翡翠拉麵小籠包

營業中

休息中

之前同屋企人試過d套餐唔錯，今日大年初一又黎慶祝農曆新年🧧。有2款套餐，揀左個較經濟嘅如意吉祥宴4人套餐。前菜有雞絲粉皮、花雕醉雞🐔、上海小籠包。雞絲份皮好入味，有口感。花雕醉雞好重酒味，未必個個啱食，我就覺得酒味太濃。上海小籠包冇得頂，皮薄餡靚，好味。小菜4選3，4個小菜包括紅燒蹄膀、清炒河蝦仁🦐、紅燒獅子頭、瑤柱賽螃蟹🦀️，甜品係薑茶湯丸🥣紅燒蹄膀無得頂😋份量適中，好淋好入味，正。清炒河蝦仁🦐有驚喜，蝦肉嫩滑，加d醬油餸飯，一流。紅燒獅子頭都係要俾個like，夠熱，好惹味，有口感😋湯🥣類可選酸辣湯🔥或宋嫂魚🐟羹。4位可以選擇唔同嘅湯。酸辣湯辣度適中，好香。仲有兩類飲品可供選擇，豆漿和檸檬🍋薏米水。4位可選不同飲品，不一定要一樣的。檸檬薏米水好好味喔😋一定要提提個甜品，薑茶湯丸🥣，薑茶濃度啱啱好，唔會太辣。今次喺德福呢間分店食飯，坐位也是寛敞舒適，食品有質素，賣相唔錯，整體感覺良好，會再幫襯。

◾️上海小籠包 $42熱焫焫皮亦夠薄，幾多汁，都ok！◾️自選四式拼盤 $138雞絲粉皮·鎮江肴肉·鎮江排骨·美味燻魚燻魚硬左啲，食左少少無再掂過😂雞絲粉皮好多麻醬，唔會難食！肴肉同排骨都幾好食👍🏻◾️宮保雞丁 $80一啲辣都無唔宮保喎🤣雞唔多，但好多我鍾意既腰果😝惹味同少少油膩。◾️椒麻酸菜魚 $135天氣涼左想食少少刺激野，大量酸菜及粉皮，魚塊滑溜，預左唔多🤣辣度剛好，邊食邊流鼻水🤪◾️金銀蛋浸時蔬 $76一定要order菜！無驚喜卻最穩陣🤗◾️嫩雞煨麵 $70阿媽鍾意🤤夠稔夠清，做主食唔錯😌

💥母親大人話想食上海嘢📍翡翠拉麵小籠包｜九龍灣📍埋單 $ 3 X X｜人均消費 $ -#CL九龍灣 #CL四圍食 #CL上海菜⚪️⚪️⚪️⚪️⚪️⚪️⚪️⚪️⚪️⚪️夜晚都要等一陣位，不過都叫好快就入得，佢應該係無SET嘅咁所以我哋全部都散叫😶💟 蟹粉伴毛細麵 $ 9 8以為蟹粉係用大閘蟹嘅會香啲…食落去似平時普通嗰啲蟹膏🤔咁佢又俾埋一碗湯嘅，同埋啲湯同啲面一齊食就會好啲如果唔係就會有啲乾😢但整體味道可以再香啲就好💟 蘿蔔絲酥餅 $ 4 0蘿蔔絲酥餅係最推介嘅👍🏻雖然係細細粒但係即刻整，熱辣辣之餘仲食到一層層酥皮🤤好想encore🥰💟 鮮肉鍋貼 $ 4 4入面其實都同小籠包一樣㗎喇不過個鍋貼煎得趣卜卜入邊仲有湯汁💛🤟🏻不負責任點評好味道🌕🌕🌕🌗🌑性價比🌕🌕🌕🌘🌑回頭率🌕🌕🌕🌗🌑（五粒為滿分）⚪️⚪️⚪️⚪️⚪️⚪️⚪️⚪️⚪️⚪️

媽媽節放媽媽假無煮飯咁出去食 媽媽唔會煮既野大家都知 依種節日好難搵食咁我地就決定等下啦等左 都有30-40分鐘呀 真心太多人座位 6人卡位咁 都算舒適啦但 ….當 決定叫菜時無小籠包 so sad 聽到佢賣晒 我地 連甜品都環留定呀咁無計啦 我地就base on menu still had stockgum order 啦！咁 就叫左 圖中既菜！麵都幾脆 但 唔襟脆 汁比較少我個人偏心 賽螃蟹 🦀️哈 海蜇 無味既 😅好彩 媽媽都開心既！ 因為媽媽愛脆麵～我諗平時 無咁快賣晒啦！小籠包～

