老二花廳

營業中

休息中

當懷舊港式小吃遇上新式創意會有咩火花，我諗呢間餐廳會係其中一個答案，餐廳裝修走老香港路線，門面已經夠哂搶眼，更設樓上雅座，濃濃嘅老香港味道啊😍豬油渣卡邦尼銀針粉 $62豬油渣炸到好鬆脆，又唔會太油，多咗個口感同香味，而卡邦尼亦都幾Cʀᴇᴀᴍʏ，撈埋一齊食係個幾唔錯嘅配搭😆乾炒牛肉腸粉 $58將乾炒牛河換成腸粉，腸粉幾滑，牛肉分量都唔少，無平時食乾炒牛河咁油膩，沾啲辣椒油食更惹味😙明太子雞翼 $42單骨雞翼最啱懶人🤭 一上枱香氣真係撲鼻而來，份量都幾多嘅，炸得頗酥脆，味道都係預期中嘅味道，淡淡明太子味，肉質都嫩滑嘅🤓三姊妹咖央饅頭 $38邊會諗到咖央可以搭饅頭㗎😂 仲要搭炸饅頭，炸到外脆內軟，仲有嚿厚身嘅牛油，食落就花生醬味偏重，真係好邪惡啊😈豆腐花薑汁梳打 $40首先🐻🐨都係唔食薑嘅人😆 但係豆腐花梳打咁特別又好想試下，豆腐花又滑又甜，中和返薑嘅辣，加上梳打嘅清爽，又幾夾喎話梅吉仔梳打 $40話梅吉仔呢個配搭真係好傳統，咸香酸齊哂，用梳打做底，仲多咗份爽！夠哂Gᴜʀ啊🤪食物都係茶餐廳嘅價錢，仲要無收加一，嚟食個老式香港下午茶，仲可以食埋個環境同感覺，都真係抵嘅😏

今日同朋友見到個餐牌幾特別，所以入咗去試。叫咗個明太子腸粉同埋帶子炒飯，個明太子腸粉除咗賣相幾吸引之外，都幾好食，幾濃明太子味，同埋冇諗過腸粉配明太子都幾夾。但係個炒飯就比較淡,唔係太推薦。另外都嗌咗個雞翼，都唔錯甜甜地咁，不過炸得有啲燶。然後個話梅梳打正常質素，不過不失。

#pb食在旺角 #pbcafe系列 旺角懷舊港式Fusion菜🍽️「老二花廳」係旺角開業多年 之前一直係一棟唐樓嘅2樓🥰 佢係上年年尾回歸 新店搬左去旺角白布街地下舖 位置方便好多👍🏻 店內樓高兩層 店內裝修繼續保持懷舊、港式風情 好有特色😍 佢仲冇限時可以坐好耐 晚上9:30後仲有cocktail提供 可以慢慢談心🤪.食物以港式fusion菜為主 主食有炒腸粉、炒銀針粉、沙律等😋 價錢$38-$68不等 好抵食不過份量唔多🤪 飲品方面有咖啡、沙冰、港式特飲等 晚上9:30後仲有幾款cocktail提供😍🔹牛油蜜糖雞翼🐣單骨雞翼😋 味道正常發揮 唔太驚喜🤪🔹辣菜脯炒蘿蔔糕🌶️份量比想像中少🤪 蘿蔔糕用左辣菜脯、蝦米炒 食落好惹味 唔會好辣👍🏻 🔹明太子蟹肉腸粉🦀推介❤️ 呢個好好食 好食到我地即刻encore多一碟👍🏻 每條膠粉都沾滿明太子蟹肉醬 有微微鹹香 味道超夾😍🔹豬油渣卡邦尼銀針粉🧀相對有少少失望🥹 卡邦尼同銀針粉好似唔係好夾 而且佢好漏🥲 再加埋溫泉蛋、豬油渣 食落更加濟、漏😞🔹雪糕啫喱黑加侖子梳打🍹🔹話梅吉仔梳打🍹🔹四菊花茶🫖飲品全部都好特別 好有特色👍🏻 味道正常發揮 唔太驚喜

