翠豪園餐廳

營業中

休息中

間中會到此店食早餐，食物水準還可以。估唔到今次食晚餐便出事。首先，星期六晚七點三十分到，入店內只得幾檯客人用膳，已估這裡晚餐麻麻，因這間餐廳面積挺大，有幾十張檯，现在只有幾檯客實在差別很大。坐低點餐，便點了海南雞飯，一碗例湯一杯凍檸茶，就要62元，價錢略貴。而海南雞飯沒有雞味，而且肉質感太（鞋）口，味道淡口。飯雖熱辣辣但沒有油香味，而配菜之白菜凍冰冰的，較為馬虎之作。慶幸這店服務员招呼好，這是唯一安慰。

工作繁忙，三時才有時間午膳，在公司附近隨意搵間，甚少幫襯呢間翠豪園，但為左唔行咁遠，即管試試，入到去得四五檯客，工廠區算少人，本想食牛腩河，但睇過價錢唔抵，都係揀下午茶餐下午茶餐選擇都算多，有公仔麵，三文治，沙律可選擇，當午餐食，都係揀個炒粉麵，貪佢夠飽肚點了個豉油皇炒麵，一上檯已覺份量算少，現下午茶餐都預左，一吃麵質頗硬，明顯炒得未夠火候，味道亦很淡，無鑊氣之餘豉油味又唔夠，差奶茶就不算太差，普通水平埋單$39；唔會再幫襯

臨返工前有多時間，緊係要食返一個早餐上一上力。而今次就叫左個沙嗲牛麵，腸仔炒蛋配多士，加多杯熱菜蜜多士:牛油雖然查唔均勻，但多士係新鮮熱騰騰既腸仔炒蛋：腸仔正常，炒蛋足料，而且係有蛋漿既炒蛋，本人喜愛沙嗲牛麵：簡簡單單既麵，牛肉就本身醃製好加沙嗲醬，個面普通份量，只係個碗大熱菜蜜：送過黎係均勻既，而且無水喉水味食完就有力翻工啦，不過價格$31係平係價就見人見智，多士係要加$1

一到lunch time,又要諗食咩。。。諗唔到有咩想食，所以就行去茶記食算。茶記勝在有不同嘅餐俾你選擇。裝元修就發現加哂假😞一坐低好快就落order。因為想食碗撈面。以前呢度嘅牛腩係清湯腩，都幾好食。但唔知幾時開始就轉左普通嘅牛腩。食過一次，發現唔好食。。。好硬。。。今次叫左個44蚊嘅撈面餐。一碟水餃撈面，一碟油菜，一杯餐飲。裝修後就加哂價了。。。不過其實向呢區都唔算係貴碟面其實都幾唔好好食😐水餃嘅料又少。。。跟撈面個湯，又不是用大地魚黎整。但由於放lunch都係食飽個肚就算，所以呢碟野都可以起到作用。因份量都幾多之。重量不重質嘅人最啱。。。碟菜俾我食左幾條先記得影。。。無特別，就係一碟未煮得林嘅菜心。。。下次唔會再食撈面。。。

又在一次來到荔枝角，這次是陪同事前來辦事，適逢午餐時間，理所當然的，也就就地找間餐廳解決。餐廳名字是翠豪園，店內相當擴大，只是略顯得有點殘舊。XO醬肥牛炒公仔麵，一看外表已做好最壞的打算，一試之下的確讓人極之失望，公仔麵過軟，粘綿的口感吃得好牽強，肥牛更是失敗之作，乾硬難嚼，沒有丁點牛肉味，反倒油花味極濃。此餐廳也順理成章的成為了可一不可再的名單上一員，很抱歉，只此一次已足夠矣

經過茘枝角角 約了以前做服裝的舊同事食午餐 叫了個是日午餐咕嚕班腩飯 甫上碟食在口中已大叫不妙 甜酸醬汁味道祇有酸 最後還要加了點桌上的醬油才勉強中和一下 班腩其實是炸魚柳 可惜魚肉本身切得較薄 在油鑊內炸稍失控制魚肉就顯得很乾 碟中好幾塊都出現了這個問題 整體感覺強差人意

係客戶荔枝角辦公室嘅DAY 2覓食，尋日食咗一間非常出色嘅咖喱牛排骨，今日真正體驗到天堂與地獄嘅分別。今日去左長沙灣廣場地下轉角位嘅翠豪園茶餐廳，見佢哋門口寫住馳名咖喱牛腩，就入去試試。今日佢哋午餐MENU有咖喱薯仔滑雞，就試呢個，午餐配個羅宋湯。羅宋湯感覺似中式番茄紅蘿蔔湯，淡淡冇咩味，最似樣就係個顏色，唔似羅宋湯應有嘅味道。咖喱薯仔滑雞，咖喱偏黃，椰漿落得太多，比例失恆，冇辣味，冇咖喱應有嘅香濃味道，每一啖都好似食椰漿撈飯，同尋日相比真係差得太遠喇，雞肉係用雞脾位，雖然係滑但係淡而冇味。失望嘅一餐，希望聽日可以搵到其他好食店啦。希望在明天嘛！

第一次也是最後一次。今年目標是惜食，所以點前考慮清楚，點了的食物都不會浪費。 但這個藕餅真的很難完成。一咬下去，已聞到雪藏已久的氣味，很倒胃。而且很咸，明顯籍此粉飾食材的缺陷。另外三粒魚蛋勉強可以。 這個魚麵算是正常，但也不能撥入好食之列。這餐浪費了時間和錢，更甚是浪費了胃的配額！！

