肉多多火鍋

與朋友慶祝生日，送了一個特別的生日蛋糕湯底鮮味，喝完湯可以打邊爐特別是石頭火鍋湯底，炒完食材再加湯，正所有食材新鮮還有台灣地道小食，鹽酥雞花枝丸必點食物最後還有一個甜品自助bar:愛玉，燒仙草，芋圓，冬瓜茶結帳後，還有代幣給顧客玩「夾小吃機」又又美食，又有得玩。開開心心過一晚。

抱著試下嘅心態，同朋友食左肉多多，試左招牌爆炒海鮮湯底、頂級牛肉瀑布、小吃花枝丸。湯底很普通感覺貴左小小，牛肉唔錯好新鮮，燙幾下五成熟，好好味！花枝丸好彈牙，有台灣夜市風味。

銅鑼灣呢間肉多多火鍋真係癲嘅——唔單止係台灣過江龍，仲要玩埋即炒湯底，成個過程睇住師傅爆香蒜頭同蛤蜊，香到隔離枱都望過嚟！今次試咗佢哋招牌爆炒蒜頭蛤蜊雞湯，職員拎住個剷過嚟你面前，將蒜頭、蛤蜊落鑊「嚓嚓聲」爆炒，再加雞湯同藥材，個麻油香攻鼻到呢⋯⋯未打邊爐已經飲咗兩碗湯！大肉盤震撼視覺叫得「肉多多」緊係要狂食肉啦！我嗌咗肉瀑布，有齊霜降牛同牛板腱，成座山咁高嘅肉片睇到眼凸——霜降牛油花靚到反光，淥3秒入口即溶；牛板腱就有咬口，牛味濃到似喺台灣夜市食緊！仲有超靚嘅豬肉蛋糕，差啲想幫佢插枝蠟燭上枱啊，肉質居然唔鞋口，打卡必點！台灣夜市小食超邪惡打邊爐點少得酥脆嘅小食？佢哋嘅麻辣鴨血咬落會飆汁，辣度夠過癮；夜市小食炸到金黃，尤其鹽酥雞同甜不辣，脆到「索索聲」！夜貓服務貼心到爆凌晨肚餓？呢度開到好夜，仲有夾娃娃機同免費髮圈提供。最抵係會員生日送肉蛋糕，啱晒成班OT完嘅打工仔喪食！總結：由湯底炒到上枱，到巨無霸肉盤，成個體驗爽過打機！必點：爆炒湯底（必睇表演環節）、肉瀑布、豬肉蛋糕

台灣火鍋界王者駕到！震撼台灣火鍋界流量王，港人體驗視覺暴擊，好吃霜降牛自助吧涼菜小吃，有魚皮，蘿白，醬油選擇亦多，飯後甜品有雪糕，芋圓，仙草，自由度滿滿頂級低脂牛套餐套餐有低脂牛肉以外，也有蔬菜盤，新鮮蔬菜盤精緻。低脂牛，牛味亦相當重係，大理石紋藝術品，涮3秒入口即化，肉量多到懷疑人生～大滿足！ 頂級霜降牛紅薯粉彈牙好吃，牛肉一上檯，份量大到豐富，霜降牛油花很美，豐富的頂級霜降牛。套餐非常吸睛，大碟霜降牛，足料嘅類，餃子和蔬菜拼盤～頂級霜降牛口感嫩滑，入口即溶，跟台式麻辣鍋夾！魚皮餃鮮甜爆汁，驚艷位，味道新鮮，湯底夠味不需要點醬料尾聲快樂，冬瓜茶，燒仙草，芋圓，隱藏版快樂溫馨提示，自助吧任吃甜品，好棒

