肯德基家鄉雞 (KFC)

營業中

休息中

將軍澳區食肆選擇不多，偶爾都會吃炸雞。由於這店坐位不多，通常會買外賣，好多時回家後都有驚喜。試過多次有野欠，還可打電話到店，店員稍後送回。但今次……這個磨菇飯，真係離哂譜！之前試過得3片磨菇 ，今次再創新低，得1片磨菇 ，飯得1半，要回水呀！

長期糧尾介紹我這飯桶去肯德基吃午餐，事關看到傳單寫$20能飽肚，更送一杯汽水，抵！ 這個大盛雞皇桶飯餐的確是我這大胃窮人的救星嘛！食物質素方面，尚算合理。飯的份量足夠，但偏軟；白汁令我很開胃，雞粒除了很軟，更帶微辣，與白汁雞皇飯有點分別。雖則一個大盛雞皇桶飯餐已令我有九成飽，但看到托盤上的宣傳，$8的芝心火腿脆卷賣相十分吸引，便買一條試一試。可惜實物與照片有很大差異 ，那條脆卷既幼且軟，唯一慶幸是芝心和火腿都如預期，芝士半溶化，挽回失分。

從信用卡廣告看到憑Aeon信用卡在肯德基家鄉雞吃飯有優惠，$59可以吃得飽飽，所以去吃了一頓午餐。豐富的食物包括：辣汁蘑菇飯、家鄉雞皇飯(細)：一如以往，飯軟汁香，很快吃光。巴辣雞粒：感覺像放了一段時間，不夠香脆。墨西哥脆脆(配特濃芝士醬)：同樣是放得太久，有點軟化；芝士醬則令我的食慾增加。家鄉雞：肉質一般，有點嚡。封味鍚紙烤雞：可以一試，雞肉入味，亦較嫩滑。汽水兩杯：二人餐，當然是兩杯飲品喇！整體而言，這頓午餐以便宜取勝。

肯德基家鄉雞有新食品，當然要試一試喇！我吃了避風塘脆辣雞餐，$37.8有兩件雞、羅宋湯或瑪嘉烈葡撻、家鄉雞皇飯和一杯汽水。先說說那兩件避風塘脆辣雞，比預期更辣！個人喜歡吃辛辣的食物，但今次的雞皮真的辣得令雞肉都變得沒有味道，結果我要放棄那香脆的雞皮，才勉強能放進咀內；肉質方面，無論是雞上髀或雞下髀，都很嫩滑。沒有選擇喝羅宋湯，全因我喜歡皮脆蛋滑、甜甜的瑪嘉烈葡撻，依舊好味道，可惜皮不脆了。至於家鄉雞皇飯的白飯太稔，令我有少許失望嘛。這套餐份量充足，但價錢並不便宜，所以試一次已足夠了。

看了電視廣告，被那些芝士吸引，今天終於嚐到了。芝級Pizza寶盒：餅皮與那些墨西哥卷所用的差不多，內有一塊雞、粟米、菠蘿、青椒等，味道不錯，可惜芝士沒有宣傳般多，令我有少許失望。另外，如果炸雞可以再脆一點，再大塊一點，甚至即叫即做，熱一點，肯定會更好味。眼見接下來的食客要等，我估計他將要吃的是立刻弄的，應該會更惹味吧！辣汁蘑菇香飯：作為菌類厭惡者的我唯一自願吃的蘑菇飯，今天的蘑菇汁非常充足，Lucky!墨西哥脆脆：本來不太喜歡這不夠脆的脆脆，但勝在有我愛的特濃芝士醬，所以吃得一塊不剩。總結而言，芝級Pizza寶盒套餐份量足、味道好，價錢合理。

向來都知道每間肯德基出品都不同﹐是日來到見不是很多人﹐所以便叫了一隻普通家鄉雞及一隻蜜蜜燒雞翼。 普通家鄉雞 (下髀) – 外皮只是微暖﹐不脆口兼皮質很淋及油膩﹐雞肉肉質亦不太嫩口﹐有點霉。蜜蜜燒雞翼 – 味道甜甜﹐燒得不錯。肉質亦算嫩滑。在肯德基要吃到好雞真是只能撞彩數﹐剛巧碰到他們剛剛炸起便最好﹐所以最好都是到人流比較多的分店碰上這機會比較大。

睇見OPENRICE討論區有人話KFC隻新狂惹烤雞唔錯, 咁o岩路過一於試新野.三十幾蚊o既套餐有咁多野食: 二件狂惹烤雞, 二件巴辣雞翼, 葡撻, 磨菇飯仲有汽水! 其實都幾抵.至於狂惹烤雞, 講隻調味的確唔錯喎! 味道有少少似蜜汁燒雞翼, 少少甜蜜味, 真係幾惹味, 而且醃得相當入味, 一件上髀一件下髀, 雞肉當然都好滑啦, 雖然講真就唔多似燒雞, 但我個人來講幾鍾意. 不過, 不得不提呢間店既客人唔多, 可能因為呢個原因所以D雞唔係好夠熱, 相信如果係剛剛烤好熱辣辣的話, 一定更加美味! 下次有機會一定再試!

