老馮茶居 (荃灣千色匯II)

營業中

休息中

服務: 一個字，差晚上去食, 等左一陣位(約20分鐘), 好喇, 等到有位時, 咁岩有張圓枱(2人坐岩岩好), 同一張四人枱咁我地3個人去食, 之後等位既係2個人, 好應該安排我地坐四人枱,點知個侍應安排我地坐張圓枱, 我問可唔可以坐四人枱, 後面係2人,坐張圓枱夠啦點知,帶位果個人話, "無得轉喎, 我地安排左你3個係坐圓枱"再理論一番, 先肯轉張四人枱比我地3個人坐圓枱， 2個人坐四人枱 ?!?!?!未開始食, 已一肚氣諗住食物補救番, 點知…1.蝦餃皮還皮, 蝦還蝦！爛patpat！2.煲仔飯, 暖, 唔叫熱3.蝦腸, 諗住最安全既,點知 蝦又唔熱既…前後係依間食過3次, 一次比一次差.食埋今次, 唔會再黎食！!

一直好想試依間，今日終於同屋企人嚟食！中午時間嚟到要等15張檯左右，好彩叫號都算快，唔係等好耐就入得。因為佢限時一個鍾，又寫即叫即蒸要15-20分鐘等候。所以我地未入座前已填好點心紙一坐低就比佢。點心都好快上檯，唔洗15-20分鐘咁耐。我估師傅都係一直整，唔會有單先去整。點咗10樣野，只能說係普通質素唔可以話好好食。佢料係足，樣樣都大大粒。但味道就真係普通正常野～椰汁糕唔太甜但無咩椰汁味。叉燒腸粉就唔錯嘅，叉燒唔柴，腸粉都滑。蝦餃個皮好唔靚但餡好大粒同彈牙。雞札見佢門跟個報道寫有蟹柳火腿，但實物係變咗豬肚。糯米雞係最差！佢啲餡爆晒出嚟，爆餡個邊就好濕，無餡個邊啲糯米好乾⋯鵪鶉蛋燒賣好乾無味。依個可以唔洗叫！佢唔算貴，所以可以接受嚟食一次試下咁

荃灣千色店嘅老馮茶居真係一間非常出色嘅地方！我今次叫咗外賣，佢哋嘅點心真係好精緻而且價錢都好合理。我最推薦嘅係佢哋嘅XO醬炒蘿蔔糕。呢個菜真係嚐到咗老馮茶居嘅獨特風味。蘿蔔糕炒得剛剛好，口感軟糯，而XO醬嘅香辣味道更加提升咗整體風味，令人回味無窮。另外，佢哋嘅鯪魚球同鮮蝦燒賣都非常出色。鯪魚球炸得金黃酥脆，每一口都有鮮美嘅鯪魚香味。鮮蝦燒賣則肉質鮮嫩多汁，皮薄包裹住豐富嘅鮮蝦內餡，真係令人垂涎欲滴。除咗以上兩款，我仲試咗薑汁撞奶、牛肉球同鮮竹卷等等。薑汁撞奶濃郁香滑，帶有微微辣味，一碗撞奶解渴又提神。牛肉球彈牙有嚼勁，肉質鮮嫩，入口即化。鮮竹卷則有清脆的口感，配上鮮美的內餡，非常美味。

見評論有好多人話呢間好食，入去試一試，點知中伏，唔會有下次。炸芋角：得兩粒，唔鬆化，餡是凍的，又有好重嘅鹼水味蝦餃：沒有味道的蝦，辣椒油又唔好食XO醬蘿蔔糕：外皮煎得好硬好燶， XO醬沒有味道金沙米皇腸粉：米皇炸得好硬，－啲都唔鬆化小籠包：皮好厚，啲肉汁唔係特別新鮮，同屋企自己雪櫃冷箱蒸嗰啲差唔多茶葉：叫咗鐵觀音，味道好淡星期六下晝四點幾嚟，唔使排隊直入，兩個人食咗$160，又唔係特別平。未食過咁唔好食嘅點心！嘥肚之選！

說他是點心專門店, 我覺得說他是舊式茶樓比較適合。餐廳有一點懷舊味道, 小碗, 匙羹和茶杯都有一個公雞圖案。另外, 有部分顧客是公公婆婆, 看得出他們是這裡的常客。很喜歡這種感覺, 因為我覺得在這氛圍飲茶是最合適不過。當天我們點了蝦餃, 鮮蝦腐皮卷, 豉汁蒸鳳爪和叉燒腸, 全部點心都是即叫即做, 所以上桌時都是熱辣辣, 非常美味🤤而且, 每樣點心份量都非常之充足, 好像蝦餃, 皮薄, 餡料十分飽滿, 真是平靚正👍🏻期待下次再來這裡試其他點心🤤

