翡翠海鮮酒家.明珠宴會廳

營業中

休息中

不時到訪花園街也會經過此酒樓，但時間不巧，從未在此進餐。恰巧將有聚餐在此舉行，便特意提早前來測試水準。點心和小菜選擇非常多，其中不少是懷舊點心或菜式。點心名字非常有趣，但蝦餃拼燒賣的確溫馨，一籠便可以吃到兩款點心，質素而言，蝦餃比燒賣好，但也不要期望過高。不同店家的四寶配料也有不同，但最重要的還是魚肚和雞肉的質素，魚肚厚身，雞肉也滑嫩，蟹柳和冬菇等四寶配料當然也令整個組合更為豐富。蝦筒用料比較少有，子薑和皮蛋是絕配，卻原來與蝦肉也是完美組合，蝦筒以威化紙包製，囗感鬆化。鯪魚球一碟四粒，正適合喜愛此物但又怕吃得太多炸物的食客，鯪魚球炸得恰到好處，鯪魚味濃兼沒有不好的泥味。芫荽餃子很有驚喜，芫荽味香濃而不霸道，肉餡質素平常，但在芫荽的加持下，頓時升級。糯米包非常小巧，臘味用料豐富，以比例而言，糯米的份量不多，令整個糯米包充滿臘味的味道，要是糯米包可以大一點，滿足度定必更佳。銀針粉和豬骨粥都有點過鹹，而且配料也不多，但份量不少，價錢也算實惠，這也許說明了質素的關鍵。水東芥菜囗感脆嫩，芥菜味香濃，雖然肉鬆上湯有點過鹹，卻更能突出芥菜的本味。叉燒餐包是以甜品的身份出現，味道正常，只是叉燒餐包像是

以往去開金滿樓，因為執咗笠，所以今天去了附近的界限街運動場對面的翡翠明珠。今日食咗個非常滿意的午餐，有勁薑味嘅雞包仔，香茜皮蛋鮮竹卷，好脆嘅鹹水角，啲餡都好好味用好多西洋菜包嘅西洋菜餃子，賣相超靚超得意嘅鴨仔香芒奶凍，同埋奶香濃濃的鮮奶西米涼粉。地方就比較不太寬敞，但食物水準出乎意料，下次一定多啲人去試多啲嘢！見到晚市菜牌佢哋隻香草焗乳豬同埋冰火香鍋蝦多士都好似好好味！乳豬但要一日前預訂，下次必定要試下

今日食左好重薑味雞包仔同新鮮炸嘅咸水角，真係好滿足！雞包仔外皮鬆軟，內裡的雞肉充滿了濃郁的薑味，令每一口都令人回味無窮。咸水角就更加驚喜，外層酥脆，內裡的餡料鮮美，咬落去有一種令人愉悅的口感，絕對是完美的開胃小食。仲有蝦餃拼燒賣，佢度身訂造一兩人份，令我地可以試好多不同嘅點心，令人食到一個飽心又滿足嘅經歷。蝦餃晶瑩剔透，蝦肉鮮嫩，燒賣則配有香菇和豬肉，味道層次分明，讓人一試成主顧。福建炒飯都好足料，啖啖蝦啖啖肉，米飯粒粒分明，炒得恰到好處，完全吸收了各種配料的鮮味，真係一個好選擇！每一口都讓人感受到食材的新鮮，特別搭配剛炸好的咸水角，口感更是絕配。下次一定要試埋飲早茶，13.8粥及17.8盅飯，性價比好高，簡直係超值！早茶搭配點心，感覺特別惬意，仲可以同朋友分享，真係一個愉快的用餐體驗。翡翠海鮮酒家 明珠宴會廳，太子洗衣街251B號地下，真係值得一試！

