肉肉強食 by 鋒膳 (已結業)

位於長沙灣的肉肉強食，主打平價鐵板扒，為高級私房菜鋒膳旗下餐廳，想必出品有一定的水準。更搶到$20的限量日本宮崎快樂豬！-吉列豬柳 $20(優惠價)每天限量30份。採用日本宮崎快樂豬，口感超彈牙，豬肉味道濃郁，整體竟然最高質的是吉列豬柳！-肉眼 $88採用紐西蘭牛，扒身好厚，不過口感稍微韌了一點，味道還好。這個價錢來說算平。-紐西蘭羊架 $138選擇了洋蔥汁，羊味充足，算是不錯。驚喜的反而是新鮮爽口的洋蔥。…查看更多

細個嘅時候，爸媽成日會帶我哋去食鐵板餐，仲記得嗰時食鐵板餐係一件超開心嘅事，因為有得鋸大大塊扒，又有得放縱食薯條。大個咗反而好少再食。呢日阿妹介紹我嚟長沙灣呢間肉肉强食，走懷舊港式西餐廳路線，枱面鋪上紅白格仔枱布，d童年回憶返晒嚟！鐵板餐價錢非常親民，最抵食嘅當然係$20嘅吉烈宮崎豬柳鐵板餐，6pm後供應，每天限20份，我哋點咗一份，上檯時完全嚇親，因為份量絕對無將貨就價，足足有兩大塊之多，而且每塊都非常厚切！豬肉仲要用上宮崎豬柳，肉質爽彈有嚼勁，炸漿都好薄，淋上蒜蓉汁後，非常惹味！其他鐵阪餐一樣價錢相宜，$58-138不等，而且不收加一，難怪平日晚市都座無虛席！、牛柳鐵板餐($128)採用紐西蘭牛肉，肉味雖然唔算濃，但肉質好軟腍，毫不嚡口。我特別欣賞餐廳強調所有肉類都不以鬆肉粉或食粉去醃，食得健康！牛柳同黑椒汁係絕配，上枱時，店員就淋上黑椒汁，鐵板滋滋作響，聲音好療癒！美式什扒($78)呢個又係充滿童年回憶，細個我最鍾意就係食什扒，因為款式最多，感覺最豐富，啱晒貪心嘅我！呢度嘅什扒份量好慷慨，眼見幾乎所有客人都食唔晒，好誇張！有雞翼、豬扒、司華力腸、煙肉、雞扒等，配上洋蔥汁，太好食！鐵板餐+$22即可有埋餐湯、餐包、飯/意粉/薯條、飲品及甜品。餐包好鬆軟，比想像中好食！餐湯揀咗一紅一白，羅宋湯好足料，香甜濃郁。忌廉湯都好creamy，味道濃稠，兩款都誠意十足。薯條係我鍾意嘅淋薯條，不過食到後期實在太飽啦，所以食唔晒，有D可惜！甜品係菠蘿啫喱，羅拔臣啫喱加上花奶，又係回憶殺，正！最後加埋餐飲，好飽足呀！…查看更多

朋友喺長沙灣返工，夜晚同佢一齊去食扒，冇諗過間餐廳都幾抵食~我地點咗2個set, 再加多一份吉列豬柳。鐵板蒜蓉大蝦帶子伴牛柳意粉配餐包、羅宋湯、紅豆冰同雪糕（$175）上碟既時候職員會幫手倒醬汁，一路倒一路發出誘人既滋滋聲，加上香噴噴既氣味，令人忍唔住即刻食！輕煎帶子口感滑身，餐廳牛柳嚟自紐西蘭牛肉，我揀咗七成熟，中間隱約見到粉紅色，咬落軟嫩，對我嚟講啱啱好👍🏻朋友揀咗比目魚配薯角，比目魚比想像中大塊好多！食落魚肉非常嫩滑，跟餐配有餐湯同飲品，性價比好高～然後加$20點多份吉列豬柳，豬柳係選自日本宮崎快樂豬，一人一大塊好抵食！豬柳食落肉質鬆軟，唔錯唔錯！餐湯味道濃郁加埋飲品同甜品，超豐富既一餐！…查看更多

