老厝邊

營業中

休息中

這份台式古早味便當完美呈現了傳統台灣美食的精髓。金黃酥脆的炸豬排是主角，外酥內嫩，讓人一口接一口。旁邊的滷蛋香氣四溢，蛋白吸收了醬汁的鮮美，蛋黃則保持著絲滑的口感。軟嫩多汁的燉茄子帶來一絲清甜，與豬排的油膩形成絕妙平衡。時蔬爽口清香，不僅增添了餐盤的色彩，更為整體增添了健康感。這樣的搭配充分體現了台式便當的特色 - 豐富多樣，營養均衡。每一樣配菜都各具特色，讓人每一口都能品嚐到不同的滋味。搭配的真芒果汁綠茶。杯子上印著的「簡單卻又幸福的味道」恰如其分地描述了這杯飲料。芒果的甜美與綠茶的清爽完美融合，既解膩又提神，是炎炎夏日的絕佳選擇。

突然好掛住台灣美食😂，去關銅鑼灣行街就搵到呢間台式餐廳🍴，估唔到都幾好食😁，價錢都唔貴，性價比幾抵食🤓🤟🏻🥰眷村牛肉麵 $70湯底仲有3款簡，簡左最地道既紅燒湯，牛肉麵麵質好有口感，牛肉都幾大塊下起司肉鬆蛋餅 $40最掛住就係台灣既蛋餅❤️，非常好食，芝士同肉鬆係完美既搭配🥰，食落好juicy，必叫！👍🏻👍🏻👍🏻👍🏻👍🏻大腸麵線（細） $36蒜香味濃郁，大腸大大舊咁，非常惹味冬瓜檸檬 $23青蛙撞奶 $28

放工同朋友好想食台灣菜，來到位於銅鑼灣渣甸街的老厝邊，地點十分方便。餐廳環境是台灣懷舊風格，十分別緻。藥燉排骨湯米粉:湯中的一些中藥材，如當歸、黨參等，令湯頭濃郁，排骨軟爛入味，加上綿軟的米粉,口感層次豐富。眷村牛肉麵:湯頭濃郁醇厚，牛肉軟嫩多汁，麵條Q彈有勁。這種口感和風味，讓人彷彿置身於台灣傳統的眷村小吃店中。肉鬆皮蛋豆腐:清爽的嫩豆腐配上鹹香可口的肉鬆和彈嫩的皮蛋，味道層次豐富。凍椰果蜂蜜檸檬:凍椰果QQ彈牙，配上上層清甜的蜂蜜檸檬汁，清爽可口，非常適合炎熱的夏日。

之前喺荃灣不時過去買老厝邊，記得佢個蛋餅幾好食，唔知原來銅鑼灣都有分店，今日lunch就揀咗去食～麻辣半筋半肉麵麵條係用咗幼麵，充分吸收麻辣湯底精華，而且個湯底非常惹味，令人越食越開胃。蘿蔔醃得非常入味，而且冇筋，算係幾清甜😌香蔥油嫩雞乾拌拌麵雞肝幾特別，類似雞胸咁，加上香蔥油，食落香口，同牛肉麵一樣係用幼身麵條，非常入味。薯餅蛋餅薯餅蛋餅係我嘅最愛😙不時都會買嚟食，蛋餅煎得好香口，口感煙靭，配上外脆內軟嘅薯餅，食唔停口綿密芋頭鮮奶芋頭粒有口感，配上新鮮牛奶，口感綿密，甜度適中😋

想去台北未飛就食下台菜先今次為大家介紹既係 - 老厝邊老厝邊係位於銅鑼灣渣甸街36號地舖餐廳主打食台菜為主成個環境都好似去左台灣咁今次點左個台灣滷肉飯同三絲麻醬涼麵夏日炎炎真係好岩食涼麵而且佢麻醬超多 勁入味 真係誠意推介❤️❤️❤️Location : Causeway BayPrice : $100-$150/p.pEnvironment (10 is chill): 7/10Yummy (10 is delicious): 7/10

