聰嫂私房甜品 (已結業)

尋晚去tko 食飯探阿姨, 順便再去光顧聰嫂私房甜品我今次食芒果涼粉, 因為上一日先到b仔食完, 但係唔夠痛快, 覺得麻麻地, 今次去聰嫂就試試佢地的涼粉得唔得結論係: 好一點, 因為涼粉的藥材味比較重, 食既時候感覺似真係食緊涼粉, 仲有係涼粉入口時有涼浸浸的感覺, 這是食涼粉很重要的要求!芒果又夠甜, 份量都多, 碗涼粉加埋花奶食, 俾我食哂! 阿姨碗薑汁芒果豆腐花都幾好食, 我試左一啖豆腐花, 都幾滑, 幾好食!

去完TOYSRUS行落樓見有間甜品屋, 走入去抖下. 叫左最穩陣既蕃薯糖水... 一擺低, 個樣已經超唔掂, 個樣似淺黃色既木頭. 食一啖, 似食煲完湯既粉"覺". 叫阿姐過黎, 換左個西米露, 好一般. 阿女食個芒果西米露, D汁係好深既橙黃色, 唔同平時係許X山食個D, 食落都係怪怪D, 好似加左D野落去令到D汁杰一D ... 總之唔好食. 都唔明點解咁多人話好味, 真係唔掂噃, 同滿記呀, 晶晶呀個D相差9條街. 仲有, 張枱痴立立....

05-07-2009食完越棧, 又點會覺得滿足呢~當然要食甜品先開心!友人叫了一個什果拼芒汁 ($28)我叫了一個椰果龍眼冰 ($22)雖然知道食凍野唔好, 但甜品唔食凍又唔好食所以冒著大雨和寒冷的冷氣食龍眼冰友人果個, 好大碗, 一個人食真係飽死不過都真係好味, 什果很新鮮和大舊而我呢一個好冰, 好好食有咬口, 大熱天氣食就更好!有我愛的椰果, 又有甜甜的龍眼, good!得閒一定會再來!

剛吃完聰嫂，呢度夜一d真係勁多人。我今日食早飯，六點幾食完就黎度，當然無咩人啦。叫左兩個椰果龍眼冰，冰底係好碎既冰加龍眼汁同肉打成蓉，好味道，唔太凍，而且一邊食一邊食到龍眼肉既清甜，少少椰果就調劑下即。我食過呢度既蛋白杏仁茶，都唔差架。我估呢度唔係樣樣甜品都好食，要小心選擇即。

我真係未試過咁差架一間糖水店聽就聽得人地講話好OK.先諗住去試,第一次就令我呢世都唔會再去.人地講到咁好味,咪去試下囉一睇完戲就去等.一等就要等左9個字我本身係一個愛好美食架人,所以都唔緊要坐低叫野食,.等個WAITER又坐左係到等左幾個字,真係火都黎,我男朋友就叫左一個榴槤水晶珠一食,,冇乜榴槤,之後係底仲見到小強腳,我放左隻腳係枱,叫個WAITER黎望,問佢咩黎點知佢用布抺左一下,就話'冇啊'我叫個個士多啤梨西米露真係...不知所謂,甜到你會覺得聰嫂背後有一間製糖廠.我都唔知呢間不知所謂架鋪頭係唔係係網上面做馬.我呢世都唔會再去食,如果你地想去試下幾難食架,我都冇辦法

上之同牙媽去食`..叫左個榴槤水晶珠`其實我之前系吾食榴槤既人`..見到都憎..不過今次好奇叫左榴槤水晶珠黎試下`..覺得真系好好味`-)之後我就鍾意食榴槤啦`..價錢又吾系話太貴...不過嗰到都幾多人架`..晚上特別多`..其他甜品都吾差...都值得大家一試..-)

一行三人食糖水~因為都知呢間野好出名, 都有d 期待~而另外朋友m同s 都成日黎食...所以心諗都應該唔錯10點左右去到~都幾多人,等位就係正常等多十分鐘就有位咁我見佢薑汁意大利涼粉幾吸引,就叫左.而另外2位朋友就左薑汁芒果豆腐花同杏汁芒果西米露呢2個糖水我就唔多講主要講下我個意大利粉!其實睇相都知,係涼粉條加花奶加薑汁~但如果好食都算一入口, d 薑汁係"乸"咀唇,再入到喉嚨痛.心諗可能未溝好所以係"辣"再攪下佢, 再食.但都係辣.係辣到唔舒服個隻.咁搵個waitress 問下, 對答如下:我:想問下你地d 薑汁係咪偏辣waitress: 係呀~我:但我辣到喉嚨痛wowaitress:應該唔會ga我:咁可唔可以整整佢呢waitress: 好呀~你等等其實都知道係加花奶,溝淡d,之後再黎過,一食...成口花奶.再問多次個位waitress我:其實都係一樣,不過我想問~係咪你地d薑汁辣到會痛呢?waitress: 都唔可以咁講, 但有人叫其他薑汁糖水會叫"少辣"我: o 咀中...呢位年輕waitress都好好人~都會同我傾下但其他waitress完全唔理會~同佢地講佢地淨係話冇得換,

呢間甜品店好多人人,要好似飲茶咁等位,仲好似好多雜誌報導tim~等左大慨二個字到la~終於等到la~我就叫左士多啤梨西米露,榴槤班cake同腐竹白果<----唔係好記得個名la~以下做下食評先~榴槤班cake同糖水都無咩特別~士多啤梨西米露就精彩lo,d士多啤梨係奶,冰同糖打成,有d乳酪味咁,西米就分開放,食落......簡直不知所謂,乳酪唔似乳酪,西米露唔似西米露,越食越溶,而且仲勁甜總括黎講呢間野簡直係名不副實,三樣野入面,其中二樣無驚喜,一樣勁難食,唔會再食第二次,anyway大家有興趣的話都可以一試.......

