25
0
0
港鐵太子站 C1 出口, 步行約2分鐘 繼續閱讀
營業時間
今日營業
05:45 - 00:00
星期一至日
05:45 - 00:00
付款方式
現金
其他資料
加一服務費
電視播放
食評 (25)
等級8 2019-02-07
130 瀏覽
剛好同夏總都無飯開,佢老婆有飯局,我老婆就公司周年晚宴,所以,兩個孤獨嘅麻甩佬就約出嚟搵間茶記食飯兼傾傾旅行嘢。就返大家收工位置,過到嚟太子嘅「聚好冰室」,貪一陣走嘅時候夠方便。走入餐廳,環境比一般街坊茶記闊落光猛,第一印象就喺乾淨整潔,予人感覺井然有序。而個鋪位都幾深下,直入仲有好多位,而且,左側旁仲有樓梯可以上去二樓,不過,就無上去望望,唔知有幾大。我哋就揀咗坐入啲,因為裡面有好多卡位,此外,遠離少少門口無咁騷擾。如果人多少少嘅話,近門口嘅大圓枱喺幾好嘅選擇嚟。由於我哋都無乜話有目的想食咩,但求就手搵個地方,所以,餐牌都無咩點研究,一眼睇到個小菜餐牌就晌度揀,同夏總各揀一個。不過,呢度嘅小菜並非套餐形式,無加錢嘅配搭,白飯都要另外散點。老火湯雖然無咩配套,但阿姐都好好人,送啲老火例湯俾我哋飲飲,是晚嘅例湯喺老黃瓜煲豬骨,好足料,飲落夠老火,難得又唔油添,真喺既大方,又有誠意。涼瓜牛肉 $78涼瓜喺夏總嘅「飛弗」,咁我都OK嘅,炒得都有啲鑊氣,涼瓜亦唔喺好苦,帶少少甘,又爽爽哋咁,牛肉亦好軟腍,整體確喺唔錯。椒鹽蝦球 $88小弟就想試試佢啲椒鹽菜式,揀咗蝦球,諗住正啲啩。份量唔少,啲蝦球睇落都幾大隻,粉漿又做得唔會太厚,椒鹽確喺惹味啲,有點點辣勁,唯獨啲蝦肉就覺得未夠爽口。補充一下,絲苗白飯$8碗,飲品當散點,但唔收加一,服務算喺咁,啲阿姐都好有禮貌,當然,如果啲小菜可加錢轉為套餐就更理想啦。 繼續閱讀
(以上食評乃用戶個人意見 , 並不代表OpenRice之觀點。)
等級6 2019-01-24
89 瀏覽
友人搬了新居,今晚去housewarming,因是一間小房,不便煮食,故先去附近覓食。她初來報到,而我亦不熟太子,大家繞了幾個圈,順便陪她了解一下q近有乜好食,最後走入了這間冰室。冰室環境光猛,地方都幾大,設有大圓枱、多張四人枱,入端還有兩排卡座。翻開餐牌,有中式推介、廚師精選和精美小菜d,而餐簿就有中西飯類、皇牌焗飯/意、炒粉麵類、水煮名菜、中式小菜、王牌咖喱、煲仔菜系列、蒸餸類、小食、常餐、飲品和特飲。*****************************本想點兩杯熱特飲,但竟然6:00pm水吧收了,只供應凍飲,咁奇怪....轉要兩碗老火靚湯($18),是日是紅蘿蔔豬骨湯。湯面有少許油,味道亦合宜,相信無加味精,喝了沒有乾涸之感。湯料有紅蘿蔔、豬骨、南北杏等,夠晒火喉,有家的味道。*****************************西蘭花炒蝦仁($85)約有六隻蝦,伴上西蘭花、甘荀片、草蘑和蔥段。蝦仁爽口;西蘭花翠綠爽脆,炒得夠火喉,但略為油了一點。*****************************薑蔥魚腩煲($77)可謂先聲奪人,未上枱已聽到喳喳聲。以沙窩盛載上枱,保持溫度,岩晒今日天氣。一窩有六件魚腩,每件體積中等,配有大量薑片和青蔥。魚腩應是先經過香煎/炸,色澤金黃,滑溜的魚皮帶微脆。潔白的肉質不嘞不乾,味道亦合宜。-----------------------------飯後參觀友人小房,地方雖小,附近環境一般,但她執整得整齊企理,內裏舒適簡潔,我也安心。今晚我倆有個相聚好時光,揀了「聚好冰室」的確很切合。 繼續閱讀
