翠河餐廳 (已結業)

宵夜時間先食飯，唔使等，很多卡位，有得睇電視。它推出精選特價小菜，心諗細細碟正合我心意。但很多菜式都買清晒….阿姐話無菜心，芥蘭，無魚，無牛。其他食客實O嘴，好彩我唔食魚牛。我們點了蠔仔肉崧炆涼瓜 & 西檸雞，各加$9變套餐(跟白飯及例湯)。先來的例湯，青紅蘿蔔豬骨湯，好多湯茶足味。蠔仔肉崧炆涼瓜足料，涼瓜夠味，肉崧偏鹽。西檸雞一大碟，食晒一定好熱氣。加了酸酸D西檸汁中合熱氣感。西檸雞外皮脆口，雞肉有厚度，肉質嫩口，好味。 呢兩碟的小菜，一D都唔細，抵食。

住在粉嶺名都附近都冇咩餐廳可以揀黎黎去去都得果幾間餐廳，見翠河餐廳冇人排隊入去食過晚飯叫左兩樣野，一碟干炒牛河，另一碟蒸魚餐。碟牛河又油又冇獲氣，碟河粉仲好碎，落單前分附過少油，出黎到黎都係咁，蒸魚等左好耐，不過不失，外觀真係麻麻...

等人等到整個早餐都吃完，其實都挺過分。 沙嗲牛肉麵竟然沒什麼沙嗲醬，因平日的沙嗲牛肉麵，牛肉都鋪滿沙嗲醬，然後將可以用來撈麵。但這兒的居然沒什麼醬汁，牛肉還要有點老，幸好麵條不算太軟林，勉強還好。火腿炒蛋蒜香多士 炒蛋都幾多油，不太健康，火腿及多士均正正常常，沒有什麼特別。 茶走，味道不錯不算太甜但又有點煉奶味，用厚的玻璃杯有助保溫。近門口的卡位太大風，冬天別坐那兒。

難得星期日不用陪家人，便決定一個人出外行下街買下嘢，數一數手指，最後一次自己出街買嘢已是前兩年的事了。從粉嶺火車站下了小巴，步行約5分鐘，便來到粉嶺中心，為了添置一些家品，因而選擇來到粉嶺中心，原因好簡單，因為可以在商場內幾間售賣家品的店舖，作最精打細算的購物。為了讓自己能夠專心一致的購物，首要條件必然是先填飽個肚，恰巧步經翠河餐廳，見餐廳內人客甚多，證明此處食物質素應該不會太差吧~一人用餐，通常不用等位，店員隨即安排坐低。餐牌有多種選擇，由於搭枱嘅關係，並沒影低餐牌相。翻看多張餐牌之後，最終選擇是日精選套餐內嘅芝士焗肉醬意粉。食物上枱時一陣酸香味撲鼻而來，賣相也相當不錯，撈勻整碟意粉，不難發覺肉醬份量不少，而且芝士也不會過於濃稠，意粉也不會構成一撮撮狀態，也許是自己不太喜歡太軟的意粉，所以整體上總覺得有點美中不足。

下午茶時間, 見呢間新開張，就去踩場，店員比咗個卡位！門面光鮮新淨，裡面似西餐廳格局，呢段時間，好多茶餐廳都轉行高級路線！服務同裝修都仔細咗，呢間係其中一間，當然價錢亦無咁相宜！食物都以茶餐廳款式為主，落單之後食物好快到！雞絲銀芽炒麵：熱辣辣新鮮炒起，麵餅炸到脆卜卜，索晒啲汁嘅又淋，雙重口感，汁料材料多，雞肉軟滑，紅蘿蔔絲、芽菜爽口，仲有罐頭草菇，汁好多！好味！熱檸茶：夠熱夠濃，味道唔澀！用個奶白膠杯，個杯有耳仔方便攞！幾好！店員都好好笑容，服務勤快！真係一分錢一分貨！坐得舒服，不過廁所要行去對面商場廁所，唔算方便！