老爹茶居

營業中

休息中

馬鞍山大部份食肆都在商場裡面，daddy's kitchen是其中一間少數開在新港城廣場地下，面向馬路的港式餐廳。菜式包括意粉，拉麵，台式茶飲，擁有茶餐廳的多元化及比一般茶餐廳好的環境。方正的店面擺放了多張檯，每張檯上都放了墊檯紙，希望店方考慮減少紙張浪費。食品飲品款式選擇多，價錢不算大眾化。點了焗司華力腸肉醬意粉，忌廉磨菇蝦意粉，加兩杯珍珠奶茶。司華力腸肉醬意粉與肉醬意粉的價錢相差$1x，卻只多了四小片司華力腸，cp值也太低了吧。另一個蝦意粉味道普通。珍珠奶茶正常味道，難得特飲不用加錢。值得一提的是跟餐的牛油麵包，是舊式餐廳那些圓形餐包，令人懷忘。附帶凍牛油，若麵包上檯前能加熱一下，令牛油半溶，味道亦必定更佳。

這星期也要在馬鞍山開工，返馬鞍山對我來說遠少少。 所以要日日食不同食物，當自己來試這區餐廳，每天返工才感覺良好一些。 今日就到這間daddy’s kitchen ，餐廳size 也幾大，用玻璃做外牆令到餐廳內也有天然光。 午餐丶下午茶也有很多不同種類食物，飲品配搭也很多選擇，連餐茶不用加錢也可選擇珍珠奶茶。上菜速度也很快，食物夠熱炸蝦夠脆，不過意粉份量就比我想像中更少。 熱珍珠奶茶唔太甜茶味夠香，不過珍珠就太稔冇質感。

星期日難得放下了信信和心心去婆婆家，可以和朋友兩個食飯，朋友提議去daddy's kitchen，去到門口都見到好多人，不過等了一分鐘就入得！餐牌好似加左價，普通lunch set都要七十幾蚊，大家都叫左個B餐。環境其實比較逼，枱與枱之間勁近，想傾秘密或深入少少的東西就未必啱，但普遍來說都坐得舒適。上菜速度都算快，餐包用微波爐叮熱先黎，軟同熱算合格。不過值得一提是waiteress的服務，我舊牛油只係用左四分一，而朋友的完全未開，佢問都唔問就收走了，可能人手好充足(見到成日D人企哂係度無野做)，一見到有碗收就黎，收得好快餐湯方便，落單時佢係話有雜菜湯同忌廉湯揀，我揀後者，但送上來明明就是南瓜湯，好彩我都鍾意飲南瓜湯，我覺得「傑」番少少會好味D，完全無南瓜肉，味道一般。無幾耐一碟蝦球牛肝菌忌廉汁燴扁意粉到了，但兩個人明明一齊落單要同一款食物，卻只來了一碟。意粉份量適中，味道都幾好，有三色椒一齊炒，好香，不過隻蝦就唔掂了，無味的，一食就知係冰鮮野。跟餐的餐飲選擇都多，而且凍飲不用加錢，由於好耐無飲珍珠奶茶，見到呢個選擇立即雙眼發光！不過我要走冰的，點知黎到，就覺得個份量少D，好似比人飲咗啖

見到OpenRice 評分高，所以諗住同朋友來試試 ，本來一心好大期望一入店見店員已經黑口黑面，不是笑面迎接客人，氣氛不是太好，看完餐牌就落單，我朋友叫洋蔥豬扒飯，我叫蛋包雞肉飯，落單後在等餐時正常大家會傾計，估不到洋蔥豬扒好快就到，可能我地無留意伙記攞了洋蔥豬扒來，他站在朋友身邊，突然好大聲叫洋蔥豬扒，嚇了我一跳，吾駛咁大聲呀！我的蛋包飯就等了好耐才到，講到味道是一般。但服務真係有待改善吾明咁嘅服務都咁高評分，平價餐記服務都好過佢。