之前我在TVB的節目中看到他們介紹了一家花墟間的酒樓，於是我決定親自去試試。沒想到我在那裡品嚐到了一些非常特別的點心，讓我驚喜不已。例如，瀨尿蝦餃的口感非常細膩，外皮薄透，裡面的蝦肉鮮美無比；紫菜湯鯪魚球則是清新又有滋味，湯底清澈，魚球滑嫩；另外，龍蝦汁鮮竹卷也讓我印象深刻，濃郁的龍蝦汁與竹筍的搭配相得益彰；涼瓜脆蝦餅的獨特風味更是讓我大開眼界，清脆的口感與鮮蝦的鮮味完美結合；還有木魚千島醬炸蘿蔔糕，外脆內軟，千島醬的味道也恰到好處；最後，熊貓芒果奶凍更是可愛又美味，讓我感到心情愉悅。雖然這家酒樓的空間比較狹小，但整體的味道仍然讓我非常滿意😋😋。今日我品嚐了一份超豪華的午餐，188上湯龍蝦兩面皇煎麵，真的是色香味俱全，特別是那可愛的黃鴨子芒果奶凍，讓我感受到了一份特別的甜蜜！

今次同家人慶祝生日同母親節，專登揀咗太子花墟老字號「翡翠海鮮酒家」，試勻多款招牌菜式，整體表現高質有新意！ 香草焗手剪乳豬（全隻）乳豬顛覆傳統做法，以香草焗取代明爐燒，外皮酥脆，肉質嫩滑多汁，香草味滲入肉中，清新不膩！店員會即席手剪成小件，貼心方便。唯份量較大，建議10人以上分享。 櫻花蝦大蠔餅蠔餅炸得金黃酥脆，蠔仔肥美唔腥，櫻花蝦鹹香提味，每一口都「咔滋」作響！不過略嫌油份稍多，食幾啖開始濟。 滋味醬燒牛肋骨牛肋骨炆至骨肉分離，肉質軟嫩帶，筋膜位入口即化，都幾高水準！碟下會有蠟燭為牛肉保溫。蝦多士蝦多士炸得鬆化，蝦膠彈牙鮮甜，頂層嘅沙律雪糕，略嫌奇怪，但創意十足。 即磨杏汁菜膽白肺湯 我本身唔鐘意杏汁都唔鐘意豬肺，所以真係飲唔到😂 鮮蝦雲吞浸大海斑 海斑肉質細嫩，魚湯鮮甜無味精，雲吞皮薄餡足，鮮蝦爽彈！配雲吞呢個做法都好特別。 當紅脆皮一品燒雞燒雞皮脆肉嫩，雞胸位仍保持多汁，醃料帶淡淡南乳香！人均$300左右，以手工粵菜同創意fusion菜而言，性價比合理。推薦香草乳豬、櫻花蝦蠔餅同燒雞，適合節慶或宴客！

這間酒樓的女部長十分無禮貌，而且不是接待客人是趕客！新年期間客人多要等位好正常，但呼叫客人出街門口等又唔俾飛客人，使客人們以為自己犯錯要俾人罰！所以不去也罷😠😠

職員非常冇禮貌，壽包竟然有老鼠屎，收費不清晣，連經理都一知半解，自己不老實，收多錢仍然話冇，仲要攞部計數機來，簡直痴，最離譜桃包有老鼠屎又污糟，對唔住都唔講，仲要黑臉換過8個，離哂普特價龍蝦$98隻，龍蝦每2位一隻，我地7個人點了3隻，餐牌伊面加$20，芝士加$30，冇寫每隻加，當埋單原來每隻加，問個男經理佢仲即刻話係一碟共加50，不是每隻，當比返張單佢睇仍懵然不知，我哋算啦廢事拗，點知佢收完錢仍不順氣攞部計數機來仲死話收了$50，我叫佢睇清楚係每隻$98+$50，$148一隻，跟住仲唔順氣，又唔係叫你俾返$100 ，點解仲要死唔順氣最慘就係自己根本收咗咁嘅錢係錯都黐孖筋😡

