老川皇

營業中

休息中

一行6個人⋯點左都唔知幾多樣野，但食咁多碟野⋯都係得壹個字可以形容就係《油》。全部嘢都係得一種味，與出貫徹一樣⋯ 好心廚房都起碼奄下啲雞肉啊⋯完全冇味又掛唔到半點辣味。食串燒不嬲都係燒得乾身⋯佢呢一間嘅串燒根本就唔覺得係燒出來，尤其係燒茄子⋯淋啤啤唔都緊要，最慘係全部都係油淋淋⋯全部串燒都好似油浸一樣，大佬我知道食開四川野都會比較多油⋯但都唔會咁誇張！好明顯⋯咁嘅質素，廚房絕對係Hea做出嚟。

無論任何天氣！無麻辣不歡嘅我！都至鐘意食辣去沖擊味蕾！食嘢又離不開油尖旺！之前食過老川皇砵蘭街第一店！知道佢地响附近開咗間分店！今餐就試試分店嘅水準keep唔keep到先！     首先試咗啲前菜小食！就知佢地啲麻辣基本功做得好唔好！熗炒土豆絲即係薯仔！但係用咗爽口嘅新薯！所以嫩口同好甜！辣得嚟唔嗆口帶少少酸好開胃！最重要係唔多油！令我自己呢餐川菜平衡番個心理！      蒜蓉焗蠔！其實蒜蓉丶辣椒、蔥花呢啲調味料都係其次！最重要係蠔嘅本身！雖然佢地用本地蠔！但係熟住上又真係唔縮水！蠔身夠肥厚飽滿！我都啪咗四隻！       主菜辣子雞同夫妻肺片！辣子雞依然都係雞味濃郁嘅新鮮土雞！雞味濃唔在講啦！肉質鮮嫩！配合埋大紅椒、花椒各種香料爆炒！真係香口到辣椒乾送飯都食咗一大碗！ 夫妻肺片真係唔廢呀！啲辣真係片住咁入你五臟六腑！牛肚牛脷都係新鮮之食才！好在佢地有青瓜伴碟！可以比我嘅味蕾冷靜一吓！     總括嚟講！分店嘅廚房都可以keep到水準甚至更好！係好難得！同埋分店空間更大、坐得更加舒服！又唔會咁嘈吵！你問我？更係去呢間啦！

近年真係愛上麻辣又愛上水煮魚~依日又濕又熱好想又去食辣刺激一下!!食店地方好寬敞~卡檯座舒適~但女洗手間比較偏遠加上近後樓梯..好靜~感覺上不太有安全感啤酒($26 x2)~啤酒本身已經超級冰凍..正!"水煮桂花魚(中麻中辣)"($158)另外仲有2款.."水煮魚/水煮生魚"選擇桂花魚肉好滑~分成魚肉,魚骨,魚腩,魚頭~份量好足中麻中辣比預期輕~以我地既辣度而言..只係微辣但中麻中辣..的確食到半麻及半辣比例水煮汁底夠味~整體味道都唔錯配料只有大豆芽..份量都幾多"干鍋肥腸"($78)以熱鍋奉上..熱度keep得住~味道越heat越濃豬腸份量好足~好在配料都好多..可以中和膩感同樣中麻中辣~因為算乾身..味道比水煮魚更惹味"手拍黃瓜"($28)黃瓜口感清爽~中辣味道好夠好入味整體食店環境舒適~服務有禮貌又無催趕有機會想試下個烤魚..好似都幾吸引

