肯德基家鄉雞 (KFC)

營業中

休息中

呢日中午，行過呢間KFC，隨手起點餐機睇睇，見到一個鴛鴦雙式雞飯餐，相片中見到有兩件雞、粟米、磨菇加埋飲品，$37，幾吸引噃，於是點咗佢，到揀飲品時，見到加$5有凍奶茶，而備註寫明荷蘭奶源及錫蘭紅茶，就係畀佢呢句備註吸引住，於是試下，之後加配項目中，其中一個係格格脆薯塊，加$13，嘩！呢個不得了，渴望已久嘅薯格終於返咗嚟喇！非點不可，之後再一個加配項目，其中一個係3件香骨雞，$11，備註話原價高達$29，新嘢嚟噃，價錢又唔貴，又試埋佢，如是者，一個$37嘅套餐，經升級加配後，便變成$66。好彩我唔係高達迷，否則呢餐最終價錢，將會跳升至$134，因為之後終極加配項目係高達限量版商品，價值$68。其實$37呢個餐已經夠飽，兩件雞好大件，包括一件雞下腿及一塊雞扒，飯嘅份量亦多，肉質亦嫩滑多汁；奶茶質素遜於我個人期望，當然我會相信有人會覺得好飲；薯格保持往昔味道及品質，個人期望可選擇增量版；香骨雞呢個名就不知所謂，一啲雞肉裡面有一條骨，條骨似係雞槌上邊膊頭嗰幾條骨，條骨一啲都唔香，何來香骨？要點呢個餐，首先一定要食到辣，因為磨菇計醬係辣，香骨雞亦係辣，只有薯格唔係辣。

哩間野咩KFC應該要有嘅野都冇得賣，個經理話老細知有人投訴都唔改進，垃圾！！！!！近期賣嘅熱浪佢又冇，招牌雞皇飯又冇，磨菇飯啲汁好似湯咁浠，啲飯仲硬嘅，最過份係咩券都冇得用！！！！！！！！！！！！！！！！！！！！！！！！！！！！！！

下午茶其實揀KFC真係好抵食蘑菇飯+雞寶3件+葡撻+蜜糖綠茶都只不過係二十六蚊但衰就衰在東廣場啲位比較少比較迫所以就算3點去到都無乜位買左個外賣諗諗下不如行去公園食其實沿住成業街行到尾再過兩條馬路就會去到風景怡人既麗港城公園果到地方好大有瓦遮頭唔怕返風落雨仲有好多櫈俾你揀一定唔洗同人迫觀塘一個寧靜隱閉野餐好地方！另外介紹一下點雞寶的青芥末醬同金桔檸檬醬都好夾希望佢可以研發多啲新醬啦唔一定要食點Jack架麻！

原本約左上一個星期出黎shopping 朋友話等消費劵出嘛先 shopping 啦但消費劵一出周圍都好多人真心吾想去多人地區又有心緒野想買搵左間應該吾會太多人去的店好彩我地決定買完野先食野因為食完野越來越多人觀塘近工廠區假期吾算太多選擇朋友話好耐無食 KFC叫左好經常叫的X83件雞餐（全辣雞）7喜呢間的雞吾得脆係好脆不過雞肉吾好食

其實邊有可能未食過KFC,今次就講吓我平時係點樣叫雞通常我都會用電話Apps叫，因為可以去到就即刻有得拎，唔使等。繁忙時間有時要等成15至20分鐘先有。觀塘區有APM同埋東廣場兩間kfc,雖然佢哋相隔5分鐘路程，但係唔好以為佢哋係一樣。有啲新出嘅新菜式喺東廣場嗰間係冇。好似今期嘅牛油果脆雞包東廣場係冇，反而之前嘅$40二人餐就剩係得東廣場有。所以唔介意行多5分鐘嘅朋友可以用Apps check清楚佢哋邊間有邊間冇。Apps亦都可以儲分得閒換下啲葡撻，喺付款嘅時候個Apps會提你有咩coupon可以用。Overall覺得APM果一間嘅炸雞比較juicy, 東廣場嗰間唔知點解有啲乾。可惜依家麥當勞嘅炸雞其實好食過KFC，我去KFC多數都係食佢啲飯，佢嘅蘑菇汁gravy撈飯一流，又飽肚，cp值又高

平時好鐘意食kfc下午茶☕️今日經過觀塘東廣場見到下午茶有新野即時試下！餐廳吾算大，所以店外都有2張枱。點餐只得1條隊，想快就用店外自助點餐會快很多！今次食香蜜鬆餅茶餐，鬆餅平時得早餐有，好開心下午茶都有得食👏試埋紫薯甜品：雙色蕃薯波，有紫色💜同黃色💛薯波，見到即時想食。紫薯混合蕃薯🍠口感豐富，我就鐘意黃色蕃薯波，裡面係紫薯蓉比較香而且無甘甜😋另外仲有紫薯脆筒，有很香紫薯味而且不太甜我鐘意👍🏻

呢日遲咗出門口，過哂早餐時間，不過叫我食一個正餐， 我又唔係太想... 咁啱見到商場開咗間 KFC ，🍗肥就係肥啲，不過突然有股勁好想去試吓。#小秘書 嘅口味有啲麻煩，#薯蓉、#蘑菇飯... 通通都唔啱我😉 不過我諗應該唔止我一個偏食，不過 #KFC 出咗個 #全雞宴 啱曬我👍🏻 三件 #炸雞 加一杯 #汽水，承惠$39，其實都算幾優惠🤩唔知係咪好耐冇食過炸雞，定係真係呢間分店做得特別出色，雞件脹卜卜，感覺十分新鮮🤤 皮脆、肉質又夠juicy🤤 講到尾... 食炸嘢又點可以無 #汽水，簡直係絕配。不過偶爾一餐好啦，真係唔想下次驗身比醫生叔叔捉住要我食藥呀😅

原來東廣場都開左間KFC，位置就係商場入口行多兩步，餐廳位置有分兩邊，因為新開，所有嘢都好新淨。餐牌都有好多選擇。我今日就點左個上校盛盒（$39），包薯格，飯揀左雞皇飯，飲品加$3要熱咖啡。另外見加$3可以升級紅豆麻糬葡撻，咁抵當然轉埋試下，味道好特別，中間嘅棉花糖溶溶地，一咬就食到紅豆蓉，味道唔死甜。雞就揀左燒雞，超香，面頭有少少辣，又無炸嘅咁熱氣。另外加左$5要香蜜鬆餅，面頭甜甜地，唔會太硬。