老媽拌麵 (荃灣廣場) (已結業)

夜晚嚟荃灣行街，入咗荃廣食嘢，見到有老媽拌麵就走咗入去試下。因為已經八九點，所以已經冇乜人，好快咁點左蔥油嫩雞拌麵。佢個醬係類似xo醬， 但係就再好食啲。加上啲蔥油，同個面撈埋一齊，係我食過最好食嘅拌麵。雞肉同雞蛋就普通咗啲。小粟米就好少出現喺伴麵，加入咗伴面感覺幾清新。總括而言係幾好食，特別係個醬汁。價錢大概五十蚊到，商場餐廳都算可以接受。份量多番少少就最好，因為佢個醬咁好食，但係個面就少咗啲，如果多番少少麵，咁可以享受多啲過醬。

平時行開超市都會買包老媽拌麵即食麵，因為試過一次好味到番唔到轉頭。居然比我等到佢開實體店，一定要試下❗️店舖裝修好日式，木枱櫈好有家的味道，不過枱就比較細，叫多幾款小食就會逼啲啲😌呢到有拌麵、湯麵、飯、水餃、滷味同台式小吃，不過款式就唔算多，最基本既牛肉麵、滷肉飯等都有既。今日試左幾款，味道都唔錯！老成都擔擔麵麵條有刀削麵同幼麵，揀左刀削麵。起先黎到見到白雪雪，有少量肉碎、花生碎係面，仲以為好淡，原來醬汁係底下，撈勻左每一啖都有麻醬香味，麻麻辣辣👍🏾👍🏾溏心蛋蛋黃色澤好靚，為成碗麵畫龍點睛🙆🏻‍♀️川味三寶牛肉麵三寶有牛根、牛腩肚同牛𦟌，三樣都滷得好腍好入味。湯頭微辣，帶有微微藥材香，唔油，飲完唔會口渴👍🏾亦係揀左刀削麵，不過湯浸得耐麵有啲淋，記得要食快啲！澎湖花枝丸炸到金黃色，好彈牙，彈牙過星爺食神入面粒瀨尿牛丸😂炸大雞排食到台灣既味道呀！好大件既雞扒，炸到皮脆仲好juicy👍🏾黑糖珍珠鮮奶茶黑糖味濃，但唔會好甜膩，仲飲到鮮奶既香滑。

環境：地方不太，環境設計算ok．------------------------------服務：1．waiters冇心工作．2．有餐出冇多多留意．令送餐慢．3．收银男（應該高級D）收到waiter我們反映既投訴，冇向我們正面回應/apologize...etc（投訴內容在下面）食物：⬆和牛炸醬麵因為menu冇圖．一睇個名「和牛」，聯想到起碼一片片和牛吧！？點知係圖中右邊既肉碎！我地以為個D只係炸醬，仲以為比留左和牛．我地向waiter反映有誤道．起碼個名叫做「和牛肉碎炸醬麵」吧！加埋圖便更加好．反映後，高級D個位行過來問waiter咩事．他了解後沒向我們apologize.所有伴菜冇味．醬又不好味．和牛變肉碎，嬲/過份/失望！⬆魷魚圈肉燥飯肉燥味還可以．但太少，送吾到飯．魷魚撈埋冇特別．成個份量完全吾夠飽．永不再來難食服務差冇和牛

