翠園 (大埔超級城B區)

營業中

休息中

慶祝生日，同屋企人過黎食dinner, 叫左一席套餐，但味道同用料都真係好一般，唔好食，也沒有賣點，平日二千幾蚊一圍真係唔太值，而且上菜時間好古怪，一黎就黎三四樣，然後食晒都未有下一樣餸過黎，侍應服務都好一般，唔知係咪我地既位置太入，成日都無人理我地，要搵個侍應都要等勁耐先叫到人。成個套餐真係好令人失望，今次係因為未黎過翠園，咁啱有人生日，就話過黎試下，真係試完唔會再黎，同行既人之中無人一個覺得滿意

今晚一家人想出街食飯，所以就想試下大埔呢間岩岩新開既翠園。住大埔的人都知道，大埔有好多酒樓，但唔係間間都好食，環境又舒服。呢間新開翠園，環境好舒服而且乾淨衛生， 每次經過都好多人排隊，好彩有提前訂位，如果唔係都冇位食。本來想叫招牌菜乳豬糯米飯，但8點已經賣晒，唯有叫半隻燒鵝，半隻都係$180 ，抵，而且皮脆肉嫩南乳蚊豬肉好入味，送飯一流，仲有鮑魚粉絲煲的鮑魚爽口彈牙。總括呢餐飯食得好開心，下次一定要叫埋乳豬糯米飯

上星期日，入座安排極差，我們一行10人等大概等了兩個小時，因太多人取飛之後不在現場，叫到我們號碼的時候，我第一時間去取枱安排入座。他們叫我們等一等收拾桌面，大約3分鐘之後。他們話前面的號碼來了叫我們再等下一台。都不知道是否熟悉所以這樣的安排，他們已經取了我們的號碼飛安排入座為何還會給前面的客人呢？安排實在不行，本人決定以後不再幫襯似商店。

提前一日慶祝父親節，因為住附近新開左呢間翠園，之前想試都未試到，今次終於試左，味道非常好，雖然份量比一般酒樓小左d,其實可以用精致黎形客翠園d菜式，屋企人一邊食一邊讚好味，系一餐令人滿意嘅晚飯

今日提早同屋企人慶祝母親節，特登嚟試下新嘢，對美心集團當然其實無咩希望嘅，只希望有番咁上近嘅質數同服務咁啦，可惜 .... 落單時呀姐叫我慢慢講，ok 無問題，落完覆番我係啱嘅，不過最後都係落小一個，跟住有個 waiter 又係戇烚烚，叫咗個 "威士忌火焰生班翅"，嚟到要淋啲點著火嘅威士忌，點知支火槍唔 work，要攞過支，不過個 waiter 完全無講嘢就放低咗啲酒，唔知嘅真係以為可以即刻食，係咪應該講聲叫我哋等等呢？最尾想叫個甜品，又要問我兩次，跟住隔一輪先話我知賣哂，咁攞另一個甜品 menu 嚟睇下，點知全部無價錢，要我續個問幾錢？定你收我幾多都要比呢？當然出去食飯有時唔會計較咁多，不過都要知價㗎！埋單先知用 Visa Signature 有 88 折，但係枱面完全無寫，或者門口有我就無留意喇！最重要見到只係得叉燒係有煙，其他都無㗎！所以都應該無下次 lu

屋企人生日入左大埔食翠園book左枱，8點都算準時入席因為人數岩岩好，就叫左個6人餐所有菜既賣相唔差，但味道就可以再好少少以下一一點評琵琶豬半隻: 脆，但咸得過份金鑽貴妃蝦球:蝦係爽，但粉太厚，隻汁酸酸甜甜都唔錯，伴碟應該係炸牛奶，味道怪怪地松露醬玉帶花姿:松露味唔太重，帶子就比較細粒，花枝同西蘭花就不過不失碧綠玉環瑤柱甫: 正常味道，但瑤柱幾淋，但偏細，豆苗都好嫩花膠雞絲燴燕窩: 正常味道原隻鮑魚伴花菇: 汁係正常，但鮑魚同花菇大細不一，大果隻花菇係細既3倍，口感唔錯清蒸沙巴花尾斑: 正常味道餐脆燒雞半隻: 咸，好咸，肉好散荷葉飯: 味道幾好，但略嫌濕左少少，一隻大概2碗飯左右芋茸珍珠露: 首先唔係芋茸，係芋粒，口感不一，比較甜蟠桃包: 皮薄，大細合理，味道正常橙汁: 得一渣，每人唔夠半杯總結: 6人餐不可一可再，但我都唔會再黎食

