老虎堂黑糖專売 (將軍澳廣場)

營業中

休息中

Lunch喺pop corn食完拉麵就過嚟老虎堂買嘢飲！🧋烏龍茶豆奶小芋圓(小甜）台灣直送烏龍茶配搭維他奶專業沖劑豆奶，入口茶味相當重但無蓋過豆奶味，出乎意料地夾，感覺好健康😂👍🏻唯一略嫌小芋圓太過腍，失去煙韌感！

呢杯係黑糖拿鐵加波霸！一直都好鍾意飲呢間舖頭嘅黑糖飲品，因為味道十分香濃，而且佢哋嘅波霸，十分軟熟但亦有咬口，軟硬度適中，好正呀！佢哋最出名應該係黑糖波霸鮮奶，但係鮮奶對我來講實在太Creamy，同埋太 heavy，飲一杯罪惡感極大，所以我鍾意揀拿鐵，感覺冇咁肥，而且有香濃嘅咖啡味，加埋黑糖同埋QQ嘅波霸，飲完都有少少飽肚感，味道超夾！正！不過可次配合埋少甜會更好，因為黑糖本身都甜，如果再加糖，就好似太甜喇！

前幾日經過老虎堂見到佢地既湯圓買一送一，甘抵一定要買黎試食下! 我就買左兩包黑糖芝麻湯圓. 每包湯圓有10粒. 返到屋企好似平時的湯圓 落水煮熟就食得! 煮完之後, 每粒都變到好大粒. 黑糖湯圓糯米皮, 帶點黑糖甜味, 好煙韌. 一咬落去, 芝麻流沙餡流曬出黎, 芝麻味好香好濃. 想係屋企食甜品, 買包湯圓整黎食, 簡單又方便! 老虎堂的黑糖湯圓係共有四款選擇:1. 黑糖芝麻湯圓 2. 黑糖流沙湯圓 3. 芝麻黑糖珍珠湯圓 4. 花生黑糖珍珠湯圓 下次試下其他口味先!

老虎堂店一d都唔陌生既店好開心係將軍澳開分店！ 率先叫番杯經典既「波霸珍珠鮮奶茶」果然冇失望，都冇失水準珍珠依然好好咬，鮮奶茶都好香好滑而且唔係好甜，正👍🏻推介👍🏻

黑糖珍珠鮮奶喺香港都超級hit，老虎堂算係當中嘅佼佼者，可以屹立不倒，成日經過見到，都有好多人喺舖頭外面排隊。今次行經將軍澳中心，見到佢開咗新嘅分店，聞到黑糖甜甜嘅香味，心思思想飲番杯，於是就買咗杯😋老虎堂波霸鮮奶(冷) ($30)• 好好飲，黑糖、牛奶、珍珠味道同比例配搭得好有好好，非常有驚喜，係飲過top3好飲嘅黑糖珍珠鮮奶嘅其中之一• 黑糖味非常突出，香味濃郁，飲落好有層次，少甜甜度，啱啱好，超正！• 珍珠食到黑糖嘅香味，咬落Q彈，煙煙韌韌，，同濃濃嘅黑糖鮮奶好夾，飲得好滋味下次有經老虎堂嘅分店，一定會再encore😆