放工來到了荃灣食台式麵食晚餐，在荃灣廣場4樓之老媽拌麵（台灣菜）。環境設計都好舒適，以淡色木材及白色背景作裝修設計，更有大自然的植物作擺設，明亮的燈光，幾舒服又雅緻坐位都唔少，但又不會感覺太迫太擠；更播放台灣音樂，好聽的伴樂，讓客人更享受！服務員友善及招待不錯，快手有效率，地方又乾淨整潔！食物主要是麵類（主力是拌麵及湯麵），也有小食、飯類等，飲品也是台式多款！我們2人點了一個拌麵、一個湯麵，2個小食及2杯飲品。1. 地獄麻辣牛肉拌麵： 好香喔！好多片薄身牛味濃又軟腍的牛肉，口感優質、選了關廟幼麵（幼身滑溜但不失口感）拌勻香麻濃郁辣醬好野味好香口！配有香滑滷汁金黃色糖心蛋、爽脆半邊小唐菜及大條爽口粟米芯，有菜有肉又有蛋，好豐富！愛麻辣者必點！2. 川味紅燒半筋半肉牛肉麵：半牛筋半牛展肉好吸引，入量唔少，濃郁牛展肉厚身香軟的口感、軟滑牛筋易咬入味，選了關廟刀削粗麵，軟硬剛好，煙韌口感；紅蘿蔔薄片好健康又爽脆、爽脆半邊小唐菜、湯底無味精唔咸好好飲，好正好美味！3. 澎湖花枝丸：澎湖花枝丸好爽好彈、配有魷魚粒口感、外脆內軟口感、點上甜辣醬汁4. 滷水百頁豆腐：這個滷汁百頁豆腐好入味好軟身好滑溜

最近發現原來香港都有好多台式嘢食！今次呢間都係係商場入面，環境望落好乾淨座位好寬敞！望落都幾舒服😌.蔥油嫩雞拌麵 $62雞肉真係好嫩一D都唔材，蔥油都好香，拌完個麵味道較淡，咸多少少就好啦！一D都唔會覺得好油！而拌麵可以保持麵的口感！.炸大雞排 $46新鮮炸起外面香脆又唔會好厚粉入面有肉汁，無骨啖啖肉👍🏻香口嘢最正啦😋.上菜速度都幾快，落左單5分鐘左右就有D冷盤上左先，因為滷水本身一早整好，而麵類都唔係等好耐，10分鐘左右都陸續上緊！記得湯麵有兩類麵可供選擇-刀削麵/細麵～

今日同朋友去咗荃灣廣場是老媽拌麵，估唔到都幾好食喎！主要係食台灣野，主打拌麵，價錢來講都算係抵。台灣香腸$32 &滷牛筋$42，極力推介呢度嘅台灣香腸，超好食，大有好香嘅肉味，口感都唔錯。要注意返，呢度嘅滷牛筋係熱食，食落去唔係好清爽果種口感，而係軟林，我都幾鍾意，超多骨膠原，啱晒女仔食啦。醃得幾好，味道唔錯。主食方面叫咗一份和牛炸醬拌麵粗麵$78，朋友話都幾好食，拌麵汁味道濃郁，味道都唔錯架，麵條夠軟身。配料有肉醬、荷包蛋、青瓜絲木耳、蔥、紅蘿蔔絲等等。。夠晒足料而我就叫咗一碗美人駕湯麵粗麵72.00，佢主要嘅配料有雞件、冬菇、金菇、雜菜等等。。雞料鞋左少少，啲雞味落晒啲湯度，所以連埋啲湯一齊食就最好啦！有少少藥材嘅風味，麵條食落口感適中。洛神花茶，味道鮮甜，非常開胃，一大飯後的膩感$24黑糖珍珠鮮奶凍$33，朋友話都唔錯，黑糖同埋鮮奶嘅比例剛剛好，唔會話好甜。加上珍珠又彈牙，牛奶夠滑，值得一試。

老媽拌麵在全球的知名度相信大家都有目共睹，同時它亦是我放假在家必煮麵食之一，不論粗麵或是幼麵均很涮嘴。現在香港開設老媽拌麵的專門餐廳，我當然要去朝聖一番，享受正宗的老媽拌麵。台灣滷味可謂首屈一指，不吃上一份滷味太笨吧，於是我們點了一份滷牛肚解饞。一看這滷牛肚顏色就知它入味非常，牛肚好咬富嚼勁，我們一塊接一塊吃過不停。酥炸甜不辣又一不容錯過的台灣美食，炸得金黃誘人，甜不辣表面香酥不油，內裡扎實彈牙，再沾上特製的甜醬，甜不辣可口度節節上升。和牛炸醬拌麵究竟有多好吃，一吃便知真章。朋友趁熱刺穿蛋黃，把和牛炸醬，青瓜，蘿蔔及木耳攪拌，讓麵條吸飽和牛醬汁，喜歡吃牛肉定必喜歡此拌麵。和牛炸醬拌麵極具彈力，牛味濃厚，蔬菜絲的加入不失拌麵清爽，驚艷之作。地獄麻辣牛肉拌麵正是台灣牛肉麵的表表者，拌麵一上桌，一大堆牛肉正跟我招手，看得我口水直流。吃地獄麻辣口味我較喜愛搭配寬麵，口感豐富之餘，亦能充份吸附香辣滋味。牛肉軟嫩鮮美，陣陣牛香縈繞口腹，教人回味無窮。老媽黑糖珍珠巧克力漸層很美，上層是鮮奶，下層是巧克力與克糖珍珠，朋友給它頗高分數，巧克力的甘香完美融合濃醇的鮮奶，黑糖珍珠彈力十足，風味極佳。老媽黑糖