雖然我就唔係住大埔 但每個月總有一兩次入大埔搵auntie飲茶大埔大部份酒樓都食過嚕 咁岩開咗新野 梗係要試試啦翠園開係吉野家對面 鋪面都幾細 差d見唔到個入口 哈哈入面環境幾好 好乾淨好清靜 靜過同區既茶樓實在太好 我真係好怕酒樓嘈生晒《凰爪排骨飯》唔錯喎 份量岩岩好 d飯好乾身 軟硬適中見到差唔多枱枱都有叫 一定係必食啦掛《金絲鵝肝天鵝酥》有四件 外型好可愛！本來以為個鵝頭硬到死 係咪唔食得嫁原來係食得嫁 個天鵝酥都酥脆 唔錯啦 都唔算太油《招牌酥脆鮮蝦腸粉》有六七件 好食 上枱熱辣辣 因為已經食到好鬼飽 放咗好耐都未食但入面個脆脆都唔會淋咗 隻蝦好爽  不錯喔整體表現可以 比同區既酒樓可能貴少少 係值既以後入大埔飲茶就呢到啦 好yeah

閒日放假，和屋企人特意去新開的翠園捧場，明知價錢唔平，但想試下質素係點，點知大失所望，一定冇下次。職員唔helpful，上菜好慢，喝茶都要限時。個腸粉入面勁油，豬腳薑勁多豬毛，個生煎包又係得個油字，皮勁厚。三個字：好難食

同屋企人去翠園飲茶，大埔既分店係新開既，地點算就腳，附近又可以行住街等位，幾方便。叫左好幾樣野，同大家分享一下幾樣我覺得唔錯既點心。平時我少食糯米雞，驚佢太濕太多汁同埋好鹹，不過煎完好乾身、外皮脆卜卜，亦唔會太鹹，岩岩好。呢個係蝦腸入面包多層脆皮，雖然包係入面，不過都係脆既，蝦仁又夠大粒，好食。呢個就一般，鹹左少少，不過份量都唔少，舊舊都咁大舊。呢個就肉左少少，除左有成塊雞肉係上面，下面係豬肉，唔好肉既朋友唔好叫啦。最後叫左個芒甸作結，入面有真 · 芒果肉，食落口唔似開粉，都叫大杯，如果有埋花奶就一流了。

去左3次，一樣都冇進步過，服務麻麻都冇所謂，可能請既樓面冇經驗，門口分配位0個幾位大嬸，叫親佢入單，就話等等，逗利是既時候又唔見你咁講，茶方面，冇味，食物唔得，完全同沙田翠園冇得比

是日晚餐一行7人，點了六人海斑餐，這次是我們第一次到大埔中心新開的翠園享用晚餐。一直以為翠園食物質素過得去，怎知每道菜食物味道超咸，雖然明白這是主觀問題，但家裏各人都認為每味菜超級咸。服務員態度尚可希望這食店日後能有所改善

太好了，大埔超級城開番一間有質素的酒樓，之前係其他分店食過晚飯，覺得不錯，今次，年初三赤口唔去拜年，就同屋企人一齊去飲茶，我地六個人點左13樣點心，有啲唔記得影😅，真心全部都好好味😋，點心夠熱，款式多又有新款💫，點心又離得快👍🏻，推薦，店員服務幾好，又快，不似別的酒樓啲侍應成日扮睇唔到😥。環境舒服，期待下次，試食其他點心😋😋😋

大埔新茶樓最近開張…雖然知道都是美心集團旗下的店舖，菜式味道亦與其他美心茶樓差吾多，但係亦會有一些期待茶樓裏面的裝修簡單但不失典雅，室內光線亦尚算充足，但是枱與枱之間的空間不太足夠，給予客人一種無形壓迫感，而且通道亦較窄，希望菜樓能有所注意，日後能有所改善食物方面，味道不俗而且上菜亦快， 值得一讚員工態度方面，可能因為新店開張，對於運作不是太熟悉，在進餐期間亦見有些員工較緊張，但部分員工的態度有禮熱誠