肥仔記麵家

營業中

休息中

見到牛腩關注組介紹，剛好在銅鑼灣，於是便一嚐他們的淨牛腩。甫進店鋪，眼見不少人在場，心想應該錯。淨牛腩價錢是$90他們是以柱侯牛腩的方法製作，但牛腩肉質偏瘦、較乾柴、汁底感覺像有一點藥材味，肉質較少牛肉和油筋味。由於過多瘦肉，吃下去口感過柴，未必會再回頭試了。另外也點了一碗淨雲吞，雲吞都足料，有蝦在內，口感也彈牙，湯底感覺略帶有味精。整體中規中矩。菜方面點了菜心，不過不失。總結來說，為了牛腩而到的話，就略帶點失望了。

外賣3個餸$38，好抵食最緊味道唔差，餸嘅份量足個湯唔錯，食完夜晚唔會話係咁搵水飲牛腩入味 軟焾蟹子墨丸 冇咩特別，唔難食魚肉春卷 好食如果唸唔到食咩外賣，黎度食幾好

從牛腩到餛飩到河粉，從份量到味道到速度，都非常above average啊。咁樣一碗雙拼先36蚊，喺銅鑼灣簡直佛心❤️啦食完先望到呢間嘢喺open rice評分咁低嘅？！😲睇翻之前啲評論又話牛腩鞋，又話河粉碎濕濕，又話服務惡劣，完全唔會wor！牛腩，好軟爛wor河粉，好長wor，夾都唔會斷wor服務？可以有咩服務，出門口阿姐講咗句 '多謝，拜拜' 囖。唔通係今年大幅度加價（年頭雙拼28蚊）之後，所有嘢升級咗？冇比較唔知，不過宜家物超所值就得啦。

好耐冇食過雲吞麵，今日lunch就嚟咗呢間麵食舖😋「牛筋牛丸雲吞麵」 湯底超深色！係濃郁既滷水汁😍 雲吞粒粒飽滿，食得出係真材實料 ；牛筋mun到好林，好手入味，膠膠地既口感好好味👍🏻 麵係鹼水麵，食唔出有鹼水味，口感唔會太淋，我本身好鍾意食鹼水麵，對麵質嘅要求好高，淋少少都唔鐘意，依家係合格嘅👍🏻 lunch時間餐廳客人非常多，但侍應招呼周到，服務態度十分好，好少可，會繼續支持呢類中式麵舖👍🏻👍🏻

開工前冇咩時間食飯就簡簡單單入咗呢間面家食粉面。 個舖位較細冇咩位坐，一坐低就叫咗碗牛腩河多葱試試。嘢食算嚟得快，河粉湯底夠濃，唔會淡而無味，個面底唔算少夠食得飽，啲牛腩肉質唔韌，唔會咬極都咬唔到，份量都唔算少同埋都有少少牛筋可以試吓。間餐廳嘅食物粉面價錢都平民，喺銅鑼灣來講算係平，喺附近打工嘅打工仔不妨可以lunch試吓。

口罩都唔帶，非常不衛生，重要不停對住食物講野，買左外賣，錢都比埋，但唔敢食。食魚蛋粉都唔會有咩要求，但疫情咁嚴重既時候，待應最基本帶口罩都無，令人非常反感，以後都唔會再去。

在半年前，當時朋友在銅鑼灣返工，陪他晚上 10:30 收工食宵夜！他帶我到希慎廣場附近的一間粉麵店 <肥仔記麵家>！由於，當晚我食飽蛇宴才見他！只好陪他食麵，我什麼都沒有點！ 一於找個星期六中午來幫襯！見到餐牌，以銅鑼灣區，粉麵價錢合理！單併：$30雙併：$36三併：$42配熱飲 +$7/ 凍飲 +$9亦可選擇全日粉麵套餐 $42 (包括：單併粉麵、油菜及豆漿) 轉熱飲/ 凍飲/ 汽水 +$5這裡地方淺窄，坐得迫狹！原先我想點鳳城水餃，可惜賣哂！牛腩河 $30牛腩份量不少，肉質柔軟，河粉滑溜又入味！湯底鮮香濃郁！

又係去咗銅鑼灣嘅一日，今日又係行行吓街求其搵一間嘢食。🍭🍭今日去咗肥仔記😋😋😋，肥仔記主打嘅係雲吞粉麵同埋一啲牛雜麵🐂🐂🐂。今次嗌嘅雲吞麵做得非常之出色，更餐亦都有一個菜送，而我就叫咗菜心，同一時間佢亦都有豆漿送🥛🥛。首先講吓雲吞味道，蝦米同豬肉味都好濃、加上佢塊皮一啲都唔厚，食落去每一啖都好滿足。佢嘅面亦都唔會好重鹼水味，不過因為本人鍾意酸酸地咁食，所以都加咗少少醋落去。喺度推薦一下俾大家去試食！