這所曾光顧無數次的KFC其出品的水準一向不穩定有吃過份量足料的漢堡包但亦有試過外賣換來不凝固的奶凍加上炸雞始終不健康所以近一兩年已甚少光顧最近見KFC翻推芝士波還多加車打芝士令我心癢癢的冒著熱氣的風險買來一試說真的 $9.8五顆芝士波是否物有所值真的見仁見智但可能今天帶點運 拿在手裡的芝士波還是熱燙燙的立刻就拿一顆學電視廣告般拉出芝士絲果真讓我拉到記得第一次推出時曾買過一盒拉不出絲的 氣得我.v.幸好這次拉到了使我在商場內不停忘我地在拉拉拉把玩完一輪 談談味道外脆內軟算是做到了只嫌芝士波的表面較油膩吃下去彷彿很大罪咎感而加了車打的芝士波比上次芝味更濃更重 算不錯!:>

原本想去太興吃早餐， 點知去到看見已很多人等位， 於是去了附近的肯德基。我要了香腸+炒蛋+蜜糖鬆餅+番茄湯通粉， 薑餅人則棄香腸而取炸雞扒。香腸似是烚，無咁油膩不過少了香口，蜜糖鬆餅最愛香脆外皮。番茄湯通粉味道偏淡， 最差是炒蛋， 份量小， 炒得乾鞋又無蛋味。炸雞扒還是最穩鎮， 醃得入味。

今早要接姨甥仔,因為今日我放假,就諗起不如帶佢黎我屋企玩,接咗佢之後,就帶佢去kfc食早餐.我用優惠券買咗一份有雞扒,腸仔,薯餅拼蕃茄雞蛋通心粉套餐,仲有杯奶茶同佢2個人分享,我姨甥仔話要飲汔水,但單買一杯要9蚊,我話唔好,佢就發晒忟憎,話我有得飲,佢冇,後尾,即跑去百佳買咗2枝汽水,加埋都唔駛9蚊,抵好多.講番個早餐,我姨甥仔食咗一陣,就話飽,之後d野咪又係我去清,先食佢食剩既薯餅,炸得幾好,冇油"必"出黎,幾好.腸仔同雞扒,ok既,而蕃茄雞蛋通心粉,攤涷咗,唔夠熱,如果整番熱d就好啦,佢d蕃茄夠濃,好飲.熱奶茶,夠味,都幾好味....

今晚利物浦對愛華頓，Derby 大戰，專登去買個 KFC 番屋企食，用了特價 coupon $55 有四件雞、兩個蘑菇飯、脆格，另外再散叫了新出品雞骨串 $9.8早前上深圳玩，曾多次光顧 KFC，當時已試過這"雞骨串"，深圳版稱之為"骨肉相連"，是以雞肉及雞軟骨而成的串燒，味道帶點辣，十分討好! 但香港的雞骨串卻明顯有出入，首先這串燒骨肉分離，雞肉及雞軟骨未有緊緊連合一起，失去複雜的口感，香港版的賣相較為鮮色，味道偏甜，份量更相距甚遠，略為失望奇怪的是，香港 KFC 的炸雞也遠比深圳的遜色，香港版炸雞，雖然脆口卻油膩非常，一咬下出，總會感到食了一口油似的，但深圳版卻是比較乾身的，不油不膩，肉質鮮嫩之餘更是熱辣辣的，一試難忘....是深圳的太好還是香港的太差? 或許，我不應該在深圳食 KFC，令我對香港的炸雞徹底的失去信心

見佢係咁賣廣告，就o黎食個黑椒特檸雞翼。佢個至爆套餐有兩件原味雞翼，我發覺係好食過o個件特檸雞翼-_-可能因為d黑椒加埋檸檬汁蓋晒d雞味啦。不過整體其實唔差既。個飯就比以前差o左-,-

星期日晚不太餓…忽然想食KFC，想試試其新推出的特檸雞翼我叫了特檸套餐，有3隻雞翼、格格脆薯、至爆雞粒、還有個磨菇飯。男朋友要了至爆套餐，有個飽、有雞翼、格格脆薯。飯無味，不好吃；雞粒幾辣，幾好味；格格脆薯正常水準；特檸黑椒雞翼感覺幾新鮮，黑椒味濃，但青檸味不突出，感覺有點似豬肉乾味…不過KFC愈來愈抵吃是真的

星期四o係東港城食左餐唔會食o既KFC, 於是o係唔憤氣o既情況下又再食多次今次就去同區o既君薈坊, 又係叫左3號餐:5星巴辣雞腿包+雞一件及汽水一杯 ($27)個包同上次果個簡差天共地...依個我盡張開我個大口, 都未能將佢咬開, 無論塊雞扒同蕃茄都好厚, 仲俾我見到d醬, 上次果個我仲以為無醬又無蕃茄...塊扒又勁juicy唔係柴皮~仲有舊雞佢俾左雞上脾我喎...開心到我丫~~舊雞塊皮厚左d, 不過撕開仲有d汁流出黎杯汽水仲要有汽又夠凍...依餐食得好滿足~如果東港城果間學下人地, 我就唔洗搭多個站黎食野啦...唉~~

KFC 新出的巴辣雞粒Hot Shot $9.8價錢是偏貴的，因為雞粒數量甚少，一蚊一粒雞，而且大細不一，口感也不大豐富，咁既價錢不如買一客巴辣香雞翼更好^^