肚餓了串燒烤焗專門店 (已結業)

放工同同事過嚟尖沙咀食串燒Book唔到以前食開個間，所以轉戰呢間樓上串燒店試吓佢～間樓上鋪嘅餐枱以吧枱為主，講真坐得冇咁舒服嘅，而且我覺得冷氣唔係好夠所以感覺到有啲熱，食到尾段先感覺到有少少涼意！叫咗大約10碟串燒左右喇，一人$250到，都飽肚，算係抵食夾大件嘅～好食嘅串燒有以下：- 厚切牛舌粒，好彈牙，咬入去仲有啲粉嫩- 燒雞髀菇，保留水份，無菇腥味- 激辣餃子雞翼，果然係好L辣，雞翼好嫩- 燒帆立貝，好大粒好新鮮麻麻地串燒有以下：- 燒韭菜，韭菜唔夠嫩，食落有渣- 燒牛柳粒，好鬼鞋- 燒羊仔柳，都係好鬼鞋整體來講呢間串燒店食物質素中中挺挺啦！不過出餐係快嘅，我哋大約食咗半個幾鐘就KO左，可想而知佢出得幾快～ 但燒出嚟嘅食物唔夠熱呀真係，無即叫即燒嘅感覺！環境亦都係一般般，冷氣唔夠！

繼續支持黃店系列💛尖沙咀呢間肚餓了串燒係我第二次次去食了，好啱收工過黎食2串飲返杯啤酒，食物啊環境服務都係正常水準。串燒種類繁多，豬牛雞就唔少得啦，丸類同海鮮類都唔少，但就唔會話有d咩好特別嘅串燒或者部位食到💁🏻‍♂️燒豬頸肉 $69 大份好食，大推👍🏻🤤燒黑豚肉 $49 一般雞肉串(2串) $39 👍🏻燒雞軟骨(2串) $39 一般蜜糖雞翼(2隻) $30 推👍🏻☺️白酒焗蜆 $58 勁大鍋！扇貝(2隻) $68 大大隻💛微辣肉碎茄子 $49 惹味😆2個人食到好飽，價錢亦都合理，豬勁肉無論價錢定燒出黎嘅功夫都一等一，勁juicy好食☺️白酒焗蜆份量勁多，酒味完全冇同你客氣，可能係揮發唔晒，反而調味上可以再重手d😎

好耐都冇試過一間有質素嘅串燒小店！雖然上菜比較慢，不過慢工出細貨，值得嘅。黃金辣椒薯條每次見到黃金嘅嘢都必定會嗌。你似呢個薯條份量好多，而且蛋黃亦都落得重手，加上辣辣地，好正。金菇肥牛卷超級推介！呢度個廚師好有心機。先以燒汁作為主要調味，最後再灑上孜然粉。我一啲都唔會覺得乾。燒汁魷魚呢個大家一定要試一試。魷魚夠大隻，仲要係新鮮魷魚，加上燒汁夠重手，美味。羊肉串生熟程度啱啱好，一啲都唔乾，仲好Juice。本身羊肉嘅騷味偏淡，再加上調味嘅覆蓋，唔識羊嘅朋友都可以試一試。餃子雞翼呢個冇得彈。起初我以為係塞隻餃子入去做餡，食完先知道原來雞翼就係餃子皮，而中間個餡係明太子魚子？我都唔太知道不過好好味。其他嘢食，其實都好好食，不過以上幾款比較推介度突出。期待下次再黎。

同朋友慶祝生日，四個人充滿期待食串燒，點知唔好食又貴又唔夠冷氣又焗，早到左10分鐘，門外又熱又焗，就算未開門都想入面坐住先，因為佢都係早十分鐘先有人，唔比入住，出面企左10分鐘已經好熱，入到去坐先啱啱開冷氣，想開大d冷氣原來已經係最大了，之後坐左成個鐘都仲係好焗好熱架，超差...首先個menu 有差不多三分一都係交叉左冇供應既，包括豬大腸、綿花糖多士、同其他招牌菜啦，咁唯有點可以order 個d 啦，點知轉頭又話冇車厘茄、雞髀菇、蕃薯、餃子雞翼、羊架、燒波蘿都係冇架。點左蒜蓉燒茄子佢話冇蒜蓉，問我地介唔介意轉肉碎茄子，咁只可以轉攞，超無奈....跟住d食物，個牛舌真係好韌，咬唔開好似食膠咁，雞軟骨一般，鰻魚好細條，玉子燒ok,燒韭菜一般、燒薯仔粒ok,燒豬頸肉ok。不過都有好食的，雞腎、燒粟米、燒蠔、燒雞翼、燒露筍、南瓜餅係好好食既。其實成個menu 係冇澱粉質食物既，出面串燒店通常都會有麵、炒飯或燒飯團、薯仔類、或烏冬咁啦，完全冇飽肚既食物，只有大量肉類、海鮮類、蔬菜類，個人覺得只食肉同菜係唔可以作為晚餐，真係一d 稍為飽肚既食物都冇。埋單4位$1100，冇下次啦