其實幫襯左呢間好多次，每一次諗唔到食乜嘢，或者想隨便食啲野但係又想好食嘅，都會嚟食呢間。我最鍾意就係呢度嘅牛筋米線多青，真係好好食，腩汁底，牛筋又夠多，米線嘅份量亦都唔錯，包保你一定食得飽。最緊要嘅係佢嘅牛筋炆得好琳，同埋啖啖都係軟林林嘅筋，食落去好似食緊骨膠原同埋膠質咁樣，真係覺得皮膚都好啲。佢個藍汁亦都好香濃， feel到落咗好多材料去熬製而成，真係好有誠意架。最緊要係呢度嘅姐姐好好，好有人情味。真係好鍾意呢一間餐廳。

之前喺西營盤店食過兩次，當時仲係賣緊$20碗單拼、$25雙拼，大大碗飽肚抵食 黎到灣仔店發現加咗價，雖然話就話兩三蚊姐，但其實成10%，都咪話唔少 好彩食物質素無下降，鳳城水餃一碗有三粒，依舊飽滿多汁，幾好味

月頭洗多左，去到銅鑼灣呢D地方，係時候搵d平d既野食啦！竟然比我係呢到搵到一間平平地既麵店， 入到去，我就叫左個牛腩米線。 牛腩米線緊係要牛腩汁啦☺️一黎到，緊係要先試試佢既牛腩，佢既牛腩面咁平，估唔到都係好嫩，好有牛腩要有既鮮味！再試下佢D米線， 都幾彈牙，唔似其他大型面店咁普通，發覺佢應該有用心整過d面☺️☺️店員態度都好唔錯， 問我地洗唔洗要水呀，又問我地好唔好食，值得下次再去食呢間既面，下次想試下佢地既河粉！ 期待😜😜

社會動盪的日子，想不到，人在銅鑼灣，只是差不多10時，在街上竟然找不到什麼好吃。🥶第一，連鎖餐廳可能都差不多關門，特別的餐廳，又或是希望提早讓員工離開，因為交通可能阻塞。🤢明明天氣不冷，於是唯有越行越遠，結果終於行到來渣甸坊這邊，看見那一間中式辣東西食店，又幾乎關掉，於是越行越遠才來到這間肥仔記車仔麵。只有一名年輕的小夥子在樓面，看來不算太友善，但服務態度還相當不錯。車仔麵的款式其實不太多，只有米粉、河粉、米線、幼麵，沒有看到其他什麼；配料也不算太多，好像上面只寫了10多款配料，以車仔麵來說，的確不夠多。米線普普通通，不算太過彈牙，我又再次點了魚肉春卷，但魚肉春卷和平時的魚腐卷有點不同，它的魚肉春卷，中間好像有幾層腐皮的，質感比較特別，另外又吸湯，還算不錯。反正車仔麵店的牛腩也不會比起我平時吃的清湯腩好吃，於是就點了鵝腸，鵝腸長條型，中間完全沒有骯髒物，彈牙而不算太過韌，亦都沒有苦味，還算特別。豬潤的質地也比較綿滑，切得夠厚，不會又乾又老又鞋。銅鑼灣的晚黑沒有剩下什麼食肆，來到吃碗麵，都不消$50 ，可以吃到三餸麵，即使沒有贈送飲料或豆漿，在銅鑼灣這個商業社會也不算太過貴吧。

朋友個個都話佢d魚旦好正好有魚味, 當然啦, 每日早上路過都會見佢d師傅响到打魚旦架, 感覺好健康喔。所以我嚟親魚旦是我首選....但其實佢除左魚旦外, 牛根都好正架! 今天又來食魚旦牛根面 ~ 有三粒魚旦，魚旦的確係好有魚旦味, 而且好彈牙。牛筋切到細細件，食落好淋，老人家都食到呀而且牛根都入晒味, 面質都好爽口好味 呢度個湯夠晒熱，又唔會太咸...食完唔會有勁口渴就知冇落太多味精落碗湯到啦。四十三元一碗連凍飲感覺都幾低

I was having a feast here with my parents. Lol... 🤣 That's by far my favourite local place when I feel my having casual local food. Their beef tendor could be better though. Otherwise, wanton, pork liver, fish balls, etc... were all good! Wanton especially, delicious; wrapped with tasty shrimp inside, and bouncy.

行過見到鋪面幾好就行左入去試。叫左個雙并 牛筋并豬潤米！都幾平$38？唔知有無記錯！豬潤爽口 但有一點怪味有4塊幾多！牛筋入味 但唔係好淋果種湯底普通 好在唔係淡老公食牛腩撈麵試左一舊 好淋 但似台灣牛肉麵果d牛肉多d算唔錯了