因工作關係，一星期五日都係荔枝角食飯，有時諗唔到食咩好都會跟同事出去，佢地話去翠豪苑，講真餐牌真不吸引到我，價錢也感覺小貴，我叫左火腿併豬扒配薯菜，薯條係新鮮脆卜卜，不錯，豬扒偏薄肉質結實，火腿扒不太好食，奇怪的雜果汁及配菜的炒白菜仔，令成件事好唔夾，但一餐半餐ok 吧，唔洗點等位，食完仲可以吹下水，唔洗困響公司已經不錯。

叫左lunch set $42西冷牛扒配飯跟紅湯賣相豐富, 牛扒很 UN特大醬爆麻辣丸魚面餐(走面)$39因為太飽所以無要面...total 有3粒丸. 不過話係麻辣...都唔spicy 既...湯底都ok la....本身對茶餐廳無咩要求...粒丸都ok"特"大既...

一生首個open rice 嘅食評竟然係寫比翠豪園…話說今日下午茶時間好鬼肚餓，於是就order左4個蛋撻，一杯奶茶同埋一個波蘿油。個波蘿油唔係太多油，都叫做可以接受，但係個奶茶明明叫左走冰，但係飲完之後發現成口冰…真係無奈😓𣎴過最後蛋撻仔挽救左我，真係嘅蘇皮嘅蛋撻！😃P.S.D蛋撻下午四點出爐，記住早d叫啦!😁

我未試過食午餐食到咁火話說做做下野去到見到呢間餐廳見佢裝飾幾靚仔下...就入去食過午餐啦....a-d餐 我選擇左c餐南瓜蒸排骨飯....忌廉湯 加杯凍奶茶等左3分鐘 黎左個湯先...個湯仲要擺係門口搵d野遮掩住呢頭落完單~ d阿姐入完單 果頭就係隔離拎餐具既位置拎碗湯比我阿姐諗住即刻走開...我即刻叫停佢...摸到碗野跟本就凍既...我叫阿姐換個碗態度好差...唔想換...結果死死地去換個碗一換就冇回頭...等多5分鐘 食物到喇...我真係好嬲.....南瓜三舊 排骨四舊 一碟白飯 一杯凍奶茶咁既組合...37蚊...仲有碗未黎既湯 .... 要吹兩吹 先記得比我好...我冇問題 你好食既我比得都會勉強開心南瓜好淡..可以講冇味排骨...真係好多骨...肉可以話冇乜我都算數~ 希望有d汁撈下飯算結果成碟野冇汁之餘 仲要冇啖好食我食剩4份3碟飯 投降....我未試過有餐廳咁差我嬲到即刻映底相 擺上fb 通知所有朋友即晚開openrich 通知各位會員!!到我試埋碗湯...厲害...忌廉湯真係忌廉湯味道 好淡 ...碗湯仲要乜都冇!! 37蚊食呢d野...我好後悔去m記我覺得 仲飽肚 仲

上完課到附近的翠豪園吃飯這裡地方大,但好嘈雜服務好慢,雖然多人要招呼,但都不致於等咁耐,係咁吹都要等左成半小時38$ 牛腩+炸醬撈麵價錢唔合理,貴不特止,野食又唔OK其實個麵的賣相就ok既,可惜真係好難食麵的醬汁好少之外,麵的份量都好少,而且好乾,麵的味道好苦,好難入口,又冇彈牙的感覺牛腩就一般般,不係特別難食牛腩的size就大件,不過有少少韌,味道都唔錯的

其實上星期好早都黎過哩度買蛋撻同叉燒酥俾一個好難得黎到香港既外遊人仕食... 原來當日個外遊人仕返老家~ 仲帶左D返家鄉俾屋企人食... 佢地對蛋撻同叉燒酥既評價極高~ 聽完自己心郁郁真係要試下啦^^ 剛巧有D事突然要落街食飯~ 由於天氣太熱又唔想行得太遠... 所以近近地咁黎左哩度食~一點半行入去... 有個男仕已經企係對正門既位置問幾多位~ 估唔到兩位都會俾卡位我地坐... 睇緊食咩既時候~ 無任何催促落單既情況... 到落單~ 由於我唔鍾意食飯... 見到有個餐係芝士焗龍脷柳飯~ 我就同阿姐講"芝士焗龍脷柳意粉"... 點知阿姐望一望好醒咁話"唔好意思呀~ 哩個餐佢set左係跟飯~ 如果你想食意粉不如叫另一樣啦... 唔好意思呀" 阿姐態度客氣有禮... 好~ 咁就轉食蒜蓉雞扒意粉... 由於怕唔俾刀又要我用隻叉叉住塊雞扒~ 又要用口咬塊雞扒之餘D蒜蓉搞到我塊面~ 就同阿姐講雞扒可唔可以碎上... 阿姐依然好有禮貌咁答"不如俾把刀你自己切啦~ 唔好意思呀... 午膳時間比較忙~ 多謝你體諒" 見阿姐咁有禮貌~ 我都無所謂 至於同行朋友就食左紅酒膾牛脷飯~蒜蓉雞扒意粉($33):

上完課到附近的翠豪園吃令我失望貴不特止，野食又唔OK吃到我掃興，撈麵好差，ｄ麵有點苦，食完又唔夠飽，重要是很久先到等左有半個鐘，食到一肚火所以下次打死都唔會再來！！！