老夫子餐館 (已結業)

由細睇到大既老夫子，喺元朗開左分店，咁啱今日嚟到元朗就同中學同學去懷舊一番！我去之前以為老夫子呢d咁耐歷史既卡通人物唔會太受時下年青人歡迎掛？ 結果係相反，餐廳由本地人到遊客都坐滿餐廳我哋亦要等左陣先入到去！餐廳由門口到入面既佈置都充滿老夫子漫畫既裝飾，就連檯面到餐具都一絲不茍，對於老夫子漫畫迷真係非常滿足！餐廳主打懷舊同茶餐廳美食，餐牌入面唔難揾到老夫子同其他角色既蹤影！ 估唔到我哋晚上7 點嚟到，好幾款招牌小食如蔗蝦，乳鴿等都已經售罄，可想而知老夫子係幾咁受歡迎！我就叫左杯咸檸七，咸檸檬用上泰國入口既產品，打碎晒，唔駛出力篤檸檬，一搞就散開，令整杯汽水都充滿咸酸味，份外醒神！同行友人就叫左杯紅豆冰！賣相都幾吸引！呢個係友人叫既餐附送既羅宋湯，普普通通！反而友人叫既鐵板雞扒伴吉列炸蝦就十分吸引，鐵板熱辣辣嚟到，加入黑椒汁，我都差d相改個自己個order叫佢個餐！雞扒份量十足，比手板還要大，我也切左一片來試，外皮煎得香脆，雞肉也嫩口，配上惹味黑椒汁真係非常吸引，很有傳統港式西餐風味！ 意粉也做得有咬口，唔會煮得太稔，不錯不錯！我就點了一個鮮茄焗豬扒飯，茄味跟芝士味十足，滿滿鋪在飯面，

在 yoho 亂逛，順道找地方開餐，隨緣見到老夫子餐廳 😂😂😂 感覺很 funny！超吸引途人的卡通公仔，絕對是 “唔幫襯都埋嚟影張相”……我在拍照的同時，已先後有幾位龍友拍完離去 😂😂，真的很想進去看個究竟 😂😂😂店內鋪天蓋地的老夫子漫畫，全是那些年的回憶！老夫子與大蕃薯，還有秦先生……😍😍，哈！哈！哈！老夫子烏冬 $75點這個原因是沒有在別的餐廳偶過這道菜，很有新意。基本上是叉燒炒蛋加烏冬，簡單中見特式，尤其適合小朋友口味。芭提雅燒倉魚 $86燒倉魚皮脆，味道略淡，配個酸汁很討好。酸汁味道跟越菜的酸汁相似。大大條倉魚亦給我倆舜間清掉 😋😋馬拉盞炒西蘭花 $68馬拉盞味道濃郁，一般馬拉盞的餸菜都較乾身，但這個反而有點汁，口感濕潤。西蘭花吸滿濃汁，味道一流。風沙炸豆腐 $75這個也不錯，豆腐嫩滑，蒜蓉炸得香脆，是不知不覺間，會吃掉很多的一款餸菜。日式黎麥溫室蕃茄 $42溫室蕃茄又大又紅，蕃茄沒有酸味，配黎麥沙律汁，味道清新之餘又夠健康。👍凍紫薯黑鑽石 $28本來想點大蕃薯玩意的，但待應告知我們，棉花糖機壞了，只能退而求其次，點了紫薯黑鑽石，賣相夠靚仔，不會太甜，口感 creamy滑漏。

老夫子係大家兒時既回憶 細細個跟爸爸媽媽飲茶點都要買番本黎睇 形點居然有老夫子餐館 當然要黎朝聖一番餐牌上全部都係老夫子同大蕃薯 畫得好靚童年回憶番哂黎 仲有門口兩座人咁高既figure 🤣🤣風沙炸豆腐- 呢個係極香口既前菜炸得又脆內滑😀海鹽炒雜菜 賣相不錯 分量都比較大芥辣黑醋雞翼- 黑醋帶酸 好惹味又開胃隻隻雞翼都好大隻😀😀風沙馬拉魚- 即叫即做 外皮鬆脆 重點係個Sauce調味一流 又香 😀😀乾炒牛河係餐廳必叫菜式 炒好乾爽 😀😀涼瓜蛋角係是日晚餐 嘩又咁大碟同大碗飯難得有個地方俾你拎番所有兒時回憶係幾過癮 價錢公道 又份量偏大 大胃王都夠食🤣🤣