我個人比較少食扒餐, 因為要煮得夠JUICY 又唔硬, 都唔易呢一間個肉質又整得幾好 而且見佢話「無鬆粉, 無食粉」冇鬆粉既幫助下, 整體D扒都整得幾軟腍, 又係幾勁 ➽牛柳 $128 有兩大塊，仲好厚身揀咗五成熟，肉質軟腍juicy牛味濃郁，同黑椒汁好夾➽西冷牛扒 $88 相比牛柳較有咬口，肉質唔靭有口感五成熟啱啱好，keep到肉質嫩滑多汁➽吉列豬柳 $20 每日限量30份，$20 真係好抵食用「日本宮崎快樂豬」，仲要厚切薄薄嘅炸漿好香口，肉質彈口唔乾揀蒜茸汁有預先放咗粒粒蒜茸喺豬扒上再淋汁，蒜味超濃➽+$22配套餐羅宋湯好足料，有粒粒牛肉薯條啱啱炸起熱辣辣仲有餐包同嘢飲甜品可以揀雪糕🍦或者啫喱加花奶餐廳話係用紐西蘭牛肉, 質素係真係幾好而且個價幾抵食，性價比高…查看更多

想鋸扒但又唔想食貴野，呢間野岩哂😂。平民版西餐廳，一上到去就聞到陣陣地鐵板肉味！揀左2個貴少少既精選鐵板餐，加$22包埋餐包餐湯同甜品。鐵板鮮忌廉淡黑椒汁T骨牛魔王牛魔王真係岩哂！牛既份量大份到一個點😦，sauce比平時既普通黑椒汁特別，加入左鮮忌廉，菜既份量都唔少，可以平衡返肉既油膩感。鐵板蒜蓉大蝦帶子伴牛柳蝦雖然只係得一隻，但個size唔細，開邊蝦上面配左D芝士，帶子大隻得黎又無乜雪藏味。牛柳5成熟剛剛好，肉味幾濃。最後甜品有啫喱，好懷舊🤣。呢個價錢有咁既質素無咩可以嫌棄，抵。…查看更多

平民鐵板餐 食肉獸之選😈六七十蚊1個餐，有啲50幾蚊就有交易。小食重只係二三大蚊，價錢贏晒。爽呀有餐湯有餐包有牛油，仲有嘢飲同甜品。而且超有心，薯條另上，唔會比啲汁搞到佢林晒。仲會好貼心俾咗兩包茄汁你添😲我哋另外仲叫咗個炸雞翼，炸得超級好。雞翼仲好Juice。鐵板餐分量十足，羊假有三件大大件，肉眼亦都好大塊😋一啲都冇欺場本身我哋以為會唔夠食，仲嗌多咗個手打牛肉漢堡，牛肉厚身，用料十足，仲有薯角添😛食完飯仲有雪糕或者啫喱做一個完美嘅句號。推薦度（10👍🏻滿）：8👍🏻滴汗度（10😅滿）：不適用衞生（10⭐️滿）：8⭐️環境（10⭐️滿）：8⭐️賣相（10⭐️滿）：8⭐️味道（10⭐️滿）：8⭐️價錢（10⭐️滿）：8⭐️服務（10⭐️滿）：8⭐️地點（10⭐️滿）：8⭐️［肉肉強食 by 鋒膳 (長沙灣)］📍長沙灣東京街31號1樓@meathunter.hk#肉肉強食 by 鋒膳 #宮崎快樂豬#晚餐 #晚餐吃什麼 #晚餐時間 #食飯 #推介 #美食 #美食推薦 #美食日記 #dinner #dinnerideas #dinnerrecipes #dinnertime #foodgasm #homemade #hkfoodshare #discoverhongkong #hkeat #eeeeeats #foodiegram #instagood #winsomelai …查看更多