Weekend同啲朋友去銅鑼灣行街，行到五六點就搵餐廳醫肚，早兩日先食完西餐，所以今日就想食返啲台式嘢。行去渣甸坊就見到呢間餐廳真係開正我胃口。見到入邊坐滿晒人就知道一定冇伏。我朋友話想食多啲小食，所以就叫咗台式蒜片香腸，炸魷魚。我就叫咗個紅蔥油雞肉便當加個燙青菜。第一個上嘅係蒜片香腸，份量都算多，起碼有三條切開開咗，識落10分惹味，本身有酸鹽加埋蒜片同埋一啲炸咗嘅蔥，食完一舊又一舊。食食吓醒起冇嗌嘢飲，就再加多咗個愛玉芒果綠茶。然後好快我嘅便當同埋青菜都上咗，個便當好豐富，有雞肉，芽菜，薯仔，半隻滷蛋，仲有少量嘅瓜。先講個雞肉，肉質唔錯，唔會諧霎霎，配上紅蔥油醬，味道好夠。佢個薯仔同埋芽菜，本身都係微微有鹹味，配埋個雞一齊食就唔會咁寡。飯嘅份量好足夠，個菜亦都唔係白烚冇味。總括嚟講成個便當質素頗高，比起平時就咁嗌嘅台灣飯類，加多咗啲層次同埋口感。個青菜應該係油鹽水浸，食落仲係好爽，配少量嘅醬油，可以喺濃味嘅嘢入邊refresh一下。個魷魚一上賣相已經10分吸引，佢大部份都係魷魚鬚，少量嘅魷魚粒。佢個炸粉條配得好好，唔會皮還皮魷魚還魷魚。食物亦都10分香口，係真係脆嘅而唔係淋咗嘅炸皮。

老厝邊地址：銅鑼灣渣甸街36號地下滷肉飯之日又來到了，同朋友又來吃晚飯，人均$80-$100 好抵食，極之受歡迎的人氣店，最好早些來，6:30後基本都要排隊等位了。我點了滷肉飯 (大) $45 一大碗先至夠喉啦，滿滿的五花肉滷的好腍，汁要夠淋到每粒飯都有汁，再加蛋滷蛋，完美。塔香咸酥雞 $45，夠鹹香惹味，炸至金黃食入口唔油膩，食一口再飲一下茶。肉鬆皮蛋豆腐 $40，涼盤是愛最愛，嫩豆次、皮蛋肉髮攪均食主食$40 肉鬆起司蛋餅 ， 甜的肉鬆配上香軟芝士叫了茶飲！暢快啜啜啜

響香港想簡簡單單食碗好味牛肉麵選擇好似唔係好多，估唔到今日響銅鑼灣呢間老厝邊食到一個有水準嘅紅燒牛肉麵👍🏻🥢半斤半肉麵- 貪心想試牛肉又想食牛筋，聰明選擇梗係要半斤半肉麵，一試過湯底有水準，微辣得來湯底都夠濃，面頭嘅牛筋同牛肉各一半，而下邊面底份量亦十足，一碗基本上已經夠晒食👍🏻🥢蜂蜜鐵觀音(微糖微冰)- 夏日透心涼之選，梗係要杯凍飲，唔想咁Heavy要個微糖微冰，不過佢嘅蜂蜜飲落去係都好清甜🍀

渣甸坊出名多選擇，let’s go!!♥ 招牌牛三寶麵 $86同事好鍾意食辣，紅燒湯底仲加咗麻辣幾濃味，牛三寶分別有牛腱、牛筋同牛肚，牛腱每塊都好厚肉伴湯浸住湯底好入味，牛筋夠淋滿滿嘅骨膠原，牛肚好爽口夠哂台灣風味！拌菜仲有大大嚿蘿蔔浸到入晒味♥ 雞滷飯 $48食台灣野點少得滷肉飯？但係又想食雞肉就揀咗個雞滷飯😆滷肉蓋滿飯面肉粒粒粒分明睇得到肥瘦均勻，嫌佢醬汁唔夠多唔夠撈飯🤣而雞肉又夠嫩♥ 起司肉鬆蛋餅 $40肉鬆加芝士真係冇得輸啦，蛋餅質地軟綿綿重蛋香，芝士仲係拉絲添♥ 百香芒芒冰 $30百香果配芒果清爽，酸酸甜甜好開胃

夜晚兩個人食飯，叫咗牛肉麵，醉雞捲，蛋卷，排骨藥膳湯粉絲再加一杯椰果檸檬蜂蜜，大約$240 。嘢食味道還可以，不過重口味，如果喜歡清淡的話，這間舖頭並不是太適合。但是餐廳環境有待改善，涼冷氣吹得太大，同時間幾個位置到天花板滴水，所以食完好快就走咗啦。杯嘢飲都唔錯，但係冇乜其他選擇，餐牌上主要都係茶。嘢食方面，牛肉都幾好食，但係個湯太濃，會好頸渴。醉雞都比較重味，不太好飲酒的話，可能最好唔好叫醉雞。蛋卷好足料，好多芝士

老厝邊主打古早味台灣菜 😋裝修充滿老台灣風格主題食物選擇都幾多 今次食便當 下次再食其他麵食 同蛋卷 🐔 炸雞扒便當 🍱炸雞扒好大塊 外皮非常香脆可口內裏肉質嫩滑 好食🤤🐔 三杯雞便當 🍱雞扒煎得香口 醬汁都非常入味 肉質都好滑兩個便當有滷水蛋同好多蔬菜🥬今次有翠玉瓜茄子芽菜同菇 開一個便當有齊所需營養 😃 🦑 香炸魷魚魷魚炸得酥脆可口 魷魚仲好彈牙 份量都幾多 幾抵食食咁多炸嘢要飲返杯冬瓜茶味道幾清甜 滋潤吓 解油膩感 😃