老川皇個招牌實在太搶眼, 一直都以為自己食過, 團年就諗住食呢間, 於是book位去到見唔到屋企人但係又話到咗, 先知道自己一直搞錯... 食過個間原來係小甜甜 ><"咁又有位, 上到去裝修又ok, 食啦!鐘意食辣呢度就係天堂喇, 可惜我食唔到辣, 好彩我妹妹就住我, 先黎一個黃金蝦, 唔辣, 外面又香又脆, 內裏又結實又嫩滑, 唔肥膩, 鹹蛋有味但係又唔搶, 的確唔錯, 於是放下戒心...胡椒豬肚雞有一鍋湯, 可以另外order菜, 菇之類當火鍋咁食. 講番個胡椒豬肚雞, 真正好味係個湯, 因為個湯未到, 隔離枱果鍋胡椒豬肚雞d味犀利到我地頂唔順, 自己食埋一份就冇晒問題.而個湯唔止好味, 仲陰陰辣, 初頭冇乜野, 愈食愈辣, 可惜冇晒菜, 唔係就完美配合.PS, 個人幾鐘意佢料同湯分開上, 因為可以先落豬肚後落雞肉, 咁就可以控制得好d, 豬肚入味有咬口而雞又夠滑.蒜泥白肉睇落好辣, 其實又唔係, 只係有d麻辣, 蒜泥味道唔錯, 好豐富, 白肉略嫌唔夠味水煮牛肉當然係成餐最辣果味, 因為叫小辣所以我先至食到, 而且仲食到湯汁嘅層次, 事關太辣就食唔到牛肉嘅鮮.樟茶鴨

本身唸住出黎同個好耐無間嘅朋友敘舊. 二話不說就俾人扯咗過黎食呢個. 對於一個唔食得辣嘅人黎講, 食呢間真係好攞命. 一入到黎坐低就更加後悔我頭先咁順攤. 成間都係辣嘅. 都唔知點算.最後我朋友就咗我叫咗個酸菜魚, 仲有手拍青瓜, 蠔, 同尖椒雞腎.最先上黎嘅係涼菜, 手拍青瓜. 見到有醋, 有辣椒油, 蒜, etc. 因為辣椒油嘅緣故我食咗細舊意思下當試味.咦'呢個辣度我可以接受到喎,好開心咁食多咗兩舊, 唔會太酸太咸, 醋嘅量幾好, 另外其實辣椒油都幾香嘅  青瓜好脆好爽, 感覺都幾fresh, 搭埋d蒜好香.話咁快個主菜就上黎了. 酸菜魚! 如果你同我一樣以為酸菜魚係唔辣嘅, 咁我地就一齊錯曬!!!!!!!!!!!! 睇下佢中間d辣椒!!!! 心唸如果我唔食呢個, 咪直頭無嘢食.>< 於是抱住死就死啦嘅心態夾咗塊魚試下.哇, 都真係辣架啵! 但除咗辣, 仲有好濃郁嘅香味, 同埋食到d胡椒味. d魚片無乜骨, 啖啖肉, d肉又唔會碎曬或者好霉. 最緊要無腥味. 食下食下又真係幾好味道. 係不過辛苦d要係咁飲水.(因為我完全唔食得辣)但居然感覺辣得好過癮, 明知係

久違嘅辣嘢, 記得對上一次食老川皇, 係同一個best friend farewell dinner. 因為佢要出國. 舊地重遊, 依家齊係佢招牌出邊, 過往嘅記憶一dd咁拼湊返.坐底咗, 環境都仲唔錯, 裝修幾新正. 衛生好緊要. 起碼食得放心.好快就有一大本menu擺係我地面前. 左望右望, 最後覺得要1個涼菜, 2個主菜加白飯就夠啦.我地叫咗夫妻肺片, 辣子雞, 同火爆腰花.夫妻肺片好快就上到黎. 辣醬汁係每一片之間徘徊. 仲有生蒜蓉, 芫荽. 見到都流口水. 雖然系涼菜,但食起身最驚就係太過凍冰冰, 凍到d嘢食硬曬咁. 呢個反而唔會. 而且夠入味. 雖然夫妻肺片本身多少少辣油, 但呢個就係佢嘅風味特色.火爆腰花, 一個字,爽! 食起身夠辣之餘, 仲好夠爽口. 另外搭配咗木耳, 蘆筍, 仲有d辣椒一齊爆香. 味道控制得好好, 水準keep到, 另外分量好足, 唔好睇少d木耳, 原來係黑木耳, 食起身都好爽口, 兼且無沙. 配搭呢隻辣味, 真係加速口水分泌.last一味就係辣子雞啦. 呢個一直都係我食川菜必叫嘅.一上到黎見到都覺得辣. 好多干辣椒圍住, 但好香. 食起身雞夠脆, 鹹

