翠豐冰廳

營業中

休息中

上次去開牛頭角呢頭開會，同同事食lunch叫過沙姜雞飯覺得好好味，因為茶餐廳多數最多有海南雞，唔係好多間有砂礓雞，而且呢間嘢沙薑雞做得非常出色，啲雞好滑夠入味，額外配砂礓醬，撈埋飯一齊食，超級好味，今次同小朋友喺觀塘食完飯之後因為太飽，散步行行下見返呢間茶餐廳，即刻外賣半隻返屋企做晚餐，味道keep到依然咁好，真係好滑好好味。另外仲叫多咗碟中式牛柳，唔知係咪因為牛肉價錢越嚟越貴，茶餐廳已經好少有中式牛柳，返到屋企見到盒中式牛柳份量唔算好多，不過出奇地非常好味，酸酸甜甜，而且牛肉非常淋，小朋友直頭爭住食，因為佢將牛肉切得比較博新，原來呀份量都足夠，重點真係好味同埋好開胃，小朋友超級鍾意，所以下次去開做嘢，我都會好似今次咁，買外賣比佢哋食。

位於牛頭角的港式茶餐廳，主要是港式麵飯、潮州湯麵、鐵板扒餐、晚飯小炒等，選擇多元化。冰室有別於一般茶餐廳，這間環境優雅，裝潢別緻，企理整潔，座位也很寬闊，採用手機二維碼下單，方便又準確。特色酸辣米線：我是魚皇酸辣米線顧名思義，魚皇即時全部都是魚的材料，有魚蛋、魚皮餃及魚腐，加額外錢的話，可以升級成為魚麵。這碗米線麵條有點腍，白魚蛋彈牙；魚皮餃皮薄，餡料煙韌；魚腐有層次。湯底是魚湯，本身已經加酸，辣度也不高，酸酸辣辣，很開胃。加配小食：麻辣手撕雞看上去辣度不高，但是麻辣醬汁很入味，雞肉大大條，啖啖肉絲，很有口感。秘製靚雞：客家沙薑雞套餐套餐跟配白飯、老火湯。老火湯，湯料足，住家湯水的味道。雞肉白滑，嫩口，蘸點沙薑汁，味道更惹味，很下飯。飯大大碗，粒粒分明。

新一年要對自己好啲，今日約左朋友去觀塘睇水晶手鍊，經過呢間冰廳順便買外賣返屋企食，估唔到又幾高質喎😉🌟精選晚餐: 翠豐無骨海南雞 ($78)▫️雪糕椰汁紅豆冰 (跟餐+$10)今日既精選晚餐有我最愛既海南雞一定要叫啦，無骨海南雞啖啖肉又嫩滑，配埋油飯好香，套餐仲有老火靚湯、飲品同甜品，我就加錢升級試埋佢地既雪糕紅豆冰，大滿足呀😍🌟金沙蝦球 ($88)晚市除左有幾款精選晚餐之外，一定要試埋佢地既特色小炒，我揀左個金沙蝦球，一打開蓋就聞到香噴噴🥰🥰🥰，超夠鑊氣，蝦肉好入味又夠彈牙，推介😌🌟孜然芝麻雞中翼 ($24/3隻)唔夠喉一於叫埋個小食先，佢地既芝麻雞翼都好出色，外脆內軟既口感無得輸😆👏🏻

上次已經同老公食過翠豐, 覺得都幾好, 今晚剛巧經過, 又再試下其他野先. 老公繼續食鐵板燒, 今次叫左西冷牛扒五成熟配黑椒汁 ($118), 加多$10就可以升級做套餐, 有丹麥多士, 餐湯同埋餐飲, 好抵食. 丹麥多士值得一讚, 好鬆脆, 薯角熱辣辣, 個皮夠脆. 個西冷扒好大件, 肉質夠juicy, 有口感. 羅宋湯依然保持水準,錯再加多杯熱西洋菜蜜, 甜甜地平衡番D濃味. 成個餐好食又抵食, 值得推薦!我就叫左黑松露蝦球炒蛋 ($78), 個炒蛋真係好滑, 配以淡淡的黑松露味, 味道剛剛好. 蝦球好爽口新鮮, 廚師係蝦背切一刀開邊, 挑出蝦腸, 好衛生, 預備食材夠誠意。 茶餐廳的服務員都好有禮貌, 值得一讚. 下次經過會再幫襯.