今日星期五lunch想happy啲，想食台灣野，專登同同事由中環去銅鑼灣食好野。打開門見到店𥚃面已經坐滿晒人。我哋兩個人又想試唔同野食，所以叫咗一個主菜同幾樣小食，有酥炸豬扒便當、醉雞卷、皮蛋豆腐、麻醬雞件粉皮同埋粟米芝士蛋餅。炸豬扒大大件好好食，唔會太韌，啱啱炸完好香口，醉雞卷又係值得一讚，好大件又多件，應該用酒醃左好耐，好入味，仲有個芝士蛋餅，熱辣辣整完出嚟，啲芝士拉絲，非常野味！個雞件粉皮啲雞件又係大份，撈埋麻醬同粉皮一齊放入口，味道層次分明。

餐廳：老厝邊地點：銅鑼灣渣甸街菜式：古早味台灣菜餐牌：麵食類，便當類，麵類，飯類，蛋餅類，炸物類，拼盤類，香辣類，涼菜同小食類，價錢平民。飲品有百香，黑糖珍珠，爽口，鮮奶，古早味，蜂蜜，奶茶同水果系列。無加一。落單用QR code。半筋半肉麵 $78半筋半肉麵有牛腱同牛筋各三件。牛腱非常稔，仲食到有筋，滿滿骨膠原，好味道。牛筋好有彈性，味道入味。麵可選不同口味湯麵或者拌麵，我揀左蔥油乾拌麵，麵條上嗮色，幼身有咬口，味道好入味呀。鹹菜放係匙羹度另上。我覺得蔥油乾拌麵加鹹菜味道好好。蔬菜有小棠菜兩條同白蘿蔔一大舊，最後灑上葱花。眷村牛肉麵 $70呢款眷村牛肉麵揀左紅燒湯，牛腱有三件。蔬菜有小棠菜兩條同清甜白蘿蔔一大舊，葱花鹹菜放係匙羹度另上。個湯都唔錯，少少辣。超濃芋泥蛋餅 $44一客六件已經切好，入面有勁多滑溜芋泥同芝士！薄薄嘅外皮煎得薄脆，微微燶，入面有層薄薄雞蛋，加上拉絲芝士同肉鬆，口感層次豐富，甜中帶鹹。點另上嘅醬汁提味之後更加好味！總括而言，食物味道唔錯，價錢非常實惠。小店用餐時間60分鐘，星期五晚市六點幾已經要等位。

台灣風味老厝邊位處CWB渣甸街一間專營台灣風味的小店老厝邊，食品別具特色取價亦算是公道。🐖台式鹵肉便當 $65鹵肉給人有驚喜，不是一般食開那款肉碎而係一件件惹味五花腩般的肉。脂肪部分入口即溶超好吃。配搭四季豆、翠肉瓜和大豆芽，整體而言讓人食慾大增。🤩🐓麻醬雞肉粉皮 $48麻醬搭粉皮一向是對姊妹花，今次用鮮嫩雞肉去做，味道香口。粉皮煙煙韌韌有𡁻口，幫人按摩牙齒！用膳不忘運動啊！🐂招牌牛三寳麵 $86鎭店名菜牛三寳→牛肉（𦟌）+牛筋+牛肚（金錢肚）配合軟滑麵條🍝，湯底熱辣辣🔥，仲有蘿蔔加貢菜，品嘗台灣人的口味，十分滿足😌！老厝邊舖面雖不算寛敞，但食客如雲來，而且取價公道，各位可以想像到食物質素是龍還是鳳了！🍽️🥄🍴🥢🧂地點：銅鑼灣渣甸街36號地舖 📞2116 2406

位於渣甸街好多唔同餐廳嘅選擇，有一個唔錯嘅台灣嘢食小店。鍾意佢好味得來又抵食，所以都受好多人喜歡，好多人氣🔥🥚香蔥牛肉起司蛋餅($44) 台灣嘢食就必然要嗌蛋餅啦🤭蛋餅款式好多，個人覺得起司做餡料同蛋餅呢個配搭最好味，今次試咗牛肉做餡料。整體嚟講如果想食多啲蛋白質就推薦牛肉起司蛋餅。🍜招牌牛三寶麵($86) 想食多啲嘅就有呢個招牌牛三寶麵，有牛腩牛筋同牛肚，咩都有齊晒了好滿足🍱古早味老排骨便當($70)通常台灣食品都有便當。最喜歡去呢個便當有埋配菜，配搭好健康，煮得都好好味，配住啖啖飯就好夾啦。