翠苑甜品專家 (波斯富街)

營業中

休息中

翠苑係老字號糖水鋪 開咗好多年 如果一想食中式糖水就諗起呢間舖頭 銅鑼灣同埋北角分店我都食過好幾次 唔會令人失望🥰情人節嘅夜晚冇啲甜品都唔算圓滿 夜媽媽揀外賣見仲有呢一間揀 就選擇咗佢😚⚫️⚪️芝麻糊燉鮮奶加湯丸$26嗰日嘅晏晝其實先食完芝麻糊豆腐花😂😂夜晚再嚟多碗芝麻糊燉鮮奶再加芝麻湯丸🍡😅😅係另外一款黑與白配搭😎芝麻味香濃 係一打開個蓋已經聞到芝麻嘅香味 燉奶幼滑 湯圓入面芝麻爆哂餡😍😍成碗份量適中 食完感覺好完滿😍🥚腐竹白果雞蛋糖水 $20腐竹同白果嘅份量都非常之足夠 但係覺得碗糖水就稀咗少少 亦因為煲得較稀 所以味道較淡😅相比之下 芝麻糊燉鮮奶完勝🥳

經過銅鑼灣見到有傳統平民甜品就入去試下☺️鋪面唔算大 環境都乾淨 呢度既甜品都唔過$30 好抵食 一個人叫2碗都得😝 ▫️大良燉鮮奶 $22天氣凍叫碗熱燉鮮奶 又暖胃又飽肚🤤鮮奶好重奶味 亦唔會太甜 好滑好香😋▫️合桃糊 $19健康補腎👍🏼口感柔滑細緻 合桃味可以再濃d 甜度剛好 略嫌整得有d稀 唔夠杰😣

第一次来这里吃糖水，原来他们有几家分店，全部都位于港岛区。晚饭后不少人跑到这里吃饭后甜品。由于客人太多，要在店外轮候。铺内装修很简单，店外有介绍他们的糖水，主要都是港式甜品，品种也不少，起码有三十款以上。餐牌贴在墙上，价钱都是比较实惠，平均都是20元左右，在铜锣湾这个人来人往闹市来说算是便宜。每逢周末和周日会有提供腰果露，可惜已经卖完。退而求其次就点了杏仁蛋白，上桌时已经闻到很香的杏仁味，又吃到一块块凝固的蛋白，很香很有口感。

最近肺炎嘅侵襲，令到大家少咗去社交場合，其實食嘢都係一個好好嘅社交活動，但係因為今次疫情嘅影響我自己都減少左外出嘅日子，不過喺呢度都想為自己為大家集氣加油一下，所以之後我都會繼續po番之前去過嘅餐廳舖頭，等大家睇咗當去咗呀嘛😘香港係一個多元化嘅城市，係食方面自然有好多唔同國家嘅菜進駐香港啦！但係香港嘅集體懷舊回憶就反而少之又少，作為一個香港人我覺得應該要介紹多啲本土嘅嘢食俾大家。小妹曾經喺東區返學，銅鑼灣就係一個必經嘅轉車點，所以喺呢度都充滿好多回憶㗎！而呢一間懷舊糖水舖亦都係以前同學仔介紹我去，早幾日去銅鑼灣嗰陣咁啱行街經過見到佢仲喺嗰度，就忍唔住一定要食下佢嘅傳統糖水！咁啱得咁橋嗰日係星期日，有佢哋喺假日先出嘅腰果糊，當然唔好錯過啦！雖然好耐冇去過，但係佢嘅裝修同以前讀書嗰陣一模一樣，而且價錢都冇因為過咗咁多年而貴左好多，我嗰個期間限定嘅糖水只係價值$19咋！我屋企人就叫左椰汁芋頭西米芋圓糖水試吓佢嘅芋圓好唔好食。腰果糊嘅味道同以前學生時代食嘅味道係一模一樣嘅！未食就已經聞到濃郁嘅堅果香味，食落去嘅口感十分之順滑濃稠，而且味道亦都唔會好甜，我個人十分之推薦啊！另外我都偷食左屋企人嘅

知道呢間野有係北角同筲箕灣，之前都有食開，一直覺得廿幾蚊一碗中式糖水又唔差都幾抵，所以都幾中意食。所以見到銅鑼灣有一間即刻去咗買，見到有芋丸就加左。自己最中意食係腐竹薏米芋丸。薏米夠大粒，腐竹係碎腐竹。芋丸同平時食開嗰啲芋圓唔一樣，除咗形狀，芋丸比較硬身，更加煙韌，彈牙；芋頭紫薯味都好突出，配合中式糖水都幾夾。同同區附近嘅鮮x仙比真係抵好多，中意食芋圓嘅朋友，budget又唔多，又想帶返屋企可以去試下。但啲姐姐服務有時有啲差

路過見到價錢完全唔貴，又好耐冇食中式糖水，就入左去喇。叫了熱綠豆沙加芋圓唔算甜，岩岩好，最怕中式糖水得個甜。都多料，臭草味唔算好濃，海帶切到好幼，綠豆都多，唔好太水或太杰加左5蚊要芋圓，都有10粒左右呀！好抵，不過就唔算好食，唔夠煙un以呢個價錢黎講，唔好講係銅鑼灣，係其他地區都真係好抵，仲要好食。下次又試下其他款式先

核桃露燉奶 $23，燉奶口感好綿滑🌞比豆腐花口感仲要軟，撈埋下面一樣咁smooth同綿滑嘅核桃露口感就好夾。最緊要大碗夾底食，而且熱辣辣♨️岩哂凍嘅環境食。桑寄生紅棗蛋茶 $21，桑寄生紅棗茶底紅棗味好出，食得出好足料❣️雞蛋係連同桑寄生一齊煲煮，所以面頭仲係啡色。微甜嘅茶都沾左上蛋白度，食起來好特別，雞蛋嘅口感都唔會鬆散。