今晚長沙灣放工，在元州街跟東京街交界見到一間叫「肉肉強食 by 鋒膳」嘅餐廳，感覺好適合我呢位食肉獸。餐廳有着懷舊扒房嘅裝修，空間大，卡位多，價錢方面係走親民路線。鐵板蒜蓉大蝦帶子伴牛柳點菜一會，店員就將熱辣辣鐵板餐捧過來，當蒜蓉汁淋在鐵板上，香濃嘅蒜香味就撲面而來，即是食慾大增。開邊大蝦有手掌咁長，夠新鮮，而且仲有蝦膏；帶子亦都夠厚身，味道鮮甜。主角牛柳，用刀切開後，中心部份粉嫩，完全做到五成熟嘅要求，火候控制得好好，值得一讚。肉質夠稔，沒有筋，牛肉味濃郁，相信用咗優質嘅牛柳。瑞士雞翼有成五隻唔細嘅雞中翼，依個價錢來講性價比極高。瑞士汁味道濃郁，帶微甜，雞翼醃得夠入味，肉質嫩滑，令你食完一隻、又一隻。芝士焗西蘭花西蘭花鋪滿香濃嘅芝士，而且份量都幾多。西蘭花沒有焗得太過乾身，能食到本身嘅爽甜，夠新鮮。…查看更多

認識呢間舖頭係因為有個Youtuber Data介紹佢平價吉列豬扒餐，只需要20蚊份，但每日限量30分。不過我今次去試嘅係佢嘅鋸扒晚餐，因為見到佢價錢好吸引，啱曬我呢啲食肉獸。可能係平日去夜晚人流唔多，地方都算大，啲枱布好有特色(紅白格仔枱布)，有舊式嘅港式豉油西餐格局!我幾鐘意啲枱都算幾闊落， 坐得都ok舒服。睇睇餐牌， 肉類嘅價錢都非常之吸引。雞牛豬羊魚都有。我就揀咗個 沙丹豬扒;我老公就揀咗個西式牛柳 。如果你加22蚊就會有餐湯，麵包，甜品， 飯/意粉/薯條 同嘢飲一杯。 服務員態度都幾好， 估佢唔到唔使加一! 隔咗一陣我哋兩份扒餐都好快上，我叫咗蒜蓉汁，但係原來我個沙丹豬扒上面仲有一堆蒜蓉， 好surprise, 因為如果要 蒜蓉粒 出面餐廳一般要另外加錢。個豬扒兩大塊仲有一隻煎蛋，成份餐都好大份好扺食!豬扒食落幾嫩口，唔會霉啄啄。而我先生個牛柳餐佢都話ok可以收貨。飲埋湯，食埋甜品，飲埋杯熱飲，成個肚飽到就嚟爆。兩個人，人均都係一百蚊真， 真心扺食。 下次會再嚟試埋佢個雜扒餐😋 …查看更多

呢間肉肉強食聽聞好抵食！傳說中佢逢星期一至五晚市有$20一個既吉列豬柳鐵板！！今日（平日）特登去試下係唔係。🧐店舖要行樓梯上一樓，店面係舊式西餐扒房感覺，好多卡位，仲有好多紅白格既枱布。店員都係阿姐，好有懷舊感覺。不過個店名同招牌都好前衛，有啲估佢唔到。Menu主要食扒餐，當然佢都會普通單點焗飯嗰啲。啲鐵板扒加$22就可轉餐，包湯+餐包+飯／意粉／薯菜+餐飲+甜品。今晚三個人叫左以下既items:🔶️ 深海魚柳扒配薯條（黑椒汁） ($68+22，7/10)好大塊吉列魚柳，魚質都滑，但偏咸。我地研究過，唔係個黑椒汁咸，係個吉列脆面咸。薯條好味！清哂！🔶️蒜蓉帶子大蝦配牛柳配意粉（洋蔥汁）($148+22，7.5/10)呢度最貴既餐。佢有隻好大既蝦！同兩粒好大既帶子！帶子幾好味！另外牛柳正常水準。意粉好食。不過呢個餐性價比唔算高。🔶️鐵板吉列豬柳($20‼️，9/10)主角黎啦！！每平日限賣用價惠價$20賣三十份！！佢話用日本宮崎快樂豬，我聽到都好快樂😂。本身諗住$20係gimmick野，但原來勁大份！！！有兩大塊吉列豬柳！仲要味道幾好味！肉質都爽滑有咬口。三個鐵板我反而最中意呢個！✏️總括黎講，佢屬於平民扒房，$20鐵板豬柳真心推介。有兩樣野要注意：1.佢只收現金 2. 佢要行條長樓梯先上到店面，行動不便既就唔太適合啦。…查看更多

