老樹旗艦店 (已結業)

經過佐敦 見到間新開貓山王店 裡面有榴槤蛋糕呀 榴槤芝士撻呀 仲有榴槤雪糕添 好多款式 價錢唔算貴 但鐘意食榴槤既我梗係唔只食甜品咁簡單啦 最後忍唔住都買左一個A級貓山王番屋企 😎呢個貓山王好講究 又話要解凍幾多個鐘 又要攤幾耐先食得 我番到屋企搞左一輪終於食得 😂 食第一啖 冇誇張 我從來未食過啲咁既質感既榴槤架!! 同一般金枕頭唔同 呢隻貓山王係好綿同黏黏地 好稠身既 好似食緊舊雪糕咁 好食到呢 貴得都叫有價值!! 推介推介! 👍🏻👍🏻

⚠️榴槤愛好者注意⚠️ 飄來榴槤之香～ 佐敦新開左一間榴槤食品專門店，裡面見到嘅都係榴槤乜乜、榴槤乜乜⋯⋯聽聞其中是一杯聲稱可以「將人類味蕾帶上巔峰」嘅軟雪糕！無米Joke都係一位榴槤終極愛好者，無榴槤不歡！當然要去踩踩場、試試味，睇下係唔係好似佢個廣告講得咁堅啦！一試不得了！榴槤味非常濃郁，每啖都充滿住榴槤、榴槤、榴槤⋯⋯雪糕黎講，奶味唔算重，但榴槤味絕對出色，口感傑身、似雪凍左榴槤果蓉一樣果然係「可以將我嘅味蕾帶試巔峰」榴槤軟雪糕 $60/杯雖然有點貴但味道絕對對得住呢個價錢 。除左軟雪糕，呢度仲有賣；榴槤芝士撻、榴槤瑞士卷、榴槤雪糕杯。自認榴槤愛好者嘅你一定不能錯過！

今日見到Fb介紹  晚上咁岩係附近就去試下 晚上9點多  本身諗住買一條裝的榴槤卷  但已賣哂  唯有試試迷你卷  $26一小個  買2送1  但送的那件不包括榴槤味 有栗子🌰和培茶選擇 回到家一打開滿滿的榴槤味就衝出來 老爸還問我嗅不嗅到流煤氣味😂😂 啖啖榴槤肉和cream夾雜 意想不到的超軟熟海綿蛋糕🤤好吃 但如果可以大件一點就好了