影片
星期日我哋同行四個人，做完喜事諗住開開心心中午過去食晏！呢間嘢我哋唔係第一次過嚟幫襯，做嘅都係街坊生意，咁耐以來我哋都係食夜晚為主，今次係第一次食下午飯！我哋係C飛，C033⋯等咗大概半個鐘，我阿媽拎住張飛入去問佢點解你冇叫33反而叫咗34 ，我阿媽係好聲好氣好好態度去問嗰個職員，之後個女職員着西裝既再三強調佢有叫過33號飛，但係冇人應，我見到我阿媽喺度同佢擾攘咗一陣我就行過去問咩事，我阿媽同我講，我就詢問嗰個職員你叫完飛之後等幾奈先跳下一張？個女職員同我講頭先唔係佢叫嘅，佢都係啱啱接更，咁我話冇問題，你可以叫剛剛叫好嘅職員出嚟，佢就叫左個聲稱係「主任」既女人出嚟！嗰個女人一嚟就話佢有叫過33係我哋聽唔到，之後我哋就話如果兩個人聽唔到可能係嗰兩個人傾緊偈，但係我哋另外兩個後生都冇聽到，個人都冇聽到唔通四個個人都係有問題？ 仲要係你撳咗飛號你有冇叫多幾次又或者等人行過嚟？嗰個女人態度勁惡劣，堅稱係我哋問題佢係冇做錯嘅！我忍唔住爆粗喇….我話「無x野呀嘛？你口口聲聲話自己有叫過籌號，其實件事已經過咗去，你唔係應該諗吓點樣去解決件事嘅咩？而家係邊個錯邊個啱已經係無從稽考，有冇證據話你一定係有叫過籌號亦都有冇證據去證明我有冇聽錯或者我有冇聽漏？冇呀嘛……你作為前線你唔係應該去安撫個客話有籌號或者係有下一張枱會安排返俾我哋嗎？你而家竟然同個客對罵？」嗰個女人一聽口音就知道係大陸新移民，原本嗰個黑衫女人已經即刻安排我哋，我哋已經入咗去坐低，但係越諗條氣越唔順，我俾錢過嚟消費，今次餐飯點都有四位數字，如果諗住開開心心嘅一日點解我要喺度受氣食飯？食咗都背脊骨落啦⋯⋯仲要我係一個大肚婆，竟然同我係度對罵…. 雖然我都知呢間嘢係做街坊生意唔憂我哋呢啲生客，人哋有利是俾你，我哋冇自然當你哋地底泥！！唔怪之得家啲人返深圳消費，香港比呢啲新移民搞到七國咁亂…. 唔知大家有冇類似遭遇啦⋯⋯有嘅話可以一齊報東張，睇吓係唔係黑社會酒樓？！！
繼續閱讀
第一次留評論，因為實在太受氣，而且投訴無門。希望其他食客見到可作為警惕之用。星期日早上未夠11點，一行4人 (3大人+1BB)到訪翠湖海鮮酒家觀塘店飲茶。等待咗至少半個鐘先有位置入內坐低。而安排比我地嘅枱位置非常狹窄，本身推住BB車已經好難行到入去，勉強先入到去坐低。點知之後附近不停加枱及有其他客人坐低，周圍總共8張枱圍住我地張枱 (其中幾張更坐咗6人以上)，上菜嘅通道都完全無，侍應係完全行唔到入嚟我地張枱附近。落咗單後，等待咗至少15分鐘都未有食物，其後我哋要求加熱水亦一直未有人理會。幾翻催促之下，終於有職員嘗試幫助，但佢地根本行唔到入嚟我地張枱附近，而上菜嘅職員因為無辦法將餸菜送達我哋張枱，更寧願一直將我哋嘅食物放喺手推車上，先派其他枱都唔派到我地枱上。及後我地向傳菜職員反映，更被罵，話我地點解要坐張咁難行入去嘅枱.. 