肥媽屋

$105兩個各5餸嘅撈麵，加一杯檸檬茶，其實都冇乜挑剔！肥媽屋位置喺香車街街市熟食市場，如果天氣熱嘅話就真係唔建議食，涼涼地嘅時候都可以試吓！本身都諗住熟食市場環境麻麻哋，想像中乾淨，至少見唔到曱甴😂 地下都係乾爽😂出去姐姐點送落單，再搵位，然後姐姐就會認得你送到去你張枱度！其中一個叫咗通菜、墨丸、豬大腸、冬菇、魷魚，通常出邊多送份糧就會少，呢樣嘢值得讚，冬菇都有四舊！12點去到已經冇豬紅，有啲失望！冬菇同豬大腸唔錯 👍🏻本身以為有辣汁，不過佢係冇嘅，可以要求佢加啲咖喱汁同埋枱頭有辣椒油，另外枱頭都有一支豉油，似乎有少少調味同就咁平時豉油有啲唔同，不妨一試！…查看更多

都唔係第一次嚟「香車街街市」上面嘅熟食中心食嘢架喇，上次食完「祥記」，老婆就話帶我試「肥媽屋 」，話啲車仔麵平靚正，加上呢度好平民嘅熟食中心環境，好有地道風情。故此，趁今日出嚟荃灣睇早場，順道食晏、入貨一take過。 佢嘅鋪位啱啱晌其中一邊嘅入口，感覺會比較通爽，無晌裡面嘅米線鋪、茶記咁侷促。環境一眼睇晒，夠地道，摺枱膠椅，嚟幫襯嘅大多數都喺晌附近嘅街坊或打工仔。 一大張橫額就列晒所有食物、飲品，最低消費只喺$15，絕對喺極相宜。呢度出名喺佢啲撈麵，所以，目標一早就放晌撈麵度，而是今時菜就貼晌灶枱旁，是日有通菜、菜心同生菜。 枱上已放有好幾款調味料，如酸醋、豉油、辣醬，當然，仲有匙羹、筷子。  冬菇蘿蔔通菜湯米粉 $26老婆想食清淡少少，所以揀湯米粉，而餸料亦都喺揀晒啲素菜類，不過，佢話雖然喺素菜，但分量好足，好似啲冬菇就有成4大隻，好有菇香，蘿蔔入口亦嫩滑無渣，通菜唔會好老，夠爽脆，真喺性價比高。 豬皮咖哩魚蛋魚片頭撈粗麵 $24揀撈麵嘅話，會用啲懷舊鐵碟嚟裝，夠晒風味，同樣都喺份量十足，4大粒咖哩魚蛋，3大件魚片頭，仲有好多豬皮，啲咖哩都幾辣吓，但好滋味；無論魚蛋還是魚片頭，都算幾爽口，撈面就梗喺揀粗麵啦，淋上自家製撈麵醬汁，非常惹味。 自家製五花茶 $8拎到上枱，我老婆以為喺可樂，唔飲，我話喺五花茶嚟架，哈哈！啲五花茶煲得唔錯，甜度啱啱好，又夠凍，啱晒用嚟解吓辣，又可以清吓熱，一舉兩得。 呢度可以食得好經濟，亦可以食得豪少少，而店家真喺大方，餸料比出面嘅車仔麵檔定價平，份量多，真喺好多人嘅糧尾救星。…查看更多

🐽豬紅豬皮魚蛋雞翼尖撈粗 $28傳統車仔麵嘅味道，自家製嘅撈麵醬汁，雞翼尖滷得好入味，豬紅非常新鮮，大大粒魚蛋，每個餸嘅份量都多，一啲都唔孤寒。雖然係熟食市場入面，但環境都算乾淨，四餸一麵平靚正，性價比極高，糧尾之選。🐽冬菇通菜魚蛋釀豆卜湯米粉 $34鍾意食濃味嘅可以選擇撈麵，而鍾意食清淡啲嘅可以選擇湯麵。蠔油冬菇醃得好入味，大大粒好有口感。釀豆卜個餡就用左魚肉打成膠釀係豆卜上面，唔腥，而且索左啲蠔油冬菇汁，好juice。無論係湯麵定係撈麵，食完都唔會覺得口渴。…查看更多