<與女朋友吃飯系列•九>人人都說馬鞍山只是住宅區，沒有好吃的地方。但我跟女朋友明知山有虎，偏向虎山行。今次來馬鞍山，主要看看海之心，感受一下浪漫的感覺。時間過得好快，輾轉間很快就肚餓了。很想去遠方的大食代，但因太遙遠，無奈下選擇了這間茶記，一進去職員便立刻安排卡位，很貼心😬。點了一個蔬菜闊條麵和白汁龍利柳飯😋。味道方面，比上不足，比下有餘，食物擺設不錯，令人有吃的衝動。餐廳氣氛不錯，絕對適合一家大細吃飯☝🏻️

這個是午餐餐牌, 價錢大約在HKD50-HKD60, 還有其他餐牌但就比較貴, 要大約HKD80. 今天點了 鮮茄汁扒鹹牛脷意粉 跟 凍奶茶.  其實餐廳提供很多款式的食物, 從餐牌中可見. 似乎要多來幾次才可以試齊所有款式. 牛脷表面有少許脆口, 似乎有煎香過, 中間好軟身, 唔洗點咬, 鹹味適中. 茄汁微酸, 能開胃. 什菜唔生, 抵讚! 意粉軟身, 都係唔洗點咬的.  凍奶茶香滑, 唔會好甜, 感覺比較健康. 

餐廳有很多款色的食物提供, 這是'是日精選'餐牌, 價錢大約在HKD80左右, 是較貴的一個餐牌. 其他的大約在HKD50, 下次食的時候再分享給大家. 今日點了 扒香草香雞扒配蜜糖芥苿汁飯 跟 凍齋啡走甜. 有餐湯送, 今天可選忌濂或蘿宋湯, 選了蘿宋湯, 湯很熱, 顏色很美, 入口蔬菜味濃郁, 有西芹, 唔食的朋友要留意一下. 又跟餐包, 會先返熱才上菜, 夠熱可以溶左粒牛油. 包入口香軟, 抵讚!主菜賣相良好, 香氣撲鼻, 春雞扒肉質嫩滑, 雞味濃, 皮脆, 真係好脆, 咬落有聲, 淡香草味, 有半隻春雞, 只是雞翼部份及雞大腿有骨.  齋啡香濃, 入口回甘, 不酸. 連加一共HKD88. 

第一次黎呢間"老爹茶居"食, 聽個friend講都開左喺馬鞍山呢區好多年, 以前係商場入面但近年就落左地舖. 間餐廳環境都唔錯, 樓底夠高幾舒服, 坐近窗邊有落地玻璃咁. 我就叫左款午餐粟米汁炸龍脷柳飯試下 ($50包飲品再加一), 價錢還OK啦, 不過午餐就最好唔洗加一...塊龍脷柳比想像中細塊少少, 不過勝在塊魚柳應該係即炸既, 咬落外脆內軟都幾好味. 粟米汁就得好少, 因為唔夠撈飯食所以要叫侍應加汁, 好彩個侍應都樂意拎多少少汁比我既,  而個粟米汁味道都唔錯! 整體都OK, 隻碟又幾靚, 個地方都適合約朋友食下飯傾計.

馬鞍山出名係美食沙漠夜晚冇人係屋企一個人四圍行搵嘢食見到老爹唔使等位於是就入去坐啦😌😌😌叫咗個肉眼扒意粉（五成熟）配香草忌廉汁跟餐餸餐包餐湯同餐飲🥣🍝🥐🥤分量十足！！！Total都只係100多啲性價比唔算低😂😂😂餐包上枱時暖暖地，誠意之作👍🏻👍🏻可以點湯或者搽牛油。忌廉湯唔似一般罐頭，入口唔算好滑，但口感都幾特別😌雖然唔係好多材料，不過都幾好飲嘅😋😋😋塊扒煎得有少少過熟咬落有啲韌不過意粉有驚喜可能係因為個人鍾意比較硬嘅意粉加埋香草忌廉汁好creamy可以再試👍🏻👍🏻珍珠奶茶唔好飲有機會下次試吓其他餐飲會好啲不過以馬鞍山嘅食肆黎講老爹都已經係綠洲㗎啦🙈🙈🙈