哈哈，不要被張小嫻式標題嚇倒，實情本少是與辣妹同遊。飯枱過招。辣妹配辣菜～絕配。很多人以為女生不擅吃辣不懂飲酒。不錯。不過他們沒留意的是，懂吃辣懂飲酒的女生，絕對可以兇悍過男生。本少今天就和辣妹以食談情。招來招往，好不痛快。「先來個辣子雞。」坐對面的女生劈頭便道。是要來一招頭威頭勢下馬威了。慶幸本少也是個麻辣天王。誰怕誰。當大家都不被辣倒，反而就能欣賞到箇中香味。我們交換個眼色，就知道遇著懂辣中尋香的同道中人。會合襯的。我心裡暗想著。嗯，我想我不應太離題，雖然由對方點選我也不會故意評低。這味菜值得推介的是。雞味香味沒有被辣味所掩蓋，櫻木花道講過～左手只是輔助。而辣味就是這裡的左手。令雞味層次更上一層樓。她會說話的眼睛告訴我，到我點菜出招了。本來我是想點水煮魚，但被她早著先機點了個辣雞。再只是點以辣見稱的水煮魚不足夠。考慮到對方是女生，每樣菜都偏重口味的話未必適合。我為她點了個酸菜魚。希望她會留意到我的細心。而在下平時是不吃酸的，只有這個例外，就是當酸與辣合併的時候。更希望我們像這道魚般，女生愛酸，男生嗜辣。會合襯的。我用眼神告訴她。然後她又點了兩味小配菜，拍青瓜和土豆絲。青瓜爽甜，土豆

終於約到鐘意食辣嘢嘅表妹食川菜. 香港好食嘅川菜并不多,更何況好多都唔夠辣. 黎到旺角呢間食,環境幾好,地板都乾淨好多川菜地方好污漕好油. 坐低睇就好多嘢都想食.不過我地得兩個人.最尾叫咗兩個涼菜兩個主菜. 夫妻肺片,手拍青瓜. 夫妻肺片辣油好香, 唔會太咸同凍冰冰. 雖然話係涼菜,但好多地方都好似無解曬凍咁. 手拍青瓜帶少少酸. 醋唔會過多, 青瓜夠脆身,加埋d辣椒油酸酸辣辣幾開胃. 另外主菜我地叫咗個酸菜魚, 魚中間有花椒同青辣椒, 個湯底我特別鐘意,本身想食水煮嘅不過見佢落力推薦呢個所以試下.湯底有少少酸酸地但好香, 大多數酸菜魚都無辣味,呢個反而都幾有. for d 唔係好食得太辣嘅朋友我唸應該啱啱好. 同埋分量足夠唔會覺得呃秤呢個價錢有呢個份量都幾抵食~ 不過下次我可能試下水煮魚會辣多幾多. 魚唔會碎曬,同埋我地揀咗無乜骨嘅魚, 食起身啖啖肉,d湯都入到味.個人推薦呢個. last一個普通d就係燴炒土豆絲, 本身無expect太多因為覺得好普通嘅菜色, 不過最尾食起身都真係比想象中好, 有d干辣椒一齊,唔夠辣,不過幾香口. 兩個人都好夠食. 見到隔離枱有個辣子雞好似幾好

一向喜歡食辣嘅我，梗係約三五知己一齊去食啦，今次去咗旺角旗艦店老川皇。 新裝修，座位寬躺。我哋一行四人叫咗辣子雞，手拍青瓜，火爆腰花，炒土豆絲，仲有夫婦肺片。辣子雞，辣得開心，去骨雞肉入味，雞肉滑，麻籽係我嘅喜好手拍青瓜， 青瓜鬆脆可口，唔太辣，唔太酸，味道適中火爆腰花，腰花爽，冇"蘇"味，不太辣，味道吸引😜😜燴炒土豆絲，爽甜，啦油膩，少少辣味，我相信唔食辣嘅朋友亦可以一賞夫婦肺片，爽口夠辣，超級好味，真係辣到耳仔毓👍👍👍