在亞士厘道，除了多西餐酒吧，這家樓上串燒店-肚餓了串燒烤焗專門店，也非常適合把酒談心。這裏也有手工啤，起的名字非常有香港地道特色。沒有水供應，所以很多人都會點汽水啤酒等配串燒。蒜蓉燒原條茄子$49,這個最推介，很多人都會點燒茄子，因為份量大條之餘，蒜蓉份量澎湃，燒完味道十分好，除了極香的蒜蓉味，還灑上這裏自家的燒烤粉，味道十分香，桌上提供的黑椒和辣椒粉也推介大家試試，個人喜歡吃辣，辣椒粉真的辣得來很香濃，可以增添惹味感覺。燒火辣牛丸$22,一串有三粒，特別在於醬汁，辣醬味道適中，其實不算很辣，但卻能增添牛丸的香口惹味感覺，有點像泰式辣醬，但更加香， 牛丸非常爽口有彈性，質素很不錯。椒鹽燒星加坡白魚蛋$22,魚蛋質感比較鬆，不夠結實，味道就不錯，因為有椒鹽味增加香口感。燒芝士丸$22,燒完內裡的芝士流心，帶微咸奶香，外層燒得微焦更香口。鹽燒安格斯牛柳粒$79,一串有五粒，感覺雖然貴了些，不過味道和肉質極佳，牛肉非常juicy, 嫩滑無渣，又有BBQ香氣，椒鹽味香濃，是串燒中少有的高質素牛肉。自家製惹味燒雞肉串$39兩串，非常推介！雞肉新鮮爽滑，燒完肉汁多而有燒烤香味，啖啖肉份量也不少，個

自疫情來已整整一年沒有到過日本，非常掛念日式的燒物，為解思鄉之苦，聞說尖沙咀鬧市之中有一間以本土串燒店，所以專程去試一試其手勢。今日有幸可以坐係你張枱，兩邊都係大嘅玻璃窗，非常開陽金菇牛肉卷甜甜地既燒汁配爽脆金菇肥牛，味道十分惹味!汁燒原隻魷魚大大隻的魷魚由兩支竹籤燒出來，肉質厚實，爽口彈牙，配上惹味甜醬，味道已令人著迷。燒豬頸肉勁好食，每片肉都有返咁上下厚度，嫩滑肉質個種，脂肪比例都係恰到好處，仲份量好大份。燒墨魚丸大大粒，外酥內軟，口感有彈性。過去疫情期間，一些有本土概念既小店都挨得好辛苦，趁防疫放寬，就會同朋友聚一聚，傾傾未來。

伏爆指數：成張紙好多都交叉 比較出名嘅薯條又無但坐低咗就硬著頭皮試下 除咗個韭菜有輕微串燒嘅感覺其他都真係屋企整一定好食過佢 個燒茄子係expected嘅失望蒜蓉帶子嘅蒜蓉無咩蒜蓉味仲叫咗番薯玉子燒仲有啲為咗唔浪費求其食最難食係個清酒煮蜆又苦又有沙 雖然佢最後退番錢 但感覺浪費人生一小時我哋仲要一開始點得多每黎一樣野都好後悔未試過食餐飯咁想快啲黎晒快啲走最後要再book另一間食開嘅餐廳平衡下

