聘珍樓

營業中

休息中

4/8/19(星期日),同屋企人飯聚晩飯, 預早綱上了解菜式及價錢, 及預早安排, 方便家人進食, 致電聘珍樓及what app落菜單及付訂金, 到晚飯完結單時, 計算錯誤及找不到訂金，及後重新計算，時間等很久，各方面都不淸楚，到查閲單據發現有菜式銀碼不同計多錢，致電查詢又話不淸楚又話綱上菜單價錢未改，有誤導成份，大家結算要詳細查閲，以免被誤導不知！

同屋企人去聘珍樓噗點心飲茶。貪佢位置方便，係地鐵站附近，方便之後醫完肚去行街。因為訂咗位所以完全唔使等，一行六人，所以俾咗張大枱，坐得很舒適！！餐牌好多特色點心，我哋好多都係叫返普通點心為主。蜜汁叉燒 -肥瘦分佈均勻，肉質嫩，有水準！味道也不錯蝦餃欣賞佢皮夠薄，講真無乜蝦味！不過新鮮熱辣，都合格啦叫三籠先夠喉....燒賣，叉燒包等正常沒有甚麼特別！XO醬炒腸粉用XO醬都炒得頗香Overall, 我覺得都唔錯，起碼服務態度良好同埋環境舒適，但價錢頗貴....

很久之前到過這間酒樓吃晚飯，喜歡這裡沒有一般酒樓的嘈吵，格調較高，但價錢相宜。母親節翌日仍是公眾假期，所有酒樓都不容易找位，除了她……，位置是APM 再行前5分鐘左右。首先，來了一客我至愛的芋角酥，外層又脆又鬆，很有水準，不太油膩。第二首選就是有點辣的紅油抄手，上面再灑上炸蒜和葱花，很好的配合😋還點了叉燒飽，馬拉糕……不過不失，中規中矩……還有排骨，這個我不太欣賞，太多肥肉啊還叫了瑞士雞翼和馬蹄糕……(但忘記影相啊)埋單大概每人$80，抵食！

聘珍樓一向有質素保證，午市套餐真係好抵食，有熱辣辣的燉湯，每人一碗炒飯，兩款點心，有蝦餃和炸春卷，瑤柱灼菜，還有甜品。但貪心的我還另外點了馬拉糕🤣簡直大滿足。

在創紀之城1期上課，從那邊走過來非常近了，步行也就3.4分鐘的樣子，不過在六樓，中午40多個人等電梯還是會慢很多店裡的裝修門口很文藝~然後就是充滿著港式風味的早茶還有各種點心啦。為什麼中飯要吃早茶，this is a question .腸粉，叉燒包，蝦餃皇，蛋撻，流沙包，芥蘭，所有你能想到的和你不知道的都在這裡出現啦，（使勁鼓掌👏！）大飽口福，聘珍樓的服務員也很貼心幫忙分菜，真的很好吃！強烈推薦蛋撻還有蝦餃皇！腸粉的皮很薄很薄，裡面的餡又很足，超級棒！兩壺茶，一壺是普洱，一壺是鐵觀音，旁邊小伙伴分不清混在一起倒了個人偏愛普洱一丟丟。在公司的第一頓飯，認識了很多人，也吃的很開心😄

今日晏就去左 珍樓到食晏就，12點20分左右黎到，早d黎唔洗等位。呢到上菜速度都幾快。 鳳爪排骨飯個湯好飲好清，係不添加任何味精，同人造色素。蝦餃，大大粒，蝦肉爽口燒賣賣相靚，蝦肉好爽，亦都好大粒春卷好脆，亦好香口糯米飯，腸粉，生菜最後仲有4個甜品，系豆腐花，因為我地6個人，職員好好甘分左6細碗俾我地。 食到好飽。呢餐對我黎講真係唔平，價錢比較貴，但食物都好味，野食，環境，服務都唔錯，但略嫌餐碟有好多都有小許污衊。

跟外國老闆食飯，早一個月就訂了位，因為之前食過幾次覺得D野食幾好味，裝潢又靚。本身滿心歡喜, 仲專登訂左隻北京填鴨，見D 食評講到幾好食就諗住一試，結果完全大失望!首先,黎到既時候都無咩客，7人但給了一張10人枱，有點太大，但鬆動點都OK，可以預留上菜位。我地坐好哂, 預留左位上菜, 點知staff堅持說要係外國老闆隔離上菜，跟staff商量可否改外國老闆隔一個位上菜(就是我地預留左上菜位)， staff堅持話唔可以，堅持一定要係老闆隔離上菜，因為個個係上菜位，仲話介意既可以叫外國老闆坐第二個位。我地都直接同佢講, 張枱甘大， 其實只係改外國老闆隔一個位上菜, 根本冇任何影響, 點解唔可以? 又唔會影響到其他人.... 你無任何指示邊到係上菜位，亦無同我地講邊個位係，客人想坐邊就坐邊架啦，如果你明知個上菜位係邊，咁你帶位時就應該同我地講, 提醒客人邊到要上菜, 記得要留番個位，而且比起叫外國老闆轉位，改上菜位係咪彈性好多呀…..個staff本身態度已經唔係好，越講態度越差! 仲西我地面，一臉不耐煩唔理我地，其他staff 都只係企係隔離咩都唔理，我地都有同佢講, 甘你自己用英文同我老闆