九龍灣越來越多高級商廈，相應下進注左好多有質素既餐廳✨，上星期放工去左「翠豐冰廳」外賣晚餐🥣，餐廳裝修精𡟹簡約，而食品選擇多元化🍱，質素亦非常高。乾炒牛河🐮 $60最能夠睇得出餐廳廚師功力一定係乾炒牛河，炒河粉色澤均勻，油份剛好👍🏻，唔會過份油膩，而且每條河粉上色均匀，味道帶點微甜，十分惹味，牛肉夠多有咬口，絕不能錯過。美式菠蘿🍍焗豬扒飯🐷 $65大大盒焗豬扒飯，原個錫紙盒上，返到屋企都保持熱度✨，豬扒夠厚又夠冧，表面滿滿既番茄🍅菠蘿🍍芝士，層次豐富，非常好味😋。無骨海南雞套餐 🐔 $78當日晚餐D餐海南雞飯非常好味又抵食，無骨海南雞啖啖肉，又嫩又滑👍🏻，油飯十分香，套餐仲包括餐湯、飲品🥤、油菜，仲有雪糕甜品🍮，真正大滿足。

翠豐冰廳個人認為茶餐廳最緊要係速度同態度，上星期六做完瑜伽，又比我喺午頭角搵到呢間服務好又幾好味嘅茶記😀行過就會比佢門面吸引，光猛整潔。入到餐廳即刻會有人招呼，應該係新裝修，枱與枱之間唔會太迫，卡位之間更有磨砂玻璃，增加私隱度。餐牌選擇種類多：飯麵、焗飯、加喱、海南雞、鑊氣小炒、鐵板、牛腩等等⋯⋯❤︎•-----•❤︎ •-----•❤︎ •-----•❤︎ •-----•❤︎🐮 乾炒牛肉河鑊氣十足嘅牛河，牛肉片、牙芽、蔥同河粉都好均勻。仲灑上香脆芝麻喺面，好味道👍🏻 忍唔住食曬成碟亦唔會太油膩🐮牛三寶飯（牛筋、牛腩、金錢肚）呢款牛牛飯餐好入味，夠軟淋，配埋羅白+ 紫菜湯，好豐富。 仲可以加$12 配不同小食，我哋就揀左炸雲吞 同腐乳通菜😀☕️鴦走 鴦走用左高身膠杯，比平時大杯，反而令煉奶甜度剛好👍🏻 🍋 凍檸茶茶底夠濃，甜度適中😉❤︎ •-----•❤︎ •-----•❤︎ •-----• ❤︎ •-----• ☕️ 翠豐冰廳📍 牛頭角偉業街91號地舖☎️ 2117 3523•••#kokonafoodie #hongkongfoodie #hkfoodie #hkfood #hkfoodlover #

牛頭角晚上真係唔知有咩可以食，行行下見到一間燈火通明既餐廳，而且門面都幾好，一於就食呢間，原來冰室已經改為電子落單，好方便紐西蘭西冷牛扒配薯菜，要左黑椒汁同七成熟，香酥丹麥多士，配羅宋湯，牛扒剛剛好七成熟，好粉嫩，而且算厚身，薯菜係薯角，岩哂我無骨海南雞套餐，雞肉好嫩滑，無骨啖啖肉好正，旁邊仲有酸蘿蔔，油飯好大碗，有用黃姜粉煮，所以偏黃色，老火湯都好夠火喉茶餐廳梗係飲奶茶，仲有好耐冇飲過既利賓納整體黎講質素都幾高，環境都好舒服，食物又唔錯，可以再去

