翠河餐廳 (已結業)

食咖喱雞扒飯,雞扒啖啖肉切件,完全無骨,及有煎過有味,再加埋味道香濃的咖喱汁,熱飯,撈飯一流!呢度啲西檸雞都好正,大份又脆口!生抄骨一般!脆但細粒,粉多過肉!熱啡ok!

雖然新春期間已經相當克制，沒怎麼吃過煎炸油膩的食品，但喉嚨似終在投訴，今天下班，爸媽仍在放假，又到了外公外婆家作客，就只餘下我一個人吃飯了。一個人吃飯，也不太講究，但求清淡一點就可以了；可是想來想起，也想不出個所以然來。行到荃新天地2期，留意到一間叫翠河的茶餐廳，人客頗多，加上看過餐牌，晚飯也有想吃的東西，且價錢相宜，也就不再挑剔了。侍應安排我坐到了卡位，餐牌選擇不少，既有是日晚餐，款式也有八九款，加上亦有一些特價小菜以供選擇。最初也是屬意點些金銀蛋時菜之類的清淡小菜，結果一款鹹蛋肉崧浸芥膽吸引了我的視線，雖然說穿了兩者的分別不會太明顯，但最少可以嚐嚐近期鮮有吃到的芥菜，也夠清淡，因此就點了這個，另加七個大洋要了碗白米飯及一杯熱飲。鹹蛋肉崧浸芥膽鹹蛋肉崧浸芥膽賣相不俗，高湯浸著芥菜膽，上面舖滿了肉崧及鹹蛋白花，份量適中（感覺上最少比太興那次吃的金銀蛋菠菜份量要多）拍照的當兒，已飄來陣陣芥菜的甘苦清香，煞是吸引。先喝了一口高湯，呈奶白色的高湯似是魚湯，味道頗鮮，相信或多或少滲雜了味素的成份，不過問題並不嚴重，可以接受。吃了一块芥菜，煮得夠腍，味道甘甜，感覺清淡，味道不俗。加上肉崧及蛋花，

因為同屋企人買咗飛晌UA睇戲，所以先過咗嚟荃新天地II期，其實I期比較多去，因為由西鐵站行返過嚟荃灣，好多時都經過I期，而且I期比較大，又多鋪頭同食肆，好行啲！ 由於完咗教會，過埋嚟都差唔多近兩點，距開場都係一個鐘鬆啲，所以就搵咗「翠河」落腳，茶餐廳格局，貪佢出嘢夠快，唔怕耽誤時間。估唔到，依個鐘數仲有啲旺，我哋都排咗10分鐘隊添，唔通真係咁好食？！午市套餐包飲品，全部劃一價$32，唔算貴，其他仲有啲炒粉麵，唔過$40，環境乾淨企理，枱凳又唔係拍得好逼，樓底又高，都OK喎，比起好多茶記坐得舒服！窩蛋牛肉意（午餐）$32窩蛋系嘅碟頭飯好耐無食，記得細細個時，快餐店 / 茶記都無依家咁多選擇，窩蛋免牛飯晌個時都幾熱門。依次專燈叫，都係食番兒時回憶。講番個意粉，食得出絕對就咁白烚，無味，兼且有丁點乾；肉醬感覺都係一般，都係單調嘅蕃茄、茄膏味，我諗加多少少洋蔥、蒜粒、香料提提味，味道層次好啲；不過，將濕潤嘅「窩蛋」跟肉醬、意粉撈勻之後，就係化學反應產生之時，味道不再單一，掛滿醬嘅意粉也變得柔潤得多。焗南瓜汁石斑飯（午餐）$32兩大塊青衣柳，其實雪藏貨式，都無乜美味可言。重點放晌個南瓜汁身上，以

本來想去x樂食的...不過又窄.又多人排隊先轉左去翠河食的.哈!!呢間店的老細肯定好鍾意翠河呢隻馬....入到呢間店,環境大同闊.聚舊的勝地.叫了一客炸雞脾.粟米.凍檸茶.要等15分鍾.凍檸茶.茶味濃.而且檸也落得慷慨..不會太甜..唔錯雞脾.粟米都係好熱的..雞脾控制時間.剛剛好...不會令..雞肉太韌又入味...又不會炸到的皮黑色..唔錯粟米只是超市賃加熱..無得評

