肯德基家鄉雞 (KFC)

營業中

休息中

鋪頭外面(商場走廊)是一層玻璃牆, 可以窺探到外圍的人與店鋪內的人的一舉一動......當天我發現每位想食KFC的顧客, 他們的臉上總帶幾分歡樂, 有的想快步跑入, 有的边笑說边討論買什麽; 可是當每一位一踏入店鋪, 頓時有如電影slow motion, 舉步維艱, 臉上的笑容立刻變化成認真嚴肅, 不苟言笑。(包括我地)好不容易買完食物, 我亦要驚險萬分地逐盤拿回桌子上, 要顧盤食物也要顧住睇跣我地買了$88三人桶餐再加兩個新出的焗飯(晚上六時開始買焗飯送汽水, 其他時間要加$3換購)。 $88三人桶餐有3件傳统炸雞(2上1下)及3件狂惹香燒雞(1上2下), 3盒粟米雞絲焗薯蓉, 3隻脆辣雞翼, 2個辣汁蘑菇香飯(普通),1個家鄉雞皇飯(普通)及3杯汽水。 雞件幸運地是juicy及蜜汁, 沒有像上一次在新世紀分店般不幸買到的是乾瘦柴 脆辣雞翼咁細隻都能造到嫩滑多汁, 不過飯就唔得...d米唔靚煮出嚟嘅飯起晒骨咁另再加$8換購的芝士忌廉格格脆薯塊, 不過得4塊咁大把, 我地5個人唔夠分, 咁大S同小O要share一塊囉焗鮮茄厚燒雞扒飯, 汁就酸酸鹹鹹(唔係甜甜喎)雞扒是蜜燒, 半隻

通貨急劇澎脹，財爺也直言低下階層最受影響。如此時勢，食肆的價錢短時間內一加再加，身為草根的我倍感百上加斤想吃便宜的早餐，也並非沒有辦法，KFC是一個選擇。兩個鬆餅加一杯飲品，十元就有交易朱古力鬆餅較原味好吃，不過打孖上確是太溜。奶茶沖得不錯，可能我一向對這東西沒有要求罷。這樣的價錢，應該無可匹敵了

好耐冇食KFC喇去左買下午茶順便去冒險樂園玩下先好新鮮 即炸既 (只係今次)辣雞今次炸得好掂好香口好辣值得買黎試下呀!可惜d粟米細支左~~

用coupon叫左個細蘑菇飯，兩件雞翼，5粒雞粒，加埋都成$16個細蘑菇飯唔係太夠熱，熱d就好了....雞翼同雞粒就好夠辣，味道唔錯，幾惹味~當然，可以的話，多d或者大d就好了....間野可能因為辟既關係，冇乜人，坐都比較舒服，可以坐好耐~

星期日又去食早餐，ｄ姐姐．．．　唉～　人地係度諗緊食乜，佢地就掛住畫公仔係咁笑，笑到我坐係洗手盤阻離都聽得好清楚．．．

KFC 食桶餐 大大桶 夠晒食身為KFC 之友既我定期都會到KFC 購選一桶雞黎分享一下今期去左食大大桶既辣辣雞當然係非常之好味道~哈哈價錢接受到啦120蚊左右~大大件好好味結果2個人食都要分2餐先食晒下次要支持過去片睇圖片~!^^

今晚屋企食KFC.叫左個$138套餐.好多野食.9件雞,3件巴辣雞翼,3個飯,2個沙拉,2個薯容,4件葡撻,4杯汽水!仲加左$8買左個新出的芝士波.$8得5粒ja.很小!!

9月23日，09：25又獨自到藍灣吃早餐，處處滿座，祇好到這店。客人祇小貓三兩隻。感冒未清，不想吃肥膩的雞飽；便要了鮮茄雞絲通粉和即磨齋啡。鮮茄雞絲通粉：數小件番茄、薯仔粒和慘白幼雞絲，賣相差；湯祇是微暖，鮮味大打折扣，通粉過淋。即磨齋啡：偏淡，不算香。還未吃完便匆匆離開，原因是有員工，用1比99在我身邊拖地>m<。雖在其他連鎖店偶爾碰上，我個人對此極抗拒。再會了KFC！