經過附近俾個店面吸引，望落好光鮮吸睛！入去原來環境都幾大，又乾淨企理，等候期間望到員工做清潔都算幾仔細，值得一讚！雖然普通茶餐廳格局，但係啲員工服務不錯，好有人情味既感覺，同好有禮貌。食物上，個menu好有驚喜！估佢唔到有好多選擇！粉麵、中式、西式、焗飯、咖哩、麻辣嘢...包羅萬有呀！勁方便，唔使煩周圍走去搵食乜，一間搞掂曬！泰式脆皮豬手$108會跟泰式醬，可以加15蚊升級配白飯餐湯及熱飲。好大份，大份到外賣盒個蓋係蓋唔到實，要用橡筋箍住😂豬手皮脆卜卜，豬手肉質嫩滑juicy，唔會好肥膩，不錯喎！有驚喜！和風豬扒炒烏冬$62送餐湯/熱飲其他茶餐廳，有時啲肉得嗰一兩嚿。但佢呢度都算唔錯，啲肉同配料都算多，烏冬炒得好入味，鑊氣感十足！口痕嗌多個西多，西多都係水準之上！

喺附近返工，有時夜晚OT到七點幾八點肚餓食個快飯再繼續做嘢，成條街真係冇咩食🥹好彩有呢間茶餐廳，咩都有得食！仲要好新淨，坐得超舒服😌夜晚食小菜啦，叫咗一個蜜椒薯仔牛柳粒$78😳好大碟！！薯仔大大粒，唔係講笑😂🥔牛肉嘅份量都多，沾滿蜜糖汁，炒得香口😍面頭仲要有啲芝麻添👍🏻另一個叫左台式三杯雞煲$78，一上枱熱辣辣🔥雞肉都幾滑，識落有麻油味，勁香，用嚟送飯一流🐥小菜加$15有飯、餐湯、飲品，抵食過出去買杯嘢飲啦。餐湯仲有中湯同紅湯，我就揀咗紅湯，即係羅宋湯，有粒粒紅蘿蔔同蕃茄。除咗小菜，仲有粉面、鐵板餐、焗飯等等，對我哋呢啲打工仔，簡直係恩物😚 點都抵食過附近嘅西餐😝📍#翠豐冰廳 (#牛頭角美食 #觀塘美食)牛頭角偉業街91號地舖

位於牛頭角海傍工商區嘅翠豐冰廳，係嗰區少數開晚市嘅餐廳！翠豐地方企理，整潔明亮，價錢唔貴，係打工仔女OT嘅恩物！無骨海南雞飯套餐 $70無骨海南雞食喺上嚟好方便又啖啖肉，雞件份量多，又夠滑！油飯香口，滋味十足！翠豐小炒王 $83有齊蝦乾、蝦米、魷魚乾、鮮魷等咸鮮食材，亦有菜脯、腰果、菇菌等增添口感，加埋調量嘅辣椒同埋薑片增香，鑊氣十足，撈飯一流！例湯超足料嘅例湯，內含菜乾、紅蘿蔔、豬骨等，十分美味！餐飲熱奶茶紅豆冰 ＋$10

觀塘牛頭角區一向都係工廈集中地，正因如此，造就唔少平民良品係呢個區域🏢今日就黎到呢到附近，結果見到間裝飾都幾新淨既冰室，一於幫大家try try😎😛。🐒全日特餐💰$50👉🏻老薑豬潤米粉👉🏻火腿奄列+香酥丹麥多士平時一過左早餐時間，想食個set breakfast既話都只係得最大路既火腿通揀🐷但呢到既全日特餐竟然連豬潤米粉都有😍唔一定早鳥先有得食，對我呢啲永遠見唔到早餐餐牌既人好Friendly👩🏻‍❤️‍👩🏻多士方面仲係配丹麥多士🥐食落好酥脆，都見到火腿奄列份量係occupied左半隻碟🍳。🐒美式菠蘿焗豬扒飯💰$65👉🏻凍咸檸7平時焗豬扒飯成日都要等好耐，但呢到上菜速度都好多，焗豬都夠哂火喉🔥店舖用Qr code落單，所以係order時有得揀多汁😍勁sweet，所以食到尾啲飯都唔會好乾🍋已經唔多地方有咸檸7飲，係到見到就緊係要嗌埋啦，係懷念既感覺呀🤱🏻。🐒蠔油菜心💰$20