在看讓子彈飛之前，當然要先讓肚皮飛一會。今天選擇了在戲院樓下的這一間翠河，因為這個商場真的沒甚麼好選擇。午餐餐牌寫明23號，看來是會每天更新。點了一個炸菜肉絲炆鴛鴦米，另外再點了一客常餐。常餐有牛油多士、火腿奄列、主食要了沙嗲牛肉米粉，再配熱飲，盛惠$32。牛油多士勉強有烘底，但牛油不太夠；火腿奄列的火腿不多，蛋也有點熟，一貫茶餐廳風格。沙嗲牛肉米粉不太夠味，其實沙嗲汁味道不錯，但湯底太多，沙嗲汁太少，變相不太夠味。餐飲熱菜蜜，重手，過甜了。午餐附送例湯，今天是蓮藕豬骨，雖有點味精，但我覺得不錯，感覺可能是整餐最好味的。炸菜肉絲炆鴛鴦米，鴛鴦米即米粉+粉絲，但吃下去感覺沒有粉絲，其實後來發覺不應叫兩個都是米粉的。炸菜肉絲不多，最慘不覺得是炆，吃下去感覺有點油，失望。侍應很好人，也很健談，是這間餐廳的一點清泉。餐廳有點似翠華，但沒八達通找數，除了裝修，配套都跟足會好ｄ。住這邊真的無啖好食，獨市生意，永遠不會令人進步。套用讓子彈飛的金句，就讓翠河飛一會，之後希望有更好的刺激一下吧。

不知道是否天氣仍然寒冷,最近同人出外吃飯都離不開打邊爐,原本又係表弟們極力推薦一間酒家打邊爐,可惜去到,今晚暫停,原來今晚全場都是辦喜宴,所以轉場到翠河,不過表弟們話這間的小菜都唔錯.我們各自點了幾道菜,有些還是之前他們吃過芝士蝦球焗西蘭花~~蝦球好爽彈馬蹄土魷蒸肉餅~~肉餅好鬆滑,又有土魷的鮮味,是全晚感覺最好的一道菜欖角醬燒小掛骨~~這個小掛骨炸得好香口,不過偏多瘦肉,如果多些肥肉部份,我會更喜愛,不過表弟覺得今次炸得過火些,有些燒焦咖哩中蝦粉絲煲~~上次他們吃過讚不絕口,今次完全兩回事,咖哩香濃度不足,而且成煲水汪汪看到已大打折扣,沒什吸引力艇妹炒麵~~原來是有些蝦,魷魚蔥做配料炒成,味道幾好,不過有些咸菠蘿雞絲炒飯~~簡單的一道炒飯,加上菠蘿的清香,幾好掃清以上六道菜,表妹問我們夠唔夠,表弟們話都差不多,但表妹說她還未飽,於是我同弟弟也附和了,再追加以下兩樣菜咖哩薯仔魚柳飯~~魚柳不知是否炸得太耐,雖然表面有些脆口,但肉質好硬實Xo醬爆雞球~~Xo醬的香辣,幾開胃這裡的小菜我覺得份量 偏少,今晚雖然有幾道菜有些失準,不過其餘的也不至於太差吧!

睇完戲...大約8點左右....經過過幾間荃新天地二期既食店都發覺冇咩岩食, 所以去返上次食過TEA覺得都唔差既茶餐廳, 其實佢環境同一般大型屋村既茶餐廳係冇咩分別既...都OK呀.當晚我地ORDER左兩個送 ..... 火腩炆大鱔 & 西蘭花炒蝦球 + 白飯 + 飲品 .... 都係D好普通既野... 唔知係唔係師傅心情唔好呢....鹹到爆囉 .... 不過還好我仲有杯"茶走", 算咁上下喇

2010年6月16日 荃灣 ( 翠河餐廳 - 4)家庭聚會，太座提議到這裡來。欖菜肉鬆四季豆(35元)，好香欖菜味，惹味可口。涼瓜味菜炆斑腩(45元)，涼瓜不苦，斑腩無乜味道，炸粉有點腍，味道全賴豆鼓及味菜了。椒鹽鮮魷(45元)，炸得香脆好味。乾煎茄汁大蝦(55元)，炒得乾身，蝦肉爽，配合茄汁，幾好味。魚香茄子煲(35元)，端上時，嗅到陣陣魚香，吃起來時，惹味可口。黑椒美果牛柳粒(45元)，腰果香脆，牛柳粒都好味。奶油豬(10元)，仍然好味。例湯(7元)，味道幾好，算多湯料，可惜湯面很多肥肉碎罷！環境感覺舒服，大家亦吃得滿意，這裡小菜絕對是經濟抵吃。

依家d 茶餐廳都比較迫, 呢度就坐得舒適喇!干炒豬扒公仔麵 - 個人而言炒公仔麵應該係乾身唔太油為好味. 呢個干炒豬扒公仔麵就做到呢2點, 而且豬扒入味又腍, 好味.送嘅例湯 - (霸王花煲豬骨) 雖然係送但無味精,清清地, ok.茶走 - 用黑白奶沖, 奶滑茶濃唔錯.

