影片
港鐵荃灣站 A1 出口, 步行約11分鐘
繼續閱讀
電話號碼
66778405
開飯介紹
由重慶師傅炮製一系列川菜，而且調味料、辣椒等香料均來自四川，風味十足。菜式更設有不同的麻辣度，以配合各人口味。
繼續閱讀
附加資料
星期日及公眾假期加一服務費
營業時間
今日營業
12:00 - 23:00
星期一
全日休息
星期二至日
12:00 - 23:00
公眾假期
12:00 - 23:00
以上資料只供參考, 請與餐廳確認詳情
有關獎賞計劃
優惠
88折
【火鍋】$100 通用現金券 **無限兌換**
$88
$100
在荃灣尋覓麻辣滋味，這家專注於川渝風味的餐廳絕對值得您專程造訪。其鎮店之寶「秘製豬軟骨」早已擄獲無數食客的味蕾，成為嗜辣者口耳相傳的必點招牌！這道秘製豬軟骨的精髓，在於主廚對火候與香料的精準掌控。嚴選上乘豬軟骨，經過漫時燉煮，肉質呈現誘人的軟糯脫骨，輕輕一抿便在口中化開。外層包裹著濃郁醇厚的麻辣醬汁，以數十種辛香料如花椒、八角、桂皮等精心熬製，麻辣勁道層次分明——入口先是花椒的麻香竄動，緊接辣椒的熱烈奔放，尾韻卻意外回甘，令人驚艷。軟骨部分燉得鬆軟入味，膠質豐厚，每一口都充滿黏唇的滿足感，佐以白飯堪稱絕配！餐廳另一貼心之處，在於深明麻辣盛宴需以清水相佐之理。甫入座，店員便會主動提供冰涼清水，或於客人要求時迅速補充，絕不因免費提供而怠慢。這份細心，讓客人在大快朵頤麻辣料理的同時，能隨時緩解舌尖的灼熱感，盡情享受每一道菜餚的完整風味，無需因辛辣而中斷美食體驗。此舉在坊間麻辣店中尤顯難得。店內裝潢簡約樸實，卻洋溢溫馨的用餐氛圍。服務人員態度親切，上菜效率高，讓人能專注於眼前熱氣蒸騰的麻辣饗宴。無論是招牌的秘製豬軟骨、鮮香的水煮魚，還是其他川味小炒，皆能感受其對正宗麻辣風味的堅持與用心。荃灣麻辣控注意！ 這家用心經營的專門店，憑藉一道令人回味無窮的秘製豬軟骨，以及體貼入微的清水服務，完美詮釋了何謂「以客為本」的用餐體驗。喜愛麻辣的您，務必親臨一試，讓味蕾感受這份麻辣與溫情交織的感動。記得提前訂位，以免向隅！
繼續閱讀
最近我去咗一間小店，專賣川菜，餐廳環境簡單，但食物滿足😊當日係食飯時間，但係都冇乜人🫣相信都好難做，希望多啲人支持小店啦！坐言起行咁就試下佢哋嘅招牌菜啦！首先，我哋點咗招牌口水雞🐥佢哋用青瓜墊底🥒雞肉煮得嫩滑，配上香辣嘅調味醬，味道開胃。青瓜嘅清脆感同雞肉相輔相成，成道菜更添清新感，真係好味！仲可以揀唔同嘅香辣度🌶️我就揀咗小辣，因為朋友唔太食得辣，相信如果鍾意食辣嘅朋友都一定會鍾意😛😛接住，我哋又試咗酸菜魚🐟🐟份量大，魚片鮮嫩，同平時嘅魚有啲分別，除咗魚片之外，佢仲有其他魚肉嘅部位，湯底酸酸辣辣，特別適合鍾意重口味嘅朋友。最後，我哋仲點咗清炒土豆絲🥔🥔呢個有驚喜！雖然係一個簡單嘅小菜，但炒得非常好👍🏽👍🏽土豆絲口感脆嫩，搭配少量嘅蒜蓉，味道清新😛😛這道菜對於重口味嘅菜式來講，真係一個不錯嘅平衡。整體而言，呢間小店雖然人不多，但菜式味道卻出色，老闆娘都好好人，如果你鍾意川菜，或者想支持本地小店，呢個地方值得一試！😊