今晚朋友約左小妹飲野食串燒🍻🍢🍡, 帶左小妹嚟到E間肚餓了串燒店到試下😋! 餐廳環境不大, 燈光微微昏暗, 除左有好多裝飾之外, 亦有啤酒牆擺滿多款特色手工啤! 餐廳提供多款蔬菜🥒, 肉類🥩, 海鮮🦐🦑嘅串燒, 而且價格相宜!🌟紫金甜薯串🍠香甜味美🌟自家制醬燒黑豚肉🐷咬落去啖啖肉幾juicy🌟蜜糖燒雞翼🐔味道正常, 不過不失🌟惹味汁燒雞泡魚乾🐠雞泡魚乾甜甜地唔腥幾惹味, 佐酒唔錯🍶🌟自家製金黃醬燒廣東蠔蠔肉幾大隻, 鮮甜唔腥🌟蒜蓉燒15cm虎蝦🦐蒜蓉超多, 蝦肉爽口彈牙🌟麻吉燒外面彈牙, 入面口感煙韌煙韌😍🌟汁燒北海道原隻魷魚🦑魷魚幾大隻, 搽左滿滿嘅燒汁😆, 食落口感爽彈幾惹味!🌟惹味黑椒牛肉骨🐂牛肉骨幾大碟, 略有6至7塊, 牛肉醃得幾入味, 肉同骨之間帶有脂肪, 如果中意食脂感重嘅牛肉應該會幾中意😆!

每張枱上面都有三樽調味粉，分別係黑椒，孜然同埋辣椒粉，大大樽任用。食串燒，基本要飲涼茶，加多寶唔洗多講，飲完成個人都舒服d。見佢個玉子燒好似幾靚，即刻嗌咗蟹子芝士，蟹子有好多，舖滿左蛋面，芝士竟然可以拉絲，趁熱食真係好好味。安格斯牛柳粒肉質鮮甜，燒到外脆內軟，口感豐富仲有少少肉汁。燒黑豚肉肉質比較厚，因為佢本身都切得比較大粒，加孜然粉好襯。雞肉串一份有兩串，算係最抵食之選，雞肉又滑又嫩，香噴噴容易入口。燒雞腎好大隻，厚肉而且入味，又係好啱落孜然粉。燒雞泡魚乾又係必食之選，加了醬汁去燒的雞泡魚乾，外邊脆口中間又有點肉，特別有風味。蒜蓉茄子係一定一定要食，原條茄子舖滿蒜蓉，茄子肉燒到半透明，又滑又重蒜，非常惹味。燒韭菜出乎意料地好吃，本身已經好香的韭菜燒原更加香，成條食好有口感。汁燒秋葵都好出色，秋葵成功地吸汁，外層脆，裏頭就是秋葵獨有的滑潺潺，口感好特別。

極度懷疑啲好評係假嘅！第一，餐牌上好多食物都係X咗冇得叫🤷🏿‍♀️第二，出菜超級慢！等好耐先黎一碟，全程等多過食，等到幾乎想叫cut單走人第三，食物質素差左好多，尤其係茄子🍆，成條都係油浸住第四，貴！（其實都預左唔會平，但係咁嘅質素真係完全唔值，而且食物嘅份量又少）唯一叫做好少少嘅係個樓面嘅態度，催食物時冇黑面同都算有禮貌🤷🏿‍♀️總括而言，好失望，性價比極低，一定唔會再幫襯！希望大家唔好中伏🥺

✨呢間串燒之前一直想試今次終於成功訂到啦！❐ 蒜蓉燒原條茄子🍆 $49評分 ▮ ▮ ▮ ▮ ▮ ▮ ▮ ▮ ▮ ▮ 💁🏻‍♀️推介❗⟰ 茄子大大條燒到岩岩好吾會生而且好多汁好鮮甜⟰ 蒜蓉有特別調味成個勁惹味超讚！ ❐ 香燒金菇牛肉卷🍖 $39評分 ▮ ▮ ▮ ▮ ▮ ▮ ▮ ▯ ▯ ▯ 💁🏻‍♀️推介❗⟰ 金菇夠淋夠夠汁咬得斷⟰ 牛肉厚薄適中燒得都夠香調味似燒汁❐ 椒鹽燒星加坡白魚蛋🍢 $22評分 ▮ ▮ ▮ ▮ ▮ ▮ ▮ ▯ ▯ ▯ ⟰ 本身粒白魚蛋好好味彈牙同魚蛋味濃⟰ 個面有好多椒鹽但略嫌魚蛋燒得吾夠❐ 燒大辣牛丸🍡 $22評分 ▮ ▮ ▮ ▮ ▮ ▮ ▮ ▮ ▯ ▯ 💁🏻‍♀️推介❗⟰ 燒到勁夠火喉牛丸辣得過癮又彈牙⟰ 咬落好夠汁而且有牛味，正！❐ 冬陰公錫紙包蜆🍲 $89評分 ▮ ▮ ▮ ▮ ▮ ▮ ▯ ▯ ▯ ▯⟰ 冬陰功味濃夠酸夠辣錫紙配鍋上外表驚喜裡面浸有金菇超入味⟰ 蜆份量多可惜略嫌不夠新鮮鮮甜肥美❐ 汁燒BB露筍💦 $39評分 ▮ ▮ ▮ ▮ ▮ ▮ ▮ ▮ ▮ ▮ 💁🏻‍♀️推介❗⟰ BB露筍幼嫩無渣爽口無生味⟰燒到有陣燒烤香味加上有燒汁同類似孜然粉調味超級正 ❐ 勁辣