細細個成日去舊式扒房鋸扒，宜家買少見少，長沙灣地鐵站附近就有一間傳統舊式扒房，平靚正！檯布係格仔，好有傳統式嘅感覺。 跟餐有羅宋湯／忌廉湯，牛油餐包、餐茶同埋雪糕甜品。🍨 鐵板鮮忌廉淡黑椒汁T骨牛摩王🐮，個忌廉黑淑汁幾香，倒落鐵板嗰下沙沙聲，好鍾意呢種感覺，肉質幾鮮嫩，帶骨既肉充滿油香。 西冷牛扒好大塊，採用紐西蘭牛肉，有三款汁可以揀，今次揀咗黑椒汁，肉質都尚算嫩，唔會好多筋，以88蚊價錢嚟講，質素相當唔錯，性價比高，非常抵食。 最優惠嘅嘢一定要介紹比大家！吉列豬柳係採用日本宮崎快樂豬🐖，每日限量50份，而且只係$20咋，唔好$20好細份，同正常餐份量一樣咁大塊，金黃色豬扒炸到又香又鬆軟，上面鋪咗蒜蓉可以自行添加，絕對要試下！ 脆薯角焗得好脆好乾身，薯味濃郁，令人再三回味！🤤🤤…查看更多

朋友很久也沒有吃地道之港式美食，相信懷舊冰室可以讓人回味情懷，去個懷舊冰室餐廳，試一下經典食物，而且餐廳很有感覺喔。因為融入了本土色彩，也是打卡好去處之一。這店子呈現了本地獨特文化比目魚意粉煎比目魚配蒜泥，意粉多到很滿足～隨著疫情持續，出外用餐逐漸增長，店子的份量很多，不會不夠。一個既美味又加強抵抗力的抗疫食物比目魚意粉，很好牛肉粒意大利面牛鬆軟入味又好吃，金黃香脆十足，朋友也說要來打卡朝聖，看來這店牛肉粒的威力真強大！牛柳粒簡簡單單，又香又美味，做小吃亦不錯。豬一丁豬扒軟熟，肉味夾在面間，面真的很是地道感，很惹味。豬仔包特大～這個招牌食品亦相當有懷舊味，如大大的浮台，棒。店子大玩懷舊風，套餐亦有格調，全日之餐很好吃，份量很多，多士、旦、配杏霜也是經典套餐組合。此外，紅豆冰也可以在這店子飲到，充滿感覺。…查看更多