出到MK本來吾係咁肚餓，個女人話想吃川菜，咁就同佢食啦。不過同女人吃川菜有D麻煩，女人成日話吃水煮魚（其實我對水煮魚一般，因太油膩了）。今次女人又叫水煮魚，我即刻用我既三寸不爛之舌既舌功，成功搞掂個女人，叫了個酸菜魚，另外也叫了兩樣食物。拍青瓜，同土豆絲。酸菜魚：這次我叫了季花魚。貪條魚厚身，又滑又有咬口，湯內更有蘿白及大頭菜，很爽口很甜。湯底清甜得來又酸又辣夠晒味道，好好飲！拍青瓜：新鮮清脆爽口醒胃，辣味夠。會令你吃個不停。土豆絲：爽口脆口，有四川辣的味道，越吃越想吃。吾係咁肚餓，所以叫了幾樣野便算，突然來了幾隻燒蠔。原來個女人知我喜歡吃蠔便靜靜雞幫叫左幾隻。蠔：燒得香又JUICE。有蒜蓉，＋上有數粒指天椒﹠沖。更加香口。呢間川菜整體很有水準，有幾樣食物都很吸引。下次定要找多幾個朋友一起再試。到時一定更精彩。

朋友飯敍揀去呢間𣄃艦店老川皇自知樓下有間街舖，呢間係對面商塲二樓，新豪裝修，座位寬躺。我地一行八姊妹㨂左近窗大圓枱，望到窗外繁華旺角人頭湧湧。感覺熱鬧👏辣子雞-去骨雞肉夠多，辣味及調味非常正-推介燒蠔-大大隻超鮮甜肥美，蒜味超濃，好想食多隻夫妻肺片-嘩！真係食到耳仔郁，相信係因為秘製調味關係，叫多碟打包返屋企-超推介

終於約到一班志同道合嘅朋友一齊去食辣嘢。之前有個朋友仔試過舊舖覺得都幾好會啱我哋口味,所以今次知道佢新舖開專登過嚟試吓新舖論環境真係坐得好舒服,感覺非常好;食物質素同服務就更加好飲品,今次冇人飲酒;我就叫咗呢杯“檸檬雪梨汁” 甜中帶酸,非常之解渴。我仲飲咗三杯,哈哈哈土豆絲土豆絲炒得好爽口唔油膩帶少少麻辣,夾埋d乾辣椒一齊食,爽呀…辣子雞師傅唔知加咗咩,碟辣子雞嚟到就好香檸檬味,全枱人都俾呢種香味吸引晒。雞肉有少少炸過,雞皮脆到不得了,而雞肉又唔太乾仲有少少肉汁;成班人都懶得用筷子係咁用匙羹加乾辣椒大大羹放落碗大大啖食酸辣魚條魚用咗大魚冇咩骨,個湯夠酸夠辣夠晒味道好好飲,魚嘅肉質好滑仲有好香嘅魚味。個湯配菜仲有蘿蔔又係入晒味其本上呢間嘅食物就晒辣味,成班人清晒所有食物,一樣都冇剩,呢個情境真係好耐未試過;酸又滿足到,辣又滿足到。

今日小弟專誠到此店拜訪, 看看這間是否較附近同類川菜是否有可索性。中午時份人不多, 連我先得三圍枱, 不過也有讚的地方, 菜式較多元化, 水煮系列也就五十多元而已。由於早前剛吃過同類菜式, 今日只叫個雞煲試菜, 等十分鐘上枱, 賣相一般, 不過食落味道還可以, 麻辣味都有但不算重, 青椒洋蔥味也很出, 整體味道可以。份量就較細, 不算吃得好飽。服務一般, 人不多也有遊雲情況出現, 坐位舒適乾淨, 還是可以一去