同朋友食完飯經過見到呢間糖水舖冇咩人就入去試吓吹多陣水啦！見到有最新推介有芋丸食完熱氣野，就叫左碗涼涼地既綠豆沙芋圓下下火椰汁西米芋圓好靚，好有椰汁味唔錯仲有杏仁糊同合桃糊都唔錯

同朋友行完誠品，想食糖水，行下行下就見倒呢間"翠苑甜品專家"，都有幾多選擇，主要係中式糖水。朋友們叫左喳咋，燉鮮奶同腐竹湯丸，JoyJoy子就選擇左比較少見嘅腐竹薏米芋丸。都幾大碗，材料幾足，芋丸都有幾款，味道幾好~就是腐竹唔多唔夠濃，只是甜甜的，配芋丸唔算好夾，腐竹應該同蛋係最夾

午夜，寂靜銅鑼灣。連續數夜寄催淚彈釋放下，街上的店舖、銅鑼灣嘅食市早在一片示威浪潮中落閘關門。 唯遠處看到呢間糖水舖，依然燈火通明。 小舖在利舞台後面，依賴着光管照明，在這一片漆黑的波斯富街上額外明晚。進去時，客人只有兩位。看到桌上餐牌，我揀了芝麻糊燉鮮奶，來溫暖空間，緩和一下四周緊縮嘅政治氣氛。 芝麻嘅香氣與燉奶嘅幼滑合乎期望，黑與白分得那麼清那麼細。草草吃完，溫暖了我的胃，再者寂靜冷漠的晚上，我心得到了安慰。

今晚食完飯諗住買啲外賣糖水做宵夜，有熱有凍，正常都冷熱分開裝啦，但係亞姐仲要放埋一齊，凍嘅變唔凍，熱嘅變室溫，同個亞姐講，仲要話番你轉頭你之前無講喎，不嬲都係咁㗎啦，啲客無投訴過囉......！呢啲係正常嘅常識啦，駛唔駛要提呀？就算一下唔記得咗，個客同你講咗包番咪算囉，駛唔駛話番人亞枝亞助呀⋯⋯好嘞，叫你分開兩袋，整完一袋，唔整一袋，就去九唔搭八，問佢整好未就話番你要攞番隻羹嘛⋯⋯駛唔駛等你收鋪先攞外賣呀

呢日小弟同朋友食完飯諗住去食甜品，點知係附近搵黎搵到都搵唔到，最後決定放棄，轉食呢一間糖水舖～呢間中式糖水舖主打係傳統中式糖水，好少糖水舖可以集中只賣糖水。而且一落單基本上一分鐘內就上枱。腐竹雞蛋糖水唔會太甜，不過如果腐竹可以煮耐d杰d會更加好。鮮奶燉蛋白好香奶味之餘又唔會太甜！呢個推薦另一碗由於小弟無食所以就唔評論喇～～

數年前銅鑼灣曾經有呢間糖水， 後來結業， 終於近來開返！ 好掛住呢度嘅桑寄生蓮子茶，冬天來食無得彈開返後，試過兩次外賣，水準一如以往！正！但基本上就冇試過其他糖水， 因為兩次都係食同一款！ 粒粒蓮子好甜！糖水好香但又唔會過甜！ 題外話：呢度另一特色係姐姐好有性格的，第一次叫桑寄生蓮子茶（注意是沒有叫蛋）姐姐還是裝了，但付$時至知，其實裝左就算，但我都指正一下：其實我係無叫蛋嘅！亞姐即刻回應：吓！裝左喇喎！（即示意我唔好咁煩呢！）第二次，今次係我衰！ 係佢裝完之後，我望到個 menu 驚覺竟然加$5 有我至愛嘅芋丸，忍不住衝口而出問亞姐可否加芋丸亞姐又係回應句’吓？‘ 先！ 我要裝走 D 先加到，（即又示意我唔好咁煩啦！）跟住仲同另一位姐姐講：嘩！ 陣間又話加多樣，陣間又話加多樣，乜好唔掂另一位姐姐即刻打完場，咁呢度多謝你先啦！可能為我安全著想掛，知道另一亞姐要爆喇！示意我好離開喇雖然如此，但不要鬧我！我諗我還是會再來

今日路過翠苑，突然想食個燉奶。朋友話翠苑總店好出名，我地估分店應該都唔會差，決定入去試下。店舖地方唔大，大約六、七張檯，坐得幾舒服。呢個薑汁燉奶幾大碗，薑味正常，燉奶很滑。銅鑼灣糖水選擇唔少，呢間嘅味道未算好突出。但如果考慮埋性價比同坐得舒服，就非常值得推薦。

👉🏻腐竹薏米糖水➕芋圓💲22其實不嬲都中意食中式糖水 感覺甜得嚟比較養生啲冇咁heavy😹呢個我覺得一般🤔腐竹偏散 同埋好似多咗糖 有啲甜 芋圓唔除咗芋頭味分唔到其他味 但幾煙韌 不過佢啲薏味好食！同埋呢啲傳統中式甜品鋪買少見少喇 所以係銅鑼灣見到佢個下幾開心haha好耐冇食😋〰️〰️〰️〰️〰️〰️〰️〰️〰️〰️翠苑甜品專家 (銅鑼灣)📍銅鑼灣波斯富街83A號地舖🔗#7eating銅鑼灣#7eating北角#7eating灣仔#7eating筲箕灣#7eating甜品#7eating中式