肯德基家鄉雞 (KFC)

營業中

休息中

一日食兩次kfc. 其實我對上一次食係上年6月既事了, 同2個fd 一齊隊左一個桶餐之後覺得d 雞太肥太油又熱氣所以冇食.早餐食完kfc, 晚上屋企人又用coupon買左個kfc 既薯餅包返黎.雖然哩個包出左一段時間, 但都冇食過. 成個包最可取既係薯餅. 我覺得唔會難食先起碼切開, 個包都好高下, 塊雞扒算厚.佢拎我諗起老麥d 變相加價既陰濕招. 大家還記得以前既麥香雞嗎. 塊雞扒係今時今日既一倍, 依家塊雞扒連埋炸粉厚1cm 都冇.kfc 哩塊唔同, 一望就見到係啖啖肉啦.連埋薯餅真係唔錯. 薯餅中間雖然o係包中間林晒, 但條邊依然係脆, 連埋包一齊食都食到有薯仔味.雞扒既厚度起碼係feel 到個包入面係有雞扒既存在. 有趙口.想不到原來哩間快餐店如此真材實料. 恐怕自己已漸漸喜歡食kfc了.

前兩日返去apm kfc食早餐, 用左張coupon, $10 有薯餅, 鬆餅同野飲奶滑幾滑, 少奶多茶.薯餅大約係老麥的1.5倍. 而且炸得岩岩好唔太燶, 外面條邊脆, 中間微脆而又食到啖啖既薯仔. 雖然都好油, 但感覺比起老麥既較健康.牛油鬆餅真係值得一讚, 非常非常好食, 本人已經上癮了!開頭見到鬆餅表面只塗上少少既蜜糖, 覺得太少, 會唔夠. 但係第一啖食落, 冇蜜糖既一啖, 嘩! 估唔到咁正! 中間係muffin 咁濕濕地既包咁. 其實係加入大量牛油打成既粉團! 一咬, 好鬆化, 外脆內軟個口已經充斥住牛油既超級香味, 湧上個鼻度, 真係好味到震!另一口再食有蜜糖既, 都好好味, 甜味加埋牛油都非常配合. 咁樣有個好處, 如果唔塗蜜糖既話, 好快會覺得濟, 但係食食下有少少蜜糖, 就會冇咁寡.唔怪得只係塗上薄薄一層蜜糖. 原因係哩個鬆餅真係"有料到", 唔需要用太多蜜糖掩飾什麼不足.$10 就已經食得好飽, 平時只係覺得快餐店係就腳同醫下肚, 第一次覺得快餐店真係有食物值得我繼續去幫襯.但我都認為快餐店既唯一大貢獻只係早餐時段先出現. 又平又多野食.如果係其他時段既話我絕對唔

A not so busy branch of KFC, but still takes a while to be served.Ordered the lime and pineapple punch, tasted ok, basically it is 7-up with pineapple pulp mixed in and a wedge of lime.Not much in lime taste, the 7-up is more prominent, and the taste of pineapple is there when you eat it.Basically a drink of elements to themselves, all the elements in the same cup, but not fused together.

肯德基又有新野上市，呢日lunch走左來試﹗要左個包餐，包就係平日食開的脆雞包，再加一盒芝士醬、幾片墨西哥片再加多一件雞﹗包就唔洗多講，食過好多次都無問題，先講芝士。芝士陣味味道怪怪霉霉，有0的似唔記得邊種芝士餅既濃味臭化版，墨西哥片蘸左落去之後根本就係食陣芝士味。因為0的芝士我自己覺得好難食，所以件雞就唔蘸落去，點知件雞應該係預左有野蘸既關係，是就咁炸無味的，搞到我食左隻無味雞，再者如果蘸醬的話，根本又係食佢個芝士醬味，雞肉本身無味已形同虛設，唔多掂呢﹗

因為報紙有COUPON, 所以LUNCH特登過黎食,預左LUNCH TIME實多人, 所以排隊排左半個鐘..不過最搞笑係間舖入面D櫈唔知俾人移晒去邊咁,搞到有好多空枱無櫈見到執枱既得一個人, 不過見到人走都好快會清走D野既,個場好大, 比起其他分舖其實係坐得好舒服.到講野食喇, 呢次係第三次黎, 叫左鴛鴦飯果個餐, 唔駛用COUPON都係大約$20, 好平,一個鴛鴦飯, 一個雞脾, 一個粟米, 同埋汽水, 再加個葡撻,不過見其他人拎既飯都係放碟, 好大碟,但我呢個佢就俾個黑色膠兜裝, 好似少D咁, 飯就多D汁會好D, 雞脾就正常, 但有D分店D雞係好食D架..而家D粟米無以前果D咁香咁好味喇...汽水用玻璃杯裝好似大肧D, 又環保, 幾好~葡撻就之前食過其他分店既都係攤凍左唔好食,呢次食既熱既就覺得好好食

今朝無食方飽, 因為kfc有couple優惠, 蜜香鬆餅 (2件) + 熱奶茶 - $10一向都喜歡食雞記既蜜香鬆餅, 貪佢個面有honey同埋脆脆地, 初時以為$10咁抵, 會係迷你size, 點知原來係normal size, 食完兩個之後, 勁飽呀..不過好滿足, 但奶茶就真係好一般...但呢個價錢, 無所謂啦...

今日去咗雞記食新出既"炸壽司", 叫咗個餐有磨菇飯, 雞脾, 栗米, 炸壽司同汽水...先講講炸壽司啦, 真係幾好食呀, 可能岩岩炸起, 好脆, 外面吾太油, 抵讚...食落個感覺好fresh, 幸好粉漿都唔太厚, 可能係炸物, 食完會有點膩, 但都ok, size吾太同太細, 岩岩好..至於其他就真係吾太得囉, 栗米好淋, 係我食過最難食既栗米, 磨菇飯仲慘, 好硬又吾夠hot, 雞脾呢, 就一般, 不過好細隻...所以只有炸壽司係值得一試, 而價錢都ok抵食, 咁多野都係$27.8...