女朋友沒空，所以找來了兄弟一起吃晚飯閑聊。荃灣廣場新開了間台灣餐廳，所以就去嚐嚐。環境舒適，不過餐牌選擇款式很少。我和兄弟各點了一客川味紅燒半筋半肉牛肉麵（關廟刀削麵，餐廳特色，自然要試一下）和和牛炸醬拌幼麵。小食要個炸大雞排，一起分享。另外，珍奶控的我也點了個黑糖珍珠鮮奶茶，沒有跟餐飲品，所以要散點。）兄弟的拌麵，他指出味道很淡，沒多少炸醬的味道。我的牛肉麵和那塊雞排沒甚麼突出之處，正常的味道。黑糖珍珠鮮奶茶，也很淡味，唯一可取之處是珍珠較煙韌。價錢上其實相對比較貴。

之前已經去過好幾次，啲野係好食 珍珠奶茶都好好飲，但員工服務真係麻麻，我以為呢間餐廳係自助，點餐冇人理我淨係企埋一堆係到傾計，好幾次都見到個著便服既人唔知係員工既朋友定餐廳員工係到同員工高談闊論，搞到啲員工唔理客人，仲要有次見到呢個著便服既男士走入廚房，我唔知佢有冇入廚房幫手，但個人認為甘樣好隨便，是否什麼人都可以係餐廳及廚房到處走？真心係鐘意台灣野，但希望下次再去服務態度好啲 有番少少質數

呢個老媽台式拌麵台灣即食麵係台灣都算始祖, 引入香港果時都風摩一時, 牽起一鼓台式拌麵熱潮。 雖然呢鼓熱潮依家就已經開始冷卻左好多, 不過又有新攪作, 就係發展到實體店。 我一向都係台式拌麵既FANS, 因為最鍾意食關廟麵,有口感之餘又可以掛汁唔會食落好似成口粉。之前知道佢係將軍澳已經想試, 但係成日嫌遠又唔順路。所以今次新開左係我屋企附近咁就無籍口啦, 一定要約埋同我一樣係台式拌麵鐵粉既朋友一齊去。滷鴨舌 $46鴨舌滷水味夠濃又夠淋, 明顯滷得夠哂時間, 好有台灣夜市嘅味道。最驚有D煮得唔夠時間果D, 用好多牙力都分唔開骨和皮!澎湖花枝丸 $32新鮮即叫即炸, 有六半打, 脹卜卜金橙色好靚, 一見到就好有食慾, 攪到我忍唔住一上台就即放落口仲辣親個口。 食得出係台灣入口既花枝丸, 夠香口彈牙,不過最出色係個汁, 一定要點黎食。川味三寶牛肉麵 $78拌麵就食得多, 今次就特登揀左個湯麵試。湯底是台灣牛肉麵的湯底，川味帶有少少辣味，不過個辣味一般唔係少少辣都食唔到既人都食到。三寶盲包括牛筋、牛展同埋牛肚，三者都炆得夠淋，而且都好入味! 麵底就可以揀關廟刀削麵粗麵或關廟幼麵，而我同朋友就當

在網上見新開，來了一試。店面有Ali的紙牌代言。入內的坐位都好密。座位還算可以，出入不會太影響鄰桌。內裡都是播台灣的歌。。很有去了台灣的氣氛。菜單雖然款式不多，多數都是牛肉的。（因不太喜歡牛，所以選雞的款式）試了拌麵，飯類及小食各一款。（看之前的相嫩雞是雞件，上碟的時候是雞肉片。）麵可以選粗麵/幼麵。飲品要計正價的，沒有套餐喔。不過飲品好大杯。結帳暫未有支付寶，接受現金/信用咭。總括口味不太重。下次再試其他款式。