嚟香車街多數都係食米線食到悶當日平日十二點正到完全無人 出名撈麵就食撈麵啦魷魚 豬腸 蘿蔔 撈粗 加咗啲沙嗲汁係面味道就不過不失 份量略少朋友推介必飲自家製五花茶係好飲喎 上面食完特登過嚟買嚟飲都好…查看更多

聽朋友講e間車仔面ok,又可以轉撈面去開果頭所以決定去試一試。。不過上去都有d煩，上去要scan街市個安心，去到鋪頭又要scsn多次地方就傳統大排檔feel,得幾張枱。。。夏天我應該食唔到自己落order叫野食，叫個撈油面，雞翼尖，豬腸，紅腸等等。女朋友都係油面撈，冬菇，豆腐卜，等好快上枱，個碟都好懷舊 不過分量比較少唔係好夠😅味道好一般。。。個面林到唔知食緊乜。。唔難食嘅。。不過真係冇特別一般中嘅一般不過個冬菇，豆腐卜係ok ge但係就真係剩係得依兩樣嘢OK所以之後都唔會再食…查看更多

早上在荃灣工作，非常順利，不到中午就完成了，想想去香車街街市食鳳爪面。點了一份鳳爪，蘿蔔，魷魚，咖哩魚蛋，撈粗面，不能吃湯的，太熱了。主要吃鳳爪，很有嚼勁，醬料特好味。這熱天喝五花茶最好。不過大熱天的，真的好熱，只能快點吃完離開。…查看更多

三餸車仔撈粗麵🤤$17好耐無食😏竟然有開😂當然要幫襯😎牛丸🐮$4墨魚丸🐙$4咖喱魚蛋🍡$4粗麵🍜$5簡簡單單🙈超抵食😛而且好好味🤤不過坐室外，有D熱🙈肥媽屋 (荃灣)荃灣香車街街市1樓熟食檔…查看更多

寫字樓搬到荃灣後，聽同事講香車街街市上面，有又平又好味嘅車仔麵，終於一試12點9左右可能天氣熱唔太多人坐喺大排檔食，多數叫外賣。我揀咗最典型嘅車仔餸: 有豬紅，蘿蔔，豬皮 , 咖哩魚蛋 & 粗麵，個個都話撈麵好食便試吓！樣樣餸都幾好味，有埋少少辣咖哩魚蛋，個汁撈麵別有一番風味👍平到你唔信，同細個喺秀茂坪大排檔一樣價錢 ……$25蚊咋👍…查看更多

Happy Friday，成班同事冒住大雨都出去覓食。睇d人潮都知呢間唔差得去邊吧！按餸收費腸仔、丸及餃這些，急凍舖都買到，我出街食梗係叫d自己唔煮的野！鳳爪及豬腸份量都算多，而且好味係麵的份量好似少d。湯底唔錯。同意叫撈麵，望落好夠睇頭…查看更多

肥媽屋車仔麵，在荃灣可算是歷史悠久，她在從前的大河道，即舊泰林電器旁則，入內的後卷大排擋時，那時候經常看見排長龍吃車仔麵⋯⋯反而搬了過來香車街街市已多年，由於她收得早，搬到這裡之後，筆者很少過來。餐牌一目了然，價錢大衆化，所以繁忙時段經常排長龍。肥媽兩母女出名眼明手快，筆者覺得女兒還有一點氣勢，所以落單時段切勿猶豫。反觀從旁協助的那位男士，未知是肥媽兒子還是女婿，有時候帶點幽默及友善，相信這是他們的策略，一剛一柔，以柔制剛，還是以剛制柔⋯⋯務求更有效率。在排隊等候點餐期間，會看到大大個牌寫著今日時菜: 通常都有四種蔬菜選擇，有時候筆者會選擇兩種蔬菜，健康一點。由於他們有一般的車仔麵(即湯麵) 和撈麵之分，所以每張枱調味也算齊全: 醋、豉油、辣醬。如果當日吃撈麵配點點辣醬更味美。鴛鴦菜豆卜大腸撈粗麵~鴛鴦菜即選兩份菜，食店撈麵的秘製醬汁有點點蒜蓉，相當香口，如不喜他們秘製醬汁可改𧐢油代替。豬大腸:此乃是車仔麵之靈魂，夠粗壯，點點肥膏，刀法選用斜切，賣相和味道同樣吸引。醸豆卜~感覺如自家製的醸魚肉豆卜，夠入味。…查看更多