難得平日放假, 去做yoga後和家人到形點2逛街, 見到有間老夫子餐廳幾特別, 話說我中小學時都很喜歡看老夫子呢, 以前娛樂不多, 看書看漫畫已覺得好滿足了。環境方面, 很有特色, 非一般茶記, , 但座位有點迫, 冷氣有點太凍, 服務幾好, 人手都夠, 食物送上速度快, 有效率。午餐有餐湯, 飲品, 還可以加菜, 價錢都不貴。下載APP有瑞士雞翼送, 今天我們吃不下, 留待下次再享這優惠吧。(lunch set)鮮茄焗豬扒飯$63我們幾欣賞這個焗豬扒飯, 幾有水準, 茄汁醬酸酸甜甜夠開胃, 加了少少芝士更加香, 豬扒很軟腍, 連老人家都食到, 飯是炒飯底的, 但很乾身不會油膩。(lunch set)海南雞配油飯$68海南雞和油飯分開放置, 配上青紅蘿蔔湯, 另外附上甜酸菜、甜醬油等, 幾有誠意, 雞肉幾嫩, 有雞味, 不是雪到無味的雞, 份量都幾多, 油飯十分香, 幾有風味呢! 青紅蘿蔔湯顏色夠濃, 但味濃似有添加。羅宋湯$28反而我們更喜歡這羅宋湯, lunch都可選擇, 喝過後很喜歡, 再叫多一碗分享, 家人形容這湯好足料, 真材實料煲出來, 味道不同其他餐廳, 它不用很多茄膏調

相信於香港長大的人一定認識老夫子這漫畫，簡單易明的漫畫風格，各帶特色的人第主角，任何一個年齡層都喜歡，從中更學到不少四字成語，最為人熟悉的四字成語包括"耐人尋味"、"對牛彈琴"、"坐享其成"等等。這晚特意來到這間位於元朗的老夫子主題餐廳吃晚餐，門外有老夫子及大番薯餐廳侍應公仔造型，很多人排隊影相，另外，餐廳裡裡外外都有很多位置都值得影相留念的。晚飯時段，等了約十分鐘便有位。一坐下發現餐桌印有四格漫畫，座椅印有老夫子及大番薯公仔頭，裝修充滿主題餐廳氣氛。餐牌有不同系列選擇，亦可看餐牌學學四字成語。鐵板系列 ～ 美式雜扒 $85 （牛扒，雞扒，豬扒，腸仔，煙肉）再加$28 配餐湯，是日小食，餐飲。這鐵板餐很豐富，一次過可以吃五種肉類，我比較喜歡雞扒，熱騰騰的鐵板淋上黑椒汁十分惹味，餐湯選擇了羅宋湯，酸酸的很開胃，而是日小食是四粒炸魚蛋，魚蛋彈牙。經典嶄新系列 ～ 爐燒原隻嚤囉雞飯 $98。原隻雞焗得外皮香脆，將雞切開一半，裡面有黃薑飯，配椰香汁一起吃十分香口。三文治系列 ～ 自選雙拼 - 芝士咸牛肉三文治烘底 $37。超多咸牛肉，與芝士相融。焗制系列 ～ 芝士白汁焗西蘭花 $52。這個焗菜

相信很多人都睇過老夫子漫畫，裡面既老夫子、大蕃薯及秦先生亦陪伴著我長大既人物，得悉元朗開左分店，於是去餐廳回味一下門外擺放著老夫子及大蕃薯，朋友仔急不及侍要我幫他影相😂牆上貼滿老夫子頭象及畫，甚至連枱面及座位都是老夫子，見到都興奮蛋白杏仁茶杏仁味道香，又唔太甜，配埋滑滑蛋白風沙炸豆腐豆腐表面炸得乾身，呈現金黃色，賣相唔錯豆腐熱辣辣，外面脆卜卜，𥚃面滑溜巴堤雅式燒倉魚配白飯倉魚炸得比較燶，魚肉雪白，新鮮冇腥味巴提雅醬汁味道，酸酸地又有少少辣，令到魚肉十分惹味味道更豐富