心血來潮想食片皮鴨，又見假期，就book左19:30晚飯。之前book位果時冇留到鴨，諗住去親都冇乜人，點知咁岩果日有飲宴，冇得食，所以今次醒目問定有冇。一如以往，酒樓都係坐唔爆，我就係鐘意佢靜靜地，而且樓底都幾高，感覺唔會好焗促，唔似其他酒樓背貼背，嘈到聽唔到人講野咁。成個環境都幾高檔次。雖然佢呢到茶介$16一位，但茶沖得唔錯，味道濃郁但唔會苦，有回甘味道我地點左一個湯、片皮鴨兩食同一個沙拉骨片皮鴨$468一隻兩食，佢冇得選半隻，而第二食就生菜包肉松。店員（看似經理）會俾隻鴨你睇一睇，然後就會係你面前片。而且會上埋兩碟醬料，一碟青瓜和一碟大蔥。鴨終於上碟了擺得好似朵花咁靚，仲有兩碟皮跟埋。個皮上碟時熱辣辣，每塊中間佢都會夾一張紙防止痴住，個皮略嫌厚左少少，不過都非常軟熟！而且每塊都有啲芝麻係面，特別香口。聘珍樓既片皮鴨真係好出色，皮好脆，又唔肥，鴨味濃郁，包住青瓜和蔥一齊食，中和左鴨皮的油膩，超滿足今次隻鴨片出黎好多，起碼20塊，本身跟既皮都唔夠包，於是就加左一碟。個經理見我地點多碟，佢就話切果時都覺得隻鴨好大隻，如果再切就食唔晒....😨食到一半湯就來了⋯鯪魚球生菜湯一上煲湯既時候

這次下班跟朋友來吃晚餐，味道還可以，環境也算OK，聽說是好有歷史的餐廳，但係知名度還不是很足夠，可惜沒有太多人知道。用餐高峰期排隊還是排了有一段時間，下次可以提前book台

環境舒適，夠寛敞，樓底很高，感覺開揚。裝修典雅，感覺高尚。服務水準高，不是常客，也認得出我們，感覺非常親切。食物夠新鮮，不加味精，夠健康。價格適中，平日有特價套餐，值得推介

是日一行七位同事到附近飲菜,沒什麼選下到了這間比較貴的酒樓。除了上菜快和點心熱之外,味道方面就不是十分印象難忘了🤔流心飽不夠流心,燒賣蝦肉大粒,排骨真的比較油,最值得讚是瑤柱辣椒醬調配得好,配點心一流👍🏻

2個同事走，又有同事生日，飲茶係最方便不過。臨lunch前15分鐘先book位可以book到咩？聘珍樓，你懂得 點心一大堆，炒腸粉夠入味，最like佢炒到“龍龍”地，3分鐘已經ko晒。但係蒸腸粉略嫌d皮厚左少少，不過都滑。平時去邊我都唔食燒賣，硬係覺得有陣味，但今日見到勁新鮮，隻蝦非常爽口，肉都好鮮味，nice炒飯唔會好乾身，幾好，仲加左白飯魚仔。蛋白好滑溜，水準之作。PS. 叉燒包都幾多餡料，包好鬆化，size適中，我都幾滿意

聘珍樓離觀塘地鐵站大約有10分鐘路程位於創紀之城6期6樓估唔到一橦商業大廈中有走高雅路線嘅中式樓梯聘珍樓有別於一般酒樓嘅路線擺設裝潢都好有style,燈光好配個成個中式裝潢好有格調，好欣賞佢嘅裝潢未食已經加左好多分！茶叫左普洱，香片茶葉好有水準，香得黎唔會澀點心叫左蝦餃，流沙奶黃包，春卷，腸粉水準中上，奶黃包好好食！雖然價錢真係唔平不過環境咁好，食物質素又唔錯都係一個下午茶，同家人朋友傾下計嘅好地方連碟都好有特色

我最愛蝦餃燒賣，廣東點心必點！蝦餃除了裡面的餡料重要外，外面層皮都是重點。聘珍樓的蝦餃皮薄餡靚，而且皮是不重粉感，又不太黏口。職員上菜效率好高，態度友善，值得嘉許。

今晚友人婚宴，在觀塘聘珍樓擺喜酒。尋找此酒樓的路上比較吃力！有一大個招牌寫著「往前行110米」，行左一陣覺得唔對路，不過柳暗花明又一村，經過某些工廠大廈就到達創紀之城六期，在經過典雅的甲級寫字樓大堂，才有另外一條秘道乘搭電梯上六樓。這家聘珍樓的裝修非常舒適華麗，播放著中樂，氣氛一流。今次晚宴沒有拍很多的食物照片，可以欣賞一下乳豬！