好吃的中菜館很多，但每道菜都好吃而且免開瓶費的，就很難得了！圪立太子花墟多年的翡翠海鮮酒家，真的臥虎藏龍，不是朋友就住樓上的話，真的會錯過了！🔸港式點心晚市都即叫即蒸的酒家，很有誠意。蝦餃肉眼可見的薄皮😍不會一夾就破。燒賣用料十足，有豬肉香，吃得出挺新鮮。🔸香草焗乳豬🐷極推薦！！以西式做法烤焗，皮脆肉嫩，完全不用額外醬汁，香而不膩，配上宮城縣的栗駒山特別純米，輕柔果香將香草味激發得淋灕盡致，旨味與肉配搭後，將味道變得更有層次😍 店員會幫忙剪開小件方便進食👍🏻👍🏻🔸冰火香芒蝦多士🦐🦐蝦多士酥脆可口，加上新鮮芒果與沙律醬打成的沙冰，減低一般淋上沙律醬的油膩感，同時帶點水果的酸度，比傳統的蝦多士更耐吃。🔸櫻花蝦蠔餅🦪超大份！！大廚用上新鮮生蠔及櫻花蝦，味道上增添不少咸香，每一口都非常crispy, 口感十足，與清酒配搭起來，簡直愛不惜口🤤🔸醬燒牛筋骨🥩已經預先將骨肉分開，每一口都是肉，這幸福感誰懂啊！牛筋肉煮得非常軟稔，肥瘦相連，油脂甘香，肉質細緻，單吃這個也可以乾掉一整碗飯！！店家也非常細心，用兩個小蠟燭保溫，令牛肉不會因冷卻而變硬，影響口感。🔸生磨杏汁燉白肺湯女士最愛的湯水，養顏潤肺，材

香草焗手剪乳豬 (半隻）佢地既乳豬唔係傳統嘅廣東乳豬，而係一道fusion菜～ 用咗香草去焗 超級濃香草味 😛 皮亦都好脆好好食 份量亦都好大 🤙🏻🤙🏻 香芒冰火蝦多士～ 新鮮芒果打出嚟嘅芒果雪糕 🍧 所以食落去一定會酸酸甜甜 再同蝦多士一啖咬落去 個感覺真係好盞鬼😍😍😍 炸蠔餅 ！啲蠔超級多，超級大隻 ！咬落去仲係脹卜卜 熱辣辣好好食 😋 食完之後好驚生痱滋😭 但真係忍唔住一口接一口haha 杏汁豬肺湯啦💕 真係好西利 杏汁味好濃 完全飲唔到腥味 睇得出佢哋內臟嘅處理都做得十分之好 個湯好濃唔會好稀 真係真材實料一分錢一分貨 🙌🏻 我屋企啲老人家好滿意個湯 醬燒香焗牛筋骨👍🏻 份量都係超級大 佢哋啲牛筋骨係浸咗好耐 好入味 上枱之後仲會有咁慢火喺下面慢慢煮住佢哋保持溫度 我個人嚟講好鍾意 食落去仲係超級嫩滑 肉眼可見嘅粉紅色👍🏻 好正🙌🏻

一班朋友聚會，選了翡翠明珠宴會廳，酒樓似一般屋邨酒樓，但菜式頗為特別，而且部份菜式須預訂。是次我們預訂了醬香焗牛仔骨，焗酥皮叉燒包及百花釀蟹鉗。另外即場點了欖菜肉碎炒淮山、薑蔥焗蠔及香芒蝦多士。要預訂的菜式相對來說價錢較高，如醬香焗牛仔骨要4百多元，而蟹鉗每隻要48元。牛仔骨份量多及精緻，惟同酥皮叉燒包一樣偏咸，蟹鉗、薑蔥焗蠔及炒淮山則正常發揮。其中較特別的是香芒蝦多士，一般蝦多士是配沙律醬進食，而酒樓就將沙律醬及芒果混合制成雪糕放蝦多士上面，而這個雪糕中沙律醬味較芒果味重，因此，跟蝦多士配沙律醬是一樣的，但這樣賣相較吸引。最後，酒樓送上蛋散，但蛋散較稔，不鬆脆。

因為好友即將移民，咁臨別秋波冇理由唔食餐飯。 選址呢間酒樓係其中朋友試過 覺得唔錯。老老實實，睇門面真係行過都未必入嚟，又或者覺得只做街坊生意。 不過，凡事真係唔好睇表面，一定要自己試過至知龍與鳳。 食品質素都算唔錯，我反而欣賞佢既配搭係有新意，起碼自己未見過。 睇下相片介紹。仲有豬肺湯冇影相，好香杏仁味，好飲。 值得推介👍