《企理用心茶記😚》———————————————-#翠豐冰廳 ☕️-行完觀塘海濱公園，走到近牛頭角、九龍灣寫字樓附近，發現呢間港式冰廳，環境光猛企理，食物選擇亦都好多元⭐️-🐽 泰式脆皮豬手皮脆肉嫩，帶少少肥膏，但又一啲都唔油膩，啖啖肉，最適合食肉獸一族，跟埋個飯咁食好啱男仕們食😚 調味好正，再配埋泰式風味醬汁，十分開胃😉-🐔 翠豐無骨海南雞餐無骨海南雞口感嫩滑，外皮爽彈，鮮味十足，而油飯亦飯粒分明🤤 呢個精選晚餐就已經包咗餐湯、熱飲、油菜同本地品牌cocoberry雪糕做甜品，十分抵食🥰 餐湯可以揀老火靚湯或羅宋湯，我哋就揀咗羅漢果西洋菜紅蘿蔔湯，好有煮家feel無咩味精，味道鮮甜😚-⭐️價錢參考：泰式脆皮豬手：$123翠豐無骨海南雞餐：$78🍌抵deal 指數：7/10💰 人均消費：$100

琴日去開觀塘海濱，順便接阿妹收工，係佢公司附近搵咗間茶記醫肚，餐廳食物種類包括鑊氣小炒、川菜、潮州粉麵、蒸飯、煲仔飯、焗飯、泡飯、鐵板餐等。環境乾淨企理，拍得住西餐廳，座位寬敞舒適，仲幾多卡位，茶記黎講食物水準都幾出色餐廳採用自助QR code落單，幾方便，唔怕職員落錯單/漏單👍🏼⭐️蜜椒薯仔牛柳粒招牌菜之一，薯仔焦香脆邊好有鑊氣，牛柳粒肉厚而鮮嫩，點埋個蜜糖黑椒醬汁，送飯一流！⭐️泰式脆皮豬手招牌菜，睇見隔籬枱食就流晒口水叫埋一份；餐廳好細心，已經預先幫我地起咗骨，佢塊皮咬落好似食緊泰式豬肉紙咁，一樣咁脆卜卜；裏面嘅肉質就好幼嫩，口感滿滿膠質，配上泰式辣醬一同享用，風味十足！小菜另加$15就跟埋白飯、湯、飲品🥣羅宋湯茄味香濃，份量大方，而且入邊嘅料都好足☕️熱杏霜呢幾日天氣咁凍，飲番杯熱飲你話幾舒服，除咗咖啡/茶，連杏霜都唔使加錢，仲可以按個人喜好選擇多奶或少奶，熱飲來講仲幾大杯添📍翠豐冰廳 (牛頭角)牛頭角偉業街91號地舖

經開牛頭角見到呢間茶餐廳都好企理，其實茶餐廳都係香港飲食傳統文化，當然要入去試吓啦。天氣咁凍梗係要食啲酸酸辣辣嘅嘢咁樣先至開胃又保暖😆😆😆我是魚皇酸辣米線🍜非常細心外賣將米線同湯係分開，見米線裏邊仲加咗少少好似XO醬咁嘅嘢，令到個鮮味更加出。魚蛋彈牙，魚腐軟林魚鮮味重，魚皮餃皮薄餡靚又煙韌。魚湯酸辣度啱啱好👍🏻蘇格蘭肉眼扒份量十足可以加錢升做套餐會有湯，意粉，同埋凍飲。外賣包裝得好好。

牛頭角翠豐冰廳佔唔到茶冰廳都裝修到咁靚，環境乾淨衛生菜色選擇豐富，由牛腩魚粉麵，酸辣米線，到中式小炒粉麵隻，鑊氣小炒，到西式扒餐鐵板飯都有得選擇人多同同事一齊去唔怕揀唔啱食。-翠豐無骨海南雞飯配油飯及油菜配老火例湯奉送雲呢拿味雪糕晚餐海南雞飯配菜配例湯仲有雪糕，開心子海南雞已經去埋骨，懶人最啱雞都咸香唔肥，配油飯都好食。-紐西蘭西冷牛扒配薯角（蒜蓉汁）鐵板叫餐都會跟羅宋湯香酥丹麥多士及飲品-上檯時吱吱聲，燒得勁熱咬落去都幾淋下，最開心係配勁多薯角，炸得外脆內軟。