老友記 (已結業)

夏天來到了!與友人泥到想食冰凍甜品~所以點左鮮什果珍珠桔檸蜜,,好大杯,,份量十足!!先飲下d柑桔蜜,,味道酸酸甜甜,,好開胃清涼解渴!!D什果都好多,,幾新鮮!最鐘樓意食西瓜,,好爽甜!最驚喜既係D珍珠~聲稱低脂~食落QQ軟軟甜甜的~食完之後好飽!至於友人那杯鮮什果冰也不錯!都係好大杯好多水果!友人點左西瓜汁底~我亦試飲左幾口,,味道清甜!但我都係鐘意我個杯鮮什果珍珠桔檸蜜~

因 金融風暴 所以全場 九折 $19 變成 $17 立即OKAY 左 \/好想食南瓜露, 先問係咪要番叮, 佢地都直言係昨天的貨 深明呢亭糖水(流量不多) 通常都係煲一日賣幾日 由於抵受不了魔鬼引誘也叫了一碗, 再三叮囑要勁熱 如願以償係勁熱 無加上花奶的南瓜露, 更顯真章南瓜清香, 在全無花奶下更嚐到我喜歡的南瓜香味 咁蓮子則硬了點, 但還是我喜愛的

未食晚餐走到泥食糖水~見到有9折優惠..所以叫左個雜果芋頭黑糯米,,(走椰汁花奶)見到份量好大!如果係泥食宵夜OR飯後甜品既話,,點呢個甜品一定要兩個人Share食!唔係會食唔哂~我因為冇食晚餐,,所以呢個甜品我絕對食得哂 ! XD雜果芋頭黑糯米我叫了熱食~雜果芋頭黑糯米味道不太甜~不錯!但好奇怪食唔到芋頭= =”雜果都OK好食啦~有D唔係幾新鮮~凍凍的雜果配上暖暖的芋頭黑糯米一齊食,食落口感真係好特別!Xd食完之後好飽!仲諗住叫多碗糖水食,,依家可以慳返 Xd! 都好抵食,,但整體味道普通!

晚上9點又去”老友記”吃糖水~~見晚上涼涼地,有d凍就買左熱銀杏腐竹雞蛋糖水$15肚子太飽了,怕吃不下雞蛋所以叫了走蛋~食落腐竹糖水甜度岩岩好,但係d薏米就好差!!d薏米好硬,好似味煮熟咁!寧願吃街邊貨色10蚊一碗!下次來還是吃它的南瓜甜品吧,,它的南瓜甜品是很不錯的呢~這個糖水有點先失望呢!!

食評通常都談及這裏的糖水,鄙人卻想說說「漏網之魚」----飲品1.西瓜冰--清甜、解喝,炎夏之選,而且水準穩定(相信大家買水果也試過失手選了不甜的西瓜吧!)2.杧果冰--是非常濃的杧果汁,用料足,愛杧果但又嫌吃杧果麻煩的朋友不容錯過.3.士多啤梨冰--甜甜酸酸,士多啤梨也很新鮮,值得一試.

睇完Wall E都係九點幾, 朋友問我有冇興趣食糖水, 跟住就黎左呢間啦!叫左我至愛既楊枝甘露. 都幾多芒果呀, 有芒果蓉又有芒果肉, GOOD! 多謝朋友B啦, 下次我會帶多d朋友去, 哈哈!

以前係旺角想食糖水一定係石磨坊, 家下由於唔想行咁遠是是但但又滿足到心癮, 於是乎老友記成為我 近期既甜品開餐之地, 各食家有咩更好可以 “單” 聲嗎 ? Nana：紅豆＋綠豆2 溝 $16 紅綠永遠係我無心水時既鐵膽, 自小已同呢2 豆結下不解之緣, 係新式糖水鋪能夠加埋百合同煲到起晒沙, 以經合格有餘啦 大舊 : 鮮什果涼粉 $26 成個湯碗咁大, 有5-6 款水果, 買相幾好, 係個碗差左小小, 由於太大碗關係., 建意2 個人share 食, 咪食到成肚水, 而味道唔知, 因為一啖都無食過

老闆娘為悶熱的夏天構思了新產品，其中一款忘了真名喇）冰糖冬瓜南瓜茸脆脆珠涼粉- 顧名思意, 先把冬瓜和南瓜煮淋，然後加冰糖打成茸，所以吃得到一絲絲的籤維。兩者味道好清甜, 而且任何一方都不會蓋過對方特有的味道。好喜歡那幾顆軟硬適中的冬瓜和南瓜粒，前者軟中帶爽，後者則香糯粉甜。脆脆珠咬落“啪啪”聲，照牌彈牙涼粉不用多說依舊的夠“彈“！喜歡有不同口感和“多o野咬”的你一定要試試...吃罷覺得很清潤解喝，真希望老闆娘會繼續推出這款....不止夏天才有啦!吃過心水糖水後, 整個人都涼陣陣哦....

什果涼粉：正常囉芒果黑糯米：好多芒果

行完花園街就順路行去食個綠豆沙！8點左右，入到鋪一個客都冇..... 有D擔心，但已經坐底左都係唔好諗咁多，熱綠豆沙！黎到.... 點解綠豆沙冇綠豆，只得綠豆水.......唉..... 唔怪得冇客..... 一碗普通既綠豆沙都做到咁.....

呢間甜品屋的涼粉曾幾何時也是我經常記掛著的. 但有一段時間少去了, 今天再去的感覺不一樣了. 之前好似係$20, $22已有一碗雜錦生果涼粉西米, 但今次係$26, 只有涼粉. 要加$3先有西米. 嘩, 加幅達百分之五十. 跑贏通脹好多喎. 雖然食物質素差唔多, 但加咗咁多, 我諗以後幫襯機會少好多啦!

老友記 黑糯米喳喳 $18今日成日都好掛住鵝記渣渣, 決定係旺角做完facial 去殺入去 點知facial 後都 9 點幾, 凸然想起老友記就退而求其次, 個胃話比我知仲好掛住渣渣, 就叫左一碗 …….點知 ….. 汗顏 ~ 點解係黑糯米既, 再睇餐牌先知係黑糯米喳喳…..仲係無其他豆豆既, ?! 下次想起食喳喳都得2個choice, 其他免問 :九龍區: 鵝記渣渣香港區: :強 記

我次次出MK都會去食~!!!!因為真係又大碗又好食~首推珍珠西米露涼粉同三色冰~!!!!不過三色冰記得要少甜~

放了自己半天假, 全因我有\"me-time\"的需要。買了些心頭好後, 糖水引發作....即走去付近的老友記。bf不喜歡這裡, 我卻喜歡這身處內街，中午真的很夠寧靜。平時都不太好意思見意來....所以今天名府其實是\"me-time\"啦。紅綠豆涼粉: 嘩，好大碗! 湯匙一\"畢\", 好多涼粉，海帶，白合，蓮子，陳皮和半蓉半粒的紅綠豆呀! 不太甜，紅綠豆都煲得起沙, 當中帶少許\粒粒。涼粉幾彈牙, 海帶和陣皮好香，白合和蓮子夠淋身，但就不夠鬆化。整碗都夠冰涼, 好解渴呀！包場可以慢慢嘆, 又抵食....吃完感覺鬆弛了好多^^\"

友人介紹下來試食了咋喳,足料又不會太甜,配上生果更好吃,不知不覺吃完一大碗！同行友人吃了芝麻糊,說很滑很大碗。望過隔離,d飲品都好大杯喎..又多個行MK行到腳軟休息吹水好地方。