上完堂五點幾見有啲肚餓就黎左呢度食tea茶餐廳來說, 這裏環境真的不錯~叫左西多士配椒鹽雞中翼配凍奶茶($26)多士半塊, 雞翼三隻(好細隻)份量唔多, 唔算抵食多士執中, 雞翼食唔到椒鹽味, 好似冇乜味咁, 麻麻~奶茶ok, 味道偏多奶, 唔算濃, 但我唔太鐘意濃, 所以覺得唔錯~service一般, 收銀嗰位小姐冇乜禮貌~

2010年4月5日 ( 翠河餐廳 - 3 )是日清明節，今天要前往粉嶺拜山，早上，我倆先到翠河餐廳吃早餐，選吃了兩個早餐分別是豬柳漢堡拼沙嗲牛肉公仔麵及豆豉鯪魚拼煙肉米粉，飲品要了凍奶茶及熱鴛鴦，再加一個奶油豬仔包。食物質素仍然幾好，味道唔錯，我倆特別喜歡這裡環境，坐得很舒服，食得仍然滿意。

在荃新天地2期逛完商店，順道來到此店喝茶。以茶餐廳來說，此店外觀算新淨吸引，樓底十分高，位處A級商廈，室內掛了很多LCDTV，座位蠻多尤其是卡位，於是坐下來點了兩份下午茶餐(幸好趕及在6:30pm前落單)。先來的是一大份奶醬多士，鬆厚的加上粗粒花生醬，甜味剛好，香囗馥沃，配的港式奶茶，卻略嫌太濃及奶味不足，不過$18算是合格。另外一份是豬扒飽雞全翼配檸樂，友人吃這亦覺不錯，除了飽身鬆脆，瑞士汁鹵的雞翼也十分入味，注意此餐雖只售$24，但份量足夠作晚餐呢!埋單$42不收加一，以此優等鋪位地點加上無須等位，總体算得上價廉物美。

新春跟姨姨拜年,本打算到場內酒樓飲茶,只是三間也座無虛席,取道天橋到對面翠園時路經這間佔地不少的茶餐廳,看到仍有不少座位,那就即時決定由飲中茶轉為飲奶茶。桌面玻璃有著早餐/下午茶的餐牌,花多眼亂的同時也引得口水直流,結果大人先來個沙爹牛肉通粉+奶油豬茶餐配熱檸蜜。半個奶油豬烘得未夠鬆脆,麵包還有點點韌,牛油及練奶份量充足,牛油有點點牛油香,因為豬仔包未夠鬆脆,只是ok水準。沙嗲牛肉通粉大大一碗,以下午茶份量來說可算勁多!深色沙爹汁很香,質感很稠,混在湯底裡就不太黏口了;牛肉也有被梳打粉招呼過,所以也夠軟身,情況不算太過份;無坑通粉煮得軟硬度剛好,配著濃味沙爹汁相當冶味,大人也咕嚕咕嚕的把它吃光光。熱檸蜜蜜糖下得足夠,甜度充足但檸檬片卻是苦苦的,應該是來貨問題,檸檬令到飲品味道變得差了,無奈。自己的瑞士雞翼撈公仔麵同是大大一碗,看其份量應有個半大光麵,當午餐也足夠有餘!三件雞翼煮得深黑入味但肉質卻不會過粗,尤以雞翼尖最為入味,雞翼不算很肥美所以不太膩口,;瑞士汁味濃但不是很甜,反而鹹味偏重,未夠sweet哩。光身即食麵煮得還可, 只是本身質素問題麵質未夠Q, 要是煮得時間再少一些,多點彈

今日同左女友來食下午茶,叫左個炸脾加栗米,一個肉丁炒飯,嘩一食一淡,咸到呀,尤其係炸脾,d美極味好濃,好咸,我本身好食得咸,都頂唔順,好誇張,個肉丁飯相對冇咁咸,但除左咸,咩味都食唔到.呢度d小二都幾無禮貌,佢地比張單你係好大力掟落你枱面,而且一句多謝都無,真係奇怪,人地翠華個名咁勁,人地都好好禮貌,翠河個名爭一個字,但d食物同服務質素就差好遠,改下啦.

已是四點幾時間,仍然有午餐?原來過左2:30pm無左餐湯,又平D,不過款式已淨餘三款選擇。常餐$32,火腿奄列、牛油厚多士。多士唔熱又唔脆,有點韌,牛油查得薄到唔覺。豆豉鯪魚通粉,通粉好滑,好食。成大碗通粉,只得半邊豆豉鯪魚,真係極不合比例。浸住湯,變韌了。芝士吞拿魚意粉,原本芝士拼吞拿魚已經好好食,加上芝士和吞拿魚份量好足夠,每一著都很濃味,正!奶茶,唔夠熱,太多奶。翠華每樣野都好食,雖然翠河格局也走翠華路線,但「必要」的奶茶做唔好,其他食物亦未如理想,仍需大改進。