係千色匯地下 唔係好大6點半之後就要等位😵‍💫款式唔算好多 傳統嘅都有齊哂茶芥每位$6 唔使加一👍🏼叫左9樣點心 排名不分先後😂蜆介鯪魚球 (28)有5粒 配埋個蜆介汁本身都好夠味 幾香口 正常發揮XO醬蘿蔔糕 ($28)好惹味！不過偏咸 好想送飯😂金牌炸芋角 ($18)個芋頭冇咩味 不過炸得幾香脆但味道真係唔驚艷 可以唔試老馮金沙米皇腸 ($36)6大件炸兩 入面包住好大舊蝦超豐富口感 的確幾好食😋老馮流心芋泥包 ($20)流心就冇啦😂 不過芋泥味幾出 幾甜整體當甜品係幾好食👍🏼金牌叉燒包 ($18)普通叉燒包 完🤣鵪鶉蛋燒賣皇 ($30)唔記得影相🫣 上面有粒鵪鶉蛋燒賣都有幾隻蝦 正常 唔錯😌鳳爪排骨飯 ($36)都唔記得影相🫣 得一件鳳爪排骨偏肥 飯唔係特別香都係可以唔使特別嗌整體價錢唔係特別平 中等耐冇飲茶都可以試吓 好在唔使加一😎

每次經過老馮茶居，都見到到長長的人龍，話今次見到時間比較充裕，便試一試這一間老式的點心店，我們叫了鵪鶉蛋燒賣，蝦餃，鮮竹卷，XO醬炸蘿蔔糕，叉燒腸粉和黑椒牛仔骨飯。蝦餃皮薄餡靚，最令人驚喜的是牛黑椒牛仔骨飯，口感鬆軟，非常好味。

點心夠熱，味道亦正常OK，但員工態度趕客。我哋二人打算快快食完就走，全程只係坐咗40分鐘，其間員工不停走埋黎收碗收碟收蒸籠，剛剛夾起最後一粒燒賣就極速收走蒸籠。未食完既蒸飯又幾次走埋黎，問都唔問就落手想拎走。食埋最後一啖飯，秒速收埋你碗筷，想飲多啖茶就走，佢就想連我隻杯都收埋。唔會再去幫襯！！隔離有枱3人客，剛食完一陣，就被收晒枱面既野，連茶壺都收埋，唔俾客人再斟茶坐多一陣，不停俾說話趕客走，人地怕鬼左，立即起身埋單走人。

食過兩三次覺得啲嘢食幾好味，今日見星期一應該少人就去食，點知12:03 落單，等到12:54 先有，話漏左單，隔離檯遲過我地落單就食緊飯。一肚氣，講真，啲野又唔係話好好食係特別啲，但係真係好浪費時間。

好耐冇同家人飲茶，試試呢間茶室先！都叫左唔少點心，特別欣賞佢嘅腸粉同外面嘅酒樓嘅腸粉真係唔同架咸水角都炸得好香脆！入面仲yin yin un un蒸飯蒸到粒粒分明，香噴噴其他點心就中規中矩啦可能係因應佢哋嘅環保落單方式，唔至我地張枱落錯單😅食飯期間，都有兩三張桌話錯單😂建議大家落單之後check一check🤓🤣

星期四晚過開黎荃灣區唔知食乜好見呢間平時星期六日都排哂隊既竟然無乜人，就入去試下。全部點心都熱到出煙的普洱茶唔錯👍🏻唔係個d垃圾級茶葉點心樣樣都好食最好食係牛腩腸粉，腸粉好滑，吸哂d腩汁，牛筋煮得好淋好滑好入味

最早初期認識老馮茶居喺係元朗， 當時見到每次都好多人排隊等食， 荃灣開咗， 都想試吓，尋晚就去試吓。 去到門口已經見到提示， 繁忙時段餐飲一小時， 仲要係一次性落單， 即係你一次過叫晒， 唔好翻單。 最後4個人叫8樣嘢， 叫咗鳳爪排骨及魷魚仔肉餅蒸飯飯粒分明，底部唔油， 腸粉皮唔太厚， 燒賣唔會好多肥豬肉， 糯米雞就差啲， ， 鮮蝦腐皮卷夠熱唔會煎到好油， 小籠包皮就一般， 佢用紅醋， 個人喜歡落黑醋， 潮州粉果皮就厚少少， 餡料適中味道可以。食物大致可以， 但服務態度就差啲， 仲有想同朋友食飯傾吓坐吓就唔好， 呢間要快叫快食快走， 唔係佢會催你😔