必食香草焗手剪乳豬，這個皮好脆，肉好嫩滑，見到用係好多香草醃制。有別一般中間好多肥膏的燒乳豬，呢只可以全隻食晒的。另外冰火香芒蝦多士$138有4件，如加就$34.5/件，師傅用芒果及忌廉自己打制雪糕，放在香脆蝦多士上面，冷熱交溶！😋😋😋

個menu正係寫138 （冇寫一件138），我哋以為成碟138啦，點知係一塊138，我哋14 個人食咗1900+… 仲要佢嗰舊芒果咁嘅嘢吃落去勁似沙律醬味，係唔好味嘅沙律醬💀 落單嗰個仲要冇問我地要幾多件，正係靜靜地數人數就當係嗰個數囉

終於又可以一家人食團年飯！之前都嚟食過，食物質素好有水準，所以大家一致投票再嚟，預訂咗富貴吉祥海鮮全包宴，預早落單可以減$500、價錢都算合理。上菜次序：1️⃣香草焗手剪乳豬-冇誇張真係好好食，熱辣辣皮脆肉嫩，全家人都讚，2️⃣上湯生猛龍蝦伊麵-龍蝦新鮮份量足，上湯焗味道適中，伊麵底亦整得唔錯，3️⃣菜膽濃雞湯燉花膠-碗碗都有花膠，味道好夾，連湯料嗰半隻雞都好入味，不過太多餸所以冇乜點食，4️⃣清蒸游水大海斑-我自己就唔食魚嘅，不過屋企人話條魚蒸得唔錯，冇話蒸過頭，5️⃣炸子雞-香脆好味，6️⃣生財南非鮑魚扒鵝掌-鮑魚夠大隻，鵝掌我自己就覺得爭少少腍，但其實合格嘅，不過如果再腍啲就仲好食，生菜底正常，7️⃣水晶鮮蝦菜苗餃-皮薄裏面都幾多菜苗，好食，8️⃣蜜糖脆麻花-正常好味，9️⃣西米蓮蓉焗布甸-保持水準，唔太甜又夠香，1️⃣0️⃣生炒臘味糯米飯-大家都好期待個糯米飯，冇令人失望。整體食物質素全部都好高分，全部都好味，菜單都可以彈性嘅，因為本身套餐係豉油雞，但我哋鍾意食炸子雞，都可以轉到唔需要加錢，服務基本上啲姐姐全部都好有禮貌。我哋已經坐低人齊，碗杯都洗晒，跟住佢先至話我哋張枱本來要同隔離張枱留俾人，本身要我哋轉枱，呢度就有啲

普世歡騰嘅十二月到啦～再分享多間好適合做冬、慶生嘅餐廳啦！太子嘅翡翠明珠推出特別菜式西班牙風焗乳豬、冰火香芒蝦多士將新派與傳統結合而且環境明亮乾淨食都食得舒服d☺️🔸香草焗手剪乳豬❤️乳豬皮光滑脆口 由於用焗嘅關係 肉質好嫩滑juicy！有好清新嘅香草味道食落比一般乳豬冇咁膩 而且多一份香氣好好食！🔸杏汁菜膽燉白肺湯❤️超足料！湯好濃好甜！豬肺洗得乾淨 燉到好軟腍杏汁清香順喉 好滋潤呀！🔸冰火香芒蝦多士❤️蝦大大隻爽彈、新鮮配又熱又脆嘅多士加上凍冰冰又香嘅自家製芒果雪芭三種口感 好滋味！🔸炸蠔餅好大件 而且炸得好蓬鬆每一啖都好香脆有肥美嘅蠔仔仲有櫻花蝦令整體多一份鮮味🔸脆皮一品燒雞雞皮有好香濃嘅醬油及香料味肉質非常嫩滑肥美皮香肉滑 師傅手勢一流🔸生炒臘味糯米飯軟硬適中 煙煙韌韌 口感很好每粒米都有臘味油香食完暖笠笠🔸臘味炒芥蘭臘味仲多過菜 好足料有潤腸、臘腸、臘肉蔬菜爽脆鮮甜