避左繁忙時間食中午是我的中旨（公司比較彈性），本想吃其他的，但好多都未開市，咁就行左去肥媽屋，看見食車仔麵，有湯或撈既選擇，但我都係選擇湯麵，來到睇樣好似唔錯，但味道沒想像中好味，湯底話係豬骨湯，可能我叫左咖哩魚蛋，蓋過了豬骨湯味，正常好多車仔麵檔都有自家辣椒醬，佢地冇呢樣野，就覺得失色不少，粗麵簡水味重，價錢可以接受，但某些食材就比較貴，份量以我來說就比較少，總括而言，路過可以一試，不必轉程來吃。:)…查看更多

車仔撈麵! 識食一定係食撈麵! 個蠔油撈麵醬汁無得彈! 好幾年前仲喺舊舖媽媽已經帶我去幫襯過, 舊舖環境是惡劣的, 不過勁多食人, 無他既, 好食丫 ma….媽媽有時會買車仔餸比我食。後來搬舖到現址重開, 媽媽又帶我去, 依舊是超好味的! 推介豬手, 牛腩, 鳳爪,釀豆卜,豬扒, 魷魚, 豬大腸! 魷魚超級脆口! 豬手 & 牛腩都炆得好淋, 但又唔會爛晒! 豬扒用花生醬醃, 好入味, 肉質鬆軟 (唔係成日都有供應)! 豬大腸厚身, 好大件, 有咬口又唔會靭! 釀豆卜更是必點項目! 一定要飲五花茶, 因為係自家制, 足料好味道!註: 記住打個電話去問吓有無開門, 否則好易摸門釘! …查看更多

呢個係我兒時回憶，小時候媽媽帶我去過呢間食嘢，但嗰陣時唔係喺香車街街市，而係喺以前泰林電器隔離條小行，雖然環境好惡劣，但係超多人食！早幾年前發現佢喺香車街街市開檔，嘩超開心呀，所有回憶都返晒你咁來咁，佢用嗰啲碟仲要係好多年前用落嗰啲，我唔知佢係鋁定係什麼材料做啦，平時出邊啲車仔麵係湯嘅，但係呢度啲車仔麵係撈麵，我個人推介魷魚和豬大腸，超好食，最緊要係叫佢哋嗰支五花茶因為係自家製！以前媽媽帶我嚟食，今時今日我帶埋我個仔去食！正呀…查看更多

中午放lunch 最鍾意就周圍去搵好野食，今日咁岩想食粉麵。行行下行左去街市個邊，見到樓上都有好幾間食肆。呢間唔係常常開，見到佢開就當然要試下啦！今次食牛腩冬菇生菜湯粗麵，好足料，盛惠32元！味道唔算太濃，岩曬鍾意吃清淡口味的我！…查看更多

係街市上面搵有咩好食既時候發現的車仔面，聽講原來都有d名氣！去到首先要排隊點餐，再自己選好位入座！都有唔少人排隊！因為今日想食清淡d, 所以點了芥蘭, 蘿蔔, 魚片頭，撈幼麵，（當然大家可以選擇湯啦）再加多支支裝忌廉，成為3x$, 相對來講飲品價錢比較貴少少，車仔麵就比較平，份量我覺得女仕來說剛剛好，撈面個醬應該自調既，有蒜，豪油同好好好微既辣～係依家呢個咩都貴既時代，有間平價野食下，真係可以安慰下我地既心靈！…查看更多