聚龍燒味茶餐廳 (已結業)

見今天天氣不錯，難得有一天假期，可以與太座配合外出，喜歡通山走的太座建議去行山，她上網抄了些資料便出發，她想從東涌乘車到貝澳，由貝澳行山至梅窩，需時約三小時，行程聽來有點艱巨，但身為她的另一半，怎也要順順她意。來到東涌已近下午二時，入這商場看看，見這茶餐廳掛著的燒臘不錯，便想吃碗燒臘麵，侍應指示我們可在那檯搭檯，看餐單，沒有單點的燒臘麵或飯，燒臘套餐則有，要配咖啡或茶，今早在家剛喝過咖啡，不想再喝甚麼加糖飲品，唯有轉點斑腩炒麵，而太座點了上海排骨米線套餐$22，配熱奶茶。上海排骨米線先來，有三件薄身的炸豬扒，太座說排骨變了豬扒，我說上海菜是這樣的，排骨都等於豬扒，味道醃得不錯，急凍的肉質是較硬，這點早已預知，米線不算過腍也收貨，熱奶茶說不錯。斑腩炒麵製作需時，約十多分鐘後才送來，上檯時感覺到其鍋氣，除「斑腩」外，還有幾條小白菜，「斑腩」是炸魚塊，上了粉漿炸，魚不腥，肉質也雪白，味道似是鯰魚，怎會有石斑？麵也炒得香脆，加上用蠔油調較的茨汁，麵不會太乾，$35一碟，物有所值。吃過這餐，便開始我們三小時的旅程了。

打個比喻：就像一粒無意中黏在嘴角的米飯，近在眼前自己不發覺，反而總是對面的人看得清楚明白。說的是這間燒味茶餐廳，一向未有留意，倒是長年旅居海外的朋友這次回港度歲，反過來推薦給在下，有趣。左右有多間食肆環伺，晚上8時許仍幾無虛席，按照所謂傳統智慧，水準應該不差。點了叉燒飯加奶茶。這個年頭，叉燒總向偏瘦一方大幅傾斜，無須開口特別要求，預先設定就是「瘦叉」。叉燒雖稍瘦，卻未至於過度結實，偶然更有一兩個部位略呈豬頸肉般的彈性；吃得出蜜味，但又不會過份濃郁(例如太甜)而掩蓋了豬肉鮮味。叉燒份量很足夠(見圖)，在下甚至懷疑，對食量不大的又或者女士來說會不會太多。最後，值得一讚：豉油不會過量，避免了許多燒味店白飯變鹹飯的弊病。

早餐：快靚正．尢其是Ｄ牛肉．口感唔錯！Ｄ汁就普通啦～魚柳同豬排都幾好味．．．可惜餐飲總是怪怪地（熱奶荼／凍奶茶）有時唔知點解會有咖啡味！？同永遠冇小甜．．．午餐：無位，招呼十分之一般差；快餐冇乜新意．．．有時Ｄ味重怪怪地！燒味都幾靚下～飲品都如上下午茶：燒味湯粉抵食都唔錯個雞翼／雞脾沙律／魚柳包都好味！係有時生生地～晚餐：有待品嚐．．．．．．

d伙記態度差到爆燈! 成碗麵"擲"落張枱中間 (我已經應左佢碗麵係我既, 佢都唔放近d, 放係中間就算!!!)叫寫野叫極都唔應, 我隔離果個問多兩句都嫌人煩, 悔悔氣氣!!!碗叉燒麵仲有離奇胡椒粉味!!以後都唔幫襯, 東涌得一間茶餐廳都係咁話!

下午餐時間唔想又食快餐，同埋冇左＄２０諗住呢間野，新開應該ｏｋ，同埋茶記應該平Ｄ同朋友食左個油雞米同一個燒鴨瀨，各＄１８定＄２０，唔記得Ｄ雞好“鞋”好又多骨最好味係Ｄ薑容= =仲有杯＋＄７既奶茶，Ｄ味好奇怪早知咁既味我比多幾蚊出隔離買珍珠奶茶我寧願繼續食快餐都唔會再去哩間野呢個質素唔值呢個價錢

近日係openrice度見到原來係富東開多左間茶餐廳，所以襯住星期6就同男朋友過去試吓去到唔太多人，坐底就睇吓有d乜野食↓↓↓↓↓"白汁雞皇飯"...賣相比較普通，唔太大特別!!試一啖之後感覺係...e...唔錯wo，個汁好cream好夠味，雞肉幾滑同夠入味，飯...亦都可以，口感唔錯"雜菌牛肉炆米"...好大碟...色水得好，米粉炆得ok，但係唔夠味比較淡牛肉用梳打粉醃過無哂牛肉味，仲一d都無味...差雜菌普普通通，整體係得個大碟，但係一d都唔好食係呢間餐廳住左一陣就發覺有小小衛生問題，就係唔知點解會有好多蚊滋仔成日隊黎飛去，望吓餐廳周圍嘅牆都見到有呢d蚊滋仔，我諗餐廳要認真正視一下呢個問題仲有一樣野就係...我見到好多相熟侍應，一問之下...原來呢間餐廳嘅老闆就係逸東麗瑤餐廳個老闆，唔怪得之咁多侍應都似曾相識啦!!anyway...呢邊呢間個價錢比起逸東果邊貴d，如果比我揀，咁我會係返逸東果邊食好過lu

期待已久的茶餐廳(因之前唯一一間結業已有數年, 全拜領滙所賜), 小弟試了3,4次, 可能期望太大, 說實話, 除了燒味還可以外, 其他不吃也罷。小弟最想指出的是這餐廳的環境, 我想除了以下字句外, 實在沒有其他更好的形容詞: 水洩不通。一張通常坐6人的枱會放8張椅, 食物飲品在傳遞過程中會經常在你頭頂"飄"過, 更糟的話要是有突發事件要逃生的話, 真的不堪設想。