朋友介紹下特登到此店嘗試滿有新意的餐牌，此店刻意將傳統的港式炒粉麵飯，以不同的方式呈現於食客眼前，簡單嚟講即係‘’賣噱頭‘’。 好處是能吸引新客因新鮮感惠顧，壞處是若然連基本功都做得不好，很快便將新客嚇走永不回頭。相當同意店家特地將店面內環境打造成舊香港的元素，是本店的最大賣點之一，場內亦有播放新舊交替的粵語流行曲，氣氛良好。店員態度禮貌，主動為客開門及了解座位所需，取得很高的印象分；整個用餐過程都搵唔到店員服務嘅重點扣分位置，值得一讚。食物方面 ：- 乾炒牛肉腸粉：的確純粹將河粉變成腸粉，成功打造一大賣點，味道方面其實同一般乾炒牛河並無太大異樣：牛肉乾柴、煮得太老係最大扣分位。➡️ 加辣椒油會好味啲😅- 星洲炒銀針粉：米粉會比銀針粉較好，但確實暫時喺第二間餐廳食唔到呢種質感，味道調節剛好，相對乾炒牛肉腸粉表現出色，會想追住嚟食。- 薑汁豆花梳打 / 凍薑汁奶茶：特別、薑汁味道控制得宜，不會喧賓奪主。店家將豆花變成梳打甜味的唯一來源，大膽創新。兩杯飲品單點定價略貴，並不設‘’加配‘’ 價錢，影響了整次消費的 ‘’抵食‘’ 體驗。支持本地有心、有意做好的餐飲小店，支持留港消費💪🏻

人均$100就食到港式fusion?! 行懷舊風格嘅Cafe📼擺設都好特別，放齊菲林手機同埋一啲特色壁畫，仲有老夫子擺設，每一個角落都好有心思咁佈置🏚️而且餐廳職員態度非常好🙂‍↕️至於菜式係港式fusion，好有gimmick 🇭🇰不過只能夠話係唔難食 真係冇乜衝動食多啲🥲所以整體嚟講其實唔推薦～ 超坦白講小編食完覺得個口好似好唔滿足咁，返到屋企食其他嘢😟1️⃣ 明太子蟹肉腸粉 $68明太子醬好足，腸粉都夠腍，但係食落去其實就冇乜好特別2️⃣ 窩蛋肉醬銀針粉 $68Mmmm 都係窩蛋肉醬意粉好食啲🤣配搭特別，但係蕃茄醬直落似係罐頭開嗰種，有少少過酸3️⃣ 魚肉生菜 $38

早排發現有間小店喺旺角區內重開，變咗另一間懷舊復古餐廳 😲 好奇之下，有個星期日行咗去睇睇，又望望menu，見有啲特色嘢食想試試，就入咗去幫襯 😎☕️ 薑汁拿鐵 (熱) 😋😋😋😋加咗薑汁嘅latte，多咗少少辛辣味，而又飲到咖啡基底 😉 冇乜違和感，都幾夾～🥣 冬菇肉碎銀針粉 😋😋😋😋😋細細一碗嘅銀針粉湯頭有好濃郁嘅鹹香味，仲散發住冬菇香氣，仲有少少醃菜味 👍🏻 銀針粉煮得啱啱好，又唔會碎濕濕或口感太粉，肉碎唔太爛，又有啲咬口，係碗有記憶點嘅銀針粉 😚🥯三姊妹咖央饅頭 😋😋😋😋三個炸至外脆嘅炸饅頭中間搽上咖央醬，帶有椰糖甜味，仲夾住切條牛油🧈，相當熱氣同邪惡 😚午餐 💵💵💵 約港幣$130/人💁🏻‍♀️ 餐廳樓高兩層，見到門面左右仿對聯嘅歌詞，已經覺得好好笑 🤣 地下座位唔多，不過樓上設有雅座，亦劃咗一部分空間放置懷舊復古擺設 😉 嘢食份量唔會太多，同朋友嚟食share會可以試得多啲～🙆🏻‍♀️ 最後，喜歡嘅話，歡迎follow @foodirectory.hk！

