影片
相關文章
今日要去港島區, 諗起呢間$138任食點心90分鐘, 就向星期日晏晝試一試.我訂左2點半, 部份點心都沽清左, 不過都試左十幾款, 點心紙有以下選擇:5款點心系有一件, 蝦餃皇, 蟹籽燒賣, 鮑魚燒賣, 珍珠雞, 粉果(果日個粉果好似無黎)2款炒粉麵: 雪菜肉絲炆米/楊州炒飯同 1款時蔬16款點心: 桂花糕/奶皇包/叉燒包/薑汁糕/春卷/虎皮椒/雞包仔/牛肉球/金錢肚/咸水角/蘿蔔糕/芝麻雷沙球/鳳爪/紅棗糕/排骨/鮮竹卷5款燒味:燒鵝/燒腩仔/叉燒/三黃雞/豉油雞7款小食:雞中翼/多春魚/茄子/鯪魚球/鳳爪/味菜豬肚/酸薑皮蛋地方就腳向時代廣場後面既假日酒店2樓環境都乾淨闊落，工作人員可以，食物速度可以快D就更好😉整體都可以, 食左十幾款點心都算抵食
繼續閱讀
星期六中午幫襯銅鑼灣假日酒店樓上嘅聚盈樓 點心放題九十分鐘 十多款點心任食 埋單每位130蚊 可以食到你好飽 不過有以下問題第一 嘢食等好耐先到我哋係第一台客 亦都係坐低即刻落單 整個用餐時間其實找到入面只有十台客 但係漏單嘅情況十分嚴重 第一輪 十多分鐘後嚟到點心正常 但係之後要等成一個鐘先有點心 仲要係追侍應單追咗幾次先至有反應 第二個問題就係 坐低職員冇同我哋講到燒味要一個鐘頭之後先至有供應 於是我哋就喺度白等咗一個鐘佢哋先話燒味部staff未返工 其實可以一早同我哋講定先 他們是做飲食的嗎 整體服務係唔錯亦都食完好快有人收點心籠 不過好好奇 呢個銅鑼灣地段對住時代廣場係星期六嘅中午時間竟然只有十台客 真係匪夷所思 唔通因為我都中伏 所以來今日都係勇者 我哋去到差唔多埋單嘅時候燒味先至嚟到 不過質素一般 燒腩肉竟然係隔夜嘅 食咗十幾年燒肉第一次食到咁難食嘅燒肉 脆皮塊皮一啲都唔脆 一定係隔夜嘅的 等咗好耐嘅魷魚鬚 係一般貨色 真係有期望有失望 不過其他點心比較大路嘅 有燒賣鳳爪金錢肚 奶黃包 都係比較好 不過對比紅磡海雲天點心放題呢度真係想得慢 但係唔係因為客人多 我真係唔明白 上次海雲天相信有百幾個位但係上菜速度好快 雖然都有漏單嘅情況 但係我哋提示落單之後都有到 呢度真係等咗個半鐘先至嚟到 食過一次唔會再食 雖然係點心放題 不過有更好嘅選擇
繼續閱讀
老實講聚盈都係一間大集團仲要喺酒店 入面估計都唔差得去邊。其實之前有個食評講得已經好保留，實情上由頭到尾我同朋友都食到媽媽聲，走嘅時候仲要係成肚氣 。首先今晚 大堂包埸做酒席。 所以安排我哋去一間獨立房間只有三枱客 我哋係其中一枱。去到即刻點大閘蟹但係等咗半個鐘都未有蟹食， 呢個放題得90分鐘任點。按此上蟹速度根本冇可能食到回本。 追了兩次，第一輪大閘蟹來到了 卻令我哋 非常失望。兩隻都係灰蟹傳出一浸臭味。 翻開背面 還有一些灰白色的黏液 貼住 好核突 。估計應該係極度唔新鮮。 即刻叫經理處理 佢都冇解釋任何原因便攞走那兩隻臭蟹 然後又再等 30分鐘才補返。 其中一隻質素正常一點另外一隻依然是灰灰黑黑的，見到都唔開胃。 嗰啲蟹其實得三兩左右 ，全部都係 乸多膏但係沒有鮮味及很實。 應該係蒸得太久了。 既然蟹唔靚又要等，我哋只係靠點心填補空虛的胃。 唔好以為點心平會畀你任食。係可以任點但係上菜速度係由佢哋控制所以你點幾多點心都好，佢都會推搪話蒸緊。 好似胡椒豬肚同埋鮑汁雞腳呢啲應該係預先炆好嘅菜佢都話要等。我哋追咗幾次佢才拿了一碟不知什麼咸菜 渣宰 出來。 呢間嘢真係冇下次亦都唔明咁嘅食物質素點可以繼續生存落去？ 當人傻嘅咩。 我要寫出嚟係要提醒想幫襯呢間嘅人做一個參考。如果你只係為咗搵個地方坐下食下點心出面百零蚊嘅質素好過佢好多。 如果你係為咗食大閘蟹更加唔好來因為你會好似我哋一樣咁失望同後悔。 真心講句四百幾蚊一餐去東x 或鸿X 畀佢好食m倍啦～
繼續閱讀
大閘蟹放題任飲汽水啤酒平日晚上跟老公及仔仔去食大閘蟹放題，全晚得我地一檯客。服務員態度都好好。服務員有兩個，如果我叫野食，要行入另一個近廚房嘅地方搵服務員，基本上佢地會匿埋咗。 食物方面啲大閘蟹隻隻都爆膏，係size細啲。 任叫嘅食物包括燒腩仔，蜜汁叉燒，榴槤球係冇。連套餐內包嘅燒鵝皇都話冇，要轉左做雞。應該咁講，除雞外，所以燒臘都係冇。個大廚炒飯係臘味糯米飯=無味，點解可以冇味?!其實，淨係食大閘蟹，飲汽水啤酒，唔介意冇乜服務，可以一試。冇期望，冇失望
繼續閱讀