肚餓了！🥢安格斯牛柳粒🥢 $79Why so juicy ？肉汁鎖緊之餘，肉質柔軟細膩，肉味又重。雖然有d貴，但真係好好食！🥢燒豬頸肉🥢 $69抵食之選，豬頸肉爽脆彈牙，惹味焦香。🥢火辣牛丸🥢 $22牛丸加左辣椒，好紮實。🥢辣味原隻魷魚🥢 $69魷魚本身無乜味，塗左d甜甜地既燒烤醬，嗜辣都覺得有少少辣。🥢金黃醬廣島豪🥢 $68/2隻美奶滋加芝士無得輸，仲帶少少海水味，夠肥美。🥢冬陰公翡翠螺🥢 $89鮮味蓋過哂冬蔭功味，10-12隻翡翠螺大大隻，好抵食。🥢柚子蜜🥢 (熱） $18

價錢同食物質素吾成正比 吾會再食 好難食吾明點解平時咁full。。。白酒蜆d酒都未揮發哂 食吾落口。。露荀無味 茄子吾新鮮雞翼又燶 唯一好食只有秋葵扇貝仲有沙都得既。。。

疫情終於冇咁嚴重可以出去食飯，所以去咗尖沙咀食串燒。朋友搵咗呢一間肚餓了串燒專門店，之前有食過今次encore，食物嘅質素仍然冇令人失望。首先嚟嘅係雞泡魚乾（$49），每次食串燒都會叫呢個雞泡魚乾去送啤酒。雞泡魚乾食落好香口，而且燒到微微焦香超正，用來做前菜一流呀。之後嚟嘅係柚子雞翼（$30）同埋鹽燒牛舌（$68）。柚子雞翼$30有兩隻，而且雞翼燒到仲好juicy，啲肉唔會燒到乾晒。而且配上柚子醬十分好食。柚子將會令到雞翼食落嘅感覺冇咁油膩。係一個好好嘅配搭。至於鹽燒牛舌同樣地用上厚切牛舌，牛舌上邊灑上鹽同埋黑椒一齊燒。唔使用好特別嘅調味已經可以帶出牛舌嘅美味。鹽燒秋刀魚（$38），秋刀魚係我另一個每次食串燒佢會叫既食物。但係以往食過既餐廳好多都處理得唔好，劏開咗個魚肚，搞到其他地方都變得好苦。好彩「肚餓了」冇搞到成條魚都變得苦。唔錯唔錯另外我哋今日仲特別叫咗個燒蠔拼盤（$178），個燒蠔拼盤有六隻，就會分別有齊以上六款唔同口味嘅燒蠔😌我自己就覺得蒜蓉燒同埋黑松露香菇醬燒蠔最好食。最後不得不提嘅就係蒜蓉茄子（$49），因為我本身係一個好鍾意食蒜蓉嘅人，呢個呢個蒜蓉茄子上面鋪上大量嘅蒜蓉

想食串燒，點知好多串燒都冇😩黃金薯條冇😩黃金系列冇😩鰻魚冇🥺咁就叫其他啦，點知食完好失望！😡韭菜好老，完全食唔到，同埋好似冇燒過😡豚肉羊肉，味道一般😞肉汁餃子雞翼，入邊的味道怪怪地，唔好食😟雞泡魚乾，算係最好食，夠厚肉，識落甜甜地燒秋葵，食落似烚熟嘅，睇埋支竹籤，完全無燒過嘅痕跡😡燒冬菇，咬左一啖發現唔熟，所以冇食😩燒秋刀魚，味道一般☹️燒茄子，唔似係由生燒到熟，不過起碼佢係燒得最耐，因為表面都有少少燒焦左整體好差，食咗$360 ，唔好食，又唔飽😡😡唔會推介大家嚟食😩我自己亦唔會再食😣