上網睇到條片覺得間餐廳好懷舊又有兩層，想去試吓。今日同朋友去到見間店樓下無人，入到去店員安排我哋坐樓下。之後見兩個客人入嚟，話自己係食嘢嘅，一個唔係著住員工制服嘅人就安排佢哋坐樓上。我哋其實都想坐樓上，問店員可唔可以掉位，佢話ok，我哋行緊時聽到嗰個唔係著員工制服嘅人同佢講上面無㗎喇喎，店員叫住我哋話樓上俾人book咗無得掉，咁算啦我哋坐返原位。一返原位就見到有兩個人喺樓上落嚟埋單走，店員無再提出可以offer我哋上去，當時我哋諗可能要留位俾book枱嘅人啦。隔咗一陣就見到book枱嘅人嚟到上咗樓上。之後見到起碼有一個散客、兩個散客咁入嚟，但竟然聽到店員安排佢哋坐樓上。咁即係樓上係有位，但就唔安排俾我哋。本來諗住上去參觀吓影吓相，見到咁都無mood再問。嘢食方面：明太子單骨雞翼味道ok，但肯定係第二度都食到嘅嘢。黑杞子玫瑰花茶正常發揮。檸檬抹茶梳打… 算吧啦😂 老實講一開始對啲嘢食無乜要求嘅，主要貪佢有特色，有機會就影吓相。服務方面：店員嘅態度無問題，拒絕我哋時都有歉意。只係無著制服嗰位好似唔想我哋坐樓上。綜合：心入面最有期望嘅嘢fulfill唔到，所以失望，嘢食亦唔係不食不可，所以唔

環境方面，啲位幾舒服，空間闊落，梳發有位擺袋，唔使攬住啲袋食飯。樓梯側邊有啲小擺設，樓上有60-70年代嘅傢俬產品，幾靚！食物方面，我哋叫咗饅頭、卡邦尼銀針粉、明太子腸粉同埋蜂蜜牛油雞翼。饅頭脆卜卜，但就唔係好食到咖央味，俾花生醬味冚咗。蜂蜜牛油雞翼係單骨，幾方便食，同埋呢個組合冇得輸。卡邦尼銀針粉同明太子腸粉fusion得ok，唔會好怪。服務方面，啲staff都好有禮貌，同埋佢哋着住有年代咁嘅茶記侍應衫，更有風味。

鐘意港式懷舊風嘅應該對 @loyifaateng 唔陌生，由老二公社、老二花廳到悉尼樂園我都幫襯過，依加佢哋喺白布街再次插旗梗係要去潮聖😛 魚翅撈飯、豬油渣銀針粉、乾炒牛腸粉、生菜魚肉等大玩港式元素，果然字號老，出品好，下次就要去happy hour試埋佢哋啲酒！🍹

呢間餐廳超級復古 入到去樓上就有一個超級復古嘅位置可以影相 店內都係放住啲70年代嘅音樂成個感覺超有feel 之後我哋嗌咗幾樣嘢食都超級好食，份量都好足夠最鍾意嗰個饅頭同埋明太子蟹粉腸粉饅頭超級脆，然後又配花生醬同牛油真係超級搭配嗰個腸粉明太子啊，蟹粉嗰啲料都超級多超級好食 呢間餐廳一定會再光顧 真係好後悔本身自己就好鍾意啲復古嘅地方 同埋啲嘢今次嘅tea time 真係食得好開心又滿足大家快啲嚟試吓啦 真係值得一試

🍽老二花廳（旺角）📍旺角白布街22號4號舖旺角呢間復古懷舊特色餐廳真係令我哋有驚喜，唔單只係裝修夠特別可以打卡，食物仲好有創意，而且美味，絕對值得一試❤️～明太子蟹肉腸粉腸粉滑嫩，充滿咗蟹肉嘅鮮甜同明太子嘅鹹香，好味道🦀🍣～明太子雞翼雞翼炸得外皮香脆唔油膩，內裏嫩滑多汁，明太子醬嘅鹹香同雞翼嘅酥脆口感形成咗絕妙對比，入口即化，好正🍗🦑～豬油渣卡邦尼銀針粉結合咗卡邦尼同銀針粉嘅風味，豬油渣嘅酥脆同卡邦尼嘅濃郁味道非常特別，個人都好鍾意煙煙韌韌嘅銀針粉，好正🐷🍝～蒜蓉包配黑松露炒蛋香氣撲鼻，蒜蓉包外脆內軟，黑松露炒蛋滑嫩，味蕾嘅享受呀🍞🍳～豆腐花薑汁梳打好清新，豆腐花嫩滑，薑汁帶有微辣嘅刺激，梳打水嘅氣泡感增加咗趣味，仲非常解渴添🥛😁～雪糕紅豆冰冰涼清爽，紅豆香甜可口，雪糕綿滑，最尾食呢個甜品兼飲品係好好嘅選擇🍧🍦

