老徐記芝士榴槤餅 (已結業)

開完會去金魚街買暖管比龜龜時， 見到呢間好似好老字號既餅鋪。見到芝士，榴蓮。嘩聽起來好似好漏喎。 但路過聞到好香喎， 我老公都中意食呢兩樣。就買個返去食下。 職員即叫即做， 等左唔算好耐～ 喂！咪講笑！ 芝士+榴蓮出奇地喎～成個批皮是勁鬆脆！ 我完全明左咩叫 #外脆內軟。 真心唔係誇張！ 我叫招牌，榴蓮肉好夠。 鋪頭仲有隻叫至尊～ 相信會Bi晒出來。雖然睇落個餅有成翻面咁大好似好大咁。 但因為脆口， 其實唔會太飽食唔落飯。 真心推介！。

店鋪：老徐記芝士榴槤餅 (太子)地址：太子水渠道3-13號長寧大廈地下B1號舖位於太子站B2出口，聯合廣場對面新開左一間唔夠兩個星期嘅老徐記芝士榴槤餅，作為榴槤嘅忠實粉絲，有榴槤嘅地方就會有我嘅存在經過門口就已經聞到陣陣榴槤香，為求將最新鮮嘅榴槤同水果送係客人手上，佢地每一件餅都係即叫即製，榴槤亦係用新鮮嘅金枕頭，剩係聞都已經食慾大增老徐記芝士榴槤餅總共有五款餅選擇，除左有招牌芝士榴槤餅之外，仲有香蕉、火龍果同芒果餅，就算你唔鍾意食榴槤都總有一款岩你，而店鋪更推出至尊招牌芝士榴槤餅，多$7就多一半榴槤肉，識揀緊係揀呢款啦等左大約10分鐘，終於有得食喇，熱辣辣嘅至尊招牌芝士榴槤餅($52)未拎到上手已經聞到濃濃嘅芝士同榴槤香，用薄薄一層麵粉手打製成嘅香脆餅底夾雜住澎湃湧流出來嘅拉芝芝士同榴槤蓉，齋望都已經非常吸引，係芝士同榴槤味互相補足之下，濃郁香醇而不膩，夠「榴」心又夠「芝」味😂鍾意芝士同榴槤嘅你絕對唔可以錯過

「至尊招牌芝士榴槤餅🤩($52) 」係小編未見過嘅美食🤤 身為好西達人當然要趁佢新開張試一試佢！芝士拉絲 同榴槤蓉融為一體 兩樣野配埋熱辣辣嘅餅原來係咁夾！如果多d榴槤蓉就更加好😈💕注意⚠️：即叫即造 請耐心等候-The King Speciality Cheese Durian Cake🤩($52) is scrumptious! Surprisingly, the melted cheese and the durian meat are perfectly matched with each other! Btw I definitely want more durian fillings😈💕Reminder⚠️：plz wait patiently as the food is freshly baked -價錢price：$45 - $50地址address：太子水渠道3-13號長寧大廈地下B1號舖 Prince Edward性價比CP value：🤤🤤🤤🤤⚪️飽肚fullness：🤤🤤🤤⚪️⚪️味道taste：🤤🤤🤤🤤⚪️環境environment：🤤⚪️⚪️⚪️⚪️(立食)服務service

🧀老徐記芝士榴槤餅 太子西洋菜南街258至六零號長寧大廈地下B1號舖.招牌芝士榴槤餅（$46）榴槤餅即叫即整，都要等差唔多十分鐘。Size有成個手掌咁大，每件餅大概足夠兩個人share。上碟見到熱到出煙，香氣四溢，一夾起啲餡料當然有拉絲效果😈！餅皮香脆，榴槤同芝士嘅味道夾得嚟冇想像中咁膩。我覺得芝士味濃過榴槤味，鹹味多過甜味，就算唔太鐘意食榴槤都會接受到。但榴槤控可能要叫$52嘅至尊版先過癮喇🤪。.

太子地鐵站B2岀口一岀就見到間芝士榴槤餅，雖則我唔食榴槤，但佢都有芝士香蕉餅同埋芝士芒果餅可以選擇🤤🤤 今次試左芝士香蕉餅，一切開芝士香蕉餅餡流曬岀黎，非常足料。咬落去餅皮酥脆、啖啖流心芝士同埋香蕉肉🍌仲見到原來芝士餅係用傳統木桶焗嘅，唔怪得可以做岀外皮香脆內裡軟熟嘅效果。 （要等大約十分鐘）雖然試唔到佢哋嘅招牌芝士榴槤餅，但相信榴槤都實岩你地口味嫁

屋企樓下見到新開左一間芝士榴槤餅，好似幾新鮮咁喎呢個配搭，芝士加榴槤真係未試過。今日經過於是乎試吓，但係朋友唔食榴槤，咁唯有叫咗個香蕉味芝士餅試吓啦。$38來講都算幾抵。佢哋話係即叫即整，要等八至10分鐘，等嘅時候比我偷偷地影到入邊有個好特別嘅桶，應該就係焗爐嚟嘅。等左一陣終於搞掂，比我想像中細少少，但係都幾厚身，個樣比起相入邊靚仔啲，因為夠圓又厚d。唔知係咪因為鋪頭新開張，店員好殷勤咁拎出嚟俾我睇，再幫我入盒。我笑笑口咁同朋友講唔知係咪真係可以拉絲呢，店員即刻拎起兩支竹籤試俾我睇話真係有拉絲芝士架，見到入邊都幾足料咁。我同朋友即刻趁熱試吓，估唔到又幾有驚喜喎，香蕉味唔假，應該真係用真嘅香蕉整嘅，芝士好香，加埋一齊過未比想像中夾。餅皮好熱同香脆，兩個人食一個餅下午茶嘅份量啱啱好。