繼續閱讀
咁啱喺荃灣附近，想食辣嘢就嚟到呢間餐廳，入到嚟叫嘢食嘅時候可以揀BB辣小辣中辣或者大辣，本身其實我哋都唔算係好食得辣，諗住叫小辣，但好彩老闆娘提醒BB辣已經好辣😂 （事實上對我哋嚟講BB辣真係已經好辣！）我哋叫咗個酸菜魚，最驚喜係真係好多魚，，肉質鮮嫩，啲魚勁滑！湯底好香飲落唔會好鹹，而且我哋自己再加咗啲薯粉入去，撈埋啲湯汁食真係超正！而且辣得好過癮！一碗份量超多夫妻肺片一直覺得呢個餸真係好開胃，而且呢度都整得好好，因為夫妻肺片係冷食，最重要係嗰啲汁超香，同夫妻肺片超夾，就連隔離嘅青瓜都好好味，清爽得嚟配埋啲汁又好味！手撕包菜最驚喜嘅一道菜！啲菜好新鮮，少少辣好惹味，食完啲辣嘢食個菜又唔會覺得負擔好大，換吓口味，又可以食多一輪！整體嚟講，呢間真係超適合食得辣嘅人，而且佢嘅辣係辣得好惹味嗰種，下次會再同啲friend嚟食多次！人均唔使200！
繼續閱讀
今日喺荃灣收工，就行去福來邨附近搵嘢食，先發現原來嗰頭有好多好餐廳，雖然熱但有少少想食麻辣，就行咗入呢間餐廳，睇餐牌見佢有好多選擇咁我哋就等佢發辦，因為都諗唔到想食邊款餸菜老闆佢哋幫我哋諗好：1. 夫妻肺片2. 辣子雞3. 炒包菜咁佢哋都好好嘅，煮之前會問我哋食幾辣咁我哋就廢廢地叫個BB辣就夠啦🤣1. 夫妻肺片夫妻肺片，下面有好多青瓜，肺片嘅份量都好大份，不過最正都係佢呢一個麻辣汁，超級香每一種香料嘅味道，又唔會話超級超級辣2. 辣子雞佢呢個辣子雞切到細細粒，放入口食size啱啱好，我留意到佢呢一個栗子雞係有蒜片、豆豉、辣椒乾等食材嚟炒，唔似出面咁剩係得辣椒乾3. 炒包菜個菜出奇地炒得香，可能係個油嘅關係，亦都炒得好有鑊氣，有啲辣椒仔做點綴，但係又唔太辣，蒜香味超級濃不過我大頭蝦，比完錢攞錯左人哋張收據，笑死
繼續閱讀
朋友知道我鍾意食辣嘢，介紹咗一間佢成日食辣嘅街坊餐廳，仲話一定冇介紹錯😆入到去環境係小店感覺，牆身用咗農村圖案為裝飾，幾溫馨嘅感覺。今次試咗三道菜，每一款都真係好好味，辣度真係好過癮，真係好啱鍾意食辣嘢嘅朋友,連我都算食得，小辣都已經好夠辣，如果唔叻食辣，我建議叫BB辣喔😎🔶夫妻肺片好足料，呢款辣幾特別，辣得來好惹味，就算我叫小辣都算好辣，但都停唔到口🤩🔶辣子雞呢款係必推薦，係我暫時食過最好味既辣子雞❗️🤩咬落去外脆內軟❗️辣度岩岩好，一開始食唔覺好辣，但啲辣味會慢慢滲出嚟，真係好過癮好好味👍🔶酸辣炒土豆絲呢款係開胃之選，我揀咗酸辣味道，完全可以緩和左食辣嘅味蕾，加多碗白飯，岩岩好😚
繼續閱讀