之前經過荃灣千色匯見到開左呢間老馮茶居，個裝修好懷舊，已經book mark想試吓😋今朝早左訓醒就決定去試吓🤩我9:00已經去到，已經有人排緊隊，要等5張檯，因為每檯用餐時間係60分鐘，所以大約等左5分鐘左右就入到去入面座位比較迫，要搭檯，但會有塊膠板隔開一坐低待應就提醒用餐時間60分鐘，同埋煩忙時間只可以落單1次，唔可以加單，所以我地好快寫左幾樣野就落單然後先有時間欣賞下d裝修，有好多復古原素，好似坐喺博物館食野禁，但因為人太多樓底又唔太高，所以都好難打卡，因為一定會影到其他食客🙈等左10分鐘左右點心開始陸續送到🥢老馮金沙米皇腸呢個腸粉入面包住用脆網包住ge 蝦，腸粉外皮係軟滑有彈性，配埋鼓油好好味，但個脆網好重油味，一咬落去會有好多油滴返落隻碗到，所以食左兩舊已經好漏🥴我個人覺得麻麻地好食🙈🍞老馮流沙𦍋泥包呢個包來到係暖暖地，可能係廚房擺左陣，所以食果時已經無流沙效果，味道好似食緊唔凍ge 香芋雪糕，味道比較人工🥟正宗潮州粉果粉果個皮做得唔錯，彈牙又唔易穿，但餡料比較單一，無咩花生，芫茜，沙葛同蝦米，但味道👌🏻，應該落左好多胡椒粉，所以偏辣🥟老馮鮮蝦餃蝦餃個皮都唔錯，同粉果一樣彈牙

📍 老馮茶居🗓️ 1 July 2023久唔久就想去飲茶食點心，雖然荃灣食點心嘅地方好多，不過環境靚，嘢又好食嘅我一定係會諗起呢間！老馮茶居係行懷舊路線，啲裝修好有心思同時呢到好多點心都好有特色。我哋今次四人叫咗十個點心/飯，非常滿足。分別係鮮蝦腐皮卷、咸水角、流沙芋泥包、鮮蝦腸、 XO醬蘿蔔糕、沙嗲金錢肚、豉汁蒸鳳爪、薑蔥牛柏葉、小籠包同埋梅菜肉餅飯。我發現呢到嘅炸嘢好出色，咸水角皮唔會好厚，好食。而腐皮卷外層好脆，而入面嘅蝦好大隻，仲要好彈牙，我有被驚艷到！流沙芋泥包喺出面唔常見，入面仲有芋頭粒，不過如果有多啲餡就好了。同埋唔知係咪放咗一陣先食，感受唔到流沙嘅效果。XO醬蘿蔔糕非常好食！我認為係今餐最難忘！炸到外脆內軟，就算放耐咗個皮都仲係脆而唔係硬嘅。又夠味又夠香口，我下次一定會再叫！所有點心熱辣辣，飯都係即叫即蒸，我下次想試下金沙米皇腸、千層糕同金牌炸芋角。不過記得要有心理準備要等位，如果兩點幾三點左右就會比較少人。

今早約 9 點半左右，一行五人到荃灣千色匯地下哩間飲茶， 門口有張貼，繁忙時間 只可食一小時。9點多 都唔係繁忙時間卦。坐低叫點心， 阿姐已經講一個鐘頭食㗎咋。朋友回應：你啲點心到齊，我哋一個鐘頭冇問題。阿姐回應： 你放心，一定出到畀你哋，每枱客都係咁，唔係淨係你哋呢一台㗎，枱枱都係食一個鐘㗎。點心到了，味道 ok，一般茶樓水準。原來這裡還有奶茶鴛鴦， 朋友叫左杯鴛鴦， 等咗15分鐘還未到， 問侍應， 侍應回答：要煲㗎嘛。🙄好，唯有等，終於杯茶到了，飲唔夠兩啖，亞姐邊執枱邊話： 飲埋杯茶好走啦，過晒鐘㗎啦。😒就算啲嘢幾好食，但服務態度係咁，唔好意思，我都唔會再黎。