見開左間老媽拌麵，我同老公一向好鐘意台式野，所以就入去食個晚餐試一試佢我地一齊都叫左碗川味紅燒半筋半肉牛肉麵味道一般 ，其實唔算好食 ，但分量細 ！又貴！而家環境唔舒適 又逼又窄 。同時我好唔滿意一兩個男嘅侍應，又串又無禮貌又懶惰。一路開工一路唱歌，仲要d客都聽到。我地同隔離枱都對望，心感無奈。唯一只有一名女服務員，比較有好嘅服務態度，同比較勤力，對顧客所需比較敏感。味道，環境，價錢，服務都唔好，真心唔會再去。

身為A Lin嘅粉絲， 一定知道「老媽拌麵」！😏 之前小編已經去過台北朝聖， 覺得真係幾好食！ 所以而家開左香港分店，唔洗再專登去台灣食啦！ 為切合香港人口味， 款式稍微同台灣有啲唔同， 不過用嘅麵底都係「老媽拌麵」！😏 美人雞湯麵（$72） 可以揀幼或粗麵， 鐘意咬口嘅就梗係要揀粗麵啦！😏 湯底用土雞肉慢火細燉， 但一定都唔油膩，仲比想像中清淡，有陣陣鮮味， 再配上雞肉、香菇、時蔬等，不錯吃！ 🌟推薦❗️川味三寶牛肉麵（$82） 粗麵煙韌有咬口， 三寶有牛筋、牛肚、牛展， 全部都滷得好入味，😋 牛筋炆得軟腍又不失嚼勁， 牛展爽脆味美！👍🏻 酥炸甜不辣（$32） 甜不辣係將鯛魚、鱈魚混合麵粉做成魚漿而成， 蘸辣醬一起吃更惹味！😏 🌟推薦❗️炸大雞排（$46） 新鮮熱辣炸好，外皮炸得酥脆可口， 雞排好厚肉，肉質嫩滑！ 🌟推薦❗️黑糖珍珠鮮奶茶（$33） 珍珠奶茶醇香濃厚， 點糖唔會太甜，又不失茶香， 值得一試！

台灣老媽拌麵開咗實體舖喎自問都算忠粉梗係要即刻試地方唔算好大走木系家居感總體都幾舒服.麵底兩款可選拌嘅揀刀削麵就夠曬力掛汁麵質依然咁好醬汁好花生味總體偏鹹偏乾食食吓都幾辣溏心蛋有驚喜配菜食落好凍過熱水先上啦份量都唔算少性價比都還好

之前睇報導話老媽拌麵被美國即食麵達人譽為台灣最好食嘅即食麵第一位，雖然未試過買黎食，但見有實體店地點又就腳就黎朝聖一下冬瓜檸檬 $24最喜歡嘅台式飲品之一，清甜可口，啱曬夏天飲和牛炸醬拌麵 $78見個組合幾特別就嗌黎試下；個presentation有d似韓式拌麵，有煎蛋、木耳絲、甘荀絲、青瓜絲、蔥粒同炸醬；估計和牛油脂比較多嘅關係，炸醬部份浮左一層油，不過撈勻落D麵到又唔係好覺；唔知台灣口味係咪都偏淡，個人覺得炸醬個味可以再濃D川味紅燒半筋半肉牛肉麵 $78雖然店鋪主打拌麵，但食台式麵又點少得牛肉麵；牛肉同牛筋都幾大舊，滷水味濃亦炆得腍滑；湯底揀左川味所以會有少少辣，但整體口味都係偏淡，反而鹹甜味比較突出韭菜豬肉水餃 $42一口一啖咁好易食，水餃皮略嫌厚身，但都煲得算腍，咬落唔會有粉感百頁豆腐 $30同平時打邊爐食到嘅百頁豆腐有D唔同，口感同厚薄都比較接近普通滷水豆腐