肯定不會再光顧，很宿命地出名了，品質迅速下降，太讓人失望了。主打：杏汁燉旦白 ($22)，杏汁被嚴重稀釋了﹑完全無沉澱的杏仁末，杏香蕩然無存，旦白更是假的，相信是少量旦白再加入過量凝固劑，簡直是一個騙局，吃得一肚子悶氣而回。

星期五晚，與madam食完「民聲」之後，有點意猶未盡。Madam眼珠一轉，提議食一番「聰嫂」，筆者與太座又豈有拒絕之理呢。「聰嫂」扎根於將軍澳區，共有兩間分店，一間位於寶琳新都城附近，另一間位於坑口厚德商場。年前當筆者還住在將軍澳時，便經常幫襯坑口嘅分店。對於好臭嘅太座，這裡一系列嘅榴槤甜品絕對稱心，夠香又足料。今次遇上筆者及madam皆「榴槤勿近」之士，太座只有少數服從多數，選擇其他甜品。傳統嘅甜品這裡一律欠奉，但以新鮮生果為首嘅甜品，筆者覺得都做得頗出色，包括龍眼椰果冰。可惜今次龍眼椰果冰售罄，大家只好選擇紅豆茸西米露($20)及士多啤梨椰果西米露($20)。呢度嘅西米露，西米令上，見粒粒晶瑩剔透，入口彈牙有口感，一點都不馬虎。其他配料如紅豆茸、士多啤梨等用攪拌機攪碎，再雪凍而成，有點像雪葩，但裡面含有豐富嘅紅豆肉或士多啤梨肉。待呢種類似雪葩嘅物體稍為溶化，再加西米，效果為之最好。一般嘅西米露，水多渣少，與其話食西米露，不如稱之為飲西米露更貼切。「聰嫂」嘅西米露材料足，啖啖都要經咀嚼才能吞落肚，名乎其實係「食」西米露。故味道一欄，可以俾滿分。至於環境與服務，對不起，生意實在太好，無

去完布袋澳食海鮮，一個 package 咁黎到呢度食甜品。甜魔上身。豆漿白果腐竹薏米 - 與圖片那種很多料的感覺有點不付，不過都算白滑紅豆茸豆腐花 - 幾特式的一種甜品，打扮得太漂亮，都唔係幾捨得 liu 爛 d 豆花食士多啤利椰果西米露 - 超級好味黎形容！ 士多啤利加奶打茸像奶昔，士多啤利核仲有點脆脆的感覺又不會有士多啤利的酸。雖然食到一半有少少濟的感覺，但還是覺得好好味。店員仲另上一小碟西米方便 refill 呢。椰汁南瓜露 - 果然係一絲絲南瓜絲倍添口感合桃露 - 感覺有 d 希，不過味道都 ok已經聽過同事激讚呢度既士多啤利椰果西米露，果然無介紹錯，我都激讚佢。可惜太遠，不能常來。店面冷氣幾凍下，服務都 ok 啦。

上星期五友人去完清水灣，我放工後就跟他們在將軍澳會合吃飯，飯後少不免有鋪糖水癮，友人就介紹我們吃聰嫂。當日4人點了5個甜點，在下點的是士多啤梨椰果西米露，有別於一般西米露，這個"汁"是新鮮士多啤梨打成的，有點似吃乳酪，超級足料好味~最後友人們再點一個芒果Pancake，cream:芒果是1:1，正到冇野講！

愛薑味的我最愛..........薑汁意大利涼粉..........d涼粉cut 到好細條....浸o係d薑汁糖水度好似d"蟲仔"浮浮下好得意......呢個甜品薑味夠....雪得夠凍....加上可愛"蟲仔涼粉"........正!!!!!!!!!!!!!!!!!!!!!!

男朋友專程入將軍澳買甜品俾我食, 心都甜, 佢話最近呢間叫聰嫂私房甜品的甜品店人氣急昇, 所以去買番碗甜品俾我試, 嘻, 抵讚呢碗叫芒果椰果西米露的甜品幾好食, 之前食過椰果一次了, 味道好好, 爽爽地幾好食的, 配合芒果西米露嚟食, 效果唔錯! 一碗廿二蚊, 芒果肉夠多, 都值呢個價錢, 最重要係, 去咁遠買, 心意都令碗西米露好食啲

有好香濃既龍眼味。不過椰汁就淡左喇。Ｄ椰汁冰感覺好水。成兜野只有龍眼味。唔係話難食。不過唔係好食得咁緊要。。。