翠河餐廳 (已結業)

係度住左好耐 呢間真心難食 沙嗲金菇肥牛煲好似飲緊湯咁稀 無味.其他野食都係大部分茶記之下 利申：對呢間野無偏見 只係有時同父母係呢間野食飯 次次食我都覺得好低質 服務ok既 …查看更多

小弟已經係調景嶺住了6年見証依間茶記由(可以入口變成難食)從來未食過咁難食既茶記佢現在除晚市好少少以外早餐至下午茶時段真心難食真心希望佢快點關門大吉造福調景嶺居民…查看更多

平時返工趕頭趕命逼地鐵，根本就冇可能輕鬆自在咁嘆個早餐所以每逢放假都會嘆返個早餐，正所謂一日之計在於晨嘛今次點左豬肉漢堡，五香肉丁，太陽蛋公仔麵配熱鴛鴦，味道都唔錯，價錢都屬於普遍價，但侍應服務態度就嘛嘛地，冇記性之餘仲會成日落錯單。。。…查看更多

茶餐廳對香港人嚟講都算大眾最喜愛的食肆， 對我自己來講茶餐廳的確係一個不錯的選擇。尤其是一杯奶茶醒醒神是常規吧！ 佢哋嘅早餐同下午茶選擇都唔錯的。 聽講在紅磡分店有即磨咖啡， 但不是間間分店都有得供應。 如果每間都有即磨咖啡咁就好啦，咁可以多個選擇…查看更多

今日去探朋友點知朋友出左去，我唯有去揾間餐廳坐底等，我平時好少去連鎖集團餐，今日係星期日周圍都排隊，唯獨翠河唔洗排，我就入去叫左個午餐（干炒排骨意粉加杯凍咖啡），正常係落單後飲品會快過食物，今次反轉意粉落後2分鐘就巳經上左枱，我間個樓面個意粉點解會咁快上，點知得到一個好搞笑答案，因為我地廚房師傅一雙手同一時間炒3隻鑊，我即刻O哂咀，罷明係炒多左放係微波爐加熱，食落去無炒過香味，意粉夾上手就碎哂，唯獨只有咖啡緊緊合格，以後都係少食集團餐廳為妙。…查看更多

今日去咗翠河食午餐，叫咗個C餐「龍蝦汁肉眼扒拼雞扒意粉」。女侍應攞到嚟，望一望…心諗塊牛扒都好細吓，仲要色水咁怪，似豬扒多d喎。再問一問女侍應，佢就大大聲話佢地嘅肉眼扒即係豬扒！頂！咁大個人都係第一次聽到肉眼扒即係豬扒！咁大間連所食店，咁都要欺騙食客！最後，個龍蝦汁無龍蝦味就算，仲要咸到超晒標！無下次！…查看更多

調景嶺其實商場好多，野食選擇自然都多，但大部份都係連鎖餐廳，反而平靚正既餐廳就唔太多，有時趕時間或者唔想周圍去都會食下既，今次就試左翠河餐廳。午餐時間去，人唔算多，快速揀左個梅菜扣肉飯，$42連熱飲一杯。如圖所見，唔知係咪因為隻碟好大，感覺上飯就太少，女仔食既話應該夠飽既，我就唔夠啦哈哈扣肉都有5 6舊，而且都幾厚唔係就咁薄片，對得住個價錢既，咬落係林身果種，估計炆既時間都夠耐，但個問題係味道實在太咸了，梅菜本身已有一定既咸味，調味太濃喇，即使佢已經唔係比左咩汁但都太重味喇！要撈多啲飯同食完會比較口乾~ 不過另一樣可以讚一讚係平時扣肉呢啲都會係肥肉多啲，可能會擔心油膩，但呢到睇到佢係偏瘦既肉，加上無咩汁比，所以無肥膩既感覺，可以放心啲食啦。 好彩飲品係叫左熱檸茶，感覺可以中和下啲重口味，四十二蚊，試下無妨但應該少黎~…查看更多

*TEA TIME無心水食什麼,隨意點上丁麵配奶脆朱,餐飲跟凍奶茶*先來凍奶茶 茶削了點,但味道糖奶比例OK, 算好飲丁麵 彈牙,肉丁份量剛好 好滿意奶脆朱 微熱,包身脆口內鬆軟,奶就偏少 算可以總算沒有來錯,可以再光顧…查看更多

見正記滿座，所以我試下呢間。呢間冷清清，但裝修ok 。叫咗個午餐「沙爹金菇牛肉炒河」。d河粉係好碎、係斷開哂架！d汁無沙爹香味！肉好鬼多筋！金菇得好少！食咗兩啖已經無胃口再食！叫咗可樂，竟然要加$4！餐牌寫送熱飲，凍飲加$2，落單侍應又無講話可樂要加錢。而且餐牌上熱飲同可樂係同價，唔明點解要加錢，仲要係$4，凍飲都只係加$4咋嘛！我問侍應，佢話係公司規定，我覺得實在太唔合理喇！一定無下次！！寧願去麥當奴食仲好~…查看更多

早前新開張，新裝修了一輪，特地入去試下早餐之前係另一間茶記，menu 無大變動，唯獨係貴左 ，質素卻沒有提升沙牛面 + 牛油方包 + 熱奶茶 $24不值一提，令人最失望既係塊牛油方包 :(:(又淋又扁，仲要好皺熱奶茶仲可以接受上菜亦比其他茶記快 :)…查看更多

最近調景嶺有新食肆，立即去試下。原來是翠河餐廳，都有不少分店，我想應該唔差。門面光鮮，內部裝修新，及有不少掛牆電視。街坊茶餐廳必被！除晚餐外，其他小菜加＄８可跟白飯及湯／餐飲，而且款式都有不少選擇。黑椒牛仔骨　＄５０味道一般，牛仔骨肉淋但沒有肉味，份量足夠但賣相欠奉。蝦球鮮魷炒西蘭花　＄５５賣相可以夠鮮艷。鮮魷夠爽，蝦球只有４小件味道可以，火候夠。可惜西蘭花唔靚有苦味。凍奶茶＋＄２奶茶比例剛好，唔甜，幾好味道沒有驚喜，一次便算，期待有質素的食肆會好快在調景嶺出現…查看更多