銅鑼灣糖街嘅台灣人氣過江龍火鍋—肉多多CP值高，推介佢哋嘅午市套餐，最平只需 $128，就可以享受到精緻嘅台式火鍋、副食同埋甜品雪糕 🍨主食方面，頂級霜降牛 🥩牛肉脂肪分布均勻，口感滑溜；而澳洲羔羊肩 🐑 同樣出色，肉質鮮嫩，值得一試！湯底方面有多款選擇，推介寶島沙茶湯同台式麻辣湯 🌶️，兩款湯都好惹味，特別係麻辣湯，辣得來又夠香😍最後，配埋一碗芋圓仙草愛玉 🍠，口感豐富，真係好似置身台灣一樣✨#肉多多 #肉多多火鍋 #肉肉大滿足 #生日肉蛋糕 #銅鑼灣美食 #火鍋 #台灣火鍋 #台式火鍋 #台式餐廳 #台灣美食 #台式料理 #打邊爐 #火鍋放題 #放題 #香港美食#香港探店 #香港旅游攻略 #香港旅游好去处 #香港美食推荐

老友約我去位於銅鑼灣糖街25-31號Sugar+ 3樓的《肉多多火鍋》食午餐，環境舒適，坐得舒服。我地點左2個午市一人鍋套餐：🥢午市一人鍋套餐 $168📍老火豚骨湯：湯底清甜。📍頂級霜降牛200 gram：牛味較香濃，肉質較軟腍。📍蔬菜拼盤：有丸子、餃子、蔬菜.. 等，材料新鮮和豐富。📍副食係白飯：好食。🥢午市一人鍋套餐 $148📍阿嬤藥膳湯：湯底較濃郁。📍頂級低脂牛200 gram：油脂較低，肉實厚實，富有牛味。📍蔬菜拼盤：材料豐富和新鮮。📍副食係刀削麵：麵質彈牙。🥢自助區📍醬油：有各式醬油，自由選配。📍冷盆小菜：中華沙律、甜蘿蔔和爽口凍魚皮。甜品：仙草、愛玉、芋圓和古早味冬瓜。📍雪糕：有4款味道，我愛芒果和芋頭味。門口有個遊戲（夾零食）機消費滿$100就有1枚代幣，我張單有3枚代幣，但夾不到零食。

朋友生日黎食呢間餐廳，仲有肉蛋糕送❤️，在生日月光顧有肉蛋糕（活力梅花豬或美國牛腹肉）二選一。揀咗梅花豬肉片入口軟嫩。湯底多款選擇，多達14款湯底，揀咗藥膳精力湯，使用當歸、紅棗、枸杞、黃耆、甘草等藥材，搭配豚骨雞湯精燉，清香甜醇，令人陶醉。點咗頂級牛肉瀑布，擺盤十分吸睛。四層梯級架上懸掛著兩款牛肉片，份量十足！其中包含頂級低脂牛肉和和牛肩胛，前者味道香濃，後者則極其嫩滑。乾冰煙霧效果，有瀑布意境！仲有多款海鮮、丸滑餃、豆製品、配菜及台式小食，如油麥菜、時令鮮貝、炸花枝丸等，份量大且價格實惠。在甜品方面，肉多多火鍋提供任食台式甜品吧，包括仙草芋圓、仙草、古祖冬瓜茶，讓你可以自由調配，找到最合適的口味。

餐廳裝修明亮，位置尚算寬敞舒適。 💯爆炒海味石頭鍋 餐廳介紹嘅招牌湯底，先用蔬菜同埋豬肉炒香，再加上店家自製嘅海鮮湯。海鮮湯鍋嘅味道係充滿魷魚乾  & 蝦乾嘅香味。呢種湯底嘅味道第一次食，有新鮮感，充滿海鮮乾嘅香味。有新鮮感得來又好味！爆炒川府和牛油麻辣湯名字好似好勁咁，食落其實就係非常溫和嘅麻辣味，帶有少少養生鍋嘅香味。辣味好溫和，啱我呢d 鍾意唔係好辣嘅朋友。但係如果期待係好辣嘅朋友，呢個鍋就應該覺得唔夠辣，可能要同佢講加辣了。👌🏼浮誇豚肉蛋糕 擺盤好靚。味道可以。👌🏼頂級牛肉瀑布 用充滿霸氣嘅方式呈現，打卡一流。味道係類似肥牛嘅質感，但係厚身少少。其他材料：整體嚟講材料嘅質素唔錯。另外自選沾醬嘅部份都好多選擇。最特別係有一個檸檬柚子汁，味道係帶輕微淡淡嘅酸味，幾特別又好味。另外仲有附送好細杯嘅牛奶公司雪糕。亦都有自助嘅芋圓仙草 & 愛玉。整體嚟講都食得幾滿意嘅一餐。下次有機會都想試吓其他湯底。