當日約咗姊妹及媽媽到九龍灣翡翠拉麵小籠包, 妹話想食蟹粉小籠包及鍋貼,鍋巴,一行六人點咗: 蟹粉小籠包 及蟹粉鍋貼-- 蟹粉食唔出( 可接受)蟹粉鍋巴--大蝦好大隻但冇蝦味蔥油餅- OK 四川擔擔麵- -好有花生香味, 有水準牛肉拉麵,--牛肉夠淋, 味清淡鱔糊炒拉麵--最好味, 夠香, 好味四川酸辣湯,--比較辣, 唔啱小朋友及老人家食宋嫂魚羹--芫茜蓋過魚味

嬲到忍唔到上黎寫食評 第一次係呢間午餐 過程體驗非常差 食物質素已普普通通 而員工服務態度亦「非常之好」 惡言相向 責罵食客 連大家x 譚x 姐姐都比佢更好服務態度 飲食大把選擇 以後都五會再幫襯

去翡翠拉麵唔一定食擔擔麵, 比較喜歡佢嘅午市套餐有湯, 前菜, 小食再加主食都係講緊$98, 朋友點咗拉麵套餐就$88我揀咗湯, 個人覺得湯鹹咗少少但係足湯料小食叫咗矮瓜同手拍青瓜, 矮瓜唔錯仲可以見到紫色部分, 醬汁加上矮瓜一口咬入去好豐富, 滿足前菜叫咗紅油抄手同春捲, 春捲炸得脆身又唔會太燶我點嘅宮保雞丁, 腰果多過雞, 有啲失望朋友嘅擔擔麵有啲辣, 麵身有咬口最後我哋都係食唔哂, 因為個套餐真係好豐富。

今日去九龍灣買傢俬路經德福廣埸見到好耐冇食嘅翡翠拉麵小籠包😍心思思入去擦餐飽🤣必叫嘅小籠包依然皮薄餡靚😍黎到熱辣辣即刻想咬啖但要記得小心佢入面嘅熱湯淺晒出嚟😉跟住叫咗佢哋嘅清炒河蝦仁🦐好爽再加埋醋食我停唔到口🙊反而涼拌海蜇略為失色因為真係好淡味淨係加咗啲麻油咁可以不叫！至於雞絲粉皮係好味嘅粉皮入味煙韌但係都真係好細碟 😌之後我比較欣賞燒椒小皮蛋🙌🏻皮蛋好細粒係鵪鶉蛋黎中間有豆腐及小小紅椒青椒粒配麻椒醬汁又係一個醒胃嘅涼拌小食😋最後梗係要食碗擔擔麵🍜碗麵鋪滿芝麻芝麻味重麵質彈牙份量足夠兩個人食😬

星期日想食點心既 但茶樓多數都要排隊 加上二人限聚今次試左平時冇食既蘿蔔絲酥同上海粗抄果然冇令人失望 平時食開辣野環境比起酒樓 當然坐得舒服啦 今次仲坐卡位 舒服d食物 特別係小籠包 真係好好味 多汁 鮮味 但今次仲試左蘿蔔絲酥 咬落去真係勁熱 可以細啖少少咬完 攤涼少少先食雲吞麵：食落清清地 但加埋沖 味道岩岩好 最近想健康少少食清淡d既可以試下 又多雲吞上海粗炒：口感唔錯 味道都幾好 但少左鑊氣 甘比較出面覺得健康d d菇絲係用大菇 食落都幾好口感 今次既體驗係🌟🌟🌟🌟🌟服務都好好 有禮貌 👍🏻

翡翠拉麵小籠包平時都有同屋企人食開，水準都算穩定。嚟到大閘蟹嘅季節想試吓新菜式應下節🤩《蟹粉拌毛細麵》❤️❤️❤️❤️拌麵上枱嘅時候連埋碗湯，食落冇咁乾身。蟹粉分量唔算多但係好香蟹味，連埋一絲絲蟹肉，入口麵已經好滿足。可惜當日下午去食只係試咗呢款蟹粉菜式，果然冇令我失望

