影片
營業時間
今日營業
11:30 - 22:00
星期一至五
07:30 - 22:00
星期六至日
11:30 - 22:00
*截單時間: 21:30
以上資料只供參考, 請與餐廳確認詳情
影片
相片
滷排骨
香蔥油嫩雞乾伴麵（？）
香蔥油嫩雞乾伴麵（？）
+735
+57
食家推介
喺附近搵食，見呢間咁多好評，而台式餐廳通常無伏，咁就入去試下佢。六點幾入去時得2枱人（之後七點左右入多3、4枱人），台式裝修都唔錯，但實體餐牌同scan QR code入面menu啲菜式名有啲出入，腦內掙扎咗一陣最後兩個人揀咗香蔥油嫩雞乾伴麵&花雕醉雞&紅燒白蘿蔔&滷排骨&柳丁紅茶。一開始上咗花雕醉雞，聞落都有酒香而味道都算唔錯，跟住上埋柳丁紅茶，我第一眼就覺得有啲奇怪，橙汁喺底紅茶喺面，即係要我自己攪勻？以為自己飲緊咖啡dirty攪勻後飲落唔錯嘅。第二道-紅燒白蘿蔔，望咗幾眼，紅燒？邊度紅燒實情係普通滷水白蘿蔔，不過都夠淋嘅，但味道較淡口。第三道-香蔥油嫩雞乾伴麵，再一次黑人問號，嫩雞塊變雞絲，問過店員話轉咗雞絲但無改menu, 好在我唔係做海關，如果唔係佢哋即場斷正，不過轉咗都唔重要，但嚡熠熠雞絲同嫩雞真係無親戚關係，啲麵亦有少量未煮開。最後一道滷排骨（食咗一塊先記得影相），肉質軟腍有汁，係幾好食嘅，推薦推薦。整體嚟講味道算係唔差嘅，不過食到拗晒頭，希望之後會有進步，暫時唔會有打算二訪。
繼續閱讀
佐敦｜ 老厝邊地道台灣味同朋友過嚟食下午茶、裝修帶點台式古早風，重點係味道夠地道，價錢抵食🍽️🍽️起司肉鬆蛋餅蛋餅皮夠薄😌芝士肉鬆鹹香惹味，中段加埋醬汁食，層次即刻升級，超滿足！古早冬瓜茶 茶底香濃，蜜味柔和，少甜少冰啱哂口味清淡嘅人。🫰🏻另外$3x 就有滷肉飯 + 古早冬瓜茶😎😎性價比極高！朋友嗌咗碗麵線，味道正常，但蒜味偏重，如果加埋辣椒醬會更惹味。係一間真材實料、口味地道、價錢合理嘅台式小店🤣
繼續閱讀
📍🇭🇰搵早餐食，見到台式早餐就即刻入左去🤭💡環境深啡色做主調🪵水泥配磚頭設計做牆身幾乎合佢哋嘅古早味主題🤎不過座位就唔算好舒服，靠背嘅木櫈唔可以坐太耐🤣背景音樂一路播住周董嘅歌，太幸福了吧🥰🥣食物🍳起司玉米肉鬆蛋餅 - 早餐 ($45)蛋餅裡面嘅芝士可以拉絲🧀😻有微微嘅蛋香味，仲有好多粟米🌽肉鬆如果都可以多啲就好啦薯餅炸到金黃香脆👍🏼仲有沙律配菜加胡麻醬🥗清一清口腔成個感覺係港台fusion早餐，唔錯😋 👄飲品☕️熱冬瓜茶味道唔算濃即使我無嗌少甜，味道都唔係好甜但係都OK👌🏼 👩🏻服務 店員幾有禮貌，比較隨性，不過有求必應😙✨推薦分數 : 7.5 / 10
繼續閱讀
原本見到OpenRice咁多好評就去試吓見好耐冇食過台灣菜入到去個格調都古色古香只係發覺星期六去食嘢係冇lunch set 但一個牛肉麵都70幾蚊嘢飲亦都係冇套餐價但座位就係快餐類型 都諗住唔緊要，試吓嘅心態所以叫咗個牛肉麵加嘢飲就已經接近$100 叫咗個半筋半肉牛肉麵個人唔係好識欣賞個麵質 唔係台灣嗰種牛肉麵 面係細幼麵，而且係腍身🫠 仲會朔水🥹叫左個紅燒汁又唔係好燒，只係滷水汁整體評價一般因為賣相冇咩吸引，所以冇特別影相了🫡叫咗個芋泥蛋餅，反而覺得呢個有啲驚喜再加咗個鐵觀音奶茶，老老實實冇咩特別好淡味平時有飲開茶記，我表示唔係好推介再加埋朋友叫咗個滷肉飯，一個細嘅滷肉飯係平時一碗飯多少少嘅份量，滷肉就幾好食嘅啲豬肉夠肥不過性價比較低咗啲要30幾蚊一碗 講緊係一個細嘅size😳抵唔抵？見仁見智啦。整體如果台灣嘢嚟講，突然間起口癮可以一試。 過多好評 覺得唔係太真 所以手痕一寫。
繼續閱讀
這次我來到一家以紅燒牛肉麵聞名的餐廳，點了幾樣特色菜品，讓我分享一下我的美食體驗。✅眷村牛肉麵（=紅燒牛肉麵）這碗紅燒牛肉麵的湯頭濃郁，湯色紅亮，散發著誘人的香氣。牛肉軟嫩，入味十足，搭配彈牙的麵條，口感極佳。湯底的香料味道恰到好處，讓人一口接一口，令人流連忘返。✅半牛筋牛腱蘿蔔半肉麵這道菜的組合相當特別，牛筋的Q彈與牛腱的嫩滑相輔相成，再加上清甜的蘿蔔，讓整體口感層次豐富。麵條同樣保持了良好的彈性，吸附了湯汁，每一口都讓人感到滿足。✅起司肉鬆蛋餅這款蛋餅真的是驚喜！外皮煎得金黃酥脆，內餡的起司融化得剛剛好，與肉鬆的鹹香相結合，讓人忍不住多點幾份。非常適合作為小吃或早餐，搭配一杯飲品，簡直完美。✅ 蜂蜜烏龍最後，來一杯蜂蜜烏龍，清新的茶香與蜂蜜的甜味交融，讓人感到舒心。這杯茶不僅解膩，也為整餐畫下完美的句點。🫶🏻整體而言，這次的用餐經驗非常愉快，無論是紅燒牛肉麵的傳統風味，還是創意十足的起司肉鬆蛋餅，都讓我流連忘返。如果你喜歡濃郁的牛肉湯麵或是創新的小吃，這裡絕對值得一試！
繼續閱讀