晚餐來食 一個好普通的雞肉冷烏冬都要80蚊無野飲 仲要加一呢！😐食左個豬軟骨拉面 50幾蚊超hea囉 個面底又唔好食 完全唔似食梗拉面服務又麻麻 叫人埋單啲人都無咩禮貌 呢間野絕對唔抵食！！！！！

今日入咗馬鞍山探朋友，順面食埋午餐。 見到呢間餐廳裝修都唔錯， 適合傾計 ，所以就揀咗呢間食午餐拉， 整體嚟講，食物味道唔差 ，價錢都合理，環境寬敞，都適合係度同朋友re-u我叫咗一個法蘭西炒飯 飯入面有好多五同的配料，例如蝦，粟米，肉粒，腸仔 ，都幾豐富 ，至於味道，由於本人較為重口味，如果濃d就更好拉！至於份量方面，女仔就ok，男士未必夠飽！朋友就叫左個法式焗茄子肉醬飯，味道普普通通，正常水準，但肉醬稍為偏少，如果多就更好！

今日約朋友來到馬鞍山，經過老爹，便入去吃個午餐。朋友點了黑椒漢堡扒飯：黑椒汁很香，很美味，但漢堡扒味道一般，口感較腍。我不太餓，只點了朱古力雲石芝士餅：這個有點硬，味道也很一般，而且好像不是新鮮製作。以前也在老爹吃過，記憶中食物質素比這次好，希望下次食物水準會有所改善吧。

入夜了, 肚子餓隨便進一間餐廳吃。 由於本人十分喜歡紅菜頭, 我便吃了紅菜頭芝士意大利飯。 一上菜式, 全碟粉紅色, 我眼睛已變成心心眼! 食物不只吸睛的, 它的味道鮮明, 有芝士香, 也有紅菜頭的清甜。雞肉軟身, 汁夠濃滑, 確實好味! 惟雞肉略少, 可多幾夠, 予人感覺更完全。 朋友叫了個薯仔沙拉, 絲狀青瓜有口感, 另外還有些紅色爆爆珠, 很趣也夾的。 不得不提是, 其餐包是熱且軟身, 我認為這是食西餐的美好開引號。 接著是飲品, 我喝了蜂蜜綠茶, 香味濃甜味合適, 完美句號。

平時中午吾係太肚餓，我都鐘意留肚等到兩點半食下午茶。因為吾係好鐘意食飯或意粉，下午茶款式多，又吾太大份，又平d, 啱哂我！😝見好耐無食老爹，今日就黎食下啦！ 叫了一個豬扒出前一丁，同一個白汁碎蛋法包配炸薯條。出前一丁麻油麵，😭😭好香的麻油味！救命，發現本人原來好耐都無食過出前一丁，加埋塊豬扒真係好感動！ 白汁碎蛋一向都係我食三文治的favorite 配搭！法包比較硬身，但都可接受吾難咬，薯條剛剛炸好，卜卜脆，好味道。加埋杯珍珠奶茶就剛剛好，奶茶偏甜，下次要記得少甜先！

住得係馬鞍山既居民大多數人都會識得呢間老字號餐廳 "老爹"， "老爹"由多年前在新港城三樓開業至今，依家就搬到新港城地下，位置雖然無以前咁方便，但係一到食飯時間都一樣坐無虛席。新店雖然都開了一段時間但都好乾淨整潔。今日好彩唔洗排隊而且仲有窗口位坐。今次叫左豬扒法包配沙津同煙三文魚法包配薯條。兩個法包都外脆內軟，豬扒厚度適中，口感同味道都好好，而薯條上面餐廳加了一點味粉，令到薯條超好食，真係好想知係什麼味粉黎。