太舒服.p.s.serve我地那個經理哥哥仔好好人,我地order那時又改餐,又要醬料,但老是臨時醒起,而無一次過講俾佢知,不過佢依然係咁好笑容同好有禮貌,抵讚! ^o^