今日去長沙灣外勸，晚上就約左好友食晚飯。好友介紹我去鋸扒🤭🤭聽聞過大大份，價錢合理，果然#肉肉強食by鋒膳 有晒所想。多款精選今晚就試吓鐵板鮮忌廉黑椒汁T骨扒，點選5成熟，先來羅宋湯，味道不錯，有椰菜，蕃茄，西芹，香濃好味，如果再加多點茄膏就更濃郁，正👍🏻👍🏻👍🏻餐包配牛油，平時不太愛吃。但肉肉餐包又幾新鮮熱辣，牛油溶化左更加好味。T骨扒到，份量多大。佔據成個鐵板，再倒上忌廉黑椒汁，渣渣聲嘅感覺好似童年時跟爸爸吃扒，一樣咁開心，T骨香濃，5成恰到好處。配上黑椒汁，夠辣又夠香。正朋友點了肉眼扒，厚身5成剛剛好，肉味濃郁，蒜蓉汁香口，朋友叫好，配菜大家都係雜豆加西蘭花🥦，另外上碟新鮮炸粗薯條。吃下吃下，整碟全清。最後點了杯檸檬茶小甜，茶味夠。不太甜，水準高，再送上焦糖雪糕，好開心甜品為今晚總結。正😍😍😍…查看更多

這餐廳雖然在十字路口，不過要上一層樓梯，所以並不顯眼，事實上內有乾坤，驚喜處處。上到嚟大部份都是卡位，仲有大窗非常舒適，鐵板餐加$22包湯包嘢飲同甜品。甜品可選雪糕或花奶啫喱，懷舊之選限量吉列豬扒晚餐 $20吉列豬扒完全超乎想像咁好食，以為$20實係薄切切鞋颯颯嘅豬扒，點知炸得甘香酥脆，加上洋蔥汁，甜而不膩。肉質緊致，有咬口而鬆軟。配上大量蔬菜、西蘭花、車厘茄、翠玉瓜、雜豆，真係一句講晒「抵到喊」紐西蘭羊加架鐵板餐$138羊架有三大塊，肉質厚身而嫩滑，有少少蘇味，正是羊的味道。肥瘦適中，咬落去油脂在口中溶化，齒頰留香。羅宋湯非常足料，好多牛肉，肉質鮮嫩有牛肉味，紅湯有少少甜味，唔會係好希嗰隻。白湯非常之濃郁，好creamy, 同埋好多粟米及蘑菇。麵包軟軟熱辣辣，小朋友好鍾意食😋凍檸茶茶膽唔錯，好濃郁嘅紅茶味，仲有四大塊檸檬🍋 今日有帶小朋友，阿姐喜歡同佢傾偈，親切有禮，似識咗10年嘅街坊。…查看更多

今日朋友帶我鋸扒😂，上到黎係懷舊feel既扒房，枱布係紅白格仔。扒餐勁抵食，大部分都係一百蚊樓下，加$22仲可以升級做套戲帶有齊餐包、餐湯、主菜、飲品同甜品😮。叫左份紐西蘭肉眼SET同焗蕃茄豬扒飯，再加左份吉列豬柳！肉眼扒揀左蒜蓉汁，即場淋係鐵板，吱吱聲勁香😆，即刻諗起細細個老豆帶我地去鋸扒。肉質OK，佢標榜自己無落任何鬆肉粉😂。吉列豬柳竟然都係用鐵板上，有3大塊，D配菜同西冷個餐一樣多！$20超值，簡直係糧尾恩物🥹。豬扒飯岩岩焗起上枱，超多芝士🤩，豬扒都幾多，一D都唔鞋！甜品可以揀雪糕或者啫喱，雖然未聽過呢個牌子，但個味似鳥結糖味，都幾特別。食到咁飽只係2百零蚊😂，勁抵。…查看更多

📍肉肉強食（長沙灣）😋 今次同朋友嚟到長沙灣呢間餐廳，見佢哋嘅dinner set好抵食，餐廳又幾闊落！🍗 鐵板餐（肉眼扒+忌廉湯+薯條+凍檸茶）餐廳首先送上牛油餐包，而餐湯方面則提供忌廉湯同羅宋湯選擇。今次我同朋友都揀咗忌廉湯，湯入面有粟米，味道不俗。而佢哋採用嘅係紐西蘭牛肉，今次我哋嗌咗七成熟嘅肉眼扒，肉質新鮮、嫩滑多汁。🍗手打牛肉漢堡呢隻burger好抵食，牛肉好大份，又有餸買薯角，超正！…查看更多