今日晏晝朋友去食lunch, 客人不多，我們坐窗邊卡位，可以欣賞維園景色，環境舒適。食物方面，各人order 自己一窩食物打邊爐，由一百多少少起，份量十足，有成8-10塊肉，菜，菇，丸及餃每樣一啲，加主食。另外再有任取前菜及甜品。雖有加一服務費，但員工態度很好，任我哋坐幾耐都冇話趕我哋走，最後我哋坐咗3個鐘。 店員話餐廳冇落場時間，所以我哋都坐咗好耐。埋單仲有遊戲玩。顧住食，冇影食物。只臨走影咗遊戲機. 我覺得性價比很高，也適合朋友聚會傾計。

一入到去環境好舒適員工服務態到都好好當日是母親節還給我們送上一個“蛋糕”😎仲有送上火燒卡一張打邊爐湯底是：喺我地面前即場炒再加湯佢地話可以先飲左個湯，再打邊爐湯底好鮮甜，值得一試出面仲有自助調味同可以任食甜品同小食甜品是：愛玉，仙草， 芋圓，冬瓜茶小食有：麻辣魚皮，係好好食

台灣過江龍肉多多火鍋，我終於去咗朝聖啦~午市有一人鍋套餐，自選湯底，肉，主食同飲品之外，仲有一份蔬菜拼盤，自助吧有唔少涼菜同埋芋圓仙草😍湯底 - 阿嫲藥膳湯，講真比我喺其他火鍋店食嘅藥膳湯，味道更濃厚回甘，配搭食材嘅時候，零食材本身嘅鮮味更加突出。老火豚骨湯則較為清甜不肥膩。肉類 -頂級霜降牛，油脂平均，口感十分軟嫩，入口有溶化感💦頂級低脂牛，好似係第一次食低脂牛，以為低脂會韌？錯了，雖然油脂不多但肉質依然軟而有彈性，肉味都夠香濃🐂蔬菜拼盤嘅菜類有娃娃菜，粟米蕃茄等等，仲會有幾款丸類，竟然有我最鍾意食嘅魚皮餃😆另外牛丸都好味呀。而主食我哋都揀咗好有台灣代表性嘅王子麵🍜正！除咗自助區嘅芋圓仙草，每位都會送一杯雪糕，埋單時有4個coins比你可以夾零食，仲有憑張單喺指定日期前再幫襯會有肉送。最後就係坐窗邊位嘅景色都幾靚~夜晚嘅話建議早啲訂，睇夜景~