翡翠拉麵喺德福商場已經好多年歷史，亦都搬過幾次舖位。我幾喜歡它現在這個店舖裝修風格，同朋友食飯坐得幾舒服。翡翠拉麵我自己一定會嗌的係酸辣湯拉麵，呢度的酸辣湯拉麵非常之多料，味道亦都做得夠正宗，夠濃。不過今次食覺得得辣咗好多，廚師加辣應該重手咗要留意下。翡翠拉麵最特別之處係麵底可以揀唔同嘅麵，而我就發現咗三角麵好好食，因為條麵係三角狀的關係，沾到嘅面汁會更加多，食落比起普通的麵都更有咬感。另外嗌咗一個炒飯，原本冇咩期待，但係竟然覺得幾好食，有陣陣嘅蝦醬味而且飯粒分明，炒得夠乾身。來到翡翠拉麵當然要嗌小籠包，小籠包都做得唔錯，皮薄多汁。見到推介做緊燉湯二十幾蚊，試咗一個，足料又抵飲。

是日家裡只有我一人，便不打算煮製晚餐了，我相約了同樣居住附近的好友一家三口用膳，我們照舊選擇來到一向光顧開的老地方，皆因餐廳與大家住家相近，而且菜式老少咸宜。蟹肉瑤柱小籠包小籠包一籠四件，頂部放有瑤柱絲作點綴，入口外層軟糯柔韌，內餡湯汁佈滿口腔，配料豐富飽滿，豬肉、蟹肉、瑤柱的配搭鮮味十足，味道濃郁香嫩。雪菜蝦仁炒飯炒飯入口鑊氣十足，飯粒炒得乾身，粒粒分明，配菜用上雪菜、蝦仁、雞蛋，增加口感同時炒飯更惹味可口，唯獨蝦仁數量過少，有待改善。山東手抓餅山東手抓餅色澤金黃，煎得層次分明，入口鬆軟可口，味道酥脆鹹香，油分控制得恰到好處，整體香而不膩。合掌瓜紅腰豆煲豬骨湯使用上合掌瓜、紅腰豆、蜜棗、南杏、豬肉煲製的豬骨湯，味道清甜滋潤，鮮味十足，且更具有清涼潤肺、美顏潤膚等功效。涼拌海蜇涼拌海蜇營養豐富，膠原蛋白充足，是清新開胃的冷盤小食，夏日享用最適合不過。海蜇入口清新鮮美，口感略帶嚼勁，爽脆彈牙，味道帶有鹹香。菜肉雲吞湯拉麵餐廳的麵底是可以自選的，我挑選了三角麵，麵條煮製時間過長，口感過於軟腍，雞湯湯底亦沒有了原有的雞香鮮味，入口過於清淡，菜肉雲吞則保持水準，口感皮薄餡足，香嫩鮮美。養顏豆漿

平時都食開，覺得幾唔錯既。過下口癮既酸菜魚，雖然矩用既唔係咩靚魚但係個味道尚可接受 餸得下飯👏🏻涼拌茄子好多地方都有，但整體既外形，不論口感、外形都做得比好多食肆出色。兩杯新飲品（優惠：$42 2杯）幾好飲，唔難飲既 但我中意可能比較多。水煮牛拉麵都唔有7分既。小籠包有8分。環境舒服闊落👍🏼👍🏼

琴日想食中式野，入左呢間翡翠拉麵小籠包，本身都無咩期望，預期水準穩穩定定都係個d野叫左呢個午餐set, 要先讚下個雞絲粉皮，涼拌，呢個時候食相當唔錯，花生醬撈埋幾好但係個擔擔麵真係一般，我唔知是否正宗，完全無肉碎😂😂😂都真係幾清淡，全程食麵～～～～～～～再加左15蚊食個介蘭我都知現在百物騰貴，連加一茶位成120蚊都幾貴，食物都唔算特別出色，我都好好奇佢點樣做到咁耐，仲好似拎過獎？？！！😂😂😂

再對上一次光顧已是1-2年前 印象中呢間水平普通一般，今日同朋友即興約會 見假日中午繁忙時段四處餐廳都要排隊等候 於是就唯有再次光顧翡翠廢使免等一輪。對該店最有印象就是佢杯玄米茶，令人感dum本高檔，但一坐低侍應卻遞上一杯屋邨樓下酒樓既普洱茶，當下感覺已即大打折扣 。隨後追問下點解唔係之前一直所提供既玄米茶？原來已一早取消，若要飲就需額外比錢落單。食物方面，其中既擔擔面 湯一昧只有咸 冇花生醬味 面就太淋；水煮魚及小籠包就普普通通；只有個冬瓜瑤柱顯汁ok。但相比起之前更失水準。總括而言，經今次後更沒興趣光顧，水平下降，但價錢就照舊，完全貨次價高，食物質素及感覺比不上該店既裝潢同地段。