嘩,又係試新野的時間了,為了食新野,今次叫了至爆套餐,入面有雞脾,薯格,辣汁蘑菇香飯,炸壽司和汽水一杯薯格唔係好淋,只是唔夠熱,雞脾無乜特,磨菇飯唔夠汁也唔夠熱,飯也煮得太淋了,講番主角炸壽司,壽司外表金黃色,粉漿唔算厚,薄薄地幾好,估唔到配飯和紫菜幾夾.入面的蝦好細隻,蟹柳唔係用貴那款,味道幾假,加埋個橙色的汁好好味,可惜太過細條,真是不夠喉呢??由於味道實在太好,可以再買來食呢

早餐要想食什麼真的很難，天天唔係茶記就係快餐，有時令人食得很膩﹗不過膩都係要食，呢日仲食左個超膩既早餐添，就係肯德基既炸雞包餐﹗$17包一個雞包及一杯coffee，炸雞份量不少，兩片包皮蓋住都凸哂出來，雞岩岩炸起仲係熱辣辣帶微脆，配上芝士一塊夠香食落亦覺份量﹗味道很不錯，不過早餐吃炸雞感覺總是很內疚。

炸大雞肶套裹 $24.8: 折扣一浪接一浪, 個磨菇飯非十分吸引, 但加埋呢隻大雞肶就有莫明的好感, 雞肶炸粉夠厚方死你唔夠飽, 我如常地去皮去粉, 雞肉還熱辣辣, 叫保持雞記應有的水準, 而飯也是正正常常, 不求味道只要求飽肚 廿多元一個餐有飯有野飲, okay 啦

肯德基我有兩樣野最鍾意食，一樣就係磨菇飯，一樣就當然係雞，呢排佢地出左個新餐可以滿足哂我兩個願望﹗個餐包左兩件雞，一客磨菇飯，仲有一盒新出的魚柳粒及汽水，豐富得很﹗兩隻雞分別係雞鎚同埋雞胸，叫了辣雞雖然微辣，不過佢個炸粉確係做得惹味，只要你唔好諗佢健唔健康、肥定唔肥就真係好好食。磨菇飯份量少不過個汁夠濃，飯身亦一粒粒漲卜卜，少食多滋味﹗新出的魚柳粒味道就差0的喇，攞到番地盤已經腍左，外皮個炸粉都係肯德基味道啦，不過入面0的魚柳餡淡而無味，麻麻地﹗食得哂成個餐其實已經好膩，可以飽上大半天﹗

原本想去大家樂,後來都係食雞啦!去到見到廣告賣這個新出的套餐,買一個試下.雞要了辣新鮮炸起吃時還很熱,只是外邊炸得有點乾雞脾位一向麻麻,總覺得有點臭味.蘑菇飯的汁少得可憐,根本唔夠撈飯呢??主角pop pop魚粒味道麻麻,好重胡椒粉味道,加上好似炸左好耐,吃時外邊己淋淋的,好在入面的肉都算滑,只是沒有魚味呢??那個加了錢買的葡達皮太硬又過厚,吃時己不脆,不太好味道呢

2008.11.15夜晚同媽咪2個人去左食KFC, 因為一直想試佢個新餐8層巴辣雞腿包餐…雖然最近呢間連鎖快餐店有不利的傳聞...我也冒生命危險去食....食完令我大失所望!!!首先, 我企係櫃位面前, 無人行過黎SERVE 我 個女仔去到後面整理炸雞…隔離個行個女仔又唔話俾佢同事知…等左我2分鐘….完全無人serve 我叫左8層巴辣雞腿包餐飲凍奶茶, 普通套餐飲汽水我見佢去裝奶茶, 出左1/3 杯就無, 咁佢就同人講無奶茶到佢執曬食物給我, 都仲係未有奶茶REFILL!佢就同經理講多次…隔左 30秒到, 個經理行過黎講左不知什麼…佢再同我講無奶茶, 要等5-10分鐘!!轉返飲汽水….食物質素好差。個包凍冰冰,薯餅凍冰冰, 除了件雞腿最好食…其實也不好!!!跟餐的薯塊凍冰冰!跟餐的炸雞最離譜, 因為凍到我以為佢未炸熟。由外至內的凍透加難食。食食下, 有蚊子飛在食物上….嚇死人不久我的手變得很痕癢, 急急腳走人。

上星期日下午無人煮飯,又係買外賣回家.今次叫了138的套餐.9件雞,今次的雞炸得幾好,唔會搞到乾晒.家鄉雞皇飯,唔多夠汁.格格脆薯塊,炸左唔知幾多次的貨色,2個馬鈴薯蓉,仍然唔夠熱.3件把辣香雞翼.同雞一糕炸得幾好,4個葡撻,仍然最好味.汔水加4元轉2枝樽裝汽水.最最唔好食係雜果菜絲沙律,雖然加了雜果,最弊那個菜味仍然好唔得,最衰餐只可以改飯係唔可以改同等價錢的粟米,如果可以改點都唔食那個沙律呢

病好路經KFC!!FANS既我索到好大震KFC味~~雞味~~!!吸引左我入望下~~原來好多人食雞包!!我見肚空空~~索性我都食埋一份!^^28蚊~!拎走返去食^^返到去食個包仲熱架~抵讚!!KFC 而家D水準好過M記少少~~起碼叫先整^^多謝阿媽請食雞!!