(以上食評乃用戶個人意見 , 並不代表OpenRice之觀點。)
<二人餐>138hkd西芹炒花姿片口水雞兩碗白飯兩碗老火湯,晚點六點鐘,人少少,天氣又凍,老闆娘仲主動送多一碗老火湯, 老闆娘真係有人情味, 喺寒冷嘅天氣之下,呢份戀戀嘅老火湯, 實在無得彈,特別甜,香, 鮮,十個like< 小包點>店舖嘅特色系麵包店同茶餐廳都係放置於同一店簷下。<一杯熱檸檬薑汁可樂>感冒良藥, 舒緩咳喉嚨不適小食< 雜果沙律 > 30蚊有找加咗唔同嘅水果以及沙律醬<口水雞>辣度適中, 雞肉多, 皮滑肉嫩, 加上芫茜, 辣汁 ,白飯老火湯, 一流配搭, 下次要試埋茶餐廳嘅海南雞飯pk一下<足料了老火湯>排骨,紅蘿蔔, 濃郁鮮甜 臨走嘅時候 , 諗住去留念影張麵包店嘅餐廳相片,麵包店老闆 一見到我行過去影相 就即刻送上,暖暖的酥皮蛋撻, 新店開張仲有買二送一活動。<西芹炒花姿片>低鹽低脂, 非常健康好食, 老闆娘非常好客 ,問我哋夠唔夠味道, 唔夠味可以畀蝦膏畀我哋去伴菜臨走嘅時候發現原來店舖,仲有酸菜烤魚, 呢個冬天一必食, 呢間茶餐廳真係要乜有乜,新年快樂! happy new year... 繼續閱讀
(以上食評乃用戶個人意見 , 並不代表OpenRice之觀點。)
等級4 2019-02-11
39 瀏覽
食晚餐時間係太子,要搵間舒服又唔貴既食肆,真的有點難道,經過見到呢間好似乾乾淨淨好似幾好咁,就即刻同朋友試下,叫左2個小菜菠蘿生炒骨,排骨唔係用好多粉醬炸,所以食落唔會係一堆粉,排骨用左腩排,骨肉均勻,菠蘿係用新鮮菠蘿,甜酸度剛剛好,而且仲好大碟,好好味。再叫左個椒鹽蝦球,蝦係新鮮蝦,用椒鹽炒連蝦皮都想食埋,脆口加上夠味超級野味,再加多個四寶丸,丸好彈牙,好有口感,好新鮮,湯底亦煲到好香甜。可以連湯都飲埋。朋友再加碟星洲炒米 ,不油膩唔會成碟都係油,咖喱不太辣,米線亦唔會痴埋一舊,最緊要材料夠,好正 繼續閱讀
(以上食評乃用戶個人意見 , 並不代表OpenRice之觀點。)
等級3 2019-02-11
20 瀏覽
平時行開九龍區嘅朋友有福了。因為有一間又好味又坐得舒服嘅冰室呀係太子站附近,平時去完大陸玩又食得,超近皇巴站喔餐廳門口有麵包櫃,非常香,如果經過只係想買下小食都可以喔先點一份餐前小食,是一份四寶。每粒都好爽口彈牙,而且唔會好粉,唔通係自己手打?總之就超好食!呢度嘅小菜都有好多款,而且每款都好吸引,真係好難選擇嘅。呢款係椒鹽蝦球。以為會係一個炸蝦球?少年你太年輕啦!呢個係用椒鹽炒蝦,食落唔會好咸,而且個蝦都好爽口,唔會好「梅」另外點了一份生炒骨。呢份生炒骨好夠酸味,而且份量十足,每舊都蘸到汁嫁!而且配菜都好多。真心推介主菜想了!是焗咖哩牛腩,平時會食到係好乾嘅。但呢度焗得嚟唔會好乾。牛腩非常淋,仲有埋牛筋食下添😂真係好正呀!而且都好入味食焗飯最怕就係汁少唔夠撈,但呢份都幾好的,汁又多,又唔乾,餸又多,好抵食呀! 繼續閱讀
(以上食評乃用戶個人意見 , 並不代表OpenRice之觀點。)