呢晚嚟咗呢間新開業嘅fusion餐廳食晚餐，完全俾佢嘅裝修吸引咗，好似置身於七80年代嘅老香港🫢 見到有唔少嘅客人仲同餐廳嘅環境打卡添呀，呢份老香港嘅情懷真係好多人嘅回憶啊🇭🇰明太子蟹肉腸粉呢碟菜式嘅味道好熟悉，但係又帶點陌生😂 因為佢嘅明太子醬同埋蟹肉嘅味道喺意粉上經常會食到，但係比較特別嘅係放喺做滑捋捋嘅腸粉都係咁夾😮豬油渣卡邦尼銀針粉呢碟都係將西式嘅醬汁放上中式食物，卡邦尼意粉我哋就食得多，轉成銀針粉都幾特別👍🏻 最有驚喜係佢嘅豬油渣粒粒，唔會太油膩，更脆口🐷 其他配料大致上都係煙肉碎、蘑菇片同埋洋蔥，我哋仲額外加咗隻溫泉蛋🍳 同卡邦尼嘅味道好夾，仲令個銀針粉嘅汁更加稠杰，銀針粉嘅形狀可以掛到更多汁🥰 三姊妹咖央饅頭一件香脆嘅炸饅頭入面有咖央醬，花生醬同埋牛油，雖然聽個名覺得佢好邪惡，但絕對令人一試愛上🤪 食落口有滿滿嘅幸福感。生菜魚肉配蔥油麵係個出名嘅街頭小食，魚肉粉量都算幾多🐟 湯底充滿胡椒同麻油嘅香味😗 我地仲額外加配蔥油麵，底下有啲豉油同埋蔥油，將個麵撈勻，食落唔會太鹹。飲品♦️豆腐花薑汁梳打係款幾特別嘅飲品，主要係飲到梳打嘅fresh，然後會飲到香滑順喉嘅豆花，最後會有少

朋友發現旺角有間餐廳可以魚翅撈飯即刻帶肥妹去撈一撈：）店內充滿港式懷舊風味中帶點玩味設計一共有兩層，踏上長樓梯走進樓上雅座擺放不少八九十年代物品作裝飾彩色大牛龜電視還播放著西遊記✾ 魚翅撈飯（轉蔥油飯） $63用小火爐一直熱著保持溫度熱騰騰用料豐富，滿滿素翅、冬菇、雞絲和螺片等每一口都充滿鮮味，濃稠度剛剛好再撈一撈蔥油飯更香口，完全吃不停口另外搭配醋、辣菜脯及炸魚仔✾ 明太子蟹肉腸粉 $68有沒有想過腸粉加明太子蟹肉？濃郁明太子醬搭配柔軟腸粉腸粉沾滿鹹香明太子醬且帶一絲絲蟹肉再灑上飯素帶點紫菜芝麻香，真的很惹味！✾ 蒜蓉包配黑松露炒蛋 $42蒜蓉包烘得香脆，包面鋪滿炒蛋炒蛋嫩滑帶濃濃黑松露香味✾ 牛油蜜糖雞翼 $38單骨雞翼炸得脆身，外脆內嫩上枱時牛油慢慢被雞翼熱溶每一根雞翼都帶甜滋滋蜜糖香甜✾ 豆腐花薑汁梳打 $40平時薑汁豆腐花就吃得多，變飲品真是第一次見出奇地夾， 滑溜豆腐花搭配微辣氣泡感薑汁梳打 入口清爽且解膩，每一啖都飲到軟滑豆腐花✾ 菠蘿青檸忌廉沙冰 $48厚厚一層香滑忌廉，沙冰打至幼滑完全沒有碎冰，入口甜甜酸酸帶清新果香

舖名：老二花廳地點：九龍旺角白布街22號地下4號舖電話：3108 9123IG: LOYIFAATENG服務：全是年青人經營，態度可嘉，主動熱誠，詳盡回答。食物：揉合了中西的煮食方法，把銀針粉引入西式餐譜中，是革命性的創新味道不錯，茄汁味濃厚，蝦肉新鮮彈牙，而且大蝦隻數量達4-5隻。只是價錢中間偏高。

今日上完堂吃午飯，發現這家特色餐室。餐廳的裝修幾有懷舊氣息，餐點有些fusion港式。薑汁豆腐花latte這咖啡幾特別，咖啡味唔係咁濃，可惜未夠熱，入口是暖的口感。不但有咖啡味，又有少少薑汁，味道輕甜，加上滑滑豆花的口感，幾特別。燒春雞這燒春雞炸得皮脆肉嫩，皮下沒什麼脂肪，雞肶嫩滑，雞胸也軟身唔鞋口。薯條炸得香脆又有薯味，不油膩，不錯。