終於去左老夫子餐廳度食喇！一入到去就見到陳小姐同老夫子心心圖，好靚牙！（必到打卡位）D位都好闊，好舒服～牙嫂一早做定research食咩好～1.海南雞晚餐，有老火湯（老黃瓜陳皮豬肉），仲有配料！咸酸菜好好食，最岩潮州妹既我🤤個油飯好香雞油味，同埋個雞好滑，推介推介2.菠蘿生炒骨生炒骨最驚太酸太甜同好厚粉.估唔到依度做得好好，味道岩岩好外，咬落去仲好翠3.麻辣雞片米線個湯好麻，不過唔係好食到辣，米線唔會好淋，都ok,不過無咩特別4.芥辣黑醋雞翼唔太食到芥辣味，個黑醋幾甜，淨係食到甜味，係個雞翼幾滑.5馬拉盞炒西蘭花本來想食四季豆，不過賣哂..就試下個西蘭花先～ 好大陣蝦膏味（好似入左大澳甘） 最後期待好耐既甜品-金西多配雪糕個賣相已經好靚有西多加朱古力醬配雪糕冰火口感好好，西多配雪糕個味真係好夾！！！鐘意食甜品既你一定要試下

行過元朗搵食，呢間餐廳主題係老夫子，好有香港特色！價錢又平民，諗都唔使諗好快就入咗去啦。原來裡面的裝潢、每個設計都好細心，充滿老夫子既嘢，每一個位都可以影相。食物質素當然唔會太差啦！依傢做會員仲有免費瑞士雞翼，正！咁有心機嘅香港主題餐廳，扺讚

同朋友黎左呢間老夫子為主題嘅餐廳，餐廳燈光非常光猛，四周環境好靚，用左唔同嘅老夫子漫畫圖片做裝飾，抬頭望上天花板都有老夫子，大番薯同秦先生。我地order左一個兒童餐同鐵板西冷牛扒，牛扒係朋友叫嘅，牛扒唔韌，但味道偏鹹。個忌廉磨菇湯好好飲。豬食嘅係兒童餐，餐盤係架車，裏面裝住肉醬意粉，薯格，粟米，煙肉包香腸同炸蝦。好有兒時嘅感覺，肉醬意粉好好食，但粟米粒好硬，薯格亦都偏鹹。兒童餐有橙汁，明明係果汁先生，但唔知點解係熱嘅?兒童餐包個甜品，係啫喱，朋友問有冇花奶，男店員話轉頭俾，女店員旁邊聽到，就串串的話呢個餐唔包，其實花奶值幾錢，搞到好小家點知食晒啫喱之後，個男店員就拎左花奶黎，真搞笑總括黎講，餐廳嘅造型非常吸引，可惜提供茶餐廳嘅質素，浪費左

想嚟呢間餐廳很耐，但每次嚟到都有很多人在等位，今晚人少少，終於有機會但可能期望越大，失望越大晚餐有10款選擇，如果唔啱食，散叫亦可。最後選咗芝士焗豬扒飯：先來豬扒飯，但餐湯唔見影追咗3次，豬扒飯食完好耐先追到餐湯，但等咁耐的餐湯就得個鹹字而豬扒飯的豬扒炸得太乾，而醬汁味道亦嘛嘛朋友叫的咖哩牛筋腩就不過不失，牛腩/牛筋都夠冧，咖哩辣度剛好值得讚的就是熱檸茶的杯,好靚服務方面，侍應生不太跟進漏單情況（可能唔記得），需要改善

經過左好多次，次次都見好多人排隊！所以都放棄左難得今日下晝唔係咁多人排隊，一於嚟試吓！老夫子餐廳童年回憶老夫子大番薯😍😍😍點都要影吓相價錢都可以接受，午餐就60-70幾蚊就有一個餐鮮茄牛肉烏冬+吞拿魚法包配沙律番茄湯濃郁而酸香醒胃，加入咗番茄薯仔牛肉剛剛好，唔會太老😝可惜湯同烏冬格格不入吞拿魚法式包。賣相好靚！冷盤係好食，吞拿魚好像雪糕球大大舊，好特別👍咖喱吉列豬扒飯，外皮香口香脆卜卜，肉有肉汁，唔太老。好味！咖喱汁有薯仔，唔會辣小朋友剛剛都食到👍豬扒有手掌咁大塊👍唔知係咪太忙嘅關係，服務員好多新手