講真其實坐呢張枱係我地想嘅咩，有得揀都唔想咁樣比人圍住食嘢 😅最嬲嘅係，隔離枱兩位老人家，明明只有兩個人，但坐咗張四人枱，仲坐得好開。我地好聲好氣問佢哋可唔可以坐過少少讓返條通道出嚟比我地上菜，但係比佢哋指責返轉頭.. 重點係佢地睇落同職員好熟絡，應該係常客，一坐低幾個職員圍住佢哋張枱招呼佢哋逗利是，相反我地叫天不應叫地不聞。後來我問職員可否叫經理出嚟幫忙解決事件，因為真係上唔到菜。點知無人幫我揾經理之餘，亦無人願意幫忙解決及傳達訊息。後來見一位着西裝看似部長嘅女職員，我向佢表達想經理幫忙一下處理我地張枱上菜嘅問題，但此位職員反應激動問翻我: 咁幫你地調枱得唔得，我話可以，但想確保已經落單嘅食物可以按時上菜到新安排嘅枱上，如果可以咁我地調枱ok. 但一直未得到佢答覆，佢只係反覆問我可唔可以調枱，而且態度奇差又激動，懷疑精神有問題。後來幸得另一位職員幫助，先可以暫時清空到一條狹窄嘅通道，勉強比侍應上菜。第一次幫襯呢間酒樓，絕對唔會再有下一次 🤬我地係比緊正價光顧，但卻從坐低個下開始受到不公平待遇，呢個係我去其他任何地方食嘢，都從來未試過嘅惡劣經歷。最後埋單嘅時候有成功搵到酒樓經理，但佢只係安靜地聽咗我地嘅反映，但未知有否跟進行動。如果有此酒樓管理層睇到我呢個post，麻煩重新審視貴公司員工的工作情況及酒樓環境，希望日後可作改善。如果你係觀塘街坊，同我地一樣想假日開開心心同屋企人飲茶，可以唔使考慮呢一間。
繼續閱讀
平日2點下午茶 搭枱即入 唔搭枱要等半個中以上 有人走都係比搭枱既人 知客一句公司規定方枱先可以唔搭枱 問佢有幾多張方枱 竟然答人得3-4張 （成日茶樓咁大 係米即係唔比2人去飲茶）去咁多地方飲茶都未試過等到咁激氣
繼續閱讀
不是第一次幫襯， 然後介紹朋友來食 ， 怎知道她遇到了不好的經歷， 我說服她多給他們一次機會。 同朋友早上十點九嚟到， 開始叫咗好多點心， 當中一個點心拼盤只售19.8元， 如果一個人嚟食，真開心大滿足， 一次過滿足你五個願望 一個粥孖寶 揀咗一碗 鮮牛鯪魚球粥 併一個點心， 粥底好綿 牛肉新鮮鯪魚球都好新鮮， 炸雲吞熱辣辣， 最推介係 川椒豬手，只售60元。 茄子上面的鯪魚球都好豐滿， 山竹牛肉忘記影相 ， 茄子跟牛肉都各有四件，兩個人真的食唔曬 ，川椒豬手我預咗打包的，有下次。 推介。
繼續閱讀
最近網上介紹觀塘開咗間新酒樓，下午茶大、中、小點一律$19.8，於是趁今日放假和太太一起來品嘗下陳皮牛肉球，鹹水角，潮州粉果都係一籠有4件，件件細細粒似迷你咁滯又話陳皮牛肉球，連陳皮味都冇，4粒加埋都冇正常3粒咁大，潮州粉果就唔想食肥油油嘅朋友就最啱，唔多有油感覺表情流沙包～都感覺唔到係流沙包，仲竭達達過麻蓉包脆皮鮮蝦餛飩～得粒蝦米仔咁細嘅蝦肉(好過冇蝦肉)窩燒生煎包～就肉小皮厚，還可以**注意佢哋入點心單時會搞錯隔離枱啲單比埋他**
繼續閱讀