翡翠拉麵小籠包

營業中

休息中

見到呢度有酸菜魚，諗住比次機會試一試。結論係「不可一不可再」！啲魚片好唔新鮮，一浸腥味🤢仲要醃到啲魚爽爽地咁，完全唔係平時食開嗰啲好滑嘅肉質。魚片仲要有細骨，份量又唔多，成盤嘢我諗有八成都係寬粉。四個人食晏都要成$800，已經唔平仲要難食😞餐前小食又係難食到要吐返出黎，買單嘅時候見到佢要收錢真係心理唔平衡。如果冇信心做得好酸菜魚，不如唔好賣呢味餸…搞壞自己招牌得不償失何苦呢，希望管理層見到呢篇食評會認真反省下

晚市堂食重開到10時，晚上9時先得閒坐低食飯商場內好多食肆都截單，幸好翡翠仍然🈺️業消費券優惠帶動，店舖可以買coupon送優惠；不過每券消費$300先可以用$50，太多限制🚫好耐無食，有驚喜🤤乾煸四季豆$80⋯⋯肉碎乾身炒得恰好，略嫌四季豆太小，剩下太多肉碎🥺糖醋魚柳$88，上枱非常熱好好食，甜酸度恰好上海排骨拉麵🍜$70，香脆可口，抵食👍🏻湯麵清湯為主，配上排骨不太膩炸銀絲卷（一條）$23上海小籠包子（四隻）$43茗茶$10/位，飲熱開水都係一樣

馬鞍山新港城中心舉辦「海賊王MOST-SWEET Seacation聖誕啟航」主題活動，為了朝聖而來到新港城。由於之後還有節目，時間較為緊迫，隨意的就來了翡翠拉麵小籠包食午餐，完全不用候位！正推廣蟹粉菜式，老公就點了一籠蟹粉小籠包，另每人一碗拉麵。蟹粉小籠包，小籠包皮薄，湯汁充沛，肉餡香，蟹粉份量雖不多，但都幾香，整體味道不錯！四川擔擔拉麵，辣度十足，但缺乏花生醬香氣，不夠香濃惹味，而拉麵的麵質偏軟身。價錢實在不值$60以上。雪菜肉絲湯拉麵，雪菜與肉絲的份量尚可，質素屬正常水平。連同茶錢及加一，埋單就要$240，只能說食物質素不值這樣的價位。若不是小籠包的味道OK，幾乎可以予以劣評。

位於馬鞍山站，「翡翠拉麵小籠包」，我哋一行二人平日晚上，等了20分鐘才入座，全場爆滿非常多人，店內係用手機自己落單，座位比較迫同隔離距離超近。 我哋叫咗四川擔擔拉麵、鱔糊炒拉麵、紅油抄手、椒鹽小黃魚、菜肉雲吞湯拉麵。上碟比較求其，係咪應該可以做得美觀啲呢？！ 椒鹽小黃魚香脆野味。鱔糊炒拉麵味道一流。不過紅油抄手個醬汁麻麻哋好似食豉油汁。菜肉雲吞皮厚菜肉內餡好細好少，感覺似食皮多過食菜肉雲吞。整體有待進步。

不過不失嘅二人餐，小籠包必食味道冇問題，炸豆腐唔係好夠味，蔥爆牛肉啲牛肉好滑，雞火炒飯幾好食，yummy酸菜魚淡茂茂無味，啲魚啲味好怪，酒釀丸子原來唔係我鍾意嘅嘢味道係好正宗偏酸。個檸檬薏仁水都幾好味

服務比以前改善多了，疫情下防疫做得非常好，每杯溫茶都有舖上紙蓋，細心為客人遞上口罩紙夾，貼心之處，值得表揚。食物質素亦保持水準，招牌小籠包仍是推介之選；鱔糊略為味道太濃；最後蔥油餅有點失望，蔥油唔夠香，餅唔夠脆。

每逢夜晚假日都必定要等位，香港人好得意，好食既餐廳等幾耐都會照等，而唔好食既比幾多優惠都寧願唔食，所以想知道間餐廳得唔得，睇吓門口有冇人等位就知道間野好唔好食，每次嚟呢間翡翠拉麵小籠包，都一樣冇意外都要等位嘅，因為佢嘅既食物真心覺得好食😋

疫情放緩左， 可以多啲同家人出街食飯😊。好想念上海味道， 小籠包， 蘿蔔絲酥餅等可能天氣太熱，同家人不約而同叫了湯麫。4個湯麵中， 最好食就係五香牛肉麵， 牛展是厚厚的😏， 不過湯底做得非常清淡， 味濃多少少會好啲。 排骨麫本來係我十分期待， 但兩位家人嘗試過之後， 都發現太生， 非常紅， 廚房師父說換了都是一樣， 但服務太態好， 換了一個雞湯我試， 燉雞是藉得加推可能太耐無食蘿蔔絲酥餅， 這個雖然唔算得好好食， 但都算鬆脆。 不過性價比就有啲貴。 $40/3件