老夫子餐廳在太子開幕不久，窩夫與蝦子餅去過一次，但因等位的人太多而吃不成，沒想到一直等到在元朗開了分店才有機會光顧。某週六窩夫與蝦子餅去老夫子餐廳吃午餐。等位時揭揭餐牌。拍拍門外的佈置。餐廳裡的掛畫。窩夫也很想吃蟹呢。椅背印了大番薯。餐牌印刷非常精美。是日餐湯羅宋湯的味道不錯。海南雞配油飯($72)的油飯很香，但海南雞還有很大的進步空間。鮮茄焗豬扒飯($68)有驚喜，份量十足，豬扒大大塊，用上新鮮蘑菇很有誠意。

早前，得知元朗形點二期開了<老夫子餐館>！有見及此！便約細佬一起去元朗的 <老夫子餐館>！女店員安排我們到行上兩級樓梯上半層的二人枱，這裡不乏卡位，坐得舒適！餐牌跟太子店截然不同！ 印刷精美，附有相片！還加插香港風景照及彩色老夫子增加趣味性！上菜快速有效率！值得一讚！衛生方面也不錯，進食期間，見有女店員拉開桌下的抽屜添置餐具及紙巾，同時，留意到她戴上手套！值得一讚！蕃茄豬潤烏冬 $38蕃茄湯濃郁而酸香醒胃，加入蕃茄及薯仔，來得有誠意！ 當我尚未影相，連細佬也忍不住想在我碗中夾薯仔食，豬潤火候恰到好處！烏冬軟硬適中！ 西炒飯 $56略嫌賣相不夠茄汁的橙色，食落卻夠味！ 配料豐足！熱蛋白杏仁茶 $24香滑濃郁，口味清怡！凍檸茶 (少冰) $19是茶餐廳有質素的檸檬茶味道，不但沒有苦澀，而且又夠甜，他覺得不錯喝！甘甜蔗蝦 4件 $48蔗蝦即叫即炸，外層金黃香脆，內裏是彈牙的蝦肉，蘸上酸甜醬增添風味！(小巧玲瓏) 夢幻堡壘 一口西多配雪糕 $42這款一口西多士有別於一般的西多士， 每一件小西多士都是每邊都炸至金黃的，所以入口整體香脆外脆內軟，不論芣上雲呢拿雪糕朱

經過有位就試試，因為朋友們都話中伏，唔好味。碟頭真係好細，炒牛河真的很出力，因為食完仲有一碟油，第一眼以為好大碟，其實有隻鐵碟在內浪起。我兩大人要食三個餐才叫足夠。價錢ok la, 唔係平啦，但唔算貴。廚房要注意，飯有頭髮碎。服務幾好，員工反應快，環境乾淨。欣賞唔係必有水飲，環保嘛，要水問服務生攞，都幾好員工都幾好和睦啦，水吧阿姐要趕一個員工出水吧，溫柔但大大聲叫她：你唔可以入來，出番去啦。貼左紙啦無粗聲粗氣，算幾好，該被趕者無咁尷尬。

其實我完全唔覺得佢有咩主題餐廳嘅感覺...極其量只係一間普通到爆嘅茶餐廳，幫襯佢亦可大機會因爲佢就係我行去西鐵站嘅路途上...早上8點幾落單，已經話冇晒豬潤通粉（係佢早餐其中一個招牌set)...ok,甘我改食芝士咸牛治（加左$2烘底）再加多$3飲凍奶茶。當個三文治上檯....係有烘底嘅，但個包係凍ga lo...咬落仲有d「un」，懷疑係一早烘定一埋包，收order其求夾料出....我加得$2轉烘底都好有誠意呀..大佬你都俾返d誠意我呀....因為個包凍，片芝士同咸牛根本容唔到一齊，係嘅味道一係唔會唔好食...只係明明可以更好食。另外....杯奶茶足足係我食晒個治次後10分鐘先到....Ps....員工真係麻麻，作為客人聽到廚房同樓面對罵...落單又慢...出餐又慢....