「香港人鐘意打邊爐就出哂名」小編今次就同友人帶埋大家黎到銅鑼灣，同大家介紹一間位於維園隔離既台灣過江龍台式火鍋 一 肉多多火鍋 @rododo.hk鍋底，小編就嗌左老火豚骨湯，用黎搭配台灣先有既王子麵，而肉就嗌左：🌟頂級霜降牛(加大) 套餐 $168+28套餐除左肉以外仲包左蔬菜盤、台式滷肉飯/刀削麵/紅薯粉、飲品同雪糕，而牛肉一上檯，小編真系哇左出聲，雖然系嗌左加大，但無諗過份量大到咁，而且霜降牛既油花真系好靚好豐富🤤👍🏻👍🏻而友人就嗌左：藥膳湯頭搭配台式刀削麵🌟頂級低脂牛(加大)套餐 $148+28套餐除左肉以外仲包左蔬菜盤、台式滷肉飯/刀削麵/紅薯粉，雖然嗌既系低脂牛，但牛肉亦吾會太柴太瘦，牛味亦相當重🤤👍🏻👍🏻🌟麻辣豆腐 $19🌟麻辣鴨血 $19📍肉多多火鍋地址：銅鑼灣Sugar+ 3樓#銅鑼灣 #肉多多火鍋 #火鍋 #打邊爐 #肉多多 #支持小店 #留港消費 #台灣火鍋 #台式火鍋 #台式餐廳 #台灣美食 #台式料理 #火鍋放題 #為食關注組 #覓食銅鑼灣 #食在銅鑼灣 #肉肉大滿足 #生日肉蛋糕 #銅鑼灣美食 #銅鑼灣食乜好 #香港美食地圖 #九十後行到邊食到邊 #HKI

今日lunch同同事去左銅鑼灣食火鍋，試咗佢哋嘅一人鍋套餐。 餐廳裝修舒服，窗邊位對住維園食得好享受。 頂級低脂牛套餐 $148 牛肉切得薄身，脂肪比例適中，肉味濃郁得嚟唔會太油膩，追求健康的首選。頂級霜降牛套餐 $168 油花分布均勻，入口即溶，牛脂香氣超濃，涮3-5秒就食得，岩哂鍾意食和牛口質的人。湯底揀左精力藥膳湯同寶島沙茶湯。  藥膳湯味香而且唔苦，當歸、紅棗等材料足料，涮肉後帶淡淡甘甜。  沙茶湯有濃郁沙茶香氣，帶微微花生醬風味，涮牛肉特別夾，重口味的人岩哂。套餐包一份主食，醬料自助吧甜品雪糕，今日有仙草芋圓芋泥冬瓜水。份量夠大份，好滿足。🥢肉多多火鍋 🌏銅鑼灣糖街25-31號Sugar+ 3樓

台灣超人氣火鍋店「肉多多火鍋」，一直都想去試試，現在不用坐飛機去台灣，因「肉多多火鍋」在香港開了分店，只要去銅鑼灣就可以品嚐。😋餐廳使用QR code點餐，是日選擇：1️⃣頂級霜降牛一人鍋🔸湯底：精力藥膳湯🔸刀削麵🍽湯底以藥材熬製而成，湯頭清香中帶點濃郁。而頂級霜降牛肉脂肪分布均勻，肉質細膩。點選的刀削麵較薄韌，吸收湯汁，讓每一口都充滿濃郁的味道。2️⃣嫩滑黑魚片一人鍋🔸湯底：寶島沙茶湯🔸紅薯粉🍽湯底以沙茶為主，味道帶有微辣。黑魚片肉質鮮嫩，鮮味十足。紅薯粉煙韌，配上黑魚片，略有台灣風味。一人火鍋附送蔬菜拼盤，拼盤裡款式蠻多，包括：丸類、餃子、番茄、菇類、蔬菜…等等，款款均新鮮。在自助區裡還有芋圓、仙草，食埋甜品，很完滿的一餐！

呢間位於銅鑼灣Sugar+ 3樓一間台式火鍋專門店—肉多多火鍋，午市套餐推出台式火鍋一人小火鍋，提供四款特色湯底選擇、200g肉量主餐自由配搭、蔬菜丸類拼盤、麵食，並設有醬料小食吧 all you can eat ; 獨門沙茶醬，冬瓜茶甜品食到胞等，CP值相當高！而且整體食物質素水準唔錯，薄切五花肉片，油脂分布平均，肉質嫩口，火鍋湯底方面推介阿嬤藥膳湯，清甜無咩藥材味，再配上蔬菜拼盤加麵食，令人值得非常滿足🥢