2021年5月6日 原來翡翠餐飲集團在2014年成為咗LV集團成員之一。黎翡翠食飯最好係用匯豐信用卡埋單，因為用匯豐信用卡食呢款二人套餐非常抵食，$328 有好多野食，有前菜丶點心丶小菜(兩款)丶飯或麵丶仲有飲品。當晚我地四個人黎食，叫左呢個二人套餐和散叫。當晚叫左好多野食，二人套餐包括有椒鹽黃金豆腐丶菜肉雲吞（6隻）丶瑤柱賽螃蟹丶糖醋雞球丶上海炒粗麵丶檸檬薏米水。另外再加左幾款嘢食，蘿蔔絲酥餅丶小籠包丶香煎素鵝丶四川酸辣湯。非常豐富丶食得好滿足。全部都整得好好味，不過糖醋雞球就失水準，好乾。上年禁晚市，搞到成日都冇得黎食飯。幫我地落單的店員阿Man好有禮貌和細心，服務態度好好。

住馬鞍山多年， 都未試過馬鞍山翡翠拉麵小籠包， 下午時段去試下。叫左2個午餐套餐1》＄88 小籠包2個配甜酸糖醋魚套餐只有2個小籠包， 皮不算太薄，餡麻麻， 小籠包感覺一般， 沒有驚喜甜酸糖醋魚醬酸了少許， 但炸魚ok, 不覺是雪藏， 感覺新鮮的。讚。2》＄78 雞絲粉皮配擔擔麵雞絲粉皮～ 花生醬唔濃， 稀d. 但都ok.擔擔麵有點失望， 沒有花生醬香味， 只有辣味， 麵一般。對以上食物有點失望， 基本之小籠包及擔擔麵都做得不夠好，有點行貨感覺。(個人食物感受）以前在台灣及上海食過， 質素好好多， 香港真的一般水準。 如加強招牌小籠包及擔擔麵質量及食物水準會更出色。經理服務恩勤

今日見馬鞍山果間外賣有75折，我貪平，叫了排骨麵，之前食既排骨麵，鬆軟及啖啖肉，又多。今日食既硬，肥及得4塊。醉雞，骨多肉少。我係叫正餐牌上既，不是下午茶餐及套餐。其他還叫了小蘢包，豆沙鍋餅及紅油抄手及嫩雞煨麵。大致上跟之前差不多。今日冇咩人，收銀話20分鐘有，我等小30分鐘。暫時唔會再叫了反觀其他都是做7-8折既餐廳，食物質素keep到。希望日後市道好時質素有改善。😡😡😡😡😡😡😡😡

依然係抗疫留家時間，之前行過呢間翡翠拉麵見到佢會有四個小菜做特價外賣，耐唔耐會轉餐牌 今次見到有兩個餸都幾啱食， 就叫咗喇😊兩個小菜HK$80，加$5蚊一個白飯 $15一個"補肺湯" 晚飯時間都一路會有人排隊買，等候時間唔算太長，約20分鐘~ 可以簽卡~ 今次試咗個糖醋魚塊，同埋口水雞， 加咗兩個飯一個湯 兩個餸都幾好食，份量都唔太小 糖醋魚塊係用紅醋嗰隻，如果有黑醋嗰款就仲好 炸魚嘅粉唔算厚，小朋友都有食 口水雞嘅麻辣味都做得幾好 佢呢個價錢同喺快餐店買個餐差唔多，性價比都算高，會再幫襯😉

下午茶忽然想食小籠包，諗起新港城有翡翠拉麵，反正而家都唔洗排隊就試下，都好耐無食。我分別叫左一客小籠包同一個口水雞冷麵，諗住解下熱。先講小籠包，不得不說，佢做得幾好，皮簿多湯汁唔在講，佢d豬肉係有肉香，吸唒d湯汁後好滑，點少少醋好好食。之後就到口水雞冷麵，我自問算食得辣，但佢真係好好好好辣lol 麻到我個咀好似梁潮偉咁，麵質同雞肉係ok的，但味道太勁，我相信要食得好辣既人先食得到，如果佢淡翻少少就ok

公眾假期個日我哋一行六人，早一日訂咗位，食6:00，去到預留左最入邊嘅圓枱比我哋坐，侍應服務尚算可以，但都會推銷你食套餐，最後我哋選擇咗叫小菜，嚟到嘅煎小籠包估唔到真係手指公咁大，😦😦真係好細隻，收50幾蚊一粒，實物與價格不成正比，😪唔值得試，之後個雲吞雞湯，😵六人用得六隻雲吞湯底亦都唔似真正煲出嚟嘅湯，雲吞皮亦很厚，亦有很多味精，另外還有雞火炒飯，很快就出來但是凍的，🙄證明是預先炒定的，另外仲有個賽螃蟹，非常難食，煮得很醜，一啲都唔吸引，整餐飯評分很低！短期內都唔會再幫襯！🤢🤢🤢

近日都係到尋覓新野試其實翡翠拉麵小籠包成日經過都會見到 但都冇入去試過食 男朋友突然話想食小籠包 咁就入去試下啦咁岩到下午茶時間叫左蔥油乾撈拉面同埋五香牛肉拉面 加配左花素蒸餃同埋冬菇豬肉燒賣 蔥油乾撈拉面 睇落去好似好dry 點知撈完食落口係有陣雞味🤣加埋辣椒油一齊 好正五香牛肉拉麵🍜我都以為係伏 個樣怪怪的 但係原來好好味充滿牛味既湯 同埋都好足料 有5塊牛肉🤣花素蒸餃有陣陣菜苗味 好清新既感覺主角小籠包 唔好咁大啖咬 唔係d汁會彈哂出黎🤣要有技巧咁食 味道正常煎餃子🥟就唔推介 餃子皮有d厚🤨不過飲品方面睇得出好細心 會比埋個蓋去come住 唔怕整污糟 好衛生